𐴀𐴟𐴑𐴤𐴞𐴘𐴝𐴃 𐴀𐴥𐴝𐴣𐴃𐴞𐴘𐴝𐴌 𐴀𐴡 𐴒𐴟𐴓𐴝𐴁𐴝𐴌𐴟𐴊 𐴐𐴤𐴡𐴣𐴀𐴡 𐴴 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴒𐴠𐴌𐴠𐴉𐴃𐴝𐴌 𐴱𐴱

𐴁𐴞𐴐𐴤𐴞𐴃 𐴁𐴝𐴌𐴠 𐴌𐴝𐴙𐴃𐴧𐴝 𐴷 𐴓𐴡𐴔𐴁𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 , 𐴀𐴝𐴃𐴡𐴚𐴁𐴝𐴊𐴞 𐴏𐴥𐴡𐴔𐴞𐴀𐴟𐴊𐴧𐴞𐴕𐴡𐴌 𐴏𐴥𐴡𐴊𐴧𐴝𐴌𐴞𐴃 𐴉𐴟𐴓𐴞𐴐𐴢 𐴓𐴡𐴘 𐴒𐴟𐴓𐴞 𐴔𐴝𐴌𐴝 𐴔𐴝𐴌𐴞𐴌 𐴒𐴤𐴡𐴄𐴡𐴕𐴝 𐴒𐴤𐴡𐴙𐴄𐴧𐴙𐴠, 𐴀𐴥𐴠 𐴒𐴤𐴡𐴄𐴡𐴕𐴝𐴃 𐴀𐴠𐴂𐴌𐴞𐴓 𐴔𐴝𐴐𐴡𐴌 𐴸 𐴲 𐴃𐴝𐴌𐴥𐴞𐴑 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴑𐴝𐴌𐴖𐴝𐴘 𐴏𐴝𐴓𐴝𐴘 , 𐴀𐴥𐴝𐴣𐴃𐴞𐴘𐴝𐴌 𐴀𐴡 𐴒𐴟𐴓𐴝𐴁𐴝𐴌𐴟𐴊 𐴐𐴤𐴡𐴣𐴀𐴡 𐴴 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴒𐴠𐴌𐴠𐴉𐴃𐴝𐴌 𐴒𐴡𐴌𐴥𐴝 𐴀𐴥𐴡𐴘𐴧𐴠 𐴱𐴱

𐴔𐴟𐴇𐴝𐴔𐴧𐴡𐴊 𐴅𐴡𐴔𐴝𐴓 𐴇𐴟𐴏𐴝𐴙𐴕 ( 𐴀𐴠𐴉𐴢 𐴋𐴞 𐴀𐴠𐴔 𐴀𐴠𐴕 ) 𐴋𐴞 𐴀𐴝𐴘 𐴅𐴞 𐴘𐴠 𐴈𐴡𐴘𐴧𐴠𐴊𐴠 ! 𐴷 𐴲 𐴃𐴝𐴌𐴥𐴞𐴑 𐴀𐴠𐴂𐴌𐴞𐴓 𐴁𐴞𐴐𐴤𐴞𐴃 𐴁𐴝𐴌𐴠 𐴌𐴝𐴙𐴃𐴧𐴝 𐴂𐴠𐴌𐴝𐴘 𐴐𐴤𐴝𐴀𐴝𐴌𐴡 𐴸 𐴁𐴝𐴎𐴠,𐴀𐴠 𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴠 𐴈𐴥𐴡𐴁𐴡𐴌 𐴉𐴝𐴘𐴓𐴡 𐴊𐴠, 𐴷 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴃 𐴀𐴝𐴃𐴡𐴚𐴁𐴝𐴊𐴞/𐴏𐴥𐴡𐴔𐴞𐴀𐴟𐴊𐴧𐴞𐴕𐴡𐴌 𐴏𐴥𐴡𐴊𐴧𐴝𐴌𐴞𐴃 𐴰 𐴱/ 𐴵 𐴱 𐴎𐴡𐴕 𐴀𐴝𐴃𐴡𐴚𐴁𐴝𐴊𐴞 𐴎𐴡𐴔𐴝 𐴀𐴥𐴡𐴘 𐴁𐴦𐴝𐴊𐴠 𐴀𐴡𐴉𐴥𐴡𐴌𐴝𐴊𐴞 𐴒𐴤𐴡𐴄𐴡𐴕𐴝 𐴒𐴤𐴡𐴄𐴝𐴘𐴁𐴝𐴌 𐴁𐴞𐴘𐴝𐴏𐴝𐴕𐴝 𐴒𐴡𐴌𐴠𐴀𐴠𐴌 , 𐴃𐴡𐴀𐴡𐴘 𐴀𐴥𐴞𐴘𐴝𐴕𐴡𐴌 𐴁𐴝𐴁𐴡𐴃𐴠 𐴔𐴟𐴃𐴝𐴙𐴕 𐴒𐴡𐴙𐴅𐴧𐴤𐴙𐴠𐴊𐴠 𐴒𐴟𐴌𐴞𐴕𐴊𐴝 𐴀𐴥𐴡𐴑𐴧𐴡𐴓 𐴁𐴠𐴐𐴤𐴞 𐴓𐴡𐴌𐴝 𐴏𐴡𐴌𐴝 𐴒𐴡𐴌𐴠𐴀𐴠𐴌𐴱𐴱

