𐴔𐴡𐴚𐴋𐴤𐴟𐴃 𐴁𐴡𐴖𐴋𐴝𐴌𐴡𐴌 𐴒𐴤𐴞𐴌𐴝 𐴉𐴝𐴌𐴥𐴝𐴘 𐴒𐴤𐴡𐴙𐴓𐴧𐴙𐴠 𐴒𐴤𐴝𐴘𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴱𐴱

𐴔𐴡𐴚𐴋𐴤𐴟 𐴄𐴡𐴀𐴡𐴕𐴡𐴌 𐴊𐴡𐴀𐴡𐴙𐴕 𐴌𐴥𐴠𐴑𐴧𐴗𐴥𐴝 𐴁𐴟𐴔𐴥𐴟 𐴉𐴝𐴌𐴝𐴃 𐴒𐴤𐴡𐴓𐴠𐴊𐴠 𐴔𐴟𐴑𐴤𐴡𐴃 , 𐴀𐴥𐴡𐴑𐴧𐴡𐴓 𐴋𐴞𐴂𐴝𐴌𐴔𐴥𐴠𐴕 𐴔𐴞𐴓𐴝𐴘𐴧𐴝 𐴀𐴞𐴕𐴑𐴟𐴖𐴝𐴌𐴞 𐴋𐴝𐴀𐴝𐴘𐴧𐴠 𐴏𐴠𐴑 𐴒𐴡𐴌𐴠𐴀𐴠𐴌 𐴊𐴧𐴠 𐴐𐴤𐴡𐴣𐴀𐴡𐴃 , 𐴁𐴡𐴖𐴋𐴝𐴌 𐴒𐴤𐴞𐴌𐴝 𐴉𐴝𐴌𐴥𐴝𐴘 𐴔𐴡𐴚𐴋𐴤𐴟𐴃 𐴒𐴝𐴙𐴌 𐴑𐴝𐴕𐴟𐴕𐴞 𐴒𐴤𐴡𐴙𐴓𐴧𐴙𐴠 𐴒𐴤𐴝𐴘𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕 , 𐴉𐴥𐴠𐴌𐴖𐴝𐴌𐴞 𐴔𐴝𐴐𐴡𐴌 𐴳 𐴱 𐴃𐴝𐴌𐴥𐴞𐴑𐴡𐴃 𐴁𐴞𐴀𐴞𐴕𐴧𐴝 𐴹 𐴁𐴝𐴎𐴠 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴱𐴱

𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴔𐴝𐴕𐴥𐴟𐴙𐴐𐴢 𐴀𐴥𐴞𐴁𐴝 𐴀𐴥𐴡𐴙𐴓𐴊𐴠 / 𐴀𐴝𐴁𐴟 𐴏𐴞𐴊𐴧𐴞𐴑 ( 𐴁𐴝𐴉𐴢 ) 𐴓𐴝𐴓 𐴔𐴞𐴛𐴝 𐴁𐴡𐴐𐴢 𐴱 𐴵 𐴁𐴡𐴏𐴥𐴡𐴌 , 𐴎𐴞𐴁𐴤𐴝 𐴷 𐴱 𐴰 𐴲 𐴀𐴡𐴒𐴤𐴡𐴏𐴄 𐴔𐴝𐴐𐴡𐴃 𐴑𐴝𐴕𐴟𐴕𐴞 𐴃𐴡𐴖𐴌𐴠 𐴷 𐴊𐴞𐴕𐴧𐴝 𐴂𐴦𐴝𐴏𐴂𐴟𐴄 𐴓𐴡𐴘 𐴁𐴝𐴚𐴓𐴝𐴊𐴠𐴐𐴢 𐴑𐴝𐴑𐴏𐴡 𐴁𐴝𐴎𐴝𐴌 𐴊𐴝𐴁𐴝𐴘 𐴒𐴡𐴙𐴃𐴧𐴤𐴡 𐴒𐴞𐴀𐴞𐴓𐴊𐴠 , 𐴔𐴡𐴕𐴃𐴡𐴌 𐴖𐴝𐴉𐴠𐴏𐴢 𐴔𐴡𐴚𐴋𐴤𐴟𐴃 𐴕𐴡 𐴀𐴝𐴀𐴝𐴘 𐴁𐴦𐴝𐴊𐴠 𐴑𐴟𐴃𐴤𐴟 𐴉𐴝𐴓𐴡𐴚 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴎𐴝𐴘 𐴃𐴤𐴝𐴙𐴑𐴧𐴙𐴠 𐴒𐴤𐴡𐴘 𐴱𐴱

