𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴀𐴝𐴃𐴡𐴚𐴁𐴝𐴊𐴞 𐴀𐴝𐴌 𐴉𐴟𐴓𐴞𐴐𐴡𐴌 𐴔𐴝𐴎𐴤𐴠 𐴓𐴝𐴌𐴥𐴝𐴘 𐴀𐴝𐴃𐴡𐴚𐴁𐴝𐴊𐴞𐴌 𐴑𐴡𐴔𐴦𐴝𐴕𐴋𐴝𐴌 𐴔𐴡𐴗𐴃 𐴱𐴱

𐴑𐴡𐴑𐴏𐴡 𐴁𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 , 𐴀𐴠 𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴢 𐴀𐴝𐴌 𐴀𐴝𐴃𐴡𐴚𐴁𐴝𐴊𐴞𐴌 𐴔𐴝𐴎𐴤𐴠 𐴀𐴥𐴡𐴘𐴧𐴠𐴊𐴠 𐴒𐴟𐴓𐴞 𐴔𐴝𐴌𐴝 𐴔𐴝𐴌𐴞𐴃 , 𐴀𐴝𐴃𐴡𐴚𐴁𐴝𐴊𐴞𐴌 𐴕𐴠𐴃𐴝 / 𐴀𐴝𐴁𐴊𐴟𐴓 𐴔𐴡𐴅𐴞𐴊 ( 𐴋𐴝𐴑 𐴕𐴝𐴔 ) 𐴓𐴝𐴓𐴝𐴘𐴧𐴝𐴌 𐴔𐴡𐴗𐴃 , 𐴀𐴠𐴂𐴌𐴞𐴓 𐴔𐴝𐴐𐴡𐴌 𐴱 𐴱 𐴃𐴝𐴌𐴥𐴞𐴑 𐴁𐴞𐴀𐴞𐴕𐴧𐴝 𐴐𐴤𐴝𐴀𐴝𐴌𐴡 𐴰 𐴱 𐴁𐴝𐴎𐴠 , 𐴹 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴸 𐴓𐴡𐴔𐴁𐴤𐴡𐴌 𐴁𐴡𐴓𐴡𐴑𐴡𐴃 , 𐴀𐴥𐴡𐴘𐴧𐴠𐴊𐴠 𐴅𐴤𐴡𐴍𐴡𐴂𐴡𐴃 𐴔𐴡𐴙𐴅𐴧𐴤𐴙𐴠𐴊𐴠 𐴀𐴥𐴞𐴁𐴝 𐴀𐴝𐴃𐴡𐴚𐴁𐴝𐴊𐴞𐴌 𐴕𐴠𐴃𐴝 𐴁𐴡𐴓𐴞 , 𐴀𐴠 𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴠 𐴊𐴝𐴁𐴞 𐴒𐴡𐴌𐴥𐴞 𐴈𐴡𐴘𐴧𐴠 , 𐴁𐴦𐴝𐴊𐴠 𐴀𐴝𐴌𐴀𐴥𐴡 𐴃𐴞𐴕 𐴎𐴡𐴕 𐴀𐴝𐴃𐴡𐴚𐴁𐴝𐴊𐴞 𐴒𐴠𐴌𐴠𐴉𐴃𐴝𐴌 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱𐴱

𐴀𐴠𐴂𐴌𐴞𐴓𐴡𐴌 𐴱 𐴱 𐴃𐴝𐴌𐴥𐴞𐴑 𐴁𐴞𐴀𐴞𐴕𐴧𐴝 𐴹 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴸 𐴓𐴡𐴔𐴁𐴤𐴡𐴌 𐴁𐴡𐴓𐴡𐴑𐴡𐴌 / 𐴀𐴝𐴔𐴞𐴕 𐴔𐴝𐴎𐴤𐴞𐴌 𐴒𐴤𐴡𐴌𐴡𐴌 𐴋𐴤𐴝𐴑𐴠 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓𐴡𐴌 𐴔𐴝𐴀𐴝𐴙𐴅𐴧𐴙𐴝 ( 𐴀𐴝𐴋𐴧𐴝 ) 𐴓𐴝𐴒𐴝𐴘𐴧𐴠𐴊𐴠 𐴈𐴥𐴡𐴁𐴡𐴌 𐴉𐴝𐴘 𐴁𐴦𐴝𐴊𐴠 , 𐴀𐴠 𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴠 𐴀𐴝𐴔𐴞𐴕 𐴔𐴝𐴎𐴞𐴌 𐴀𐴝𐴐𐴤𐴠 𐴉𐴝𐴐𐴠 𐴈𐴡𐴀𐴠𐴑𐴧𐴤𐴝𐴕 𐴒𐴤𐴡𐴌 𐴒𐴤𐴠𐴌𐴖𐴝 𐴒𐴡𐴙𐴅𐴧𐴤𐴙𐴠 , 𐴀𐴥𐴠 𐴐𐴤𐴡𐴔𐴡𐴃 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓𐴠 𐴉𐴟𐴓𐴞𐴐𐴡𐴌 𐴒𐴝𐴀𐴝 𐴀𐴟𐴎𐴟 𐴎𐴠𐴈𐴥𐴡𐴕 𐴄𐴤𐴞𐴑𐴞 𐴘𐴡𐴌𐴠 𐴒𐴟𐴓𐴞 𐴏𐴝𐴓𐴝𐴘𐴧𐴠 , 𐴀𐴠 𐴂𐴞 𐴁𐴞 𐴀𐴠𐴕 𐴉𐴟𐴓𐴞𐴐𐴠 𐴘𐴥𐴡 𐴀𐴟𐴓𐴋𐴝 𐴒𐴟𐴓𐴞 𐴏𐴝𐴓𐴝𐴘𐴧𐴠 𐴱𐴱

