𐴊𐴠𐴐𐴡𐴙𐴃𐴧𐴝𐴃𐴝 𐴇𐴥𐴡𐴑 𐴕𐴡 𐴉𐴝𐴘𐴓𐴥𐴠 𐴖𐴝𐴉𐴠𐴏𐴢 𐴕𐴡 𐴎𐴝𐴘𐴧𐴟𐴔 𐴁𐴡𐴓𐴞 𐴈𐴡𐴘𐴧𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴱𐴱

𐴀𐴝𐴌𐴑𐴝𐴕𐴡𐴌 𐴔𐴡𐴗𐴚𐴋𐴤𐴟𐴌 𐴀𐴠𐴓𐴝𐴑𐴝𐴃 , 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌𐴠 𐴖𐴝𐴉𐴠𐴏𐴢 𐴒𐴡𐴏𐴥𐴞 𐴓𐴡𐴘𐴁𐴝𐴌 𐴃𐴡𐴘𐴧𐴝𐴌𐴞 𐴒𐴡𐴙𐴅𐴧𐴤𐴙𐴠𐴊𐴠 𐴇𐴥𐴝𐴓𐴡𐴃 𐴏𐴝𐴘𐴃𐴤𐴡 𐴒𐴞𐴘𐴠 𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 , 𐴉𐴡𐴌𐴞𐴏𐴃𐴤𐴞𐴃𐴞 𐴏𐴝𐴀𐴝𐴘 𐴁𐴦𐴝𐴊𐴠 𐴈𐴡𐴘𐴧𐴠𐴊𐴠 ! 𐴊𐴠𐴐𐴡𐴙𐴃𐴧𐴝𐴃𐴝 𐴇𐴥𐴡𐴑 𐴉𐴝𐴀𐴝 𐴉𐴡𐴌𐴞𐴁𐴤𐴡 , 𐴌𐴟𐴇𐴝𐴙𐴚𐴒𐴙𐴝 𐴎𐴝𐴃 𐴀𐴥𐴞𐴏𐴝𐴉𐴠 𐴔𐴝𐴕𐴞 𐴓𐴟𐴖𐴝 𐴉𐴡𐴌𐴞𐴁𐴤𐴡 𐴀𐴝𐴌 𐴕𐴞𐴎𐴡𐴌 𐴕𐴞𐴎𐴡𐴌 𐴔𐴟𐴌𐴥𐴝𐴚 𐴉𐴝𐴌𐴝𐴃 𐴎𐴝𐴘 𐴃𐴤𐴝𐴑𐴞 𐴉𐴝𐴌𐴝𐴀𐴝 𐴉𐴡𐴌𐴞𐴁𐴤𐴡 , 𐴀𐴞𐴀𐴞𐴕 𐴁𐴠𐴒𐴧𐴤𐴞𐴕𐴡𐴌 𐴖𐴝𐴊𐴝 𐴑𐴝𐴕𐴟𐴕𐴞 𐴃𐴡𐴖𐴌𐴠 𐴉𐴝𐴑𐴧𐴝 𐴀𐴥𐴡𐴀𐴡𐴕 𐴏𐴥𐴝𐴌𐴝 𐴊𐴠𐴐𐴡𐴃 𐴖𐴝𐴉𐴠𐴏𐴢 𐴕𐴡 𐴎𐴝𐴘𐴧𐴟𐴔 𐴁𐴡𐴓𐴞 , 𐴀𐴝𐴌 𐴀𐴠𐴉𐴢 𐴀𐴠𐴌 𐴁𐴠𐴕𐴥𐴝𐴌 𐴕𐴞𐴘𐴥𐴟𐴏𐴡𐴌𐴠 𐴈𐴡𐴘𐴧𐴠 𐴱𐴱

