𐴌𐴟𐴇𐴝𐴙𐴚𐴒𐴙𐴝 𐴌𐴠 𐴖𐴝𐴉𐴠𐴏𐴢 𐴕𐴞𐴎𐴝𐴘𐴁𐴤𐴝𐴌 𐴆𐴦𐴝𐴣𐴏𐴢 𐴈𐴡𐴔 𐴱𐴱

𐴁𐴝𐴚𐴓𐴝𐴊𐴠𐴐𐴤𐴡𐴃 𐴏𐴥𐴝𐴀𐴝𐴌𐴝 𐴓𐴡𐴘 𐴃𐴤𐴝𐴑𐴠𐴌 𐴊𐴠 𐴰 𐴱 𐴓𐴝𐴑𐴤𐴡𐴌 𐴁𐴠𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 ، 𐴕𐴞𐴎𐴡𐴌 𐴊𐴠𐴐𐴢 𐴁𐴡𐴌𐴔𐴥𐴝𐴃 𐴖𐴝𐴉𐴠𐴏𐴢 𐴎𐴝𐴘 𐴉𐴝𐴌𐴡𐴕𐴡𐴌 𐴆𐴦𐴝𐴣𐴏𐴢 𐴁𐴠𐴐𐴤𐴞 𐴈𐴡𐴔 ، 𐴷 𐴱 𐴰 𐴲 𐴐𐴤𐴡𐴕 𐴀𐴡𐴒𐴤𐴡𐴏𐴄 𐴔𐴝𐴐𐴡𐴌 𐴷 𐴱 𐴃𐴝𐴌𐴥𐴞𐴑𐴡𐴃 ، 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞 𐴘𐴠 𐴀𐴝𐴌𐴑𐴝𐴕𐴡𐴃 𐴎𐴝𐴃𐴈𐴥𐴡𐴙𐴃𐴧𐴝 𐴑𐴝𐴌𐴖𐴝𐴘 𐴒𐴡𐴌𐴥𐴞 ، 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡 𐴌𐴠 𐴊𐴠𐴐𐴢 𐴏𐴥𐴝𐴌𐴝 𐴒𐴡𐴙𐴅𐴧𐴙𐴤𐴠 𐴊𐴠 𐴏𐴥𐴡 𐴁𐴡𐴏𐴥𐴡𐴌 𐴉𐴟𐴌𐴝𐴀𐴝𐴌 ، 𐴀𐴠 𐴀𐴡𐴑𐴃𐴤𐴡𐴃 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞𐴌 𐴅𐴡𐴕𐴡𐴌𐴡𐴓 𐴀𐴥𐴡𐴑𐴧𐴡𐴓𐴠 𐴀𐴞𐴕𐴏𐴝𐴕𐴞𐴘𐴡𐴃𐴡𐴌 𐴁𐴠𐴌𐴟𐴊𐴧𐴞𐴤 𐴀𐴡𐴉𐴥𐴡𐴌𐴝𐴊 𐴒𐴡𐴌𐴥𐴠𐴌 𐴀𐴝𐴌 𐴂𐴝𐴂𐴓𐴥𐴞𐴑 𐴔𐴝𐴌𐴞 𐴉𐴥𐴠𐴓𐴝𐴌 ، 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝 𐴘𐴠 𐴑𐴠𐴙𐴏𐴧𐴟𐴥 𐴒𐴡𐴌𐴥𐴞 𐴕𐴡 𐴉𐴝𐴌𐴥𐴠𐴌 𐴱𐴱