𐴀𐴥𐴞𐴁𐴝 𐴘𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠𐴊𐴠! 𐴀𐴠 𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴢 𐴄𐴤𐴞𐴑 𐴔𐴡𐴃𐴠 𐴎𐴝𐴒𐴝𐴃 𐴉𐴡𐴣𐴀𐴡𐴙𐴏𐴧𐴙𐴠 𐴎𐴠𐴈𐴥𐴡𐴕, 𐴃𐴡𐴀𐴡𐴘 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓𐴠 𐴉𐴟𐴓𐴞𐴐𐴡𐴌 𐴒𐴝𐴀𐴝 𐴀𐴟𐴎𐴟 𐴒𐴟𐴓𐴞 𐴏𐴝𐴓𐴝𐴘𐴧𐴠 , 𐴁𐴦𐴝𐴊𐴠 𐴉𐴟𐴓𐴞𐴐𐴠 𐴘𐴥𐴡 𐴉𐴝𐴓𐴄𐴝 𐴒𐴟𐴓𐴞 𐴏𐴝𐴓𐴝𐴘𐴧𐴠 , 𐴒𐴟𐴓𐴞 𐴔𐴝𐴌𐴝 𐴔𐴝𐴌𐴞𐴃 𐴐𐴤𐴟𐴎𐴟𐴑 𐴉𐴝𐴘 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓 𐴉𐴡𐴓𐴝𐴘 𐴒𐴞𐴘𐴡𐴘 , 𐴔𐴡𐴕𐴃𐴡𐴌 𐴀𐴠𐴑 𐴎𐴡𐴕𐴡𐴌 𐴒𐴝𐴀𐴝𐴃 𐴒𐴟𐴓𐴞 𐴉𐴡𐴙𐴅𐴧𐴤𐴙𐴠 𐴁𐴡𐴓𐴞 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴠 𐴱𐴱

