𐴀𐴝𐴔𐴌𐴞𐴑𐴞 𐴑𐴡𐴗𐴕𐴒𐴠𐴌𐴥𐴠𐴏𐴡𐴌 𐴕𐴡𐴔𐴝𐴙𐴕𐴊𐴝 𐴑𐴠𐴀𐴠𐴔𐴡𐴃 𐴀𐴝𐴙𐴐𐴧𐴤𐴙𐴠 𐴱𐴱

𐴀𐴝𐴔𐴌𐴞𐴑𐴝𐴌 𐴑𐴡𐴗𐴕𐴒𐴠𐴌𐴥𐴠𐴏𐴡𐴌 𐴕𐴡𐴔𐴝𐴙𐴕𐴊𐴝 𐴋𐴝𐴀𐴝𐴘 𐴀𐴟𐴒𐴧𐴤𐴗𐴝 , 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴏𐴝𐴘𐴁𐴤𐴡𐴓𐴧𐴝 𐴀𐴝𐴙𐴐𐴧𐴤𐴙𐴠 , 𐴋𐴝𐴀𐴝𐴘 𐴀𐴥𐴞𐴁𐴝 ! 𐴀𐴡𐴒𐴤𐴡𐴏𐴄 𐴔𐴝𐴐𐴡𐴌 𐴴 𐴱 𐴃𐴝𐴌𐴥𐴞𐴑 𐴐𐴤𐴡𐴔 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴑𐴝𐴑𐴏𐴡 𐴁𐴝𐴎𐴝𐴌 𐴇𐴥𐴝𐴁𐴝𐴌 𐴔𐴝𐴍𐴡𐴃 𐴉𐴡𐴣𐴀𐴡𐴏𐴞 𐴘𐴥𐴝𐴀𐴝𐴕𐴃𐴟 𐴐𐴤𐴞𐴊𐴝 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴒𐴞𐴘𐴠 𐴒𐴤𐴡𐴘 𐴱𐴱

𐴕𐴡𐴔𐴝𐴙𐴕𐴊𐴝 𐴋𐴝𐴀𐴝𐴘 𐴀𐴥𐴞𐴁𐴝𐴃 , 𐴀𐴠𐴈𐴥𐴡𐴕 𐴇𐴥𐴡𐴑𐴟𐴔𐴡𐴃 𐴒𐴡𐴌𐴥𐴠𐴌 𐴊𐴧𐴠 𐴋𐴞𐴔𐴟𐴑𐴠𐴌𐴠𐴄𐴤𐴞𐴑 𐴉𐴝𐴄𐴞𐴌 𐴔𐴞𐴔𐴁𐴤𐴡𐴌 / 𐴀𐴞𐴋 𐴑𐴞𐴀𐴞𐴏𐴢 , 𐴀𐴝𐴌 𐴀𐴠𐴑 𐴎𐴡𐴕 𐴌𐴞𐴂𐴝𐴁𐴓𐴞𐴑𐴤𐴠𐴕 𐴉𐴝𐴄𐴞𐴌 𐴔𐴞𐴔𐴁𐴤𐴡𐴌 / 𐴌𐴞𐴆𐴤𐴝𐴋 𐴀𐴠𐴔 𐴏𐴞 𐴑𐴡𐴌𐴔𐴥𐴞𐴑 𐴀𐴝𐴏𐴥𐴠 , 𐴀𐴞𐴃𐴝𐴌𐴝 𐴊𐴟𐴕𐴥𐴞 𐴎𐴡𐴕 𐴐𐴤𐴡𐴣𐴀𐴡 , 𐴕𐴡𐴔𐴝𐴙𐴕𐴊𐴝 𐴋𐴝𐴀𐴝𐴘 𐴀𐴥𐴞𐴁𐴝𐴃 𐴱 𐴱 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴀𐴝𐴏𐴥𐴠 𐴱𐴱

