𐴁𐴡𐴌𐴔𐴥𐴝 𐴘𐴠 𐴋𐴞𐴏𐴡𐴔𐴁𐴡𐴌 𐴔𐴝𐴐𐴡𐴃 𐴳 𐴇𐴥𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴖𐴝𐴉𐴠𐴏𐴢 𐴓𐴡𐴘 𐴎𐴝𐴘𐴁𐴤𐴡 𐴱𐴱

𐴂𐴝𐴘𐴓𐴥𐴡𐴄 𐴂𐴡𐴌𐴡𐴅𐴤𐴠𐴑𐴄 𐴏𐴟𐴑𐴃𐴞 𐴔𐴡𐴎𐴞𐴕 𐴕𐴞𐴎 𐴀𐴞𐴏𐴧𐴥𐴝 𐴘𐴠 𐴎𐴡𐴀𐴡𐴙𐴕𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 , 𐴋𐴞𐴏𐴡𐴔𐴁𐴡𐴌 𐴔𐴝𐴐𐴡𐴃 𐴖𐴝𐴉𐴠𐴏𐴢 𐴓𐴡𐴘 𐴎𐴝𐴘𐴁𐴤𐴡 𐴁𐴡𐴓𐴞 , 𐴴 / 𐴹 / 𐴳 𐴲 𐴰 𐴲 𐴐𐴤𐴡𐴔 𐴁𐴝𐴌𐴠 𐴁𐴡𐴌𐴔𐴥𐴝𐴌 𐴌𐴝𐴎𐴊𐴤𐴝𐴕𐴞 𐴕𐴠𐴂𐴙𐴠 𐴋𐴦𐴡𐴃 𐴒𐴡𐴙𐴅𐴧𐴤𐴙𐴠𐴊𐴠 , 𐴋𐴤𐴝𐴑𐴝- 𐴕𐴠𐴂𐴙𐴠 𐴋𐴦𐴡 𐴊𐴟𐴘 𐴊𐴠𐴐𐴤𐴡𐴌 𐴋𐴡𐴣𐴀𐴡𐴌 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴡𐴌 𐴔𐴞𐴄𐴤𐴞𐴚𐴡𐴃 𐴉𐴥𐴝𐴘𐴏𐴠𐴓𐴝 𐴀𐴥𐴡𐴘𐴧𐴠 𐴁𐴡𐴓𐴞 , 𐴁𐴞𐴐𐴧𐴤𐴝𐴐𐴞 𐴈𐴥𐴡𐴁𐴡𐴌𐴡𐴌 𐴎𐴡𐴌𐴞𐴘𐴝 𐴎𐴝𐴕𐴝 𐴒𐴞𐴘𐴠 𐴱𐴱

𐴁𐴡𐴘𐴍𐴥𐴡𐴑𐴡𐴌 𐴐𐴤𐴠𐴐𐴠 𐴁𐴝𐴚𐴓𐴝𐴊𐴠𐴐𐴡𐴌 𐴕𐴡𐴔𐴝𐴙𐴕𐴊𐴝 𐴀𐴥𐴡𐴑𐴧𐴡𐴓𐴠 𐴖𐴝𐴉𐴠𐴏𐴞𐴌 𐴁𐴝𐴁𐴡𐴃𐴠 𐴃𐴞𐴕 𐴇𐴥𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝𐴌 𐴓𐴞𐴐𐴄𐴤𐴞 𐴁𐴡𐴌𐴔𐴥𐴝𐴌 𐴕𐴡𐴔𐴝𐴙𐴕𐴊𐴝 𐴌𐴥𐴠 𐴊𐴞𐴘𐴠 , 𐴎𐴡𐴊𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴊𐴠𐴐𐴤𐴡𐴃 𐴖𐴝𐴉𐴠𐴏𐴢 𐴎𐴡𐴀𐴡𐴕𐴡𐴃 𐴐𐴤𐴝𐴕𐴃𐴞 𐴕𐴞𐴌𐴝𐴉𐴡𐴃𐴧𐴝 𐴉𐴝𐴘𐴁𐴡𐴊𐴠 𐴘𐴥𐴝𐴀𐴝𐴕 𐴁𐴞𐴐𐴧𐴤𐴝𐴐𐴢 𐴕𐴡 𐴒𐴡𐴌𐴥𐴠𐴌 𐴊𐴠 𐴀𐴥𐴡𐴘𐴓𐴠 , 𐴁𐴝𐴚𐴓𐴝𐴊𐴠𐴐𐴤𐴠 𐴈𐴡𐴕𐴥𐴡 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴁𐴡𐴓𐴝𐴎𐴟𐴌𐴞 𐴀𐴝𐴌𐴑𐴝𐴕𐴡𐴃 𐴕𐴡 𐴉𐴡𐴣𐴀𐴡𐴏𐴝𐴘 𐴁𐴡 𐴊𐴠 𐴘𐴥𐴝𐴀𐴝𐴕 𐴎𐴝𐴕𐴝 𐴒𐴞𐴘𐴠 , 𐴃𐴡𐴁𐴠 𐴘𐴥𐴡 𐴖𐴝𐴉𐴠𐴏𐴞 𐴐𐴤𐴟𐴌𐴟 𐴀𐴥𐴡𐴘𐴁𐴝𐴌 𐴀𐴝𐴒𐴠 𐴁𐴡𐴌𐴔𐴥𐴝𐴌 𐴕𐴡𐴔𐴝𐴙𐴕𐴊𐴝 𐴋𐴝𐴀𐴝𐴘 𐴀𐴟𐴒𐴧𐴤𐴗𐴝 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴝𐴀𐴝𐴘 , 𐴎𐴝𐴘𐴁𐴝𐴌 𐴀𐴞𐴏𐴧𐴥𐴝 𐴒𐴡𐴌𐴥𐴠𐴌 𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴓𐴡𐴘 𐴔𐴡𐴐𐴖𐴝𐴌𐴝 𐴒𐴡𐴌𐴥𐴞𐴁𐴤𐴡 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴠 𐴱𐴱

