𐴎𐴞𐴘𐴡𐴓 𐴔𐴝𐴉𐴢 𐴒𐴡𐴌𐴥𐴞 𐴀𐴠𐴌𐴞 𐴊𐴞𐴘𐴠𐴊𐴠 𐴏𐴝𐴙𐴌 𐴐𐴤𐴡𐴃𐴡𐴌 𐴀𐴟𐴖𐴡𐴌𐴠 𐴌𐴟𐴇𐴝𐴙𐴚𐴒𐴙𐴝 𐴖𐴝𐴉𐴠𐴏𐴢 𐴀𐴝𐴌𐴑𐴝𐴕𐴡𐴃 𐴉𐴡𐴣𐴀𐴡𐴏𐴝𐴘𐴧𐴠 𐴱𐴱

𐴁𐴡𐴌𐴔𐴥𐴝𐴌 𐴎𐴝𐴒𐴝 𐴁𐴡𐴎𐴝𐴒𐴝𐴌 𐴎𐴞𐴘𐴡𐴓𐴡𐴌𐴃𐴧𐴟 , 𐴎𐴞𐴘𐴡𐴓 𐴔𐴝𐴉𐴢 𐴒𐴡𐴌𐴥𐴞 , 𐴀𐴠𐴌𐴞 𐴊𐴞𐴘𐴠𐴊𐴠 𐴰 𐴴 𐴴 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 , 𐴀𐴡𐴒𐴤𐴡𐴏𐴄 𐴔𐴝𐴐𐴡𐴌 𐴶 𐴱 𐴃𐴝𐴌𐴥𐴞𐴑𐴡𐴃, 𐴀𐴝𐴙𐴑𐴧𐴙𐴝𐴁𐴡𐴌 𐴃𐴟𐴌𐴥𐴟 𐴁𐴤𐴟𐴏𐴞𐴊𐴤𐴡𐴚 𐴉𐴡𐴣𐴀𐴡𐴏𐴝𐴘 𐴊𐴞𐴘𐴠 𐴁𐴡𐴓𐴞, 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞𐴌 𐴔𐴞𐴋𐴞𐴘𐴝 𐴌𐴠𐴑𐴝𐴙𐴚 𐴕𐴥𐴠𐴎𐴞𐴕 𐴈𐴥𐴡𐴁𐴡𐴌𐴡𐴃 𐴈𐴡𐴘𐴧𐴠 𐴱𐴱

