𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴔𐴞𐴓𐴝𐴘𐴧𐴝 𐴉𐴥𐴡𐴗𐴏𐴡𐴌 𐴇𐴥𐴝𐴔𐴓𐴝 𐴐𐴤𐴟𐴌𐴟 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴑𐴤𐴟𐴕𐴞 𐴒𐴤𐴡𐴄𐴡𐴕𐴝 ، 𐴇𐴥𐴝𐴘𐴅𐴤𐴠𐴑 𐴒𐴡𐴌𐴥𐴝 ، 𐴏𐴝𐴣𐴊𐴝𐴁𐴝𐴎𐴞 ، 𐴕𐴞𐴐𐴤𐴝𐴌 𐴈𐴝𐴌𐴁𐴝𐴌 𐴀𐴝𐴌 𐴏𐴟𐴌𐴝𐴏𐴝𐴓𐴝𐴕 ، 𐴀𐴞𐴀𐴞𐴕 𐴑𐴡𐴕𐴄𐴟𐴌𐴟𐴓𐴡𐴃 𐴀𐴝𐴕𐴥𐴞 𐴊𐴝𐴊𐴝𐴒𐴞𐴌𐴞 𐴒𐴡𐴌𐴥𐴞𐴁𐴤𐴡𐴓𐴧𐴝 ، 𐴈𐴡𐴀𐴠𐴑 𐴒𐴟𐴌𐴥𐴟𐴉𐴡𐴌 𐴀𐴝𐴉𐴥𐴡𐴏𐴡𐴃 𐴔𐴝𐴌𐴝 𐴔𐴝𐴌𐴞 𐴒𐴤𐴡𐴄𐴠𐴌 ، 𐴀𐴠𐴈𐴥𐴡𐴕 𐴌𐴟𐴇𐴝𐴙𐴚𐴒𐴙𐴝 𐴏𐴥𐴡𐴚𐴑𐴡𐴄𐴡𐴌 𐴏𐴥𐴡 𐴁𐴡𐴏𐴥𐴡𐴌 𐴉𐴟𐴌𐴝𐴘 𐴓𐴥𐴠 𐴘𐴥𐴡 ، 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴖𐴝𐴉𐴠𐴏𐴢 𐴊𐴠𐴐𐴤𐴡𐴃 𐴎𐴝𐴘 𐴉𐴝𐴌𐴞𐴁𐴤𐴝𐴌 𐴈𐴡𐴕𐴥𐴡 𐴀𐴝𐴐𐴤𐴝 𐴁𐴤𐴡𐴌𐴡𐴐𐴝 𐴕𐴥𐴝𐴘 ، 𐴕𐴝𐴕𐴝𐴕 𐴋𐴡𐴀𐴡𐴙𐴓𐴧𐴝 𐴀𐴡𐴉𐴥𐴡𐴌𐴝𐴊 𐴒𐴡𐴌𐴥𐴡𐴕𐴡𐴌 𐴎𐴡𐴌𐴞𐴘𐴝 ، 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴁𐴝𐴚𐴓𐴝𐴊𐴠𐴐𐴤𐴡𐴌 𐴓𐴧𐴝 𐴉𐴟𐴣𐴎𐴤𐴝 𐴀𐴥𐴡𐴘𐴧𐴠 𐴱𐴱

