𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴓𐴧𐴝 𐴉𐴦𐴝𐴏𐴉𐴟𐴄 , 𐴀𐴠𐴕 𐴀𐴝𐴘 𐴋𐴞 𐴁𐴝𐴕𐴝𐴘𐴧𐴠𐴊𐴠 𐴏𐴡𐴑𐴧𐴡𐴌𐴡𐴃 𐴀𐴝𐴌𐴀𐴥𐴡 𐴳 𐴎𐴡𐴕 𐴒𐴠𐴌𐴠𐴉𐴃𐴝𐴌 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓𐴡𐴌𐴓𐴧𐴝 𐴁𐴠𐴀𐴝𐴙𐴕𐴞 𐴀𐴡𐴁𐴡𐴘𐴊𐴡 𐴁𐴤𐴝𐴉𐴠 , 𐴁𐴝𐴚𐴓𐴝𐴊𐴠𐴐𐴤𐴞 𐴉𐴦𐴝𐴏𐴉𐴟𐴄 , 𐴀𐴠𐴕 𐴀𐴝𐴘 𐴋𐴞 𐴀𐴝𐴌 𐴎𐴡𐴌𐴔𐴡 𐴕𐴞𐴁𐴡𐴕𐴊𐴤𐴡𐴕 , 𐴎𐴝𐴓𐴞𐴘𐴡𐴃𐴞 𐴒𐴡𐴌𐴥𐴞 𐴁𐴝𐴕𐴝𐴘𐴁𐴤𐴝𐴌 𐴏𐴡𐴑𐴧𐴡𐴌𐴡𐴃 , 𐴏𐴡𐴄𐴡𐴒𐴠𐴌𐴝𐴔 𐴔𐴡𐴇𐴝𐴕𐴡𐴒𐴡𐴌 𐴒𐴟𐴌𐴞𐴕𐴊𐴝 𐴉𐴟𐴓𐴞𐴐𐴢 ( 𐴋𐴞 𐴁𐴞 ) 𐴘𐴠 , 𐴀𐴝𐴌𐴀𐴥𐴡 𐴳 𐴎𐴡𐴕 𐴒𐴠𐴌𐴠𐴉𐴃𐴝𐴌 𐴒𐴡𐴙𐴅𐴧𐴤𐴙𐴠 𐴱𐴱

𐴔𐴝𐴌𐴠𐴆 𐴔𐴝𐴐𐴡𐴌 𐴶 𐴲 𐴃𐴝𐴌𐴥𐴞𐴑 𐴔𐴡𐴚𐴒𐴡𐴓 𐴁𐴝𐴌𐴠 𐴀𐴥𐴝𐴣𐴎𐴡𐴙𐴕𐴧𐴝 𐴂𐴠𐴌𐴝𐴘 𐴐𐴤𐴝𐴀𐴝𐴌𐴡 𐴳 𐴁𐴝𐴎𐴠 , 𐴋𐴤𐴝𐴑𐴝𐴌 𐴀𐴝𐴒𐴝𐴌𐴒𐴝𐴣𐴀𐴡 𐴉𐴦𐴝𐴏𐴉𐴟𐴄 𐴀𐴡𐴉𐴥𐴞𐴏𐴡𐴌 𐴔𐴟𐴀𐴟𐴕𐴃𐴟 𐴀𐴥𐴞𐴃𐴝𐴌𐴝 𐴌𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠𐴊𐴠 , 𐴀𐴥𐴠 𐴀𐴡𐴑𐴃𐴤𐴡𐴃 𐴀𐴥𐴞𐴃𐴝𐴌𐴝𐴌𐴃𐴧𐴟 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴓𐴧𐴝 𐴎𐴝𐴓𐴞𐴘𐴡𐴃𐴞 𐴁𐴝𐴕𐴝𐴘𐴧𐴝 , 𐴃𐴞𐴕𐴧𐴥𐴝𐴕 𐴀𐴠𐴕 𐴀𐴝𐴘 𐴋𐴞 𐴉𐴝𐴣𐴏𐴧𐴥𐴝𐴕 𐴎𐴡𐴌𐴔𐴡 𐴕𐴞𐴁𐴡𐴕𐴊𐴤𐴡𐴕 𐴏𐴥𐴝𐴓𐴄𐴞𐴑𐴡𐴄 𐴀𐴝𐴌𐴀𐴥𐴡 𐴁𐴡𐴀𐴡𐴃 𐴑𐴞𐴏𐴥𐴞𐴔𐴧𐴝 𐴏𐴥𐴝𐴔𐴝𐴕 𐴀𐴥𐴡𐴑𐴧𐴡𐴓 𐴉𐴝𐴀𐴝 𐴒𐴞𐴘𐴠 𐴱𐴱

