𐴀𐴝𐴘 𐴏𐴞 𐴅𐴠 𐴑𐴟𐴀𐴟𐴍𐴡𐴃 𐴔𐴞𐴏𐴥𐴝 𐴉𐴡𐴌𐴔𐴝𐴕 𐴒𐴡𐴌𐴥𐴝𐴘𐴁𐴡𐴓𐴧𐴝 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴁𐴤𐴞𐴌𐴝𐴀𐴝𐴌 𐴱𐴱

𐴎𐴝𐴃 𐴉𐴥𐴟𐴌𐴝 𐴉𐴝𐴀𐴝𐴕 𐴒𐴡𐴌𐴥𐴞 𐴔𐴝𐴙𐴅𐴧𐴤𐴙𐴠𐴊𐴠 𐴘𐴝𐴀𐴝𐴕𐴡𐴓𐴧𐴝 ( 𐴀𐴝𐴘 𐴏𐴞 𐴅𐴠 ) 𐴊𐴠𐴐𐴁𐴞𐴊𐴠𐴐𐴤𐴞 𐴀𐴝𐴊𐴝𐴓𐴡𐴃𐴡𐴃 , 𐴁𐴡𐴌𐴔𐴥𐴝 𐴇𐴥𐴡𐴑𐴟𐴔𐴡𐴃𐴡𐴌𐴃𐴧𐴟 𐴁𐴝𐴀𐴝 𐴉𐴡𐴌𐴠𐴀𐴠𐴌 𐴊𐴧𐴠 , 𐴔𐴦𐴡𐴊𐴧𐴞𐴔𐴝 𐴘𐴝𐴀𐴝𐴕 𐴔𐴞𐴏𐴥𐴝 𐴉𐴡𐴌𐴔𐴝𐴕 𐴒𐴡𐴌𐴥𐴝𐴘𐴁𐴡𐴓𐴧𐴝 , 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴀𐴝𐴌𐴑𐴝𐴕𐴡𐴌 𐴌𐴝𐴏𐴞𐴊𐴡𐴚 𐴐𐴤𐴡𐴀𐴡𐴌 𐴁𐴤𐴝𐴐𐴞 𐴌𐴟𐴇𐴝𐴙𐴚𐴒𐴙𐴝 𐴈𐴡𐴊𐴦𐴟𐴕𐴡𐴌𐴠 , 𐴑𐴠𐴙𐴏𐴧𐴟 𐴊𐴞𐴕 𐴀𐴝𐴒𐴠 𐴁𐴤𐴞𐴌𐴝𐴀𐴝𐴌 𐴊𐴧𐴠 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴠 𐴱𐴱

𐴉𐴥𐴠𐴌𐴖𐴝𐴌𐴞 𐴔𐴝𐴐𐴡𐴌 𐴴 𐴲 𐴀𐴝𐴌 𐴵 𐴲 𐴃𐴝𐴌𐴥𐴞𐴑𐴡𐴃 𐴁𐴤𐴟𐴏𐴞𐴊𐴡𐴚𐴡𐴌 𐴑𐴗𐴥𐴠 𐴑𐴤𐴠 𐴔𐴥𐴟 𐴃𐴝𐴕𐴥𐴝 𐴆𐴤𐴙𐴟𐴑 ( 𐴏𐴢 𐴑𐴢 𐴑𐴤𐴝 𐴵 𐴱 ) 𐴉𐴟𐴕𐴊𐴡𐴌𐴡𐴌 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓𐴠 𐴀𐴝𐴌 𐴔𐴠𐴓𐴠𐴄𐴠𐴌𐴞𐴌 𐴀𐴠𐴔 𐴀𐴝𐴘 𐴀𐴥𐴡𐴑𐴧𐴡𐴓𐴠 , 𐴌𐴟𐴇𐴝𐴙𐴚𐴒𐴙𐴝 𐴈𐴡𐴊𐴦𐴟𐴕 𐴔𐴝𐴃𐴝𐴘 𐴓𐴡𐴘 𐴒𐴞𐴘𐴠 𐴁𐴡𐴓𐴞 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴓𐴡𐴘 𐴔𐴞𐴓𐴞 𐴃𐴤𐴝𐴑𐴠𐴊𐴠 𐴔𐴝𐴕𐴥𐴟𐴙𐴐𐴢 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 𐴱𐴱