𐴘𐴝𐴀𐴝𐴌 𐴀𐴝𐴒𐴠 𐴔𐴠 𐴔𐴝𐴐𐴡𐴌 𐴵 𐴃𐴝𐴌𐴥𐴞𐴑𐴡𐴃 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴖𐴝𐴉𐴠𐴏𐴞𐴌 𐴁𐴝𐴁𐴡𐴃𐴠 𐴀𐴝𐴌𐴑𐴝𐴕𐴡𐴌 𐴇𐴥𐴝𐴓 𐴇𐴥𐴝𐴓𐴡𐴃 𐴀𐴝𐴌 𐴃𐴡𐴘𐴧𐴝𐴌𐴞 𐴏𐴝𐴘𐴁𐴤𐴡𐴓𐴧𐴝 , 𐴑𐴠𐴀𐴠𐴔 𐴁𐴤𐴝𐴐𐴞 𐴰 𐴲 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴐𐴤𐴡𐴣𐴀𐴡 𐴁𐴝𐴚𐴓𐴝𐴊𐴠𐴐𐴤𐴞 𐴑𐴠𐴙𐴏𐴧𐴥𐴟 𐴎𐴞𐴔𐴧𐴝𐴊𐴝𐴌 𐴔𐴞𐴓𐴝𐴘 𐴷 𐴲 𐴎𐴡𐴙𐴕𐴧𐴝 𐴋𐴝𐴀𐴝𐴘 𐴀𐴟𐴒𐴧𐴤𐴗𐴝 𐴒𐴞𐴀𐴞𐴓 𐴱𐴱

𐴀𐴝𐴌 𐴀𐴝𐴌 𐴀𐴝𐴌 𐴏𐴞 𐴀𐴡𐴉𐴥𐴞𐴏𐴡𐴌 𐴎𐴡𐴌𐴞𐴘𐴝 𐴎𐴝𐴕𐴝 𐴒𐴞𐴘𐴠𐴊𐴠 … 𐴷 𐴱 𐴰 𐴲 𐴀𐴡𐴒𐴤𐴡𐴏𐴄 𐴔𐴝𐴐𐴡𐴌 𐴵 𐴲 𐴃𐴝𐴌𐴥𐴑𐴡𐴃 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴁𐴝𐴚𐴓𐴝𐴊𐴠𐴐𐴡𐴃 𐴒𐴤𐴡𐴓𐴡𐴕𐴡𐴌 𐴁𐴦𐴝𐴊𐴠 , 𐴸 𐴱 𐴰 𐴲 𐴐𐴤𐴡𐴕𐴡𐴃 𐴸 𐴓𐴝𐴑𐴤 𐴲 𐴸 𐴇𐴥𐴝𐴎𐴝𐴌 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝𐴌 𐴓𐴞𐴐𐴄𐴤𐴞 𐴀𐴠𐴑𐴧𐴤𐴝𐴕 𐴁𐴝𐴚𐴓𐴝𐴊𐴠𐴐𐴠 𐴁𐴡𐴌𐴔𐴥𐴝𐴌𐴠 𐴊𐴞𐴀𐴞𐴓 , 𐴁𐴡𐴌𐴔𐴥𐴝 𐴘𐴠 𐴎𐴝𐴣𐴏𐴝𐴘 𐴁𐴝𐴏𐴥𐴝𐴘 𐴒𐴡𐴌𐴥𐴞 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌𐴃𐴧𐴟 𐴐𐴤𐴟𐴊𐴠 𐴶 𐴵 𐴇𐴥𐴝𐴎𐴝𐴌 𐴎𐴡𐴕𐴡𐴌 𐴓𐴞𐴐𐴄𐴤𐴞 𐴀𐴠𐴑𐴧𐴤𐴝𐴕 , 𐴁𐴡𐴌𐴔𐴥𐴝 𐴘𐴠 𐴁𐴝𐴚𐴓𐴝𐴊𐴠𐴐𐴡𐴌 𐴈𐴝𐴣𐴏𐴥𐴠 𐴉𐴥𐴠𐴌𐴡𐴃 𐴉𐴝𐴄𐴤𐴝𐴀𐴝𐴙𐴓 𐴱𐴱

Sources : Ukhiyanews.com