𐴀𐴥𐴠 𐴒𐴤𐴡𐴄𐴡𐴕𐴝𐴌 𐴁𐴝𐴁𐴡𐴃𐴠 𐴵 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴃 𐴀𐴝𐴃𐴡𐴚𐴁𐴝𐴊𐴞 𐴏𐴥𐴡𐴔𐴞𐴀𐴟𐴊𐴧𐴞𐴕𐴡𐴌 𐴉𐴝𐴄𐴞 𐴀𐴝𐴏𐴥𐴠 𐴁𐴡𐴓𐴞 𐴈𐴥𐴡𐴁𐴡𐴌 𐴉𐴝𐴘 𐴁𐴦𐴝𐴊𐴠 , 𐴸 𐴲 𐴃𐴝𐴌𐴥𐴞𐴑 𐴀𐴠𐴂𐴌𐴞𐴓 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴷 𐴁𐴝𐴎𐴠 𐴑𐴝𐴌𐴖𐴝𐴘 𐴏𐴝𐴓𐴝𐴘𐴧𐴠 , 𐴀𐴥𐴠 𐴐𐴤𐴡𐴔𐴡𐴃 𐴀𐴥𐴝𐴣𐴃𐴞𐴘𐴝𐴌 𐴀𐴡 𐴒𐴟𐴓𐴝𐴁𐴝𐴌𐴟𐴊 𐴐𐴤𐴡𐴣𐴀𐴡 𐴴 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 , 𐴀𐴥𐴞𐴃𐴝𐴌𐴝 𐴀𐴥𐴡𐴙𐴓𐴊𐴠 𐴊𐴟𐴘 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 𐴁𐴞 𐴁𐴡𐴓𐴡𐴑𐴡𐴌 / 𐴔𐴟𐴇𐴝𐴔𐴧𐴡𐴊 𐴏𐴡𐴘𐴧𐴡𐴊 𐴔𐴡𐴌𐴇𐴦𐴟𐴔𐴡𐴌 𐴉𐴟𐴖𐴝 / 𐴔𐴟𐴇𐴝𐴔𐴧𐴡𐴊 𐴎𐴟𐴁𐴝𐴙𐴌 ( 𐴰 𐴲 ) 𐴁𐴡𐴏𐴥𐴡𐴌 , 𐴶 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 𐴋𐴞 𐴸 𐴁𐴡𐴓𐴡𐴑𐴡𐴌 𐴑𐴡𐴔𐴝𐴓 𐴇𐴟𐴏𐴝𐴙𐴕 𐴔𐴡𐴌𐴇𐴦𐴟𐴔𐴡𐴌 𐴉𐴟𐴖𐴝 / 𐴕𐴟𐴌 𐴔𐴟𐴇𐴝𐴔𐴧𐴡𐴊 ( 𐴵 𐴲 ) 𐴁𐴡𐴏𐴥𐴡𐴌 , 𐴵 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 𐴋𐴞 𐴸 𐴁𐴡𐴓𐴡𐴑𐴡𐴌 𐴎𐴟𐴁𐴝𐴙𐴌 𐴀𐴝𐴇𐴔𐴡𐴊𐴡𐴌 𐴎𐴤𐴞𐴀𐴞 / 𐴔𐴟𐴏𐴝𐴀𐴝 𐴁𐴞 𐴁𐴞 ( 𐴶 𐴱 ) 𐴁𐴡𐴏𐴥𐴡𐴌 , 𐴀𐴝𐴌 𐴏𐴝𐴓𐴠𐴇𐴢 𐴀𐴝𐴇𐴔𐴡𐴊 𐴔𐴡𐴌𐴇𐴦𐴟𐴔𐴡𐴌 𐴁𐴠𐴍𐴞 / 𐴅𐴡𐴔𐴞𐴓𐴝 𐴁𐴠𐴒𐴡𐴔 ( 𐴸 𐴴 ) 𐴁𐴡𐴏𐴥𐴡𐴌 𐴱𐴱

𐴀𐴥𐴞𐴃𐴝𐴌𐴝𐴌𐴃𐴧𐴟 𐴉𐴝𐴘𐴧𐴠𐴊𐴠 𐴀𐴥𐴝𐴣𐴃𐴞𐴘𐴝𐴌 𐴀𐴥𐴡𐴙𐴓𐴊𐴠 , 𐴴 𐴒𐴤𐴗𐴝 𐴊𐴠𐴐𐴤𐴞 𐴃𐴡𐴘𐴧𐴝𐴌𐴞 𐴀𐴠𐴑 𐴁𐴝𐴙𐴅𐴧𐴝 𐴒𐴝𐴀𐴝𐴕 , 𐴰 𐴳 𐴐𐴤𐴗𐴝 𐴆𐴞𐴕𐴝 𐴌𐴝𐴘𐴉𐴡𐴓𐴡𐴌 𐴒𐴟𐴓𐴞 , 𐴷 𐴲 𐴐𐴤𐴗𐴝 𐴉𐴞𐴏𐴃𐴡𐴓𐴡𐴌 𐴒𐴟𐴓𐴞 , 𐴵 𐴏𐴥𐴗𐴝 𐴐𐴦𐴡𐴄 𐴒𐴝𐴀𐴝𐴕 𐴈𐴝𐴃𐴧𐴟𐴙𐴐𐴢 , 𐴳 𐴕𐴧𐴗𐴝 𐴈𐴥𐴝𐴓𐴞 𐴔𐴠𐴒𐴎𐴞𐴕 , 𐴴 𐴒𐴤𐴗𐴝 𐴖𐴝𐴑𐴞 𐴄𐴡𐴑𐴞 , 𐴵 𐴏𐴥𐴗𐴝 𐴔𐴟𐴁𐴦𐴝𐴙𐴓 𐴀𐴝𐴌 𐴀𐴠𐴑𐴧𐴤𐴝𐴕 𐴏𐴥𐴟𐴌𐴞 𐴱𐴱

Sources : Ukhiyanews.com