𐴀𐴞𐴚 𐴷 𐴱 𐴰 𐴲 𐴐𐴤𐴡𐴕𐴡𐴃 𐴌𐴝𐴏𐴞𐴊𐴡𐴚 𐴐𐴤𐴡𐴀𐴡𐴌𐴡𐴃𐴧𐴟 𐴀𐴠𐴑 𐴔𐴝𐴙𐴓 𐴃𐴡𐴁𐴡𐴀𐴡𐴃𐴡𐴃 𐴀𐴝𐴏𐴥𐴠𐴊𐴠 𐴆𐴤𐴗𐴥𐴝𐴂𐴢 𐴂𐴝𐴌𐴝𐴚𐴡𐴃 , 𐴐𐴤𐴡𐴃𐴝 𐴐𐴤𐴡𐴃𐴞 𐴔𐴝𐴕𐴥𐴟𐴙𐴐𐴢 𐴈𐴝𐴍𐴞 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠 𐴀𐴝𐴌 𐴒𐴤𐴡𐴌 𐴀𐴥𐴡𐴑𐴧𐴡𐴓 𐴉𐴟𐴌𐴝 𐴊𐴞𐴀𐴞 𐴉𐴥𐴠𐴓𐴝𐴘𐴧𐴠 𐴊𐴠 , 𐴆𐴤𐴗𐴥𐴝𐴂𐴢 𐴂𐴝𐴌𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴁𐴤𐴞𐴌𐴝𐴘 𐴁𐴡𐴓𐴧𐴝 , 𐴒𐴡𐴃𐴡 𐴑𐴠𐴙𐴏𐴧𐴥𐴟 𐴊𐴞𐴕𐴡𐴌 𐴁𐴤𐴟𐴃𐴡𐴌𐴠 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴀𐴥𐴡𐴊𐴡𐴌 𐴁𐴝𐴀𐴝𐴌𐴠 𐴏𐴞𐴕𐴃𐴝 𐴁𐴤𐴝𐴉𐴡𐴕𐴝 𐴀𐴝𐴌 𐴊𐴦𐴟𐴣𐴌𐴝 𐴊𐴦𐴟𐴣𐴌𐴞 𐴒𐴡𐴌𐴥𐴞 𐴃𐴟𐴖𐴝𐴀𐴝𐴌 𐴊𐴧𐴠 𐴘𐴝𐴀𐴝𐴕 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

𐴆𐴤𐴙𐴝𐴚 𐴉𐴝𐴌𐴝 , 𐴏𐴝𐴚𐴒𐴝𐴕𐴝 𐴉𐴝𐴌𐴝 , 𐴏𐴝𐴁𐴧𐴠𐴌𐴠 𐴄𐴤𐴡𐴀𐴡 𐴉𐴝𐴌𐴝 𐴀𐴝𐴌 𐴄𐴝 𐴏𐴡𐴀𐴡 𐴉𐴝𐴌𐴝 𐴀𐴥𐴡𐴑𐴧𐴡𐴓𐴡𐴃𐴧𐴟 𐴰 𐴱 𐴎𐴡𐴕 𐴓𐴡𐴃𐴞 𐴋𐴡𐴣𐴀𐴡𐴌 𐴔𐴝𐴕𐴥𐴟𐴙𐴐𐴢 𐴔𐴝𐴃𐴝𐴘 𐴓𐴡𐴘 𐴎𐴝𐴘 , 𐴆𐴤𐴗𐴥𐴝𐴂𐴢 𐴂𐴝𐴌𐴝𐴚𐴡𐴌 𐴔𐴝𐴕𐴥𐴟𐴙𐴐𐴢 𐴀𐴝𐴏𐴥𐴠𐴕𐴠𐴀𐴠 ⸮ 𐴀𐴝𐴏𐴥𐴠𐴊𐴠 𐴀𐴥𐴡𐴘𐴓𐴠 𐴀𐴥𐴞𐴃𐴝𐴌𐴝 𐴀𐴠𐴈𐴥𐴡𐴕 𐴈𐴡𐴍𐴥𐴠 ⸮ 𐴈𐴡𐴀𐴡𐴘 𐴉𐴟𐴏𐴥𐴝𐴌 𐴒𐴡𐴙𐴅𐴧𐴤𐴙𐴠𐴊𐴠 𐴘𐴝𐴀𐴝𐴕 , 𐴀𐴥𐴞𐴃𐴝𐴌𐴝𐴌 𐴈𐴝𐴣𐴏𐴥𐴡𐴌 𐴔𐴝𐴕𐴥𐴟𐴙𐴐𐴢 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 𐴱𐴱

Sources : Myanmar now