𐴀𐴠 𐴂𐴞 𐴁𐴞 𐴀𐴠𐴕 𐴸 𐴓𐴡𐴔𐴁𐴤𐴡𐴌 𐴉𐴟𐴓𐴞𐴐𐴡𐴌 𐴁𐴡𐴌𐴡 / 𐴉𐴝𐴌𐴟𐴑 𐴀𐴝𐴇𐴔𐴡𐴊𐴠 𐴎𐴝𐴕𐴝𐴘𐴧𐴠𐴊𐴠 ! 𐴒𐴟𐴓𐴞 𐴔𐴝𐴌𐴝 𐴔𐴝𐴌𐴞 𐴐𐴤𐴠𐴐𐴢 𐴀𐴥𐴡𐴀𐴡𐴕𐴡𐴌 𐴁𐴦𐴝𐴊𐴠 𐴀𐴝𐴐𐴠 𐴉𐴝𐴐𐴠𐴌 𐴒𐴤𐴡𐴌 𐴃𐴡𐴓𐴝𐴐𐴤𐴞 𐴒𐴡𐴙𐴅𐴧𐴤𐴙𐴠𐴊𐴠 𐴀𐴥𐴠𐴍𐴠 , 𐴀𐴠𐴑 𐴒𐴤𐴡𐴌𐴡𐴌 𐴁𐴤𐴟𐴃𐴡𐴌𐴠 𐴀𐴝𐴃𐴡𐴚𐴁𐴝𐴊𐴞𐴌 𐴕𐴠𐴃𐴝 / 𐴀𐴝𐴁𐴊𐴟𐴓 𐴔𐴡𐴅𐴞𐴊 ( 𐴋𐴝𐴑 ) 𐴓𐴝𐴓𐴝𐴘𐴧𐴝𐴌 𐴔𐴡𐴌𐴝 𐴓𐴝𐴐𐴢 𐴉𐴡𐴙𐴅𐴧𐴙𐴝 𐴊𐴠𐴙𐴑𐴧𐴤𐴙𐴠 , 𐴓𐴝𐴓𐴝𐴘𐴧𐴝𐴌 𐴁𐴝𐴔 𐴋𐴤𐴝𐴑𐴡𐴃 𐴀𐴟𐴒𐴧𐴤𐴗𐴝 𐴀𐴥𐴝𐴣𐴃𐴞𐴘𐴝𐴌 𐴀𐴝𐴌 𐴊𐴟𐴘 𐴌𐴝𐴀𐴡𐴕𐴋 𐴒𐴟𐴓𐴞 𐴉𐴝𐴘𐴧𐴠 𐴱𐴱

𐴁𐴦𐴝𐴊𐴠 / 𐴔𐴟𐴇𐴝𐴔𐴧𐴡𐴊 𐴃𐴝𐴇𐴠𐴌 / 𐴅𐴡𐴔𐴝𐴓 𐴇𐴟𐴏𐴠𐴙𐴕 / 𐴓𐴞𐴘𐴝𐴑𐴡𐴃 𐴀𐴝𐴓𐴞 , 𐴀𐴠 𐴃𐴞𐴕𐴥𐴞 𐴎𐴡𐴕𐴡𐴌𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 , 𐴉𐴟𐴓𐴞𐴐𐴡𐴌 𐴁𐴡𐴌𐴡 / 𐴉𐴝𐴌𐴟𐴑𐴠 𐴀𐴝𐴌𐴀𐴥𐴡 𐴎𐴝𐴕𐴝𐴘𐴧𐴠𐴊𐴠 ! 𐴂𐴡𐴌𐴟𐴒𐴠𐴌𐴝𐴔𐴡𐴌 𐴀𐴝𐴕𐴋𐴤𐴝𐴌𐴠 𐴀𐴝𐴌𐴀𐴥𐴡 𐴴 𐴎𐴡𐴕 𐴑𐴤𐴟𐴕 𐴒𐴡𐴙𐴅𐴧𐴤𐴙𐴠𐴊𐴠 𐴔𐴦𐴝𐴔𐴠𐴓𐴝𐴃 𐴀𐴝𐴐𐴤𐴝𐴔𐴞𐴌 𐴓𐴞𐴐𐴄𐴤𐴞𐴃 / 𐴓𐴝𐴓𐴝𐴘𐴧𐴝𐴌 𐴕𐴝𐴔 𐴀𐴝𐴏𐴥𐴠 , 𐴒𐴟𐴓𐴝 𐴒𐴟𐴓𐴞𐴌 𐴒𐴤𐴡𐴄𐴡𐴕𐴝𐴃 𐴊𐴟𐴘 𐴎𐴡𐴕 𐴉𐴟𐴓𐴞𐴐𐴢 𐴒𐴤𐴝𐴙𐴓 𐴀𐴥𐴡𐴘𐴧𐴠 , 𐴀𐴠𐴈𐴥𐴡𐴕 𐴇𐴥𐴝𐴓𐴡𐴃 𐴊𐴡𐴁𐴡𐴕 𐴒𐴡𐴙𐴅𐴧𐴤𐴙𐴝 , 𐴒𐴤𐴡𐴄𐴡𐴕𐴝𐴌 𐴀𐴝𐴐𐴠 𐴉𐴝𐴐𐴠𐴌 𐴀𐴠𐴓𐴝𐴑𐴝𐴃 𐴁𐴠𐴐𐴤𐴞 𐴒𐴡𐴌𐴥𐴞 𐴉𐴟𐴓𐴞𐴐𐴢 𐴔𐴟𐴃𐴦𐴝𐴙𐴕 𐴒𐴡𐴌𐴥𐴝 𐴒𐴞𐴘𐴠 𐴱𐴱

Sources : Ukhiyanews.com