𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞 𐴌𐴠 𐴏𐴞𐴁𐴢 𐴊𐴞𐴀𐴞𐴁𐴡𐴓𐴧𐴝 𐴔𐴡𐴓𐴠𐴆𐴤𐴙𐴝𐴌 𐴁𐴡𐴌 𐴀𐴟𐴎𐴞𐴌𐴠 𐴀𐴝𐴏𐴞𐴘𐴠𐴕𐴡 𐴌𐴥𐴠 𐴈𐴡𐴘𐴧𐴠 𐴱𐴱

𐴁𐴡𐴌𐴔𐴥𐴝𐴌 𐴊𐴠𐴐𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴡 𐴌𐴠 𐴒𐴡𐴌𐴠𐴀𐴠𐴌 𐴊𐴠 𐴎𐴟𐴓𐴟𐴔 𐴀𐴡𐴃𐴧𐴞𐴏𐴝𐴌 𐴁𐴡𐴕 𐴒𐴡𐴌𐴥𐴞𐴁𐴡𐴓𐴧𐴝 , 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡 𐴌𐴠 𐴏𐴞𐴁𐴢 𐴊𐴞𐴀𐴞𐴁𐴝𐴌 𐴕𐴡𐴘𐴧𐴝 𐴃𐴡𐴌𐴞𐴑𐴝 𐴀𐴠𐴑𐴃𐴞𐴘𐴝𐴌 𐴒𐴡𐴌𐴥𐴞𐴁𐴡𐴓𐴧𐴝 , 𐴔𐴡𐴓𐴠𐴆𐴤𐴙𐴝𐴌 𐴁𐴡𐴌 𐴀𐴟𐴎𐴞𐴌 / 𐴀𐴝𐴕𐴖𐴝𐴌 𐴀𐴞𐴁𐴌𐴝𐴇𐴞𐴔𐴠 , 𐴀𐴝𐴏𐴞𐴘𐴠𐴕 𐴔𐴞𐴔𐴁𐴤𐴡𐴌 𐴊𐴠𐴐𐴢 𐴀𐴥𐴡𐴑𐴧𐴡𐴓𐴡𐴌𐴠 𐴀𐴝𐴌𐴡𐴎 𐴒𐴡𐴙𐴅𐴧𐴤𐴙𐴠 𐴱𐴱

𐴄𐴤𐴝𐴘𐴓𐴠𐴕𐴡𐴃 𐴊𐴟𐴘 𐴊𐴞𐴕𐴧𐴝 𐴑𐴝𐴕𐴟𐴕𐴞 𐴏𐴡𐴉𐴥𐴡𐴌𐴡𐴃 𐴀𐴝𐴙𐴐𐴧𐴤𐴙𐴠𐴊𐴠 , 𐴔𐴡𐴓𐴠𐴆𐴤𐴙𐴝𐴌 𐴁𐴡𐴌 𐴀𐴟𐴎𐴞𐴌𐴠 𐴉𐴥𐴠𐴌𐴖𐴝𐴌𐴞 𐴔𐴝𐴐𐴡𐴌 𐴰 𐴱 𐴃𐴝𐴌𐴥𐴞𐴑 𐴐𐴤𐴟𐴑𐴧𐴟𐴌 𐴁𐴝𐴌𐴠 , 𐴊𐴟𐴘 𐴊𐴠𐴐𐴢 𐴁𐴡𐴌𐴡 𐴐𐴤𐴡𐴊𐴦𐴡𐴌 𐴀𐴥𐴡𐴑𐴧𐴡𐴓𐴡𐴌 𐴐𐴤𐴡𐴔𐴞𐴃𐴞 𐴓𐴡𐴘 𐴔𐴞𐴄𐴤𐴞𐴚 𐴒𐴡𐴙𐴅𐴧𐴤𐴙𐴠𐴊𐴠 𐴀𐴥𐴠𐴍𐴠 𐴈𐴡𐴃𐴤𐴝 𐴘𐴝𐴀𐴝𐴕 𐴈𐴡𐴘𐴧𐴠𐴊𐴠 𐴱𐴱 𐴀𐴝𐴏𐴞𐴘𐴠𐴕 𐴐𐴤𐴡𐴔𐴞𐴃𐴞 𐴔𐴞𐴔𐴁𐴤𐴡𐴌 𐴊𐴠𐴐𐴢 𐴀𐴥𐴞𐴏𐴝𐴉𐴠 , 𐴁𐴡𐴌𐴔𐴥𐴝𐴌 𐴏𐴥𐴡𐴚𐴑𐴡𐴄 𐴇𐴥𐴡𐴓 𐴒𐴡𐴌𐴡𐴀𐴡𐴕𐴡𐴃 𐴔𐴝𐴎𐴤𐴠 , 𐴀𐴝𐴏𐴥𐴠𐴊𐴠 𐴃𐴝𐴑𐴡𐴃 𐴐𐴤𐴡𐴑𐴃𐴞 𐴔𐴡𐴎𐴞𐴕 𐴑𐴝𐴌𐴖𐴝𐴘 𐴒𐴡𐴌𐴥𐴞 𐴎𐴡𐴀𐴡𐴕 𐴎𐴡𐴌𐴟𐴌𐴞 𐴁𐴡𐴓𐴞 / 𐴀𐴝𐴕𐴖𐴝𐴌 𐴀𐴞𐴁𐴌𐴝𐴇𐴞𐴔𐴠 𐴈𐴡𐴘𐴧𐴠 𐴱𐴱

