𐴔𐴡𐴓𐴠𐴆𐴤𐴙𐴝 𐴎𐴝𐴘𐴁𐴡𐴓𐴧𐴝 𐴋𐴤𐴝𐴑𐴡𐴌 𐴊𐴠𐴐𐴡𐴃𐴧𐴟 𐴉𐴝𐴌𐴥𐴝𐴘 𐴒𐴤𐴡𐴙𐴓𐴧𐴙𐴠 𐴊𐴠 𐴌𐴟𐴇𐴝𐴙𐴚𐴒𐴙𐴝 𐴈𐴡𐴊𐴦𐴟𐴕 𐴔𐴡𐴗𐴚𐴋𐴤𐴟𐴃 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴱𐴱

𐴔𐴡𐴓𐴠𐴆𐴤𐴙𐴝 𐴎𐴝𐴘𐴁𐴡𐴓𐴧𐴝 𐴋𐴤𐴝𐴑𐴡𐴌 𐴊𐴠𐴐𐴡𐴃𐴧𐴟 𐴉𐴝𐴌𐴥𐴝𐴘 𐴒𐴤𐴡𐴙𐴓𐴧𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴴 𐴎𐴡𐴕 𐴒𐴠𐴓𐴊𐴠 𐴈𐴝𐴙𐴓𐴧𐴝 𐴔𐴡𐴗𐴚𐴋𐴤𐴟𐴃 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 , 𐴇𐴥𐴠𐴉𐴝𐴎𐴡𐴃𐴞 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓 𐴀𐴞𐴑𐴧𐴤𐴙𐴝 𐴀𐴟𐴙𐴑𐴧𐴤𐴙𐴝 𐴀𐴥𐴝𐴣𐴍𐴞 𐴂𐴥𐴠𐴄𐴌𐴟𐴓 𐴒𐴡𐴌𐴠𐴀𐴠𐴌 𐴊𐴠 𐴀𐴡𐴑𐴃𐴤𐴡𐴃 𐴁𐴞𐴀𐴞𐴕𐴧𐴝 𐴏𐴥𐴡𐴀𐴡𐴌𐴠 𐴓𐴡𐴒𐴁𐴤𐴡𐴒𐴢 𐴶 𐴁𐴝𐴎𐴠 𐴱𐴱

𐴔𐴡𐴗𐴚𐴋𐴤𐴟 𐴉𐴥𐴝𐴊𐴡𐴕𐴏𐴝 𐴉𐴝𐴌𐴝𐴌 𐴔𐴝𐴃𐴤𐴝𐴃 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕 𐴓𐴡𐴀𐴡𐴃 𐴉𐴝𐴘 𐴁𐴦𐴝𐴊𐴠 𐴐𐴤𐴡𐴕𐴊𐴡 𐴒𐴡𐴌𐴥𐴞 𐴉𐴟𐴏𐴥𐴝𐴌 𐴒𐴡𐴌𐴡𐴀𐴡𐴕𐴡𐴌 𐴉𐴡𐴌𐴠 , 𐴉𐴟𐴓𐴞𐴐𐴠 𐴎𐴝𐴕𐴞 𐴉𐴝𐴘𐴓𐴧𐴡 𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴞𐴁𐴝 𐴁𐴝𐴚𐴓𐴝𐴊𐴠𐴐𐴢 𐴀𐴟𐴑𐴤𐴞𐴘𐴝 𐴑𐴟𐴃𐴤𐴟 𐴉𐴝𐴓𐴡𐴚 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴃𐴤𐴝𐴑𐴠 𐴊𐴠 / 𐴕𐴡𐴁𐴞 𐴇𐴟𐴏𐴡𐴕𐴡𐴌 𐴉𐴟𐴖𐴝 / 𐴀𐴝𐴁𐴊𐴟 𐴔𐴟𐴕𐴝𐴉𐴢 𐴁𐴡𐴐𐴢 ( 𐴲 𐴴 ) 𐴁𐴡𐴏𐴥𐴡𐴌 , 𐴘𐴝𐴀𐴝𐴌 𐴁𐴦𐴝𐴊𐴠 𐴀𐴥𐴞𐴃𐴝𐴌𐴝 𐴉𐴥𐴟𐴣𐴖𐴝𐴣𐴌𐴠 𐴷 𐴎𐴡𐴕 𐴀𐴝𐴏𐴥𐴠𐴊𐴠 𐴘𐴝𐴀𐴝𐴕 𐴀𐴥𐴡 𐴎𐴝𐴕𐴞 𐴉𐴝𐴙𐴓𐴧𐴡𐴀𐴡 𐴱𐴱

