𐴀𐴦𐴡𐴙𐴕𐴠 𐴒𐴤𐴡𐴌 𐴏𐴥𐴝𐴌𐴝 𐴒𐴡𐴙𐴅𐴧𐴤𐴙𐴠 𐴲 𐴱 𐴇𐴥𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 , 𐴀𐴠𐴑 𐴎𐴡𐴕 𐴒𐴠𐴌𐴠𐴉𐴃𐴝𐴌 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴀𐴟𐴑𐴤𐴞𐴘𐴝 𐴀𐴟𐴉𐴡𐴎𐴞𐴓𐴝𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴁𐴤𐴡𐴘𐴡𐴚𐴑𐴝𐴌 𐴀𐴦𐴡𐴙𐴕𐴠 , 𐴂𐴠𐴌𐴝𐴘 𐴲 𐴱 𐴇𐴥𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴒𐴤𐴡𐴌 𐴃𐴤𐴡𐴌 𐴏𐴥𐴝𐴌𐴝 𐴒𐴡𐴙𐴅𐴧𐴤𐴙𐴠 , 𐴀𐴦𐴡𐴙𐴕 𐴑𐴠𐴀𐴠𐴕𐴠 𐴊𐴤𐴡𐴙𐴅𐴧𐴙𐴠 𐴄𐴤𐴞𐴑 𐴁𐴤𐴝𐴉𐴠 𐴎𐴝𐴕𐴝𐴀𐴝 𐴕𐴡 𐴒𐴞𐴓𐴠 𐴘𐴥𐴡 , 𐴐𐴟𐴁𐴤𐴝 𐴒𐴡𐴌𐴥𐴞 𐴈𐴡𐴙𐴆𐴧𐴝 𐴉𐴟𐴖𐴝 𐴀𐴠𐴑 𐴎𐴡𐴕 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 , 𐴸 𐴓𐴡𐴔𐴁𐴤𐴡𐴌 𐴀𐴠 𐴁𐴞 𐴂𐴞 𐴀𐴠𐴕 𐴉𐴟𐴓𐴞𐴐𐴡𐴌 𐴁𐴡𐴌𐴡 / 𐴉𐴝𐴌𐴟𐴑 𐴀𐴝𐴇𐴔𐴡𐴊𐴠 𐴈𐴡𐴘𐴧𐴠 𐴱𐴱

𐴌𐴦𐴡𐴘 𐴁𐴝𐴌𐴠 𐴀𐴥𐴝𐴣𐴎𐴡𐴙𐴕𐴧𐴝 𐴂𐴠𐴌𐴝𐴘 𐴃𐴞𐴕 𐴁𐴝𐴎𐴠 𐴁𐴝𐴓𐴟 𐴈𐴥𐴝𐴓𐴞 𐴱 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴁𐴞 𐴁𐴡𐴓𐴡𐴑𐴡𐴌 𐴀𐴠𐴑𐴧𐴤𐴝𐴕 𐴒𐴤𐴡𐴌𐴡𐴃𐴧𐴟 𐴀𐴦𐴡𐴙𐴕 𐴊𐴤𐴡𐴌𐴞 , 𐴹 , 𐴰 𐴱 , 𐴲 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴀𐴥𐴞𐴑𐴧𐴙𐴝 𐴏𐴥𐴡𐴌𐴝𐴘 𐴒𐴞𐴘𐴡𐴘, 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴦𐴡𐴙𐴕 𐴕𐴞𐴉𐴝𐴀𐴝 𐴀𐴠𐴏𐴄𐴠𐴐𐴤𐴠𐴕𐴡𐴌 𐴎𐴟𐴣𐴖𐴝𐴙𐴓𐴧𐴝 𐴋𐴝𐴘𐴌𐴠𐴑𐴄𐴝𐴌 / 𐴀𐴡𐴃𐴞𐴆 𐴏𐴝𐴑𐴔𐴥𐴝𐴌 𐴔𐴟𐴑 𐴎𐴟𐴁𐴝𐴕𐴞 𐴔𐴡𐴎𐴞𐴕 𐴀𐴥𐴝𐴣𐴎𐴡𐴙𐴕𐴧𐴝 𐴂𐴠𐴌𐴝𐴘 𐴶 𐴁𐴝𐴎𐴠 𐴀𐴦𐴡𐴙𐴕 𐴕𐴞𐴉𐴥𐴝𐴘 𐴉𐴥𐴠𐴓𐴝𐴘 𐴉𐴝𐴌𐴝𐴀𐴝 𐴒𐴞𐴘𐴠 , 𐴔𐴡𐴕𐴃𐴡𐴌 𐴀𐴦𐴡𐴙𐴕 𐴊𐴤𐴡𐴌𐴡𐴀𐴡𐴕𐴡𐴌 𐴈𐴝𐴌𐴡𐴕 𐴀𐴝𐴌 𐴈𐴥𐴡𐴘 𐴈𐴥𐴡𐴃𐴞𐴌 𐴁𐴝𐴁𐴡𐴃𐴠 𐴎𐴝𐴙𐴕𐴃𐴠 𐴑𐴠𐴙𐴏𐴧𐴥𐴟 𐴐𐴤𐴡𐴔𐴡𐴘 𐴓𐴝𐴒𐴞𐴁𐴤𐴡 𐴱𐴱

