𐴀𐴝𐴙𐴑𐴧𐴙𐴝𐴁𐴡𐴌 𐴀𐴡𐴗𐴚 𐴄𐴝𐴙𐴚 𐴉𐴝𐴌𐴝𐴃 𐴔𐴝𐴎𐴤𐴠 𐴔𐴡𐴓𐴠𐴆𐴤𐴙𐴝 𐴉𐴝𐴄𐴝𐴀𐴝𐴌𐴊𐴧𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴱𐴱

𐴀𐴝𐴙𐴑𐴧𐴙𐴝𐴁𐴡𐴌 𐴀𐴡𐴗𐴚 𐴄𐴝𐴙𐴚 𐴉𐴝𐴌𐴝𐴌 𐴊𐴟𐴘𐴧𐴝𐴕 𐴒𐴤𐴡𐴌𐴡𐴃 𐴔𐴝𐴎𐴠 𐴉𐴥𐴠𐴌𐴖𐴝𐴌𐴞𐴌 𐴷 𐴱 𐴃𐴝𐴌𐴥𐴞𐴑𐴡𐴃 𐴓𐴡𐴒𐴁𐴤𐴡𐴒𐴢 𐴊𐴦𐴟𐴛𐴅𐴧𐴙𐴝

𐴐𐴤𐴝𐴀𐴝𐴌𐴡 𐴀𐴠𐴑 𐴁𐴝𐴎𐴠 , 𐴔𐴡𐴓𐴠𐴆𐴤𐴙𐴝 𐴉𐴡𐴣𐴀𐴡𐴏𐴝𐴘 𐴊𐴠𐴀𐴠𐴌𐴊𐴧𐴠 𐴌𐴟𐴇𐴝𐴙𐴚𐴒𐴙𐴝 𐴈𐴡𐴊𐴦𐴟𐴕 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴎𐴝𐴕𐴝𐴀𐴝 𐴒𐴞𐴘𐴠𐴱𐴱

𐴀𐴡𐴗𐴚 𐴄𐴝𐴙𐴚 𐴉𐴝𐴌𐴝𐴃 𐴃𐴤𐴝𐴑𐴠𐴊𐴠 / 𐴀𐴥𐴟 𐴐𐴗𐴠 𐴓𐴥𐴝 ( 𐴁𐴝𐴉𐴢 ) / 𐴀𐴥𐴟 𐴁𐴤𐴝 𐴏𐴞𐴕 𐴁𐴡𐴐𐴢 𐴲 𐴴 𐴁𐴡𐴏𐴥𐴡𐴌 𐴀𐴝𐴌 / 𐴋𐴦𐴡 𐴀𐴥𐴟 𐴑𐴞𐴚 𐴓𐴥𐴝 ( 𐴁𐴝𐴉𐴢 )/ 𐴀𐴥𐴟 𐴆𐴙𐴡 𐴏𐴞𐴕 𐴀𐴡𐴗𐴚 𐴁𐴡𐴐𐴢 𐴸 𐴳 𐴁𐴡𐴏𐴥𐴡𐴌 , 𐴀𐴠 𐴊𐴟𐴕𐴥𐴞 𐴎𐴡𐴕𐴡𐴌 𐴒𐴤𐴡𐴌𐴡𐴃 𐴔𐴡𐴓𐴠𐴆𐴤𐴙𐴝 𐴎𐴝𐴘 𐴁𐴡𐴓𐴧𐴥𐴝 𐴌𐴟𐴇𐴝𐴙𐴚𐴒𐴙𐴝 𐴈𐴡𐴊𐴦𐴟𐴕 𐴀𐴝𐴙𐴐𐴧𐴤𐴙𐴠 𐴁𐴡𐴓𐴞 , 𐴉𐴝𐴙𐴅𐴧𐴙𐴝 𐴔𐴝𐴙𐴕𐴐𐴤𐴙𐴠 𐴇𐴥𐴡𐴑𐴟𐴔𐴡𐴃𐴡𐴌𐴠 𐴓𐴝𐴒𐴝𐴘 𐴊𐴞𐴘𐴠 𐴱𐴱

𐴓𐴝𐴒𐴝𐴘 𐴊𐴞𐴘𐴝𐴌 𐴅𐴝𐴕𐴑𐴝𐴌𐴞 𐴔𐴡𐴎𐴞𐴕 𐴇𐴥𐴡𐴑𐴟𐴔𐴡𐴃𐴞 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓 𐴒𐴤𐴡𐴌𐴡𐴃 𐴎𐴝𐴘 𐴏𐴠𐴑 𐴒𐴡𐴌𐴥𐴞 𐴏𐴝𐴀𐴝𐴌𐴊𐴧𐴠 𐴀𐴡𐴑𐴃𐴤𐴡𐴃 𐴒𐴤𐴡𐴌𐴡𐴌 𐴒𐴞𐴌𐴡𐴏𐴢 𐴊𐴟𐴕𐴥𐴞 𐴎𐴡𐴕 𐴊𐴤𐴝𐴘 𐴓𐴟𐴖𐴝𐴘 𐴒𐴞𐴘𐴡𐴘 , 𐴏𐴠𐴑 𐴒𐴡𐴌𐴡𐴀𐴡𐴙𐴕𐴧𐴝 𐴀𐴥𐴡𐴑𐴧𐴡𐴓𐴠 𐴊𐴟𐴕𐴥𐴞 𐴒𐴤𐴡𐴌𐴡𐴌 𐴁𐴤𐴟𐴃𐴡𐴌𐴃𐴧𐴟 𐴶 𐴳 𐴎𐴡𐴕 𐴁𐴠𐴍𐴝𐴀𐴝𐴙𐴕 𐴀𐴝𐴌 𐴰 𐴲 𐴎𐴡𐴕 𐴁𐴠𐴍𐴞𐴀𐴝𐴙𐴕 , 𐴁𐴠𐴒𐴧𐴤𐴟𐴕𐴠 𐴔𐴞𐴓𐴝𐴘 𐴔𐴟𐴄 𐴶 𐴵 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 , 𐴇𐴥𐴡𐴑𐴟𐴔𐴡𐴃𐴠 𐴁𐴡𐴕 𐴒𐴡𐴌𐴥𐴞 𐴓𐴡𐴘 𐴒𐴞𐴘𐴡𐴘 𐴱𐴱