𐴁𐴝𐴑𐴞 𐴏𐴥𐴡 𐴎𐴡𐴕 𐴀𐴥𐴟𐴀𐴟𐴕𐴡𐴌𐴠 𐴊𐴤𐴡𐴌𐴞𐴁𐴝𐴌 𐴑𐴝𐴌𐴖𐴝 𐴒𐴡𐴌𐴥𐴞 , 𐴁𐴞𐴀𐴞𐴕𐴧𐴝 𐴂𐴠𐴌𐴝𐴘 𐴐𐴤𐴝𐴀𐴝𐴌𐴡 𐴀𐴝𐴣𐴐𐴄𐴡 𐴁𐴝𐴎𐴠 , 𐴂𐴥𐴠𐴕 𐴄𐴡𐴗𐴚 𐴂𐴡𐴌𐴝𐴚 𐴒𐴤𐴗𐴝𐴚𐴡𐴌 𐴁𐴡𐴌 𐴉𐴝𐴌𐴝𐴌 𐴔𐴝𐴎𐴤𐴡𐴌 𐴉𐴝𐴌𐴝𐴌 𐴉𐴟𐴑 𐴋𐴤𐴝𐴑𐴠 𐴁𐴞𐴓𐴡𐴌 𐴔𐴝𐴎𐴤𐴠 / 𐴌𐴡𐴇𐴞𐴔𐴟𐴓𐴧𐴝𐴇𐴢 ( 𐴁𐴝𐴉𐴢 ) 𐴀𐴝𐴁𐴊𐴟 𐴔𐴟𐴕𐴝𐴉𐴢 𐴁𐴡𐴐𐴢 𐴶 𐴴 𐴁𐴡𐴏𐴥𐴡𐴌 , 𐴑𐴟𐴃𐴤𐴟𐴉𐴝𐴓𐴡𐴚 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 / 𐴔𐴟𐴇𐴝𐴔𐴧𐴡𐴊 𐴘𐴟𐴏𐴟𐴉𐴢 ( 𐴁𐴝𐴉𐴢 ) 𐴀𐴝𐴓𐴞 𐴀𐴝𐴇𐴔𐴡𐴊 𐴁𐴡𐴐𐴢 𐴶 𐴳 𐴁𐴡𐴏𐴥𐴡𐴌 , 𐴄𐴤𐴠𐴚 𐴈𐴝𐴓𐴞 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 , 𐴀𐴠 𐴊𐴟𐴕𐴥𐴞 𐴎𐴡𐴕𐴡𐴌𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴁𐴦𐴝𐴊𐴠 𐴀𐴥𐴝𐴣𐴎𐴡𐴙𐴕𐴧𐴝 𐴂𐴠𐴌𐴝𐴘 𐴀𐴥𐴝𐴀𐴝𐴌𐴡 𐴏𐴥𐴡 𐴁𐴝𐴎𐴠 , 𐴉𐴥𐴝𐴊𐴡𐴕𐴏𐴝 𐴀𐴝𐴌 𐴋𐴤𐴟 𐴛𐴡𐴚 𐴁𐴝𐴚 𐴁𐴡𐴌 𐴉𐴝𐴌𐴝𐴌 𐴔𐴝𐴎𐴤𐴠 𐴔𐴝𐴙𐴅𐴧𐴤𐴙𐴝 𐴀𐴝𐴏𐴥𐴠𐴊𐴠 , 𐴈𐴝𐴓𐴝 𐴀𐴞𐴏𐴝𐴌 𐴏𐴥𐴝𐴌𐴝 𐴒𐴟𐴊𐴤𐴝𐴌 𐴈𐴝𐴣𐴏𐴝𐴃 / 𐴔𐴟𐴇𐴝𐴔𐴧𐴡𐴊 𐴖𐴝𐴌𐴠𐴏𐴢 ( 𐴁𐴝𐴉𐴢 ) 𐴀𐴝𐴁𐴟𐴓 𐴁𐴡𐴐𐴡𐴌 𐴁𐴡𐴐𐴢 𐴴 𐴴 𐴁𐴡𐴏𐴥𐴡𐴌 𐴁𐴝𐴓𐴟 𐴈𐴥𐴝𐴓𐴞 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴌 , 𐴀𐴞𐴃𐴝𐴌𐴠 𐴊𐴤𐴡𐴙𐴅𐴧𐴙𐴠 𐴱𐴱

