𐴀𐴝𐴔𐴠𐴌𐴞𐴑𐴝𐴌 𐴋𐴠𐴓𐴞𐴒𐴠𐴐𐴤𐴠𐴕 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴱𐴱

𐴀𐴝𐴔𐴠𐴌𐴞𐴑𐴝𐴌 𐴀𐴠𐴏𐴄𐴠𐴀𐴞𐴄 𐴋𐴞𐴂𐴝𐴌𐴔𐴥𐴠𐴕𐴡𐴌 , 𐴂𐴝𐴂𐴓𐴥𐴞𐴑 𐴕𐴞𐴌𐴝𐴉𐴡𐴃𐴧𐴝 , 𐴋𐴞𐴔𐴟𐴑𐴠𐴌𐴠𐴏𐴞 𐴀𐴝𐴌 𐴀𐴞𐴕𐴏𐴝𐴕𐴞 𐴇𐴥𐴡𐴑𐴧𐴡𐴌 𐴀𐴝𐴕𐴋𐴝𐴌 𐴏𐴥𐴠𐴒𐴠𐴄𐴠𐴌𐴞 / 𐴀𐴟𐴎𐴌𐴝 𐴎𐴝𐴙𐴌 𐴏𐴥𐴡𐴊𐴧𐴝𐴌𐴞𐴃 , 𐴊𐴠𐴐𐴡𐴌 𐴸 𐴎𐴡𐴙𐴕𐴧𐴝 𐴀𐴟𐴒𐴧𐴤𐴗𐴝 𐴕𐴡𐴔𐴝𐴙𐴕𐴊𐴝𐴌 𐴋𐴝𐴀𐴝𐴘 , 𐴑𐴡𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴀𐴟𐴑𐴤𐴞𐴘𐴝 𐴁𐴝𐴓𐴟 𐴈𐴥𐴝𐴓𐴞𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴠𐴃 𐴇𐴥𐴝𐴓𐴡𐴃 𐴏𐴝𐴘𐴁𐴡𐴓𐴧𐴝 𐴀𐴝𐴙𐴐𐴧𐴤𐴙𐴠 𐴱𐴱