𐴀𐴥𐴞𐴃𐴝𐴌𐴝 𐴌𐴠 𐴏𐴥𐴝𐴙𐴑 𐴒𐴡𐴌𐴥𐴞 𐴉𐴝𐴘𐴧𐴠𐴊𐴠 𐴅𐴝𐴕𐴑𐴝𐴌𐴞 𐴔𐴡𐴎𐴞𐴕 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕 𐴔𐴡𐴗𐴚𐴋𐴤𐴟 , 𐴁𐴤𐴟𐴏𐴞𐴊𐴡𐴗𐴚 , 𐴆𐴙𐴡𐴑𐴄𐴡 , 𐴀𐴝𐴌 𐴔𐴡𐴌𐴥𐴡𐴑 𐴀𐴥𐴟 , 𐴐𐴤𐴡𐴀𐴡𐴌 𐴀𐴞𐴀𐴞𐴕𐴡𐴌 𐴉𐴝𐴌𐴝 𐴀𐴥𐴡𐴑𐴧𐴡𐴓𐴡𐴃 𐴃𐴤𐴝𐴑𐴡𐴀𐴡𐴙𐴕𐴧𐴝 , 𐴎𐴡𐴕 𐴉𐴡𐴃𐴞 𐴰 𐴸 𐴓𐴝𐴑 𐴄𐴞𐴛𐴝𐴌 𐴊𐴧𐴡𐴌𐴠 𐴔𐴡𐴓𐴠𐴆𐴤𐴙𐴝 𐴎𐴝𐴘 𐴁𐴡𐴓𐴧𐴥𐴝 , 𐴋𐴝𐴓𐴝𐴓 / 𐴀𐴥𐴟 𐴐𐴗𐴠 𐴓𐴥𐴝 𐴀𐴝𐴌 / 𐴋𐴦𐴡 𐴀𐴥𐴟 𐴑𐴞𐴚 𐴓𐴥𐴝 𐴊𐴟𐴕𐴥𐴞 𐴎𐴡𐴕𐴡𐴌 𐴉𐴥𐴝𐴣𐴊𐴡𐴃 𐴉𐴡𐴌𐴥𐴞 , 𐴕𐴞𐴎𐴡𐴌 𐴕𐴞𐴎𐴡𐴌 𐴒𐴤𐴡𐴌𐴡𐴃𐴧𐴟 𐴁𐴟𐴄 𐴓𐴡𐴘 𐴋𐴝𐴓𐴝𐴓𐴡𐴌 𐴒𐴤𐴡𐴌𐴡𐴃 𐴀𐴝𐴙𐴐𐴧𐴤𐴙𐴠 𐴁𐴡𐴓𐴞 𐴔𐴟𐴑 𐴎𐴟𐴁𐴝𐴕𐴞 𐴊𐴞𐴘𐴠 , 𐴎𐴞𐴛𐴡𐴃 𐴀𐴥𐴞𐴃𐴝𐴌 𐴀𐴠𐴈𐴥𐴡𐴕 𐴊𐴤𐴡𐴌𐴝 𐴈𐴥𐴝𐴘𐴧𐴠 𐴱𐴱

𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴟𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴟𐴀𐴟𐴕𐴡𐴌𐴠 𐴀𐴞𐴔𐴞𐴒𐴞𐴌𐴞𐴐𐴤𐴠𐴕 𐴑𐴝𐴕𐴟𐴕𐴡𐴌 𐴊𐴤𐴝𐴌𐴝 𐴔𐴡𐴎𐴞𐴕 𐴔𐴦𐴡𐴊𐴧𐴞𐴔𐴝 𐴑𐴤𐴟𐴓𐴞 𐴏𐴥𐴝𐴎𐴝 𐴊𐴞𐴀𐴞𐴁𐴡𐴓𐴧𐴝 𐴏𐴥𐴝𐴙𐴑 𐴒𐴡𐴌𐴠𐴀𐴠𐴌 , 𐴀𐴥𐴟 𐴐𐴗𐴠 𐴓𐴥𐴝 𐴀𐴝𐴌 𐴋𐴦𐴡 𐴀𐴥𐴟 𐴑𐴞𐴚 𐴓𐴥𐴝 𐴊𐴟𐴕𐴥𐴞 𐴎𐴡𐴕𐴡𐴌𐴠 𐴀𐴡𐴉𐴥𐴡𐴌𐴝𐴊𐴞 𐴊𐴤𐴝𐴌𐴝 𐴷 𐴶 𐴳 𐴓𐴡𐴘 𐴏𐴥𐴝𐴎𐴝 𐴊𐴞𐴀𐴞𐴁𐴡𐴓𐴧𐴝 𐴁𐴡𐴕 𐴒𐴡𐴌𐴥𐴞𐴁𐴝𐴌 𐴑𐴝𐴌𐴖𐴝𐴘 𐴒𐴡𐴌𐴠𐴀𐴠𐴌 𐴱𐴱

Sources : ၇ခိုင်နေ့စဥ်