𐴂𐴡𐴌𐴝𐴚 𐴏𐴡𐴓𐴧𐴟 𐴐𐴤𐴡𐴀𐴡𐴌𐴡𐴌 𐴋𐴤𐴝𐴑𐴠 𐴁𐴟𐴄 𐴈𐴥𐴡𐴌𐴝𐴁 𐴀𐴥𐴡𐴘𐴧𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴔𐴠𐴓𐴠𐴄𐴠𐴌𐴞 𐴘𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴓𐴡𐴂𐴧𐴗𐴥𐴝𐴄𐴝 𐴐𐴤𐴡𐴀𐴡𐴌 𐴃𐴤𐴝𐴕𐴝𐴌 𐴂𐴡𐴌𐴝𐴚 𐴏𐴡𐴓𐴧𐴟 𐴐𐴤𐴡𐴀𐴡𐴌𐴡𐴌 𐴂𐴥𐴟𐴓𐴥𐴡𐴚 𐴉𐴝𐴌𐴝𐴌 𐴋𐴤𐴝𐴑𐴠 𐴊𐴡𐴙𐴅𐴧𐴙𐴝𐴌 𐴔𐴟𐴌𐴡𐴃 , 𐴁𐴟𐴄 𐴈𐴥𐴡𐴌𐴝𐴁 𐴀𐴥𐴡𐴘𐴧𐴠𐴊𐴠 𐴰 𐴷 𐴎𐴡𐴕𐴡𐴌 𐴀𐴟𐴖𐴡𐴌𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 , 𐴊𐴠𐴐𐴤𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴡𐴌 𐴃𐴡𐴌𐴉𐴡𐴌 𐴃𐴧𐴟 𐴎𐴝𐴕𐴝 𐴒𐴞𐴘𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴁𐴠𐴍𐴝 𐴷 𐴶 𐴎𐴡𐴕 𐴀𐴝𐴌 𐴁𐴠𐴍𐴞 𐴵 𐴎𐴡𐴕 , 𐴁𐴠𐴒𐴧𐴤𐴟𐴕𐴠 𐴲 𐴷 𐴎𐴡𐴕 𐴁𐴤𐴡𐴌𐴞 𐴓𐴡𐴘 𐴀𐴝𐴘𐴧𐴥𐴠𐴌 𐴊𐴧𐴠 𐴁𐴟𐴄 𐴀𐴠𐴑𐴧𐴤𐴝𐴕𐴡𐴃𐴧𐴟 𐴁𐴡𐴕 𐴒𐴡𐴌𐴥𐴞 , 𐴂𐴥𐴟𐴓𐴥𐴡𐴚 𐴉𐴝𐴌𐴝𐴌 𐴒𐴤𐴝𐴣𐴄 𐴁𐴝𐴀𐴝𐴘 𐴈𐴝𐴙𐴓𐴧𐴝 𐴓𐴡𐴒𐴢 𐴁𐴤𐴡𐴒𐴢 𐴰 𐴳 : 𐴰 𐴱 𐴁𐴝𐴎𐴠 𐴀𐴝𐴙𐴕𐴧𐴙𐴠 , 𐴈𐴥𐴡𐴁𐴡𐴌 𐴉𐴝𐴘 𐴘𐴥𐴡𐴌𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠𐴊𐴠 𐴕𐴡𐴀𐴡 , 𐴀𐴞𐴕𐴅𐴞𐴓 𐴈𐴥𐴡𐴌𐴝𐴁 𐴀𐴥𐴡𐴀𐴡𐴕𐴠 𐴊𐴡𐴙𐴅𐴧𐴙𐴝𐴃 𐴁𐴤𐴝𐴐𐴠𐴌 𐴊𐴧𐴠 𐴁𐴟𐴄 𐴘𐴝𐴀𐴝𐴕𐴡𐴌𐴠 , 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴎𐴝𐴙𐴓𐴧𐴝 𐴀𐴥𐴡𐴑𐴧𐴡𐴓𐴡𐴌 𐴁𐴟𐴄 𐴓𐴡𐴘 𐴎𐴝𐴘 𐴊𐴤𐴡𐴌𐴞 𐴂𐴥𐴟𐴓𐴥𐴡𐴚 𐴉𐴝𐴌𐴝𐴌 𐴒𐴤𐴝𐴣𐴄 