𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔 𐴉𐴟𐴌𐴝𐴌 𐴔𐴦𐴡𐴊𐴧𐴞𐴔𐴝 𐴑𐴤𐴟𐴓𐴝 𐴒𐴞𐴘𐴠 𐴱𐴱

𐴔𐴝𐴌𐴠𐴆𐴡𐴌 𐴵 𐴃𐴝𐴌𐴥𐴞𐴑𐴡𐴃 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴟𐴑𐴤𐴞𐴘𐴝 𐴀𐴟𐴉𐴡 𐴎𐴞𐴓𐴥𐴝𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔 𐴉𐴟𐴌𐴝𐴌 𐴁𐴝𐴁𐴡𐴃𐴠 , 𐴀𐴡𐴏𐴞𐴕𐴧𐴡 𐴵 𐴲 𐴎𐴡𐴕 𐴔𐴝𐴙𐴕𐴐𐴡𐴌 𐴁𐴠𐴌𐴟𐴊𐴧𐴤𐴠 , 𐴱 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴃 𐴃𐴤𐴝𐴑𐴠𐴊𐴠 / 𐴔𐴟𐴇𐴝𐴔𐴧𐴡𐴊 𐴏𐴡𐴓𐴞𐴔𐴠 , 𐴀𐴟𐴑𐴤𐴞𐴘𐴝 𐴉𐴟𐴓𐴞𐴐𐴢 𐴃𐴤𐴝𐴕𐴝𐴃 𐴐𐴤𐴡𐴔 𐴁𐴝𐴌𐴠 𐴔𐴦𐴡𐴊𐴧𐴞𐴔𐴝 𐴑𐴤𐴟𐴙𐴓𐴧𐴠 𐴁𐴡𐴓𐴞 / 𐴀𐴡 𐴏𐴞 𐴔𐴟𐴇𐴝𐴔𐴧𐴡𐴊 𐴀𐴝𐴓𐴞 𐴘𐴠 𐴔𐴡𐴚𐴒𐴡𐴓 𐴁𐴝𐴌𐴠 𐴋𐴤𐴝𐴑𐴝 𐴄𐴠𐴌𐴞𐴁𐴙𐴟𐴕𐴡𐴌𐴠 𐴈𐴡𐴘𐴧𐴠 𐴱𐴱

𐴏𐴡𐴓𐴞𐴔 𐴱 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴎𐴟𐴣𐴖𐴝𐴙𐴓𐴧𐴝 𐴔𐴝𐴎𐴤𐴞 , 𐴀𐴥𐴞𐴁𐴤𐴝 𐴘𐴠 𐴔𐴦𐴡𐴊𐴧𐴞𐴔𐴝 𐴑𐴤𐴟𐴙𐴓𐴧𐴠𐴊𐴠 𐴊𐴡𐴌𐴈𐴥𐴝𐴏𐴡𐴃 𐴓𐴠𐴙𐴑𐴧𐴤𐴙𐴠 𐴊𐴠 ! 𐴰 𐴲 – 𐴵 𐴲 𐴎𐴡𐴕 𐴓𐴡𐴃𐴞 𐴈𐴥𐴡𐴌𐴝𐴁 𐴔𐴝𐴙𐴕𐴐𐴡𐴌 𐴋𐴝𐴀𐴝𐴘 𐴀𐴟𐴒𐴧𐴤𐴝 𐴘𐴠 , 𐴁𐴝𐴕𐴝𐴘𐴧𐴝 𐴂𐴡𐴌𐴟𐴒𐴠𐴌𐴝𐴔𐴡𐴌 𐴀𐴝𐴕𐴋𐴤𐴝𐴌𐴠 , 𐴑𐴡𐴗𐴔𐴡𐴌𐴠 𐴊𐴤𐴡𐴕𐴐𐴡 𐴒𐴡𐴌𐴥𐴞𐴁𐴡𐴓𐴧𐴝 𐴑𐴠𐴀𐴠𐴔𐴡𐴌 𐴈𐴡𐴀𐴠𐴑 𐴎𐴝𐴒𐴝𐴃 𐴀𐴦𐴡𐴙𐴕 𐴊𐴤𐴡𐴌𐴝𐴘 𐴊𐴞𐴘𐴠 , 𐴎𐴞𐴘𐴝𐴕𐴡𐴌𐴠 𐴃𐴡𐴊𐴡𐴕𐴃𐴡 𐴃𐴡𐴊𐴝𐴌𐴟𐴑 𐴒𐴡𐴌𐴥𐴞𐴁𐴡𐴓𐴧𐴝 / 𐴀𐴠𐴏𐴢 𐴀𐴝𐴘 𐴈𐴝𐴘𐴌𐴟 𐴊𐴧𐴞𐴕𐴡𐴌𐴠 𐴎𐴞𐴔𐴧𐴝 𐴊𐴞𐴘𐴝 𐴒𐴞𐴘𐴠 𐴁𐴡𐴓𐴞 / 𐴀𐴡 𐴏𐴞 𐴘𐴠 𐴈𐴡𐴘𐴧𐴠 𐴱𐴱

