𐴁𐴡𐴌𐴔𐴥𐴝𐴃 𐴖𐴝𐴉𐴠𐴏𐴢 𐴎𐴝𐴘𐴁𐴡𐴓𐴧𐴥𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴰 𐴰 𐴰 𐴲 $ 𐴊𐴞𐴀𐴞𐴁𐴝𐴌 𐴀𐴡𐴉𐴥𐴝𐴌 𐴒𐴡𐴌𐴥𐴝 𐴎𐴝𐴀𐴝𐴌 𐴕𐴞𐴑𐴤𐴞 ⸮ 𐴱𐴱

𐴕𐴞𐴎𐴡𐴌 𐴎𐴡𐴌𐴔𐴡𐴏𐴃𐴤𐴝𐴕 𐴁𐴡𐴌𐴔𐴥𐴝𐴌 𐴀𐴝𐴌𐴑𐴝𐴕 𐴋𐴞𐴐𐴄𐴤𐴞𐴑𐴡𐴃 𐴖𐴝𐴉𐴠𐴏𐴢 𐴎𐴡𐴀𐴡𐴙𐴕𐴧𐴝 𐴉𐴡𐴃𐴧𐴞 𐴌𐴟𐴇𐴝𐴙𐴚𐴒𐴙𐴝 𐴒𐴤𐴡𐴌𐴒𐴟𐴐𐴧𐴞 𐴀𐴥𐴡𐴑𐴧𐴡𐴓𐴡𐴌𐴠 , 𐴁𐴝𐴚𐴓𐴝𐴊𐴠𐴐𐴞 𐴇𐴥𐴡𐴑𐴟𐴔𐴡𐴃𐴞 𐴀𐴝𐴊𐴞𐴑𐴝𐴌𐴞 𐴀𐴥𐴡𐴑𐴧𐴡𐴓𐴠 𐴰 𐴰 𐴰 𐴲 $ 𐴋𐴦𐴡𐴓𐴝𐴌 𐴀𐴥𐴞𐴏𐴝𐴉𐴠 𐴊𐴞𐴀𐴞𐴁𐴡 𐴁𐴡𐴓𐴞 𐴀𐴡𐴉𐴥𐴝𐴌 𐴒𐴡𐴌𐴥𐴠𐴌 , 𐴒𐴤𐴡𐴌𐴈𐴝𐴛𐴏𐴧𐴝 𐴊𐴠𐴐𐴢 𐴀𐴥𐴡𐴑𐴧𐴡𐴓𐴠 𐴖𐴝𐴉𐴠𐴏𐴞𐴌 𐴀𐴠𐴑𐴀𐴡𐴔 𐴑𐴤𐴠𐴉𐴢 𐴀𐴝𐴏𐴦𐴝𐴕𐴞𐴌 𐴏𐴥𐴝𐴣𐴀𐴝𐴃𐴠 𐴀𐴥𐴟𐴖𐴝𐴘 𐴁𐴡𐴓𐴧𐴝 𐴈𐴝𐴔 𐴒𐴡𐴌𐴥𐴠𐴌 𐴱𐴱

