𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴉𐴥𐴞𐴃𐴞𐴕 𐴀𐴥𐴡 𐴀𐴦𐴡𐴙𐴕 𐴊𐴤𐴡𐴌𐴞 𐴊𐴟𐴖𐴝𐴕 𐴉𐴟𐴌𐴞 𐴏𐴥𐴝𐴘 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌𐴡𐴌 𐴀𐴟𐴑𐴤𐴞𐴘𐴝 𐴉𐴥𐴝𐴓𐴡𐴚 𐴈𐴥𐴝𐴓𐴞 𐴘𐴟𐴕𐴞𐴘𐴡𐴕𐴡𐴌 𐴎𐴝𐴔𐴃𐴡𐴓𐴞𐴃 , 𐴉𐴥𐴞𐴃𐴞𐴕 𐴀𐴥𐴡 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴀𐴦𐴡𐴙𐴕 𐴎𐴡𐴓𐴝𐴌 𐴒𐴤𐴡𐴄𐴡𐴕𐴝 𐴀𐴥𐴡𐴘𐴧𐴠 , 𐴎𐴠 𐴒𐴤𐴡𐴄𐴡𐴕𐴝𐴃 𐴑𐴡𐴏𐴔𐴞𐴄𐴤𐴞𐴑𐴏𐴢 𐴀𐴝𐴌 𐴈𐴦𐴡𐴌𐴡𐴌 𐴊𐴟𐴖𐴝𐴕 𐴔𐴞𐴓𐴝𐴘 𐴁𐴠𐴒𐴧𐴤𐴞𐴕𐴠 𐴲 𐴳 𐴐𐴤𐴝𐴕 𐴊𐴟𐴖𐴝𐴕 𐴉𐴟𐴌𐴞 𐴏𐴥𐴝𐴘 𐴀𐴥𐴡𐴘 𐴒𐴞𐴘𐴡𐴘 , 𐴀𐴠 𐴉𐴟𐴌𐴝𐴉𐴟𐴌𐴞𐴌 𐴒𐴤𐴡𐴄𐴡𐴕𐴝𐴃 𐴂𐴠𐴌𐴝𐴘 𐴑𐴟𐴄𐴤𐴞 𐴄𐴞𐴛𐴝𐴌 𐴈𐴥𐴡𐴃𐴞 𐴓𐴟𐴏𐴧𐴝𐴕 𐴀𐴥𐴡𐴘𐴧𐴠 𐴁𐴡𐴓𐴞 , 𐴁𐴝𐴎𐴝𐴌 𐴑𐴡𐴔𐴞𐴄𐴤𐴞𐴌 𐴏𐴥𐴡𐴊𐴡𐴌 / 𐴅𐴡𐴔𐴝𐴓𐴟 𐴊𐴧𐴞𐴕𐴠 𐴈𐴡𐴘𐴧𐴠 𐴱𐴱

𐴔𐴠 𐴔𐴝𐴐𐴡𐴌 𐴶 𐴱 𐴃𐴝𐴌𐴥𐴞𐴑 𐴏𐴡𐴀𐴡𐴌𐴠 𐴂𐴠𐴌𐴝𐴘 𐴐𐴤𐴝𐴀𐴝𐴌𐴡 𐴶 𐴁𐴝𐴎𐴠 , 𐴀𐴟𐴑𐴤𐴞𐴘𐴝 𐴵 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 