𐴀𐴦𐴡𐴙𐴕𐴡𐴌 𐴈𐴥𐴡𐴘 𐴈𐴥𐴡𐴃𐴞𐴌 𐴁𐴝𐴁𐴡𐴃𐴠 , 𐴁𐴝𐴓𐴟 𐴈𐴥𐴝𐴓𐴞 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔 𐴀𐴞𐴕𐴆𐴝𐴅 ( 𐴏𐴞 𐴀𐴝𐴘 𐴏𐴞 ) 𐴞𐴌 𐴎𐴞𐴔𐴧𐴊𐴝𐴌 / 𐴏𐴥𐴡𐴌𐴖𐴝𐴌 𐴑𐴡𐴔𐴝𐴓𐴡𐴌 𐴈𐴡𐴃𐴤𐴝 𐴔𐴡𐴎𐴞𐴕 , 𐴀𐴠𐴑𐴡𐴀𐴡𐴔𐴥𐴞𐴑 𐴁𐴤𐴝𐴉𐴠 𐴀𐴝𐴕𐴃𐴝𐴎 𐴒𐴡𐴌𐴝𐴀𐴝 𐴒𐴞𐴘𐴠𐴊𐴠 , 𐴊𐴟𐴘 𐴇𐴥𐴝𐴎𐴝𐴌 𐴓𐴡𐴃𐴞 𐴒𐴤𐴡𐴌 𐴎𐴡𐴓𐴞 𐴒𐴞𐴘𐴡𐴘 , 𐴔𐴡𐴕𐴃𐴡𐴌 𐴓𐴟𐴏𐴧𐴝𐴕𐴞𐴌 𐴈𐴥𐴝𐴄𐴞 𐴓𐴞𐴐𐴄𐴤𐴞 𐴉𐴝𐴘𐴁𐴝𐴌 𐴈𐴝𐴔 𐴐𐴤𐴟𐴌𐴟 𐴒𐴡𐴙𐴅𐴧𐴤𐴞𐴀𐴞 𐴱𐴱