𐴁𐴝𐴀𐴝𐴘 𐴀𐴝𐴙𐴕𐴧𐴥𐴙𐴠 𐴊𐴠 𐴁𐴡𐴓𐴞 𐴏𐴥𐴝𐴂𐴢 𐴒𐴡𐴌𐴥𐴞 𐴈𐴡𐴘𐴧𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴲 𐴷 𐴎𐴡𐴕 𐴀𐴥𐴟𐴀𐴟𐴕 𐴁𐴝𐴚𐴓𐴝𐴊𐴠𐴐𐴢 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴧𐴟 𐴌𐴡𐴖𐴝𐴕𐴝 𐴊𐴞𐴀𐴞 , 𐴔𐴡𐴓𐴠𐴆𐴤𐴙𐴝 𐴎𐴝𐴘𐴁𐴝𐴌 𐴉𐴡𐴣𐴃𐴤𐴡𐴃 𐴀𐴥𐴞𐴛𐴧𐴡𐴃 𐴉𐴡𐴣𐴀𐴡𐴏𐴞 𐴁𐴦𐴝𐴊𐴠 𐴁𐴟𐴄 𐴈𐴥𐴡𐴌𐴝𐴁 𐴀𐴥𐴡𐴘 𐴵 𐴊𐴞𐴕 𐴓𐴡𐴃𐴞 𐴊𐴡𐴙𐴅𐴧𐴙𐴝𐴃 𐴁𐴤𐴝𐴐𐴠𐴌 𐴁𐴡𐴓𐴞 , 𐴀𐴥𐴟𐴑𐴆𐴤𐴙𐴟𐴑 𐴌𐴥𐴠𐴔𐴥𐴟 𐴓𐴡𐴘 𐴈𐴝𐴣𐴏𐴥𐴠 𐴀𐴝𐴏𐴥𐴠𐴊𐴠 𐴔𐴝𐴙𐴕𐴐𐴤𐴡𐴌 𐴃𐴟𐴌𐴥𐴟 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴠 𐴱𐴱

𐴀𐴥𐴞𐴃𐴝𐴌𐴝 𐴌𐴠 𐴓𐴡𐴂𐴧𐴗𐴥𐴝𐴄𐴝 𐴐𐴤𐴡𐴀𐴡𐴌𐴡𐴌 𐴉𐴟𐴓𐴞𐴐𐴢 𐴃𐴤𐴝𐴕𐴝𐴃 𐴔𐴠𐴓𐴠𐴄𐴠𐴌𐴞 𐴀𐴝𐴌 𐴀𐴞𐴔𐴞𐴒𐴞𐴌𐴞𐴐𐴤𐴠𐴕𐴠 𐴔𐴞𐴓𐴞 , 𐴀𐴞𐴔𐴞𐴒𐴞𐴌𐴞𐴐𐴤𐴠𐴕 𐴑𐴝𐴕𐴟𐴕𐴡𐴌 𐴊𐴤𐴝𐴌𐴝 𐴔𐴡𐴎𐴞𐴕 𐴔𐴦𐴡𐴊𐴧𐴞𐴔𐴝 𐴑𐴤𐴟𐴓𐴞𐴁𐴡 𐴁𐴡𐴓𐴞 𐴘𐴥𐴡 , 𐴔𐴝𐴕𐴥𐴟𐴙𐴐𐴢 𐴀𐴥𐴞𐴁𐴝𐴌 𐴃𐴟𐴌𐴥𐴟 𐴎𐴝𐴕𐴝 𐴒𐴞𐴘𐴠 , 𐴒𐴡𐴃𐴡 𐴲 𐴲 𐴰 𐴲 𐴐𐴤𐴡𐴕𐴡𐴃 𐴁𐴡𐴌𐴔𐴥𐴝𐴌 𐴎𐴝𐴒𐴝 𐴁𐴡𐴎𐴝𐴒𐴝 𐴐𐴤𐴡𐴀𐴡𐴌 𐴀𐴥𐴡𐴑𐴧𐴡𐴓𐴡 𐴃𐴧𐴟 𐴰 𐴰 𐴰 𐴱 𐴀𐴠𐴑 𐴇𐴥𐴝𐴎𐴝𐴌 𐴎𐴡𐴕𐴡𐴌 𐴃𐴤𐴟𐴁𐴤𐴝𐴌 𐴁𐴠𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 , 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌 𐴃𐴧𐴟 𐴰 𐴰 𐴸 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴎𐴞𐴘𐴥𐴡𐴓 𐴔𐴝𐴙𐴅𐴧𐴤𐴙𐴠 𐴱𐴱

Sources : dvbburmese