𐴁𐴡𐴕 𐴒𐴡𐴙𐴅𐴧𐴤𐴙𐴠𐴊𐴠 𐴃𐴞𐴕 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴀𐴥𐴟𐴀𐴟𐴕 𐴀𐴥𐴡𐴙𐴓𐴊𐴠 / 𐴔𐴟𐴇𐴝𐴔𐴧𐴡𐴊 𐴌𐴝𐴎𐴟 𐴐𐴠𐴙𐴑 𐴲 𐴳 𐴁𐴡𐴏𐴥𐴡𐴌 / 𐴔𐴟𐴇𐴝𐴔𐴧𐴡𐴊 𐴔𐴝𐴇𐴔𐴟𐴊𐴟𐴓 𐴌𐴞𐴘𐴝𐴎 𐴸 𐴲 𐴁𐴡𐴏𐴥𐴡𐴌 𐴀𐴝𐴌 𐴕𐴡𐴘𐴡𐴕 𐴐𐴠𐴙𐴑 𐴱 𐴲 𐴁𐴡𐴏𐴥𐴡𐴌 , 𐴏𐴞 𐴀𐴠𐴔 𐴂𐴞 𐴀𐴟𐴃𐴧𐴡𐴌 𐴀𐴠𐴓𐴝𐴑𐴝𐴌 𐴔𐴡𐴇𐴝𐴕𐴡𐴒𐴡𐴌 𐴒𐴟𐴌𐴞𐴕𐴊𐴝 𐴉𐴟𐴓𐴞𐴐𐴡𐴌 𐴑𐴡𐴔𐴞𐴐𐴕𐴝𐴌 / 𐴕𐴞𐴇𐴦𐴝𐴊 𐴀𐴝𐴊𐴕𐴦𐴝𐴕 𐴃𐴝𐴘𐴧𐴝𐴕𐴠 𐴈𐴡𐴘𐴧𐴠𐴊𐴠 ,𐴋𐴝𐴓𐴝𐴓 𐴀𐴥𐴟𐴀𐴟𐴕𐴠 𐴎𐴝𐴓𐴞𐴘𐴡𐴃𐴞 𐴀𐴠𐴕 𐴀𐴝𐴘 𐴋𐴞 𐴀𐴠𐴒𐴤𐴞𐴕 𐴃𐴡𐴘𐴧𐴝𐴌 𐴒𐴡𐴌𐴥𐴞 ,𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴓𐴧𐴝 𐴁𐴝𐴚𐴓𐴝𐴊𐴠𐴐𐴤𐴞 𐴉𐴦𐴝𐴏𐴉𐴟𐴄 𐴁𐴝𐴕𐴝𐴘𐴁𐴤𐴡𐴓𐴧𐴝 𐴋𐴤𐴝𐴑𐴝𐴃 𐴀𐴝𐴙𐴐𐴧𐴤𐴙𐴠𐴊𐴠 𐴱𐴱

𐴘𐴝𐴀𐴝𐴌 𐴀𐴝𐴒𐴠 𐴘𐴥𐴡 𐴏𐴡𐴑𐴧𐴡𐴌 𐴀𐴞𐴁𐴤𐴝𐴃 𐴉𐴥𐴝𐴛𐴏𐴧𐴝 𐴈𐴡𐴀𐴠𐴑 𐴎𐴡𐴕 𐴋𐴝𐴓𐴝𐴓 𐴋𐴞 𐴁𐴞 𐴉𐴟𐴓𐴞𐴐𐴠 𐴁𐴡𐴕 𐴒𐴡𐴙𐴅𐴧𐴤𐴞𐴀𐴞𐴓 , 𐴀𐴥𐴞𐴃𐴝𐴌𐴝𐴌𐴃𐴧𐴟 𐴘𐴥𐴡 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴓𐴧𐴝 𐴎𐴝𐴓𐴞𐴘𐴡𐴃𐴞 𐴁𐴤𐴝𐴉𐴠 𐴁𐴝𐴕𐴝𐴘𐴧𐴠𐴊𐴠 𐴁𐴝𐴚𐴓𐴝𐴊𐴠𐴐𐴞 𐴉𐴦𐴝𐴏𐴉𐴟𐴄 𐴎𐴡𐴁𐴊𐴤𐴡 𐴒𐴡𐴌𐴥𐴝 𐴒𐴞𐴘𐴠 , 𐴒𐴠𐴌𐴠𐴉𐴃𐴝𐴌 𐴒𐴡𐴙𐴅𐴧𐴤𐴙𐴠𐴊𐴠 𐴋𐴝𐴓𐴝𐴓 𐴀𐴥𐴟𐴀𐴟𐴕𐴡𐴌 𐴁𐴠𐴌𐴟𐴊𐴧𐴤𐴠 𐴑𐴝𐴕𐴟𐴕𐴞 𐴑𐴝𐴌𐴖𐴝𐴘 𐴒𐴡𐴌𐴥𐴝 𐴒𐴞𐴘𐴠 𐴱𐴱

Sources : Ukhiyanews.com