𐴁𐴟𐴙𐴃 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴹 𐴁𐴝𐴎𐴠 𐴕𐴡𐴔𐴝𐴙𐴕𐴊𐴝𐴌 𐴋𐴝𐴀𐴝𐴘 𐴀𐴥𐴞𐴁𐴝 , 𐴑𐴡𐴑𐴏𐴡 𐴁𐴝𐴎𐴝𐴌 𐴀𐴥𐴝𐴁𐴝𐴌 𐴔𐴝𐴍𐴡𐴃 𐴉𐴡𐴣𐴀𐴡𐴙𐴏𐴧𐴙𐴠 , 𐴁𐴦𐴝𐴊𐴠 𐴑𐴠𐴀𐴠𐴔𐴡𐴃 𐴎𐴝𐴘𐴁𐴝𐴌 𐴔𐴡𐴕𐴐𐴤𐴝 𐴓𐴡𐴘 𐴀𐴥𐴞𐴃𐴝𐴌𐴝 𐴑𐴠𐴀𐴠𐴔𐴡𐴌 𐴀𐴟𐴎𐴟 𐴁𐴝𐴘𐴏𐴥𐴝 𐴊𐴞𐴘𐴠 , 𐴕𐴡𐴔𐴝𐴙𐴕𐴊𐴝𐴌 𐴋𐴝𐴀𐴝𐴘 𐴀𐴥𐴞𐴁𐴝𐴌 𐴉𐴥𐴟𐴣𐴖𐴝𐴣𐴃𐴞 , 𐴔𐴝𐴎 𐴀𐴝𐴌 𐴊𐴡𐴀𐴡𐴙𐴕 𐴀𐴞𐴐𐴤𐴞𐴘𐴝𐴌 𐴔𐴟𐴃𐴦𐴝𐴓𐴧𐴠𐴑 𐴁𐴡𐴘𐴊𐴠𐴐𐴢 𐴔𐴦𐴝𐴔𐴠𐴓𐴝𐴌 𐴀𐴝𐴔𐴠𐴌𐴞𐴑𐴝𐴌 𐴀𐴠𐴏𐴥𐴞𐴏𐴄𐴤𐴠𐴕 / 𐴋𐴟𐴕𐴥𐴝𐴓𐴋 𐴓𐴟𐴀𐴟 𐴘𐴥𐴡 𐴀𐴝𐴐𐴧𐴤𐴞𐴀𐴞𐴓 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 , 𐴇𐴥𐴝𐴓𐴡𐴃 𐴏𐴝𐴀𐴝 𐴏𐴞𐴃𐴝 𐴁𐴠𐴌𐴝 𐴀𐴞𐴁𐴤𐴝𐴃 , 𐴔𐴡𐴅𐴁𐴟𐴌 𐴒𐴡𐴌𐴥𐴞 𐴁𐴡𐴓𐴝𐴎𐴟𐴌𐴞 𐴁𐴡𐴌𐴔𐴥𐴌 𐴃𐴧𐴟 𐴊𐴦𐴟𐴣𐴌𐴝𐴘 𐴊𐴞𐴘𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴈𐴥𐴝𐴕𐴝𐴌 𐴌𐴝𐴙𐴐𐴤𐴡𐴕 𐴁𐴡𐴌𐴝𐴃 𐴒𐴡𐴌𐴥𐴞 𐴊𐴠𐴀𐴠𐴌 𐴊𐴧𐴠 𐴀𐴥𐴞𐴀𐴞𐴕 𐴏𐴝𐴘𐴁𐴤𐴡 , 𐴀𐴝𐴌 𐴀𐴥𐴠 𐴔𐴡𐴎𐴓𐴟𐴔 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴓𐴡𐴘 𐴈𐴡𐴃𐴤𐴝 𐴘𐴥𐴡 𐴈𐴡𐴘𐴁𐴤𐴡 , 𐴀𐴞𐴀𐴞𐴕 𐴁𐴦𐴝𐴊𐴠 𐴘𐴥𐴡 , 𐴀𐴝𐴔𐴠𐴌𐴞𐴑𐴝𐴌 𐴋𐴠𐴓𐴞𐴒𐴠𐴐𐴤𐴠𐴕 𐴀𐴥𐴞𐴁𐴝 𐴀𐴝𐴕𐴋𐴝𐴌 𐴏𐴥𐴠𐴒𐴠𐴄𐴠𐴌𐴞 / 𐴀𐴟𐴎𐴌𐴝 𐴎𐴝𐴙𐴌 𐴐𐴤𐴡𐴣𐴀𐴡 , 𐴌𐴟𐴇𐴝𐴙𐴚𐴒𐴙𐴝 𐴁𐴠𐴍𐴞𐴘𐴝𐴙𐴕 𐴀𐴝𐴌 𐴉𐴟𐴖𐴝𐴙𐴕𐴊𐴡𐴌 , ( 𐴖𐴥𐴠𐴔𐴥𐴠𐴕 – 𐴉𐴠𐴌𐴥𐴠𐴕𐴓𐴞 ) 𐴏𐴠𐴕𐴄𐴝𐴌𐴡𐴃 𐴀𐴥𐴡 𐴏𐴝𐴘𐴃𐴡 𐴎𐴝𐴘𐴁𐴡 𐴱𐴱

𐴀𐴠 𐴏𐴝𐴀𐴝 𐴏𐴞𐴃𐴝 𐴁𐴠𐴌𐴝 𐴀𐴞𐴁𐴤𐴝𐴌 𐴃𐴧𐴟 𐴀𐴝𐴎𐴟𐴙𐴌 𐴀𐴥𐴡𐴘 𐴁𐴦𐴝𐴊𐴠 , 𐴀𐴥𐴠𐴍𐴠 𐴑𐴠𐴀𐴠𐴔𐴡𐴃 𐴌𐴞𐴉𐴟𐴎𐴞𐴌 𐴌𐴝𐴘𐴐𐴤𐴡𐴕 𐴀𐴝𐴌 𐴖𐴝𐴉𐴠𐴏𐴞𐴌 𐴎𐴞𐴔𐴧𐴝𐴊𐴝𐴌 𐴀𐴡𐴉𐴥𐴞𐴏𐴝𐴌 𐴑𐴡𐴔𐴞𐴐𐴕𐴝𐴌 𐴀𐴥𐴡𐴑𐴧𐴡𐴓 𐴓𐴡𐴘 𐴔𐴞𐴄𐴤𐴞𐴚 𐴀𐴥𐴡 𐴒𐴡𐴌𐴞𐴁𐴤𐴡 , 𐴁𐴦𐴝𐴊𐴠 𐴖𐴝𐴉𐴠𐴏𐴢 𐴋𐴤𐴝𐴑𐴝 𐴎𐴝𐴘𐴁𐴡 𐴒𐴤𐴡𐴙𐴓𐴧𐴝 𐴑𐴡𐴑𐴏𐴡 𐴁𐴝𐴎𐴝𐴌 𐴎𐴝𐴘𐴁𐴡 𐴒𐴤𐴡𐴘 𐴱𐴱

Sources : Ukhiyanews.com