𐴔𐴠 𐴔𐴝𐴐𐴡𐴌 𐴵 𐴃𐴝𐴌𐴥𐴞𐴑𐴡𐴃 𐴁𐴝𐴚𐴓𐴝𐴊𐴠𐴐𐴢 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴧𐴟 𐴌𐴟𐴇𐴝𐴙𐴚𐴒𐴙𐴝 𐴀𐴝𐴌 𐴁𐴝𐴚𐴓𐴝𐴊𐴠𐴐𐴞 𐴇𐴥𐴡𐴑𐴟𐴔𐴡𐴃𐴞 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓 𐴔𐴞𐴓𐴝𐴘𐴧𐴝 𐴕𐴡𐴔𐴝𐴙𐴕𐴊𐴝 𐴋𐴝𐴀𐴝𐴘 , 𐴀𐴝𐴌𐴑𐴝𐴕𐴡𐴌 𐴔𐴡𐴗𐴚𐴋𐴤𐴟𐴌 𐴀𐴠𐴓𐴝𐴑𐴝𐴃 , 𐴌𐴞𐴉𐴟𐴎𐴞 𐴒𐴡𐴏𐴥𐴞 𐴓𐴡𐴘 𐴁𐴡𐴌𐴓𐴧𐴝, 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴃𐴡𐴘𐴧𐴝𐴌 𐴒𐴡𐴌𐴞𐴀𐴞 𐴌𐴝𐴙𐴑𐴧𐴤𐴙𐴠𐴊𐴠 𐴇𐴥𐴝𐴓 𐴀𐴝𐴁𐴡𐴏𐴃𐴝 𐴏𐴝𐴀𐴝𐴘 𐴁𐴦𐴝𐴊𐴠 𐴈𐴡𐴃𐴤𐴝 𐴀𐴞𐴀𐴞𐴕 𐴈𐴡𐴘𐴧𐴠𐴊𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴒𐴡𐴏𐴥𐴞 𐴓𐴡𐴘𐴁𐴝𐴌 𐴁𐴝𐴁𐴡𐴃𐴠 , 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴄𐴤𐴞𐴑 𐴄𐴤𐴝𐴑 𐴒𐴡𐴌𐴞𐴀𐴞 𐴌𐴝𐴙𐴑𐴧𐴤𐴙𐴠 𐴊𐴠 𐴀𐴥𐴞𐴀𐴞𐴕𐴡𐴌 𐴖𐴡𐴌𐴠 𐴐𐴤𐴝𐴕𐴃𐴞 𐴀𐴠𐴃𐴔𐴞𐴕𐴝𐴕 𐴕𐴡𐴀𐴡 𐴀𐴥𐴡𐴀𐴡𐴊𐴠 𐴀𐴥𐴠𐴃𐴡𐴓𐴧𐴝 , 𐴏𐴝𐴘𐴃𐴤𐴡 𐴒𐴞𐴀𐴞𐴓𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴀𐴠𐴕𐴋𐴞𐴓𐴧𐴝 𐴈𐴡𐴘𐴧𐴠𐴊𐴠 𐴁𐴡𐴓𐴞 / 𐴃𐴟𐴌𐴑𐴞𐴌 𐴈𐴥𐴡𐴁𐴡𐴌𐴞 𐴃𐴝𐴕𐴥𐴝 ” 𐴀𐴠𐴕𐴝 𐴋𐴟𐴓𐴟 𐴘𐴠 𐴈𐴡𐴘𐴧𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴊𐴠𐴐𐴡𐴙𐴃𐴧𐴝𐴃𐴝 𐴇𐴥𐴡𐴑 𐴉𐴟𐴌𐴟𐴏𐴧𐴝𐴁 𐴁𐴤𐴝𐴉𐴠 𐴉𐴝𐴘𐴁𐴝𐴌 𐴀𐴝𐴌 𐴃𐴝𐴌𐴥𐴝𐴌 𐴀𐴝𐴏𐴥𐴡𐴓𐴞 𐴔𐴟𐴌𐴥𐴝𐴚 𐴎𐴝𐴒𐴝𐴃 𐴉𐴝𐴌𐴝𐴃 𐴎𐴝𐴘 𐴉𐴝𐴌𐴞𐴀𐴞𐴁𐴤𐴝𐴌 , 𐴐𐴡𐴌𐴥𐴡𐴃 𐴀𐴞𐴀𐴞𐴕𐴡𐴌 𐴑𐴝𐴕𐴟𐴕𐴞 𐴖𐴝𐴊𐴝 𐴃𐴤𐴝𐴑𐴝 𐴉𐴡𐴌𐴞𐴁𐴤𐴡 𐴈𐴡𐴀𐴡𐴕 , 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡𐴌 𐴃𐴡𐴌𐴉𐴥𐴡𐴌𐴃𐴧𐴟 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡 𐴌𐴠 𐴊𐴠𐴐𐴡𐴙𐴃𐴧𐴝𐴃𐴝 𐴇𐴥𐴡𐴑 𐴊𐴞𐴀𐴞𐴁𐴡 𐴁𐴡𐴓𐴞 𐴖𐴝𐴊𐴝 𐴕𐴡 𐴒𐴡𐴌𐴡𐴀𐴡𐴕 , 𐴀𐴞𐴀𐴞𐴕 𐴁𐴝𐴚𐴓𐴝𐴊𐴠𐴐𐴢 𐴌𐴞𐴉𐴟𐴎𐴞 𐴏𐴝𐴀𐴝 𐴏𐴞𐴃𐴝 𐴒𐴡𐴌𐴥𐴝 𐴀𐴝𐴌 𐴊𐴠𐴐𐴡𐴃 𐴖𐴝𐴉𐴠𐴏𐴢 𐴉𐴡𐴣𐴀𐴡𐴏𐴥𐴝 , 𐴎𐴞𐴔𐴧𐴝𐴊𐴝𐴌𐴞 𐴀𐴝𐴊𐴝𐴘 𐴒𐴡𐴌𐴡𐴀𐴡𐴙𐴕𐴧𐴝 , 𐴔𐴡𐴇𐴝 𐴔𐴥𐴝𐴚 𐴒𐴞𐴌𐴞𐴀𐴞 / 𐴔𐴟𐴇𐴝𐴔𐴧𐴡𐴊𐴟𐴌 𐴌𐴝𐴇𐴔𐴝𐴕𐴠 𐴈𐴡𐴘𐴧𐴠 𐴁𐴡𐴓𐴞 𐴃𐴟𐴌𐴑𐴞𐴌 𐴈𐴥𐴡𐴁𐴡𐴌𐴡𐴃 𐴓𐴠𐴙𐴑𐴧𐴤𐴙𐴠 𐴱𐴱

Sources : RFAburmese