𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕𐴡𐴌 𐴀𐴟𐴔𐴡𐴌 𐴑𐴡𐴙𐴊 𐴎𐴞𐴘𐴥𐴡𐴓 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌𐴡𐴃 𐴀𐴠𐴑 𐴑𐴠 𐴅𐴞 𐴇𐴥𐴝𐴙𐴄 𐴒𐴠𐴌𐴥𐴝𐴔 𐴰 𐴶 , 𐴱 / 𐴑𐴞𐴌𐴞𐴏𐴄𐴝𐴓 𐴔𐴦𐴠𐴃 𐴀𐴦𐴝𐴙𐴏𐴢 𐴐𐴤𐴡𐴣𐴀𐴡 𐴊𐴤𐴡𐴌𐴝 𐴉𐴡𐴅𐴧𐴞𐴀𐴞𐴓 𐴊𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕𐴡𐴌𐴠 𐴎𐴞𐴁𐴡𐴕 𐴎𐴞𐴘𐴥𐴡𐴓 ( 𐴰 𐴳 𐴁𐴡𐴏𐴥𐴡𐴌 ) 𐴎𐴞𐴘𐴥𐴡𐴓𐴡𐴌 𐴇𐴥𐴡𐴑𐴟𐴔 , 𐴑𐴝𐴑𐴏𐴡 𐴁𐴝𐴎𐴝𐴌 𐴋𐴞𐴏𐴄𐴤𐴞𐴑𐴡𐴌 𐴏𐴠𐴐𐴤𐴠𐴕 𐴎𐴡𐴅 𐴀𐴝𐴊𐴝𐴓𐴡𐴃𐴠 𐴉𐴥𐴟𐴕𐴝𐴘 𐴊𐴞𐴘𐴠 , 𐴎𐴞𐴁𐴡𐴕 𐴎𐴞𐴘𐴥𐴡𐴓𐴡𐴌 𐴉𐴥𐴟𐴣𐴖𐴝𐴃𐴞 𐴊𐴟𐴘 𐴓𐴝𐴑 𐴄𐴞𐴛𐴝 𐴘𐴥𐴡 𐴎𐴡𐴌𐴞𐴁𐴝𐴕𐴝𐴌 𐴇𐴥𐴡𐴑𐴟𐴔 𐴉𐴥𐴟𐴕𐴝𐴘𐴧𐴠 , 𐴎𐴡𐴌𐴞𐴁𐴝𐴕𐴝 𐴊𐴞𐴀𐴞 𐴕𐴡 𐴉𐴝𐴌𐴥𐴡𐴕𐴡𐴌 𐴏𐴥𐴟𐴌𐴡𐴃𐴡𐴃 , 𐴀𐴝𐴌𐴀𐴥𐴡 𐴀𐴠𐴑 𐴁𐴡𐴏𐴥𐴡𐴌 𐴎𐴞𐴘𐴥𐴡𐴓 𐴁𐴝𐴌𐴥𐴞𐴁𐴡 𐴱𐴱

𐴀𐴡𐴒𐴤𐴡𐴏𐴄 𐴔𐴝𐴐𐴡𐴌 𐴹 𐴃𐴝𐴌𐴥𐴞𐴑 𐴁𐴟𐴙𐴃 𐴁𐴝𐴌𐴠 𐴀𐴝𐴊𐴝𐴓𐴡𐴃𐴡𐴃 𐴉𐴥𐴟𐴕𐴝𐴕𐴞 𐴐𐴤𐴠𐴐𐴢 𐴀𐴥𐴡𐴀𐴡𐴕𐴡𐴌 𐴁𐴦𐴝𐴊𐴠 , 𐴎𐴞𐴓𐴥𐴝 𐴎𐴡𐴅 𐴀𐴝𐴊𐴝𐴓𐴡𐴃𐴡𐴌 𐴁𐴞𐴏𐴝𐴌𐴑𐴝𐴌 𐴑𐴝𐴎𐴞 / 𐴔𐴟𐴇𐴝𐴔𐴧𐴡𐴊 𐴀𐴞𐴏𐴔𐴝𐴀𐴞𐴓𐴠 𐴇𐴥𐴡𐴑𐴟𐴔 𐴘𐴝𐴀𐴝𐴕 𐴉𐴥𐴟𐴕𐴝𐴘 𐴊𐴞𐴘𐴠 , 𐴐𐴤𐴝𐴎𐴝 𐴉𐴝𐴘𐴧𐴠 𐴀𐴝𐴐𐴤𐴝𐴔𐴞 𐴀𐴥𐴞𐴁𐴝 𐴀𐴥𐴡𐴙𐴓𐴊𐴠 , 𐴄𐴠𐴑𐴕𐴝𐴉𐴡𐴌 𐴎𐴝𐴊𐴞𐴔𐴟𐴌𐴥𐴝 𐴷 𐴱 𐴓𐴡𐴔𐴁𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴌 𐴁𐴞 / 𐴳 𐴓𐴡𐴔𐴁𐴤𐴡𐴌 𐴁𐴡𐴓𐴡𐴑𐴡𐴃 𐴃𐴤𐴝𐴑𐴤𐴠𐴊𐴠 𐴔𐴡𐴌𐴇𐴦𐴟𐴔 𐴀𐴞𐴁𐴌𐴝𐴇𐴞𐴔𐴡𐴌 𐴉𐴟𐴖𐴝 / 𐴏𐴡𐴀𐴞𐴊𐴟𐴓 𐴀𐴞𐴏𐴓𐴝𐴔 𐴱𐴱

𐴇𐴥𐴡𐴑𐴟𐴔 𐴉𐴥𐴟𐴕𐴝𐴌 𐴊𐴧𐴠 𐴀𐴡𐴑𐴃𐴤𐴡𐴃 𐴀𐴝𐴐𐴤𐴝𐴔𐴞 / 𐴏𐴡𐴀𐴞𐴊𐴟𐴓 𐴀𐴞𐴏𐴓𐴝𐴔 𐴀𐴥𐴡 𐴀𐴝𐴊𐴝𐴓𐴡𐴃𐴡𐴃 𐴇𐴥𐴝𐴎𐴞𐴌 𐴀𐴝𐴐𐴧𐴤𐴞𐴀𐴞𐴓 , 𐴀𐴥𐴞𐴃𐴝𐴌 𐴃𐴡𐴌𐴉𐴥𐴡𐴌 𐴃𐴧𐴟 𐴔𐴦𐴝𐴔𐴠𐴓𐴝 𐴏𐴝𐴓𐴡𐴀𐴡𐴙𐴕𐴧𐴝 𐴀𐴟𐴑𐴞𐴓 𐴀𐴝𐴐𐴧𐴤𐴞𐴀𐴞𐴓 𐴊𐴠 / 𐴐𐴞𐴇𐴝𐴁𐴟𐴊𐴧𐴞𐴕 𐴏𐴦𐴝𐴉𐴢 , 𐴀𐴝𐴌 𐴇𐴥𐴡𐴑𐴟𐴔𐴡𐴃𐴡𐴌 𐴃𐴡𐴌𐴉𐴥𐴡𐴌 𐴃𐴧𐴟 𐴀𐴟𐴑𐴞𐴓 𐴀𐴝𐴐𐴧𐴤𐴞𐴀𐴞𐴓 𐴊𐴠 / 𐴊𐴞𐴓𐴥𐴞𐴂𐴢 𐴑𐴟𐴔𐴝𐴌 𐴊𐴤𐴡𐴌 , 𐴑𐴝𐴑𐴏𐴡 𐴁𐴝𐴎𐴝𐴌 𐴎𐴞𐴓𐴥𐴝𐴌 𐴏𐴠𐴐𐴤𐴠𐴕 𐴎𐴡𐴅 𐴀𐴝𐴊𐴝𐴓𐴡𐴃𐴡𐴌 𐴐𐴤𐴡𐴌𐴑𐴝𐴌𐴞 𐴀𐴟𐴑𐴞𐴓 / 𐴉𐴡𐴌𐴞𐴊𐴟𐴓 𐴀𐴝𐴓𐴡𐴔𐴠 𐴈𐴥𐴝𐴄𐴞 𐴏𐴥𐴡𐴀𐴞 𐴒𐴤𐴡𐴄𐴡𐴕𐴝 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴇𐴥𐴡𐴑𐴟𐴔𐴡𐴃𐴞 