𐴌𐴞𐴉𐴟𐴎𐴞𐴌 𐴌𐴡𐴑𐴧𐴤𐴝 𐴀𐴝𐴌 𐴖𐴝𐴉𐴠𐴏𐴞𐴌 𐴁𐴝𐴁𐴡𐴃𐴠 𐴎𐴞𐴔𐴧𐴝𐴊𐴝𐴌𐴞 𐴀𐴡𐴉𐴥𐴞𐴏𐴡𐴌 𐴎𐴟𐴣𐴖𐴝𐴙𐴓𐴧𐴝 𐴑𐴡𐴔𐴞𐴐𐴕𐴝𐴌 / 𐴐𐴤𐴡𐴏𐴟𐴊 𐴊𐴟𐴅𐴤𐴝 𐴘𐴠 𐴈𐴡𐴘𐴧𐴠𐴊𐴠 , 𐴀𐴝𐴙𐴅𐴧𐴙𐴝 𐴁𐴞𐴀𐴞𐴕𐴧𐴝 𐴀𐴡𐴕𐴟𐴔𐴝𐴕𐴞𐴑 𐴹 𐴁𐴝𐴎𐴠 , 𐴑𐴡𐴗𐴕𐴒𐴠𐴌𐴥𐴠𐴏𐴡𐴌 𐴕𐴡𐴔𐴝𐴙𐴕𐴊𐴝 𐴋𐴝𐴀𐴝𐴘 𐴀𐴥𐴞𐴁𐴝 𐴘𐴠 , 𐴘𐴟 𐴀𐴠𐴕 𐴀𐴠𐴆 𐴏𐴞 𐴀𐴝𐴌 , 𐴀𐴝𐴘 𐴀𐴠𐴔 𐴀𐴡 , 𐴐𐴤𐴡𐴣𐴀𐴡 𐴘𐴟 𐴀𐴠𐴕𐴡𐴌 𐴁𐴞𐴁𐴤𐴞𐴕𐴧𐴡 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓 𐴓𐴡𐴘 𐴌𐴞𐴉𐴟𐴎𐴞𐴌 𐴔𐴟𐴃𐴦𐴝𐴓𐴧𐴠𐴑𐴝 𐴀𐴡𐴉𐴥𐴞𐴏𐴡𐴃 𐴔𐴡𐴐𐴖𐴐𐴌𐴝 𐴒𐴡𐴙𐴅𐴧𐴤𐴙𐴠 , 𐴁𐴦𐴝𐴊𐴠 𐴐𐴤𐴝𐴀𐴝𐴌𐴡 𐴱 𐴱 𐴁𐴝𐴎𐴠 𐴒𐴡𐴌𐴥𐴞 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 𐴁𐴤𐴟𐴃𐴡𐴌𐴠 𐴒𐴞𐴘𐴠 𐴱𐴱

𐴃𐴡𐴀𐴡𐴘 𐴌𐴟𐴇𐴝𐴙𐴚𐴒𐴙𐴝 𐴌𐴠𐴅𐴞𐴏𐴄𐴝𐴌 𐴒𐴡𐴌𐴥𐴝𐴌 𐴲 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 𐴀𐴝𐴌 𐴱 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴐𐴤𐴞𐴑𐴧𐴝 𐴏𐴠𐴕𐴄𐴝𐴌 𐴀𐴝𐴌 𐴑𐴡𐴗𐴔𐴞 𐴏𐴥𐴡𐴔𐴡𐴒𐴝𐴌 𐴁𐴞𐴐𐴧𐴤𐴡 𐴈𐴥𐴝𐴕𐴝𐴌 𐴂𐴡𐴌𐴟𐴒𐴠𐴌𐴝𐴔 𐴀𐴡𐴉𐴥𐴞𐴏𐴢 𐴀𐴥𐴡𐴑𐴧𐴡𐴓𐴡𐴃 𐴒𐴞𐴘𐴠 , 𐴊𐴦𐴟𐴛𐴅𐴧𐴙𐴝 𐴑𐴟𐴃𐴤𐴟𐴉𐴝𐴓𐴡𐴚 𐴑𐴠𐴀𐴠𐴔𐴡𐴃 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴓𐴡𐴘 𐴔𐴡𐴐𐴖𐴝𐴌𐴝 𐴒𐴡𐴌𐴥𐴞𐴁𐴡 , 𐴌𐴝𐴃𐴞𐴘𐴝 𐴑𐴝𐴑𐴏𐴡 𐴁𐴝𐴎𐴝𐴌 𐴄𐴡𐴀𐴡𐴕𐴡𐴃 𐴀𐴝𐴏𐴥𐴠𐴊𐴠 𐴌𐴞𐴉𐴟𐴎𐴞𐴌 𐴇𐴥𐴠𐴉𐴝𐴎𐴡𐴃 𐴀𐴝𐴌 𐴖𐴝𐴉𐴠𐴏𐴞𐴌 𐴐𐴤𐴡𐴌𐴑𐴝𐴌𐴞 𐴀𐴡𐴉𐴥𐴞𐴏𐴡𐴃 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓 𐴓𐴡𐴘 𐴁𐴡𐴘𐴍𐴥𐴡𐴑 𐴒𐴡𐴌𐴥𐴞𐴁𐴡 𐴱𐴱

Sources : Ukhiyanews.com