𐴁𐴡𐴌𐴔𐴥𐴝𐴌 𐴑𐴟𐴀𐴟𐴂𐴑𐴝𐴌 𐴔𐴠𐴓𐴠𐴄𐴠𐴌𐴞 𐴘𐴠 𐴒𐴡𐴌𐴠𐴀𐴠𐴌 𐴊𐴧𐴠 𐴎𐴟𐴓𐴟𐴔 𐴀𐴡𐴃𐴧𐴞𐴏𐴝𐴌 𐴐𐴤𐴠𐴐𐴢 𐴒𐴡𐴌𐴥𐴞 𐴐𐴤𐴝𐴕𐴃𐴞 𐴕𐴞𐴌𐴝𐴉𐴡𐴃 𐴀𐴝𐴕𐴥𐴞𐴁𐴡𐴓𐴧𐴝 , 𐴉𐴥𐴠𐴌𐴖𐴝𐴌𐴞 𐴔𐴝𐴐𐴡𐴌 𐴹 𐴃𐴝𐴌𐴥𐴞𐴑𐴡𐴃 𐴔𐴡𐴓𐴠𐴆𐴤𐴙𐴝𐴌 𐴁𐴡𐴌 𐴀𐴟𐴎𐴞𐴌𐴠 𐴄𐴤𐴝𐴘𐴓𐴠𐴕𐴡𐴌 𐴁𐴡𐴌 𐴀𐴟𐴎𐴞𐴌 𐴓𐴡𐴘 𐴒𐴡𐴙𐴅𐴧𐴤𐴙𐴠𐴊𐴠 𐴔𐴞𐴄𐴤𐴞𐴚𐴡𐴃 , 𐴄𐴤𐴝𐴘𐴓𐴠𐴕𐴡𐴃𐴧𐴟 𐴑𐴤𐴟𐴁 𐴁𐴠𐴐𐴤𐴞 𐴒𐴡𐴌𐴞 𐴀𐴝𐴊𐴞𐴑𐴝𐴌𐴞 𐴒𐴡𐴌𐴥𐴝 𐴉𐴡𐴌𐴞𐴁𐴡 𐴁𐴡𐴓𐴞 / 𐴀𐴝𐴕𐴖𐴝𐴌 𐴀𐴞𐴁𐴌𐴝𐴇𐴞𐴔𐴠 𐴈𐴡𐴘𐴧𐴠 𐴱𐴱

𐴘𐴝𐴀𐴝𐴌 𐴁𐴦𐴝𐴊𐴠 𐴁𐴡𐴌𐴔𐴥𐴝𐴌 𐴔𐴦𐴝𐴔𐴠𐴓𐴝𐴌 𐴀𐴝𐴏𐴥𐴡𐴌 𐴀𐴠𐴓𐴝𐴑𐴝𐴌 𐴊𐴠𐴐𐴢 𐴀𐴥𐴡𐴑𐴧𐴡𐴓𐴡𐴃 𐴀𐴥𐴟𐴊𐴧𐴝 𐴀𐴥𐴡𐴀𐴡𐴌 𐴊𐴧𐴠 𐴀𐴥𐴠𐴃𐴡𐴓𐴧𐴝 , 𐴀𐴝𐴏𐴞𐴘𐴠𐴕 𐴔𐴞𐴔𐴁𐴤𐴡𐴌 𐴊𐴠𐴐𐴢 𐴀𐴥𐴡𐴑𐴧𐴡𐴓𐴡𐴃𐴧𐴟 𐴀𐴥𐴝𐴃𐴠 𐴀𐴥𐴝𐴃 𐴔𐴞𐴓𐴝𐴘 𐴀𐴠𐴃𐴧𐴠𐴉𐴝𐴑𐴡𐴌 𐴏𐴥𐴝𐴣𐴀𐴝𐴃𐴠 𐴅𐴟𐴖𐴝𐴁𐴞 𐴑𐴝𐴌𐴖𐴝𐴘 𐴒𐴡𐴌𐴥𐴞 𐴎𐴝𐴀𐴝 𐴉𐴡𐴌𐴥𐴞𐴁𐴡 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 , 𐴀𐴝𐴕𐴖𐴝𐴌 𐴀𐴞𐴁𐴌𐴝𐴇𐴞𐴔 𐴒𐴡𐴃𐴡 𐴕𐴡𐴖𐴡𐴔𐴁𐴡𐴌 𐴔𐴝𐴐𐴡𐴃 𐴔𐴡𐴓𐴠𐴆𐴤𐴙𐴝𐴌 𐴁𐴡𐴌 𐴀𐴟𐴎𐴞𐴌 𐴁𐴡𐴕𐴞 𐴁𐴦𐴝𐴊𐴠 , 𐴀𐴝𐴏𐴞𐴘𐴠𐴕 𐴔𐴞𐴔𐴁𐴤𐴡𐴌 𐴊𐴠𐴐𐴤𐴡𐴌 𐴕𐴠𐴃𐴝 𐴀𐴥𐴡𐴑𐴧𐴡𐴓 𐴓𐴡𐴘 𐴊𐴡𐴓𐴝 𐴀𐴥𐴡𐴘 𐴔𐴡𐴐𐴖𐴝𐴌𐴝 𐴒𐴡𐴌𐴠𐴀𐴠𐴌 𐴊𐴧𐴠 𐴱𐴱

Sources : RFAburmese