𐴀𐴟𐴑𐴞𐴓 / 𐴊𐴞𐴓𐴥𐴞𐴂𐴢 𐴑𐴟𐴔𐴝𐴌 𐴊𐴤𐴡𐴌𐴠 𐴈𐴡𐴘𐴧𐴠𐴊𐴠 , 𐴲 𐴲 𐴰 𐴲 𐴐𐴤𐴡𐴕 𐴔𐴠 𐴔𐴝𐴐𐴡𐴌 𐴹 𐴱 𐴃𐴝𐴌𐴥𐴞𐴑𐴡𐴃 , 𐴊𐴤𐴟𐴔 𐴊𐴤𐴟𐴙𐴔𐴧𐴝 𐴑𐴠𐴀𐴟𐴍𐴝 𐴁𐴝𐴌𐴞𐴎𐴝𐴃 𐴁𐴞 𐴅𐴞 𐴁𐴞 𐴘𐴠 𐴑𐴝𐴌𐴖𐴝𐴘 𐴏𐴝𐴓𐴝𐴘 / 𐴌𐴟𐴇𐴝𐴙𐴚𐴒𐴙𐴝 𐴏𐴡𐴀𐴞𐴊𐴟𐴓 𐴀𐴞𐴏𐴓𐴝𐴔𐴡𐴌𐴠 𐴒𐴠𐴌𐴠𐴉𐴃𐴝𐴌 𐴒𐴡𐴅𐴧𐴤𐴞𐴀𐴞𐴓𐴊𐴠 , 𐴁𐴦𐴝𐴊𐴠 𐴀𐴥𐴞𐴃𐴝𐴌 𐴋𐴤𐴝𐴑𐴠 𐴀𐴝𐴏𐴥𐴠 𐴊𐴠 𐴔𐴝𐴏𐴢 𐴏𐴝𐴀𐴝 𐴊𐴠 𐴎𐴝𐴓𐴡𐴌 𐴁𐴤𐴟𐴃𐴡𐴌𐴃𐴧𐴟 𐴰 𐴶 , 𐴱 𐴀𐴠𐴑 𐴑𐴠𐴅𐴞 𐴇𐴥𐴝𐴙𐴄 𐴒𐴠𐴌𐴥𐴝𐴔 𐴑𐴞𐴌𐴞𐴏𐴄𐴝𐴓 𐴔𐴦𐴠𐴃 𐴀𐴦𐴝𐴙𐴏𐴢 𐴕𐴞𐴐𐴤𐴝 𐴉𐴝𐴀𐴝 𐴒𐴞𐴘𐴠 , 𐴎𐴠 𐴕𐴞𐴐𐴤𐴝𐴌 𐴀𐴡𐴕𐴟𐴔𐴝𐴕𐴞𐴑 𐴔𐴟𐴙𐴓𐴧𐴡 ” 𐴉𐴝𐴣𐴏𐴢 𐴑𐴟𐴄𐴤𐴞 𐴰 𐴳 𐴓𐴝𐴑 𐴄𐴞𐴛𐴝 ” 𐴃𐴡𐴀𐴡𐴘 𐴁𐴞 𐴅𐴞 𐴁𐴞 𐴘𐴠 𐴀𐴥𐴞𐴃𐴝𐴌 𐴁𐴠𐴌𐴟𐴊𐴧𐴤𐴠 𐴄𐴠𐴑𐴕𐴝𐴉𐴢 𐴃𐴤𐴝𐴕𐴝𐴃 𐴑𐴠𐴙𐴏𐴢 𐴑𐴤𐴟𐴙𐴓𐴧𐴙𐴠 𐴱𐴱

𐴃𐴡𐴀𐴡𐴘 𐴁𐴡𐴀𐴡𐴃 𐴃𐴡𐴊𐴡𐴕𐴃𐴡 𐴃𐴡𐴊𐴝𐴌𐴟𐴑 𐴒𐴡𐴌𐴥𐴞 𐴒𐴡𐴁𐴤𐴝 𐴐𐴤𐴝𐴑𐴧𐴞 𐴒𐴟𐴎𐴝𐴌𐴞 𐴁𐴦𐴝𐴊𐴠 , 𐴔𐴦𐴝𐴔𐴠𐴓𐴝 𐴏𐴥𐴝𐴁𐴟𐴃 𐴀𐴥𐴡𐴀𐴡𐴕𐴡𐴌 𐴉𐴡𐴌𐴠 𐴀𐴝𐴐𐴤𐴝𐴔𐴞𐴌 𐴁𐴠𐴌𐴟𐴊𐴧𐴤𐴠 𐴎𐴞𐴁𐴡𐴕 𐴎𐴞𐴘𐴥𐴡𐴓𐴡𐴌 𐴇𐴥𐴡𐴑𐴟𐴔 𐴉𐴥𐴟𐴕𐴝𐴘 𐴊𐴞𐴘𐴝 𐴒𐴞𐴘𐴠𐴊𐴠 𐴱𐴱

Sources : Ukhiyanews.com