𐴁𐴦𐴝𐴊𐴠 𐴉𐴥𐴠𐴌𐴖𐴝𐴌𐴞𐴌 𐴳 𐴱 𐴃𐴝𐴌𐴥𐴞𐴑𐴡𐴃 𐴁𐴞𐴀𐴞𐴕𐴧𐴝 𐴏𐴥𐴡𐴀𐴡𐴌𐴠 𐴎𐴝𐴙𐴓𐴧𐴝𐴌 𐴕𐴦𐴡 𐴀𐴠𐴑𐴧𐴤𐴝𐴕𐴡𐴌𐴠 𐴵 𐴓𐴝𐴑 𐴄𐴞𐴛𐴝 𐴊𐴞𐴀𐴞 𐴔𐴡𐴚𐴋𐴤𐴟 𐴔𐴡𐴚𐴕𐴞 𐴌𐴥𐴠𐴑𐴧𐴗𐴥𐴝𐴌 𐴉𐴟𐴒𐴡𐴃𐴧𐴟 𐴀𐴝𐴏𐴥𐴠𐴊𐴠 𐴁𐴡𐴖𐴋𐴝𐴌 𐴒𐴤𐴞𐴌𐴝 𐴁𐴝𐴀𐴝𐴘 𐴉𐴝𐴌𐴥𐴝𐴘 𐴔𐴡𐴚𐴋𐴤𐴟𐴃 𐴒𐴤𐴡𐴙𐴓𐴧𐴙𐴠 𐴒𐴤𐴝𐴘𐴊𐴠 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

𐴀𐴥𐴠𐴕𐴋𐴞𐴓𐴧𐴝 𐴴 𐴱 𐴃𐴝𐴌𐴥𐴞𐴑 𐴁𐴞𐴀𐴞𐴕𐴧𐴝 𐴀𐴡𐴕𐴟𐴔𐴝𐴕𐴞𐴑 𐴶 𐴁𐴝𐴎𐴠 𐴔𐴡𐴚𐴋𐴤𐴟 𐴕𐴥𐴝𐴙𐴚 𐴆𐴙𐴡𐴚 𐴉𐴝𐴌𐴝𐴃 𐴁𐴝𐴚𐴓𐴝𐴊𐴠𐴐𐴡𐴃𐴧𐴟 𐴒𐴤𐴡𐴌𐴒𐴟𐴐𐴧𐴞 𐴀𐴟𐴒𐴧𐴤𐴗𐴝 𐴀𐴝𐴙𐴐𐴧𐴤𐴙𐴠𐴊𐴠 𐴈𐴥𐴡𐴁𐴡𐴌 𐴉𐴝𐴘𐴧𐴡𐴌𐴠 , 𐴅𐴝𐴕𐴑𐴝𐴌𐴞 𐴔𐴡𐴎𐴞𐴕 𐴎𐴞𐴔𐴧𐴝𐴊𐴝𐴌 𐴀𐴥𐴡𐴑𐴧𐴡𐴓 𐴎𐴝𐴘 𐴀𐴞𐴕𐴑𐴟𐴖𐴝𐴌𐴞 𐴒𐴡𐴌𐴥𐴞 / 𐴁𐴡𐴊𐴞 𐴀𐴝𐴓𐴡𐴔 ( 𐴋𐴝𐴑 ) 𐴏𐴡𐴊𐴞 𐴀𐴝𐴓𐴡𐴔 ( 𐴁𐴝𐴉𐴢 ) 𐴀𐴝𐴎𐴞𐴎𐴟𐴌 𐴌𐴝𐴇𐴔𐴝𐴕 𐴁𐴡𐴐𐴢 𐴷 𐴴 𐴁𐴡𐴏𐴥𐴡𐴌 𐴐𐴤𐴡𐴣𐴀𐴡 𐴀𐴥𐴞𐴁𐴤𐴝𐴌 𐴒𐴤𐴡𐴌𐴒𐴟𐴐𐴧𐴞 𐴸 𐴎𐴡𐴕 𐴁𐴡𐴕 𐴒𐴡𐴌𐴥𐴞 𐴉𐴥𐴠𐴓𐴝𐴘𐴧𐴠 𐴊𐴠 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