𐴎𐴝𐴔𐴃𐴡𐴓𐴞 𐴁𐴝𐴎𐴝𐴌𐴡𐴃 𐴀𐴥𐴡𐴘𐴧𐴠𐴊𐴠 𐴀𐴦𐴡𐴙𐴕 𐴎𐴡𐴓𐴝𐴌 𐴒𐴤𐴡𐴄𐴡𐴕𐴝𐴃 𐴈𐴡𐴕𐴥𐴡 𐴅𐴝𐴕𐴞 𐴓𐴟𐴏𐴧𐴝𐴕 𐴕𐴡𐴀𐴡 𐴀𐴥𐴡𐴀𐴡 , 𐴉𐴥𐴝𐴓𐴡𐴚 𐴈𐴥𐴝𐴓𐴞 𐴵 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 𐴎𐴝𐴔𐴃𐴡𐴓𐴞 𐴁𐴝𐴎𐴝𐴌𐴡𐴌 𐴐𐴤𐴡𐴁𐴝𐴉𐴡𐴃𐴞 / 𐴅𐴡𐴔𐴝𐴓𐴟 𐴊𐴧𐴞𐴕𐴠 𐴈𐴡𐴘𐴧𐴠𐴊𐴠 ! 𐴶 𐴱 𐴃𐴝𐴌𐴥𐴞𐴑 𐴔𐴡𐴚𐴒𐴡𐴓 𐴁𐴝𐴌𐴠 𐴏𐴡𐴀𐴡𐴌𐴠 𐴂𐴠𐴌𐴝𐴘 𐴶 𐴁𐴝𐴎𐴠 , 𐴁𐴝𐴚𐴓𐴝𐴊𐴠𐴐𐴤𐴞 / 𐴐𐴝𐴇𐴝𐴁𐴟 𐴊𐴧𐴞𐴕𐴡𐴌 𐴈𐴦𐴡𐴌𐴡𐴌 𐴊𐴟𐴖𐴝𐴕𐴡𐴃𐴧𐴥𐴟 𐴀𐴦𐴡𐴙𐴕 𐴊𐴤𐴡𐴌𐴞 𐴀𐴟𐴙𐴄𐴧𐴤𐴙𐴠 𐴁𐴡𐴓𐴞 𐴏𐴟𐴑 𐴊𐴠𐴈𐴥𐴝 𐴒𐴡𐴁𐴤𐴝 𐴘𐴠 𐴈𐴡𐴘𐴧𐴠 𐴱𐴱

𐴊𐴠𐴑𐴤𐴞𐴃𐴠 𐴊𐴠𐴑𐴤𐴞𐴃𐴠 𐴇𐴥𐴡𐴄𐴝𐴃 𐴁𐴠𐴐𐴤𐴞 𐴃𐴡𐴌𐴝 𐴃𐴡𐴌𐴞 𐴀𐴦𐴡𐴙𐴕 𐴏𐴝𐴙𐴌 𐴀𐴥𐴡 𐴔𐴞𐴑𐴧𐴤𐴙𐴝 𐴏𐴥𐴡𐴌𐴝𐴘 𐴒𐴞𐴘𐴡𐴘 , 𐴀𐴦𐴡𐴙𐴕 𐴊𐴤𐴡𐴌𐴝𐴌 𐴈𐴥𐴡𐴁𐴡𐴌 𐴉𐴝𐴘 𐴔𐴡𐴃𐴧𐴡𐴌 , 𐴀𐴦𐴡𐴙𐴕 𐴕𐴞𐴉𐴝𐴀𐴝 𐴉𐴟𐴓𐴞𐴐𐴡𐴌 𐴊𐴟𐴘 𐴘𐴟𐴕𐴥𐴞𐴄 𐴐𐴤𐴡𐴣𐴀𐴡 𐴐𐴤𐴠𐴕𐴝𐴁𐴝𐴇𐴥𐴞𐴕𐴞 , 𐴀𐴠 𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴢 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴁𐴤𐴡𐴓𐴡𐴕𐴄𐴤𐴙𐴝𐴌 ( 𐴌𐴡𐴎𐴝𐴑𐴝𐴌 ) 𐴀𐴥𐴡𐴑𐴧𐴡𐴓 , 𐴁𐴠𐴒𐴧𐴤𐴟𐴕 𐴔𐴞𐴓𐴞 𐴎𐴤𐴟𐴓𐴞 𐴁𐴡𐴓𐴝𐴁𐴡𐴓𐴞 𐴒𐴡𐴌𐴞𐴀𐴞 𐴀𐴦𐴡𐴙𐴕 𐴕𐴞𐴉𐴥𐴝𐴘 𐴁𐴝𐴌 𐴏𐴠𐴐𐴃𐴝 𐴑𐴟𐴐𐴤𐴞𐴐𐴢 𐴏𐴝𐴓𐴝𐴘𐴧𐴠 ,𐴀𐴝𐴊𐴤𐴝 𐴒𐴤𐴡𐴕𐴄𐴝𐴌 𐴉𐴡𐴌𐴠 𐴀𐴦𐴡𐴙𐴕 𐴑𐴡𐴕𐴄𐴟𐴌𐴟𐴓𐴡𐴃 𐴀𐴝𐴙𐴐𐴧𐴤𐴙𐴠 𐴱𐴱

𐴀𐴠 𐴀𐴝𐴊𐴤𐴝 𐴒𐴤𐴡𐴕𐴄𐴝𐴌 𐴁𐴤𐴟𐴃𐴡𐴌𐴠 𐴑𐴡𐴏𐴔𐴞𐴄𐴤𐴞𐴑𐴏𐴢 𐴀𐴝𐴌 𐴈𐴦𐴡𐴌𐴡𐴌 𐴊𐴟𐴖𐴝𐴕 𐴔𐴞𐴓𐴝𐴘 𐴲 𐴳 𐴐𐴤𐴝𐴕 𐴊𐴟𐴖𐴝𐴕 𐴎𐴡𐴓𐴞 𐴉𐴟𐴌𐴞 𐴏𐴥𐴝𐴘 𐴀𐴥𐴡𐴘 𐴒𐴞𐴘𐴡𐴘 , 𐴎𐴠𐴍𐴥𐴠 𐴑𐴟𐴄𐴤𐴞 𐴄𐴞𐴛𐴝 𐴓𐴡𐴃𐴞 𐴓𐴟𐴏𐴧𐴝𐴕 𐴈𐴥𐴡𐴃𐴞 𐴀𐴥𐴡𐴘𐴧𐴠 , 𐴸 𐴓𐴡𐴔𐴁𐴤𐴡𐴌 𐴀𐴥𐴝𐴣𐴃𐴞𐴘𐴝𐴌𐴞 𐴉𐴟𐴓𐴞𐴐𐴢 𐴁𐴠𐴄𐴠𐴓𐴞𐴘𐴠𐴕𐴡𐴌 𐴁𐴡𐴌𐴡 / 𐴉𐴝𐴌𐴟𐴑 𐴀𐴝𐴇𐴔𐴡𐴊𐴠 𐴎𐴝𐴕𐴝𐴘𐴧𐴠𐴊𐴠 ! 𐴀𐴠𐴈𐴥𐴡𐴕 𐴀𐴦𐴡𐴙𐴕 𐴕𐴞𐴉𐴥𐴝𐴘 𐴉𐴥𐴠𐴓𐴝𐴀𐴝 𐴒𐴞𐴘𐴠 , 𐴇𐴥𐴝𐴓𐴡𐴃 𐴐𐴤𐴡𐴁𐴝𐴁𐴤𐴞𐴑 𐴀𐴥𐴡𐴘𐴧𐴠 , 𐴀𐴠 𐴒𐴤𐴡𐴄𐴡𐴕𐴝𐴌 𐴉𐴞𐴏𐴥𐴠 𐴑𐴞 𐴀𐴝𐴏𐴥𐴠𐴊𐴠 ⸮ 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 𐴘𐴝𐴀𐴝𐴕 𐴃𐴟𐴖𐴝𐴘 𐴁𐴝𐴀𐴞𐴌 𐴒𐴡𐴌𐴞𐴀𐴞 𐴁𐴝𐴌 𐴈𐴝𐴔 𐴐𐴤𐴟𐴌𐴟 𐴒𐴡𐴙𐴅𐴧𐴤𐴙𐴠 𐴱𐴱

Sources : Ukhiyanews.com