𐴄𐴠𐴑𐴕𐴝𐴉𐴡𐴃 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴀𐴦𐴡𐴙𐴕 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴄𐴠𐴑𐴕𐴝𐴉𐴡𐴌 𐴏𐴝𐴑𐴔𐴝𐴌 𐴑𐴟𐴓 𐴱 𐴲 𐴓𐴡𐴔𐴁𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 , 𐴀𐴠𐴂𐴌𐴞𐴓 𐴔𐴝𐴐𐴡𐴌 𐴴 𐴲 𐴃𐴝𐴌𐴥𐴞𐴑 𐴐𐴤𐴡𐴔 𐴁𐴝𐴌𐴠 𐴌𐴝𐴙𐴃𐴡𐴌 𐴂𐴠𐴌𐴝𐴘 𐴹 𐴁𐴝𐴎𐴠 , 𐴀𐴦𐴡𐴙𐴕 𐴎𐴡𐴓𐴝𐴀𐴝𐴌 𐴒𐴤𐴡𐴄𐴡𐴕𐴝 𐴀𐴠𐴑𐴧𐴤𐴝𐴕 𐴒𐴤𐴡𐴙𐴄𐴧𐴙𐴠 𐴱𐴱

𐴀𐴦𐴡𐴙𐴕 𐴎𐴡𐴓𐴝𐴀𐴝𐴌 𐴈𐴥𐴡𐴁𐴡𐴌 𐴉𐴝𐴘 𐴔𐴡𐴕𐴃𐴡𐴌 , 𐴀𐴦𐴡𐴙𐴕 𐴕𐴞𐴉𐴡𐴀𐴡𐴙𐴕𐴧𐴝 𐴉𐴟𐴓𐴞𐴡𐴌 𐴋𐴝𐴀𐴝𐴘 𐴊𐴟𐴖𐴥𐴝 𐴘𐴠 , 𐴀𐴦𐴡𐴙𐴕 𐴎𐴡𐴓𐴠𐴀𐴠𐴌𐴊𐴧𐴠 𐴑𐴠𐴀𐴠𐴔 𐴀𐴥𐴞𐴀𐴞𐴕𐴡𐴃 𐴎𐴝𐴘,𐴀𐴦𐴡𐴙𐴕 𐴕𐴞𐴉𐴥𐴝𐴘𐴁𐴝𐴌 𐴁𐴠𐴐𐴤𐴞 𐴏𐴠𐴐𐴃𐴝 𐴑𐴟𐴐𐴤𐴞𐴐𐴢 𐴒𐴡𐴙𐴅𐴧𐴤𐴙𐴠 , 𐴀𐴦𐴡𐴙𐴕 𐴕𐴞𐴉𐴥𐴝𐴘𐴁𐴝𐴌 𐴑𐴟𐴐𐴤𐴞𐴐𐴢 𐴒𐴡𐴙𐴃𐴧𐴤𐴙𐴠 𐴒𐴡𐴙𐴃𐴧𐴤𐴙𐴠 𐴰 𐴳 𐴐𐴤𐴝𐴕𐴡𐴌 𐴁𐴠𐴐𐴤𐴞 𐴒𐴤𐴡𐴌 𐴉𐴟𐴌𐴞 𐴏𐴥𐴝𐴘 𐴀𐴥𐴡𐴘 𐴒𐴞𐴘𐴡𐴘 𐴁𐴡𐴓𐴞 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴠 𐴎𐴝𐴕𐴝𐴘𐴧𐴠𐴱𐴱