𐴀𐴥𐴠 𐴰 𐴴 𐴴 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝𐴌 𐴁𐴤𐴟𐴃𐴡𐴌𐴠 𐴔𐴡𐴗𐴚𐴋𐴤𐴟𐴃 𐴃𐴤𐴝𐴑𐴤𐴠𐴊𐴠 𐴴 𐴶 𐴲 𐴎𐴡𐴕 𐴔𐴡𐴌𐴡𐴊 𐴷 𐴹 𐴎𐴡𐴕 𐴔𐴝𐴘𐴧𐴝 , 𐴔𐴟𐴄 𐴱 𐴶 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴤𐴟𐴏𐴞𐴊𐴤𐴡𐴚𐴡𐴌 𐴃𐴟𐴌𐴥𐴟 , 𐴀𐴝𐴣𐴐𐴄𐴡 𐴖𐴥𐴝𐴕 𐴒𐴝𐴌𐴥𐴞 𐴓𐴡𐴘 𐴔𐴡𐴗𐴚𐴋𐴤𐴟 𐴉𐴡𐴣𐴀𐴡𐴏𐴝𐴘 𐴊𐴞𐴘𐴠 𐴁𐴡𐴓𐴞 𐴈𐴡𐴘𐴧𐴠 , 𐴁𐴤𐴟𐴏𐴞𐴊𐴡𐴚𐴡𐴃 𐴃𐴤𐴝𐴑𐴤𐴠𐴊𐴠 𐴰 𐴷 𐴎𐴡𐴕 𐴔𐴡𐴌𐴡𐴊 𐴹 𐴎𐴡𐴕 𐴔𐴝𐴘𐴧𐴝 𐴔𐴟𐴄 𐴹 𐴷 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴠 , 𐴀𐴥𐴞𐴃𐴝𐴌𐴝𐴌 𐴕𐴞𐴎𐴡𐴌 𐴉𐴝𐴌𐴝𐴃 𐴉𐴡𐴣𐴀𐴡𐴏𐴝𐴘 𐴊𐴠𐴀𐴠 𐴉𐴡𐴙𐴅𐴧𐴡𐴕𐴃𐴡 , 𐴁𐴤𐴟𐴏𐴞𐴊𐴤𐴡𐴚 𐴄𐴡𐴀𐴡𐴕𐴡𐴌 𐴕𐴟𐴖𐴝 𐴐𐴤𐴡𐴀𐴡𐴌 𐴌𐴥𐴠𐴑𐴧𐴤𐴗𐴝𐴃 𐴀𐴝𐴏𐴥𐴠𐴊𐴠 , 𐴀𐴝𐴌𐴡𐴁𐴞 𐴔𐴡𐴊𐴡𐴌𐴡𐴏𐴥𐴝𐴃 𐴇𐴥𐴠𐴉𐴝𐴎𐴡𐴃𐴡𐴌 𐴏𐴥𐴝𐴣𐴀𐴝𐴃𐴠 𐴌𐴝𐴙𐴑𐴧𐴤𐴙𐴠 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴀𐴠 𐴰 𐴴 𐴴 𐴎𐴡𐴕𐴡𐴌 𐴁𐴝𐴀𐴝𐴌𐴠 𐴁𐴝𐴚𐴓𐴝𐴊𐴠𐴐𐴤𐴞 𐴸 𐴰 𐴱 𐴎𐴡𐴕 𐴔𐴡𐴌𐴡𐴊 𐴃𐴞𐴕 𐴎𐴡𐴕 𐴔𐴝𐴘𐴧𐴝 𐴔𐴟𐴄 𐴱 𐴱 𐴱 𐴎𐴡𐴕 𐴀𐴥𐴡 , 𐴀𐴠𐴌𐴞 𐴊𐴞𐴘𐴠𐴊𐴠 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌𐴠 𐴀𐴝𐴏𐴥𐴠 , 𐴀𐴥𐴞𐴃𐴝𐴌𐴝𐴌𐴠 𐴁𐴡𐴌𐴔𐴥𐴝 – 𐴁𐴝𐴚𐴓𐴝𐴊𐴠𐴐𐴢 𐴊𐴟𐴕𐴥𐴞 𐴊𐴠𐴐𐴢 𐴔𐴞𐴓𐴞 𐴀𐴝𐴊𐴡𐴓𐴝 𐴁𐴡𐴊𐴡𐴓𐴞 𐴒𐴡𐴌𐴥𐴞 𐴇𐴥𐴝𐴃 𐴉𐴝𐴌𐴒𐴡𐴌𐴥𐴝𐴘 𐴊𐴞𐴘𐴝 𐴓𐴟𐴖𐴝𐴌 𐴑𐴝𐴌𐴖𐴝𐴘 𐴀𐴥,𐴡𐴀𐴡 𐴉𐴡𐴙𐴅𐴧𐴡𐴕𐴃𐴡 , 𐴃𐴡𐴀𐴡𐴙𐴃𐴧𐴝 𐴁𐴤𐴟𐴏𐴞𐴊𐴡𐴚𐴡𐴌 𐴎𐴞𐴘𐴡𐴓𐴡𐴃 𐴌𐴝𐴙𐴑𐴧𐴤𐴙𐴠 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴀𐴠𐴈𐴥𐴡𐴕 𐴀𐴠𐴌𐴞 𐴊𐴞𐴘𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕 𐴈𐴥𐴝𐴘𐴃𐴠 𐴓𐴡𐴘𐴃𐴠 𐴊𐴟𐴑𐴧𐴤𐴡𐴃 𐴉𐴡𐴌𐴡𐴕𐴠 𐴔𐴡𐴓𐴠𐴆𐴤𐴙𐴝 𐴎𐴝𐴀𐴝𐴌 𐴊𐴧𐴠 𐴉𐴡𐴣𐴃𐴤𐴡𐴃 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 , 𐴀𐴞𐴃𐴝𐴌𐴝𐴌𐴠 𐴀𐴠𐴌𐴞 𐴊𐴞𐴘𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 , 𐴀𐴝𐴌𐴀𐴥𐴡 𐴁𐴡𐴀𐴡𐴃 𐴁𐴠𐴐𐴤𐴞 𐴁𐴡𐴕 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕𐴡𐴌𐴠 𐴘𐴥𐴡 𐴀𐴠𐴌𐴠 𐴊𐴞𐴀𐴞𐴁𐴡𐴓𐴧𐴝 , 𐴕𐴝𐴔 𐴕𐴡 𐴈𐴡𐴀𐴡𐴕𐴡𐴌 𐴐𐴡𐴌𐴥𐴡𐴃 𐴓𐴡𐴘 𐴀𐴝𐴙𐴑𐴧𐴙𐴝𐴁 𐴁𐴤𐴝𐴐𐴞 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 𐴱𐴱

𐴀𐴞𐴕𐴏𐴝𐴕𐴞𐴘𐴡𐴃𐴡𐴌𐴠 𐴑𐴡𐴊𐴡𐴌 𐴒𐴡𐴌𐴥𐴞 𐴀𐴝𐴌 𐴊𐴟𐴘 𐴊𐴠𐴐𐴤𐴡𐴌 𐴃𐴦𐴝𐴓𐴧𐴟𐴑𐴡𐴌𐴠 𐴏𐴥𐴝𐴔𐴧𐴠 𐴌𐴝𐴑𐴤𐴞 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴀𐴝𐴌 𐴁𐴝𐴚𐴓𐴝𐴊𐴠𐴐𐴤𐴞 𐴀𐴥𐴡𐴑𐴧𐴡𐴓𐴡𐴌𐴠 , 𐴀𐴡𐴒𐴤𐴡𐴏𐴄 𐴔𐴝𐴐𐴡𐴌 𐴀𐴠𐴑 𐴃𐴝𐴌𐴥𐴞𐴑𐴡𐴃 𐴎𐴞𐴘𐴡𐴓 𐴔𐴝𐴉𐴢 𐴒𐴡𐴌𐴥𐴞 , 𐴀𐴠𐴌𐴞 𐴊𐴞𐴘𐴠 𐴁𐴡𐴓𐴞 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴈𐴡𐴘𐴧𐴠 𐴱𐴱

Sources : RFAburmese