𐴀𐴠𐴑𐴀𐴡𐴔 𐴑𐴤𐴠𐴉𐴢 𐴀𐴥𐴞𐴏𐴝𐴉𐴠 𐴰 𐴰 𐴱 𐴱 𐴎𐴡𐴕𐴡𐴌 𐴁𐴦𐴠𐴐𐴢 𐴌𐴟𐴇𐴝𐴙𐴚𐴒𐴙𐴝 , 𐴖𐴝𐴉𐴠𐴏𐴢 𐴀𐴝𐴌𐴑𐴝𐴕𐴡𐴃 𐴉𐴡𐴣𐴀𐴡𐴏𐴝𐴘𐴁𐴝𐴌 𐴈𐴝𐴔 𐴏𐴝𐴓𐴟 , 𐴇𐴥𐴝𐴓𐴡𐴃 𐴏𐴝𐴙𐴌𐴀𐴥𐴡 𐴔𐴞𐴑𐴧𐴤𐴙𐴝 𐴁𐴤𐴝𐴓𐴝 𐴀𐴥𐴡𐴘𐴓𐴠 , 𐴁𐴠𐴐𐴤𐴞 𐴃𐴡𐴌𐴝 𐴃𐴡𐴌𐴞 𐴖𐴝𐴉𐴠𐴏𐴢 𐴉𐴡𐴣𐴀𐴡𐴏𐴝𐴘 𐴊𐴞𐴘𐴝 𐴎𐴝𐴘𐴁𐴡 𐴁𐴡𐴓𐴞 , 𐴇𐴥𐴡𐴑𐴟𐴔𐴡𐴃𐴞 𐴀𐴝𐴊𐴞𐴑𐴝𐴌𐴞 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 , 𐴀𐴟𐴀𐴟𐴕 𐴁𐴦𐴝𐴊𐴠 𐴘𐴥𐴡 𐴀𐴠 𐴁𐴡𐴏𐴥𐴡𐴌𐴡𐴌 𐴁𐴤𐴟𐴃𐴡𐴌𐴠 𐴀𐴝𐴌𐴀𐴥𐴡 𐴰 𐴰 𐴰 𐴶 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴖𐴝𐴉𐴠𐴏𐴢 𐴉𐴡𐴣𐴀𐴡𐴏𐴝𐴘 𐴊𐴞𐴀𐴞𐴁𐴡𐴓𐴧𐴝 , 𐴊𐴟𐴕𐴥𐴞 𐴊𐴠𐴐𐴡𐴌 𐴔𐴝𐴎𐴤𐴠 𐴈𐴡𐴃𐴤𐴝 𐴈𐴟𐴀𐴝 𐴈𐴡𐴀𐴡𐴘 𐴏𐴡𐴓𐴠𐴌 𐴱𐴱

𐴖𐴝𐴉𐴠𐴏𐴞𐴌 𐴓𐴞𐴐𐴄𐴤𐴞 𐴒𐴡𐴙𐴅𐴧𐴤𐴙𐴝 𐴳 𐴲 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 , 𐴁𐴤𐴝𐴐𐴡𐴕 𐴏𐴡𐴌𐴡𐴃𐴧𐴤𐴟 𐴓𐴡𐴘 𐴀𐴟𐴑𐴤𐴞𐴘𐴝 𐴑𐴟𐴃𐴤𐴟𐴉𐴝𐴓𐴡𐴚 𐴄𐴠𐴌𐴝𐴕𐴎𐴤𐴞𐴄 𐴑𐴠𐴀𐴠𐴔𐴡𐴃 𐴌𐴝𐴙𐴑𐴧𐴤𐴙𐴠 , 𐴎𐴞𐴃𐴝𐴌𐴝 𐴌𐴠 𐴘𐴝𐴀𐴝𐴌 𐴀𐴝𐴒𐴠 𐴁𐴡𐴌𐴔𐴥𐴝𐴌 𐴇𐴥𐴡𐴑𐴟𐴔𐴡𐴃𐴞 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴠 𐴐𐴤𐴝𐴙𐴑𐴧𐴝𐴃𐴑𐴝𐴌𐴞 𐴒𐴡𐴌𐴥𐴞 𐴎𐴝𐴣𐴏𐴝𐴘 𐴁𐴝𐴏𐴝𐴘 𐴒𐴡𐴙𐴅𐴧𐴤𐴙𐴠 , 𐴀𐴠𐴍𐴥𐴠 𐴔𐴝𐴎𐴤𐴠 𐴈𐴥𐴝𐴕𐴝𐴌 𐴌𐴝𐴘𐴐𐴤𐴡𐴕 𐴎𐴡𐴕 𐴉𐴞𐴏𐴥𐴠 𐴲 $ 𐴋𐴦𐴡𐴓𐴝𐴌 𐴀𐴥𐴞𐴏𐴝𐴉𐴠 𐴁𐴞𐴐𐴤𐴞𐴃 𐴁𐴝𐴌 𐴓𐴡𐴃𐴞 𐴈𐴡𐴔𐴝𐴘 𐴉𐴥𐴠𐴓𐴝𐴘𐴧𐴠 𐴱𐴱