𐴃𐴡𐴊𐴡𐴕𐴃𐴡 𐴃𐴡𐴊𐴝𐴌𐴟𐴑𐴞 𐴁𐴟𐴀𐴟𐴋𐴠 𐴈𐴝𐴔 𐴕𐴝𐴓 𐴒𐴡𐴌𐴥𐴞 𐴁𐴦𐴝𐴊𐴠 𐴌𐴦𐴡𐴘 𐴁𐴝𐴌𐴠 𐴋𐴤𐴞𐴑𐴓𐴝𐴌 𐴒𐴡𐴙𐴅𐴧𐴤𐴙𐴠𐴊𐴠 ” 𐴑𐴡𐴗𐴔𐴡𐴌𐴠 𐴊𐴤𐴡𐴕𐴐𐴡 𐴒𐴡𐴌𐴥𐴞𐴁𐴡𐴓𐴧𐴝 𐴁𐴝𐴕𐴝𐴘𐴧𐴝 𐴂𐴡𐴌𐴟𐴒𐴠𐴌𐴝𐴔𐴡𐴌 𐴀𐴝𐴕𐴋𐴤𐴝𐴌𐴠 𐴀𐴦𐴡𐴙𐴕 𐴊𐴤𐴡𐴌𐴝𐴘 𐴊𐴞𐴘𐴠𐴊𐴠 𐴘𐴝𐴀𐴝𐴕 𐴉𐴝𐴀𐴝 𐴒𐴞𐴘𐴠 ” 𐴎𐴞𐴘𐴝𐴕𐴡𐴌 𐴎𐴡𐴌𐴞𐴘𐴝 𐴑𐴠𐴀𐴠𐴔𐴡𐴃 𐴃𐴤𐴝𐴑𐴠𐴊𐴠 𐴇𐴥𐴝𐴎𐴝𐴌 𐴇𐴥𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴕𐴞𐴎𐴡𐴌 𐴁𐴝𐴣𐴐𐴤𐴝 𐴁𐴝𐴌𐴞 𐴀𐴥𐴝𐴌𐴝𐴘 𐴉𐴥𐴠𐴓𐴝𐴘𐴧𐴠 𐴱𐴱

𐴔𐴝𐴌𐴠𐴆𐴡𐴌 𐴵 𐴃𐴝𐴌𐴥𐴞𐴑𐴡𐴌 𐴉𐴟𐴌𐴝 𐴉𐴟𐴌𐴞𐴃 𐴰 𐴰 𐴸 𐴲 𐴊𐴟𐴘 𐴇𐴥𐴝𐴎𐴝𐴌 𐴀𐴝𐴣𐴐𐴄𐴡 𐴐𐴤𐴡𐴃 𐴒𐴤𐴡𐴌 𐴎𐴡𐴓𐴞 𐴉𐴟𐴌𐴞 𐴏𐴥𐴝𐴘 𐴀𐴥𐴡𐴘 𐴒𐴞𐴘𐴡𐴘 , 𐴀𐴝𐴌 𐴰 𐴹 𐴘𐴥𐴝𐴕 𐴓𐴡𐴃𐴞 𐴔𐴡𐴊𐴡𐴌𐴡𐴏𐴝 𐴀𐴝 𐴇𐴥𐴝𐴐𐴉𐴝𐴃𐴝𐴓 𐴉𐴟𐴌𐴞 𐴒𐴞𐴘𐴡𐴘 , 𐴁𐴟𐴀𐴟𐴋𐴡𐴌 𐴌𐴠𐴂𐴟𐴄 𐴔𐴡𐴎𐴞𐴕 𐴰 𐴰 𐴲 𐴱 𐴎𐴡𐴕𐴡𐴌 𐴁𐴦𐴠𐴐𐴢 𐴔𐴝𐴕𐴥𐴟𐴙𐴐𐴢 𐴃𐴤𐴡𐴌 𐴏𐴥𐴝𐴌𐴝 𐴀𐴥𐴡𐴘 𐴒𐴞𐴘𐴠 𐴒𐴤𐴡𐴘 𐴱𐴱

Sources : Dhakatribune