𐴏𐴝𐴙𐴌 𐴀𐴥𐴡 𐴎𐴡𐴕𐴡𐴌𐴠 𐴀𐴞𐴕𐴑𐴟𐴖𐴝𐴌𐴞 𐴏𐴥𐴝𐴙𐴑 𐴒𐴡𐴌𐴥𐴞 𐴁𐴦𐴝𐴊𐴠 , 𐴀𐴥𐴞𐴃𐴝𐴌𐴝𐴌 𐴔𐴟𐴑𐴎𐴟𐴁𐴝𐴕𐴞 𐴔𐴡𐴎𐴞𐴕 𐴃𐴝𐴌𐴥𐴝 𐴐𐴤𐴡𐴣𐴀𐴡 𐴰 𐴲 𐴎𐴡𐴕 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴔𐴡𐴓𐴠𐴆𐴤𐴙𐴝 𐴎𐴝𐴘𐴁𐴡𐴓𐴧𐴝 𐴅𐴝𐴕𐴖𐴝𐴌𐴞 𐴔𐴝𐴐𐴡𐴃 𐴋𐴝𐴓𐴝𐴓 𐴓𐴡𐴘 𐴈𐴡𐴃𐴤𐴝 𐴉𐴝𐴑𐴧𐴝 𐴒𐴡𐴌𐴥𐴞 𐴳 𐴓𐴝𐴑 𐴁𐴝𐴚𐴓𐴝 𐴄𐴞𐴛𐴝𐴌 𐴊𐴡𐴌𐴠 𐴊𐴞𐴀𐴞 , 𐴄𐴠𐴑𐴕𐴝𐴉𐴡𐴃𐴧𐴟 𐴎𐴝𐴘𐴓𐴧𐴝𐴌 𐴕𐴦𐴡 𐴓𐴡𐴘 𐴌𐴝𐴏𐴞𐴊𐴡𐴚 𐴏𐴥𐴝𐴔𐴞𐴓𐴝 𐴉𐴝𐴌𐴝𐴃 𐴉𐴡𐴣𐴀𐴡𐴏𐴞 , 𐴋𐴝𐴓𐴝𐴓𐴠 𐴒𐴤𐴡𐴌 𐴀𐴠𐴑𐴧𐴝𐴕𐴡𐴃 𐴌𐴝𐴙𐴑𐴧𐴤𐴙𐴠 𐴱𐴱

𐴀𐴠𐴑 𐴔𐴝𐴐𐴢 𐴉𐴡𐴙𐴅𐴧𐴡𐴕𐴃𐴡 𐴀𐴠𐴕𐴃𐴠𐴎𐴝𐴌 𐴒𐴡𐴌𐴡𐴀𐴡𐴕𐴡𐴌 𐴁𐴦𐴝𐴊𐴠 𐴘𐴥𐴡 𐴔𐴡𐴓𐴠𐴆𐴤𐴙𐴝 𐴉𐴡𐴣𐴀𐴡𐴏𐴝𐴘 𐴕𐴡 𐴊𐴠𐴀𐴠𐴌 𐴊𐴧𐴠 𐴀𐴥𐴠𐴃𐴡𐴓𐴧𐴝 , 𐴁𐴝𐴚𐴓𐴝𐴊𐴠𐴐𐴡𐴃 𐴖𐴝𐴉𐴠𐴏𐴢 𐴎𐴝𐴘𐴁𐴡𐴓𐴧𐴝 𐴔𐴡𐴗𐴚𐴋𐴤𐴟𐴃 𐴀𐴝𐴙𐴐𐴧𐴤𐴙𐴠 𐴊𐴠 𐴘𐴝𐴀𐴝𐴕 𐴎𐴝𐴕𐴝𐴀𐴝 𐴒𐴞𐴘𐴠 , 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕𐴡𐴌𐴠 , 𐴀𐴡𐴁𐴤𐴡𐴘𐴊𐴡 𐴁𐴤𐴝𐴉𐴠 𐴁𐴡𐴖𐴋𐴝𐴌 𐴉𐴝𐴌𐴥𐴝 𐴀𐴞𐴔𐴞𐴒𐴞𐴌𐴞𐴐𐴤𐴠𐴕𐴡𐴌 𐴑𐴝𐴕𐴟𐴕 𐴓𐴡𐴘 𐴔𐴦𐴡𐴊𐴧𐴞𐴔𐴝 𐴑𐴤𐴟𐴓𐴞 , 𐴁𐴝𐴑𐴞 𐴒𐴤𐴟𐴕𐴡𐴌𐴠 𐴘𐴥𐴡 𐴊𐴤𐴡𐴌𐴞𐴁𐴝𐴌 𐴑𐴝𐴌𐴖𐴝𐴘 𐴒𐴡𐴌𐴠𐴀𐴠𐴌 𐴁𐴡𐴓𐴞 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

Sources : ၇ခိုင်နေ့စဥ်