𐴊𐴠𐴐𐴤𐴡𐴃 𐴖𐴝𐴉𐴠𐴏𐴢 𐴎𐴝𐴀𐴝 𐴊𐴠𐴌𐴞 𐴀𐴥𐴡𐴀𐴡𐴕𐴡𐴌 𐴈𐴝𐴌𐴡𐴕𐴠 𐴌𐴟𐴇𐴝𐴙𐴚𐴙𐴝 𐴀𐴥𐴡𐴑𐴧𐴡𐴓 𐴏𐴠𐴕𐴥𐴞 𐴕𐴡 𐴉𐴝𐴌𐴥𐴠 𐴉𐴝𐴀𐴝𐴕 𐴁𐴤𐴠𐴐𐴢 𐴊𐴤𐴡𐴌𐴞 𐴊𐴠𐴐𐴤𐴡𐴌 𐴑𐴟𐴕𐴝 𐴑𐴟𐴕𐴝 𐴎𐴝𐴘 ، 𐴎𐴠 𐴈𐴡𐴕𐴥𐴡 𐴑𐴟𐴐𐴤𐴡𐴓𐴠 𐴁𐴝𐴚𐴓𐴝𐴊𐴠𐴐𐴤𐴞 𐴂𐴦𐴝𐴏𐴂𐴟𐴄 𐴇𐴥𐴝𐴏𐴠𐴓 𐴒𐴡𐴙𐴅𐴧𐴙𐴤𐴠 ، 𐴀𐴠 𐴁𐴤𐴝𐴉𐴠 𐴊𐴞𐴕𐴡𐴃𐴧𐴟𐴤 𐴊𐴞𐴕𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴁𐴝𐴚𐴓𐴝𐴊𐴠𐴐𐴤𐴡𐴌 𐴓𐴧𐴝 𐴁𐴞𐴐𐴢 𐴉𐴥𐴟𐴌𐴥𐴝 𐴀𐴥𐴡𐴘𐴧𐴠 ، 𐴑𐴠𐴀𐴠𐴔𐴡𐴌 𐴀𐴝𐴙𐴕 𐴐𐴤𐴝𐴕𐴃𐴞 𐴉𐴥𐴡𐴗𐴏𐴡𐴌 𐴌𐴠𐴂𐴟𐴄 𐴔𐴡𐴎𐴞𐴕 ، 𐴑𐴝𐴑𐴏𐴡 𐴁𐴝𐴎𐴝𐴌𐴡𐴌 𐴀𐴟𐴑𐴤𐴞𐴘𐴝 𐴀𐴝𐴌 𐴄𐴠𐴑𐴕𐴝𐴉𐴡𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔 𐴀𐴥𐴡𐴑𐴧𐴡𐴓𐴡𐴃 𐴒𐴡𐴃𐴡 𐴏𐴥𐴡 𐴁𐴡𐴏𐴥𐴡𐴌𐴡𐴃 𐴊𐴟𐴘 𐴐𐴤𐴡𐴃𐴡𐴌 𐴀𐴟𐴖𐴡𐴌𐴠 𐴑𐴤𐴟𐴕𐴞 𐴒𐴤𐴡𐴄𐴡𐴕𐴝 𐴀𐴥𐴡𐴘𐴧𐴠 𐴱𐴱

𐴈𐴡𐴔𐴡𐴃 𐴰 𐴱 – 𐴲 𐴱 𐴖𐴝 𐴁𐴡𐴌𐴔𐴥𐴝𐴌 𐴌𐴟𐴇𐴝𐴙𐴚𐴒𐴙𐴝 𐴀𐴝𐴃𐴡𐴚𐴁𐴝𐴊𐴞 𐴋𐴝𐴀𐴝𐴘 𐴀𐴥𐴡𐴑𐴧𐴡𐴓𐴠 𐴕𐴞𐴐𐴤𐴝 ، 𐴏𐴟𐴌𐴝𐴏𐴝𐴓𐴝𐴕 𐴀𐴝𐴌 𐴇𐴥𐴝𐴘𐴅𐴤𐴠𐴑𐴡𐴌 𐴄𐴞𐴛𐴝 𐴁𐴤𐴝𐴑 𐴒𐴡𐴌𐴥𐴝𐴃 𐴀𐴝𐴌 𐴑𐴠𐴀𐴠𐴔𐴡𐴃 𐴊𐴝𐴊𐴝𐴒𐴞𐴌𐴞 𐴑𐴡𐴁𐴎𐴝 𐴎𐴡𐴔𐴝𐴘 𐴁𐴤𐴡𐴓𐴧𐴝 𐴑𐴤𐴟𐴕 𐴀𐴞𐴀𐴞𐴕 𐴀𐴥𐴡𐴘𐴧𐴠𐴊𐴠 ،𐴀𐴠 𐴀𐴝𐴁𐴡𐴏𐴃𐴤𐴝𐴌 𐴏𐴥𐴡𐴁𐴡𐴁𐴠 𐴒𐴡𐴃𐴡 𐴈𐴝𐴙𐴓𐴧𐴝 𐴐𐴤𐴡𐴕𐴞 𐴁𐴝𐴌𐴠 𐴌𐴟𐴅𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴎𐴡𐴗𐴃 𐴉𐴥𐴡𐴗𐴏𐴠 𐴇𐴥𐴝𐴔𐴓𐴝 𐴏𐴝𐴓𐴝𐴘𐴧𐴠 𐴱𐴱

Sources : Ukhiyanews.com