𐴁𐴞𐴐𐴧𐴤𐴡𐴌 𐴈𐴥𐴝𐴕𐴝𐴌 𐴂𐴡𐴌𐴟𐴒𐴠𐴌𐴝𐴔 𐴃𐴡𐴕𐴎𐴞𐴔 ( 𐴋𐴝𐴁𐴓𐴙𐴟 𐴀𐴠𐴉𐴢 𐴂𐴞 ) 𐴘𐴠 𐴉𐴥𐴝𐴕𐴋 𐴈𐴡𐴔𐴞 𐴎𐴡𐴀𐴡𐴕𐴡𐴌 𐴎𐴡𐴌𐴞𐴘𐴝, 𐴀𐴠 𐴁𐴡𐴏𐴥𐴡𐴌 𐴔𐴝𐴌𐴠𐴆 𐴔𐴝𐴐𐴡𐴃 𐴎𐴡𐴕 𐴉𐴡𐴃𐴞 𐴁𐴡𐴖𐴆𐴝𐴌 𐴲 𐴱 $ 𐴋𐴦𐴡𐴓𐴝𐴌𐴡𐴌𐴃𐴧𐴟 𐴲 $ 𐴋𐴦𐴡𐴓𐴝𐴌 𐴈𐴡𐴔𐴝𐴘 𐴰 𐴱 𐴋𐴦𐴡𐴓𐴝𐴌 𐴒𐴡𐴌𐴞𐴁𐴤𐴡 𐴁𐴡𐴓𐴞 𐴀𐴠𐴓𐴝𐴕 𐴒𐴡𐴙𐴅𐴧𐴤𐴞𐴀𐴞𐴓 𐴊𐴠 𐴔𐴡𐴎𐴞𐴕 , 𐴀𐴠𐴈𐴥𐴡𐴕 𐴉𐴡𐴙𐴃𐴧𐴡 𐴎𐴡𐴕𐴠 𐴉𐴡𐴙𐴃𐴧𐴡 𐴔𐴝𐴐𐴠 𐴰 𐴱 $ 𐴋𐴦𐴡𐴓𐴝𐴌 𐴀𐴥𐴞𐴏𐴝𐴉𐴠 𐴉𐴝𐴘𐴁𐴡𐴊𐴠 𐴱𐴱

𐴕𐴠𐴏𐴠 𐴈𐴟𐴀𐴝 𐴎𐴝𐴘𐴁𐴡𐴊𐴠 𐴔𐴡𐴎𐴞𐴕 𐴑𐴠𐴀𐴠𐴔 𐴀𐴡𐴉𐴥𐴞𐴏𐴡𐴃 𐴊𐴡𐴓𐴝 𐴀𐴥𐴡𐴘𐴁𐴡𐴓𐴧𐴝 , 𐴔𐴡𐴚𐴒𐴡𐴓 𐴁𐴝𐴌𐴠 𐴁𐴤𐴝𐴐𐴡𐴕 𐴏𐴡𐴌𐴡𐴌 𐴔𐴡𐴏𐴥𐴡𐴙𐴃𐴡𐴃 𐴀𐴠𐴓𐴝𐴕 𐴒𐴡𐴙𐴅𐴧𐴤𐴙𐴠 , 𐴁𐴟𐴙𐴃 𐴁𐴝𐴌𐴠 𐴓𐴡𐴒𐴁𐴤𐴡𐴒𐴢 𐴰 𐴰 𐴳 𐴌𐴞𐴉𐴟𐴎𐴞 , 𐴁𐴡𐴌𐴔𐴥𐴝𐴌 𐴊𐴠𐴐𐴡𐴙𐴃𐴧𐴝𐴃𐴝 𐴏𐴥𐴡𐴏𐴝𐴁𐴟𐴃 𐴓𐴡𐴘 , 𐴓𐴞𐴐𐴄𐴤𐴞𐴌 𐴁𐴝𐴀𐴝𐴌𐴡𐴌 𐴔𐴝𐴕𐴥𐴟𐴙𐴐𐴢 𐴑𐴠𐴀𐴠𐴔 𐴀𐴡𐴉𐴥𐴞𐴏𐴡𐴃 𐴊𐴡𐴓𐴝 𐴀𐴥𐴡𐴘𐴧𐴠 , 𐴊𐴟𐴘𐴀𐴡𐴔 𐴊𐴞𐴕 𐴁𐴞𐴐𐴤𐴞𐴃 𐴁𐴝𐴌𐴠 𐴓𐴞𐴐𐴄𐴤𐴞 𐴏𐴥𐴝𐴌𐴝 𐴌𐴞𐴉𐴟𐴎𐴞 𐴒𐴤𐴡𐴌𐴒𐴟𐴐𐴧𐴞 𐴀𐴥𐴡𐴑𐴧𐴡𐴓 𐴑𐴠𐴀𐴠𐴔 𐴀𐴡𐴉𐴥𐴞𐴏𐴡𐴃 𐴊𐴡𐴓𐴝 𐴀𐴥𐴡𐴘𐴧𐴠 𐴱𐴱

Sources : Dhakatribune