𐴀𐴦𐴡𐴙𐴕 𐴊𐴤𐴡𐴌𐴝𐴀𐴝𐴌 𐴒𐴤𐴡𐴄𐴡𐴕𐴝 𐴏𐴥𐴡𐴀𐴞 𐴁𐴡𐴓𐴞 𐴇𐴥𐴟𐴖𐴝𐴙𐴑𐴧𐴡𐴔 𐴉𐴟𐴓𐴞𐴐𐴢 𐴃𐴤𐴝𐴕𐴝𐴌 𐴀𐴠𐴏𐴢 𐴀𐴝𐴘/ 𐴌𐴟𐴑𐴟𐴕𐴟𐴎 𐴎𐴡𐴔𐴝𐴕𐴠 𐴈𐴥𐴝𐴄𐴞 𐴒𐴡𐴌𐴞𐴀𐴞 𐴈𐴡𐴘𐴧𐴠, 𐴑𐴤𐴟𐴁 𐴁𐴠𐴐𐴤𐴞 𐴒𐴡𐴌𐴞𐴀𐴞 𐴀𐴦𐴡𐴙𐴕 𐴕𐴞𐴉𐴥𐴝𐴘𐴁𐴝𐴌 𐴑𐴟𐴐𐴤𐴞𐴐𐴢 𐴏𐴡𐴓𐴠𐴀𐴠𐴌 , 𐴀𐴦𐴡𐴙𐴕 𐴕𐴞𐴉𐴝𐴀𐴝 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 𐴁𐴠𐴐𐴤𐴞 𐴈𐴝𐴔 𐴒𐴡𐴌𐴠𐴀𐴠𐴌 , 𐴀𐴦𐴡𐴙𐴕𐴡𐴌 𐴎𐴞𐴓𐴈𐴝 𐴘𐴥𐴡 𐴁𐴠𐴐𐴤𐴞 𐴃𐴠𐴎,𐴀𐴥𐴠𐴍𐴠 𐴀𐴦𐴡𐴙𐴕 𐴕𐴞𐴉𐴡𐴀𐴡𐴙𐴕𐴧𐴝 𐴋𐴝𐴀𐴝𐴘 𐴊𐴟𐴖𐴧𐴝 𐴘𐴠 𐴉𐴥𐴟𐴣𐴖𐴝𐴣𐴃𐴞 𐴈𐴝𐴔 𐴒𐴡𐴌𐴠𐴀𐴠𐴌 , 𐴁𐴡𐴀𐴡𐴃 𐴒𐴤𐴡𐴌 𐴉𐴟𐴌𐴞 𐴏𐴥𐴝𐴘 𐴀𐴥𐴡𐴘 𐴒𐴞𐴘𐴡𐴘 𐴱𐴱

𐴑𐴠𐴀𐴠𐴔 𐴱 𐴲 𐴓𐴡𐴔𐴁𐴤𐴡𐴌𐴡𐴌 𐴁𐴤𐴝𐴐𐴞𐴕𐴊𐴝 / 𐴀𐴝𐴁𐴊𐴟𐴓 𐴑𐴟𐴊𐴧𐴟𐴏𐴠 𐴈𐴡𐴘𐴧𐴠𐴊𐴠 ! 𐴇𐴥𐴡𐴄𐴝𐴃 𐴒𐴡𐴌𐴞 𐴀𐴝𐴃𐴤𐴞𐴑𐴧𐴙𐴝 𐴊𐴠𐴑𐴤𐴞𐴀𐴞 𐴓𐴝𐴔𐴊𐴠 𐴀𐴠𐴑𐴧𐴤𐴝𐴕 𐴒𐴤𐴡𐴌𐴡𐴌 𐴁𐴤𐴟𐴃𐴡𐴌𐴃𐴧𐴟𐴕 𐴀𐴦𐴡𐴙𐴕 𐴎𐴡𐴓𐴞 𐴀𐴟𐴙𐴄𐴧𐴤𐴙𐴠 , 𐴊𐴠𐴑𐴤𐴞𐴀𐴞𐴃𐴠 𐴊𐴠𐴑𐴤𐴞𐴀𐴞𐴃𐴠 𐴏𐴟𐴑𐴡𐴌 𐴁𐴝𐴙𐴓𐴉𐴝𐴃𐴝 𐴕𐴥𐴡 𐴉𐴞𐴌𐴝𐴘𐴃𐴠 𐴀𐴦𐴡𐴙𐴕 𐴏𐴝𐴙𐴌𐴥𐴡 𐴔𐴞𐴑𐴧𐴤𐴙𐴝 𐴁𐴠𐴒𐴧𐴤𐴟𐴓𐴧𐴝 𐴏𐴥𐴡𐴌𐴝𐴘 𐴒𐴞𐴘𐴡𐴘 , 𐴁𐴡𐴓𐴞 𐴀𐴝𐴁𐴊𐴟𐴓 𐴑𐴟𐴊𐴧𐴟𐴏𐴠 𐴈𐴡𐴘𐴧𐴠 𐴱𐴱

Sources : Ukhiyanews.com