𐴁𐴝𐴓𐴟 𐴈𐴥𐴝𐴓𐴞 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔 𐴁𐴤𐴝𐴐𐴞 / 𐴊𐴞𐴓 𐴔𐴟𐴇𐴝𐴔𐴧𐴡𐴊𐴠 𐴈𐴡𐴘𐴧𐴠𐴊𐴠 , 𐴇𐴥𐴡𐴄𐴝𐴃 𐴒𐴡𐴌𐴥𐴞 𐴀𐴝𐴣𐴀𐴝𐴌𐴝𐴌 𐴑𐴠𐴀𐴠𐴔𐴡𐴃 𐴀𐴦𐴡𐴙𐴕 𐴎𐴡𐴓𐴞 𐴀𐴟𐴙𐴄𐴧𐴤𐴙𐴠 , 𐴁𐴡𐴘𐴧𐴝𐴌𐴡𐴌 𐴎𐴟𐴌𐴠 𐴀𐴥𐴠𐴈𐴥𐴡𐴕𐴡𐴌 𐴁𐴤𐴟𐴃𐴡𐴌 𐴀𐴦𐴡𐴙𐴕 𐴁𐴠𐴒𐴧𐴤𐴗𐴝 𐴏𐴥𐴡𐴌𐴝𐴘 𐴒𐴞𐴘𐴡𐴘 , 𐴀𐴦𐴡𐴙𐴕 𐴕𐴞𐴉𐴡𐴀𐴡𐴙𐴕𐴧𐴝 𐴉𐴟𐴓𐴞𐴐𐴢 𐴀𐴝𐴘𐴁𐴝𐴌 𐴀𐴝𐴒𐴠 𐴓𐴡𐴃𐴞 , 𐴀𐴝𐴣𐴀𐴝𐴌𐴝 𐴀𐴦𐴡𐴙𐴕 𐴕𐴞𐴉𐴥𐴝𐴘𐴁𐴝𐴌 𐴏𐴠𐴐𐴃𐴝 𐴒𐴡𐴌𐴥𐴝𐴃 𐴀𐴝𐴏𐴥𐴞 𐴱𐴱

𐴀𐴝𐴌 𐴀𐴠𐴉𐴢 𐴀𐴠 𐴘𐴠 𐴓𐴠𐴙𐴑𐴧𐴤𐴙𐴠 𐴊𐴠 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴳 𐴱 𐴖𐴥𐴝𐴕 𐴔𐴡𐴏𐴥𐴡𐴙𐴃 𐴐𐴤𐴡𐴣𐴀𐴡 𐴊𐴟𐴘 𐴇𐴥𐴝𐴎𐴝𐴌𐴡𐴌 𐴁𐴠𐴐𐴤𐴞 𐴒𐴤𐴡𐴌 𐴎𐴡𐴓𐴞 𐴒𐴞𐴘𐴡𐴘 𐴀𐴝𐴌 𐴒𐴟𐴌𐴝 𐴉𐴟𐴖𐴝𐴙𐴕 𐴐𐴤𐴡𐴣𐴀𐴡 𐴰 𐴰 𐴲 𐴊𐴟𐴘 𐴐𐴤𐴡𐴃 𐴓𐴡𐴃𐴞 𐴔𐴝𐴕𐴥𐴟𐴙𐴐𐴢 𐴀𐴥𐴝𐴣𐴎𐴞 𐴒𐴞𐴘𐴡𐴘 , 𐴀𐴦𐴡𐴙𐴕𐴡𐴃 𐴉𐴟𐴌𐴞 𐴔𐴡𐴙𐴅𐴧𐴤𐴙𐴠𐴊𐴠 𐴔𐴝𐴕𐴥𐴟𐴙𐴐𐴢 𐴀𐴥𐴡 𐴀𐴝𐴏𐴥𐴠 𐴁𐴡𐴓𐴞 𐴉𐴥𐴟𐴕𐴝𐴀𐴝 𐴒𐴞𐴘𐴠 , 𐴀𐴝𐴕𐴃𐴝𐴎𐴠 𐴊𐴡𐴐𐴢 𐴇𐴥𐴝𐴎𐴝𐴌 𐴓𐴡𐴃𐴞 𐴔𐴝𐴕𐴥𐴟𐴙𐴐𐴢 𐴒𐴤𐴡𐴌 𐴏𐴥𐴝𐴌𐴝 𐴀𐴥𐴡𐴘 𐴒𐴞𐴘𐴠 𐴒𐴤𐴡𐴘 𐴱𐴱 𐴱 𐴲 𐴃𐴝𐴌𐴥𐴞𐴑 𐴉𐴥𐴡𐴀𐴡𐴕 𐴔𐴝𐴐𐴢 𐴴 𐴳 𐴲 𐴱 𐴌𐴟𐴇𐴝𐴙𐴚𐴒𐴙𐴝 𐴐𐴤𐴡𐴕 𐴱𐴱 𐴱 𐴲 / 𐴲 𐴱 / 𐴴 𐴳 𐴲 𐴱 𐴌𐴟

Sources : Ukhianews.com