𐴊𐴠𐴐𐴁𐴞𐴊𐴠𐴐𐴤𐴞 𐴀𐴞𐴕𐴏𐴦𐴝𐴕𐴞 𐴇𐴥𐴡𐴑𐴧𐴡𐴌 𐴃𐴡𐴕𐴎𐴞𐴔 ، 𐴇𐴙𐴟𐴔𐴥𐴠𐴕 𐴌𐴥𐴝𐴙𐴄 𐴖𐴥𐴝𐴆𐴠 𐴒𐴡𐴃𐴡 𐴌𐴦𐴡𐴘 𐴁𐴝𐴌𐴠 𐴌𐴠𐴂𐴟𐴄 𐴘𐴝𐴀𐴝𐴕 𐴈𐴡𐴘𐴧𐴠𐴊𐴠 ، 𐴷 𐴱 𐴰 𐴲 𐴐𐴤𐴡𐴕𐴡𐴃 𐴁𐴡𐴌𐴔𐴥𐴝𐴃𐴧𐴟 𐴊𐴤𐴝𐴘 𐴁𐴝𐴚𐴓𐴝𐴊𐴠𐴐𐴤𐴡𐴃 𐴏𐴥𐴝𐴀𐴝𐴌𐴝 𐴓𐴡𐴘𐴧𐴠𐴊𐴠 𐴇𐴥𐴝𐴣𐴃 𐴓𐴝𐴑𐴤 𐴃𐴞𐴌𐴥𐴞𐴐𐴢 𐴇𐴥𐴝𐴎𐴝𐴌𐴡𐴌 𐴁𐴠𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 ، 𐴑𐴠𐴀𐴠𐴔 𐴀𐴥𐴡𐴑𐴧𐴡𐴓𐴡𐴃 𐴁𐴠𐴐𐴤𐴞 𐴑𐴟𐴣𐴃𐴝 𐴑𐴟𐴙𐴃𐴧𐴝 𐴀𐴝𐴁𐴡𐴏𐴃𐴤𐴝𐴃 𐴏𐴡𐴓𐴝𐴉𐴥𐴞𐴌𐴝 𐴒𐴡𐴌𐴥𐴝 𐴉𐴡𐴌𐴠𐴌 𐴱𐴱

𐴇𐴙𐴟𐴔𐴥𐴠𐴕 𐴌𐴥𐴝𐴙𐴄 𐴖𐴥𐴝𐴆𐴡𐴌 𐴀𐴞𐴐𐴤𐴞𐴘𐴝𐴌 𐴊𐴠𐴐𐴤𐴡𐴌 𐴃𐴡𐴊𐴡𐴕𐴃𐴡𐴑𐴝𐴌 / 𐴐𐴝𐴘𐴕𐴝 𐴁𐴡𐴏𐴕𐴝𐴌𐴠 𐴈𐴡𐴘𐴧𐴠𐴊𐴠 ، 𐴁𐴝𐴚𐴓𐴝𐴊𐴠𐴐𐴢 𐴀𐴝𐴌 𐴁𐴡𐴌𐴔𐴥𐴝𐴌 𐴐𐴤𐴞𐴔𐴝𐴃 𐴁𐴡𐴐𐴤𐴡𐴃𐴞 𐴒𐴡𐴌𐴥𐴠𐴌 𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴊𐴠𐴐𐴢 𐴏𐴥𐴝𐴌𐴝 𐴇𐴥𐴝𐴓𐴡𐴃𐴡𐴃 𐴉𐴡𐴌𐴞 𐴒𐴞𐴘𐴡𐴘 ، 𐴃𐴝𐴌𐴥𐴝 𐴕𐴞𐴎𐴡𐴌 𐴔𐴟𐴓 𐴇𐴥𐴡𐴑𐴧𐴡𐴌 𐴃𐴟 𐴘𐴥𐴡 𐴔𐴝𐴇𐴌𐴟𐴔 ، 𐴃𐴝𐴌𐴥𐴝 𐴀𐴞𐴕𐴏𐴦𐴝𐴉𐴢 𐴉𐴝𐴘𐴁𐴝𐴌 𐴀𐴝𐴌 𐴕𐴞𐴎 𐴊𐴠𐴐𐴤𐴡𐴃 𐴖𐴝𐴉𐴠𐴏𐴢 𐴎𐴝𐴘𐴁𐴝𐴌 𐴀𐴠𐴕𐴃𐴠𐴎𐴝𐴌𐴡𐴃 𐴀𐴝𐴏𐴥𐴠 𐴱𐴱

Sources : Ukhiyanews.com