𐴀𐴞𐴕𐴑𐴟𐴖𐴝𐴌𐴞 𐴔𐴡𐴎𐴞𐴕 𐴀𐴥𐴞𐴃𐴝𐴌𐴝 𐴁𐴝𐴚𐴓𐴝𐴊𐴠𐴐𐴢 𐴁𐴝𐴓𐴟𐴈𐴥𐴝𐴓𐴞 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴃𐴤𐴝𐴑𐴞𐴃𐴤𐴡 , 𐴑𐴠𐴀𐴠𐴔𐴡𐴃 (𐴀𐴝𐴌𐴏𐴝𐴌) 𐴇𐴥𐴠𐴔𐴝𐴘𐴡𐴃𐴞 𐴀𐴝𐴌 ( 𐴀𐴝𐴌 𐴀𐴠𐴏𐴢 𐴀𐴡𐴌) 𐴇𐴥𐴠𐴔𐴝𐴘𐴡𐴃𐴞𐴌 𐴀𐴝𐴉𐴥𐴡𐴏𐴡𐴃 𐴈𐴡𐴙𐴅𐴧𐴙𐴝 𐴊𐴟𐴐𐴔𐴡𐴕𐴝 𐴊𐴟𐴐𐴔𐴡𐴕𐴞 𐴀𐴥𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 , 𐴉𐴥𐴠𐴌𐴖𐴝𐴌𐴞𐴌 𐴷 𐴃𐴝𐴌𐴥𐴞𐴑 𐴁𐴞𐴀𐴞𐴕𐴧𐴝 𐴶 𐴁𐴝𐴎𐴠 𐴀𐴥𐴟 𐴆𐴙𐴠 𐴅𐴤𐴙𐴝 𐴈𐴥𐴝𐴓𐴡𐴌 𐴔𐴟𐴑𐴡𐴃𐴧𐴟 𐴁𐴡𐴖𐴋𐴝𐴌 𐴒𐴤𐴞𐴌𐴝 𐴉𐴝𐴌𐴥𐴝𐴘 𐴒𐴤𐴡𐴙𐴓𐴧𐴙𐴠 𐴒𐴤𐴝𐴘𐴊𐴠 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌𐴠 𐴁𐴡𐴐𐴢 𐴕𐴡𐴀𐴡 𐴉𐴟𐴌𐴝𐴊𐴠 𐴶 𐴎𐴡𐴕𐴡𐴌𐴠 , 𐴉𐴝𐴌𐴝𐴌 𐴀𐴥𐴟𐴑 𐴆𐴤𐴙𐴟𐴑 𐴌𐴥𐴠𐴔𐴥𐴟 𐴀𐴝𐴌 𐴉𐴝𐴙𐴅𐴧𐴙𐴝 𐴀𐴥𐴡𐴑𐴧𐴡𐴓𐴡𐴌 𐴈𐴝𐴣𐴏𐴠 𐴌𐴝𐴑𐴤𐴞 , 𐴁𐴝𐴑𐴞 𐴒𐴤𐴟𐴕𐴡𐴌𐴠 𐴒𐴝𐴙𐴌 𐴑𐴝𐴕𐴟𐴕𐴞 𐴁𐴡𐴖𐴋𐴝𐴌 𐴉𐴝𐴌𐴥𐴝 𐴀𐴞𐴔𐴞𐴒𐴞𐴌𐴞𐴐𐴤𐴠𐴕 𐴑𐴝𐴕𐴟𐴕𐴡𐴌 𐴊𐴤𐴝𐴌𐴝 𐴔𐴡𐴎𐴞𐴕 𐴔𐴦𐴡𐴊𐴧𐴞𐴔𐴝 𐴑𐴤𐴟𐴓𐴞𐴁𐴝𐴌 𐴑𐴝𐴌𐴖𐴝𐴘 𐴒𐴡𐴌𐴠𐴀𐴠𐴌 𐴊𐴧𐴠 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

Sources : ၇ခိုင်နေ့စ်