𐴀𐴥𐴠𐴔 𐴐𐴤𐴡𐴀𐴡𐴌𐴡𐴌 𐴀𐴥𐴡𐴑𐴧𐴡𐴓 𐴋𐴞𐴂𐴝𐴌𐴔𐴥𐴠𐴕 𐴔𐴞𐴓𐴝𐴘𐴧𐴝 𐴏𐴠𐴑𐴂𐴦𐴟𐴏𐴄𐴡𐴃 𐴎𐴝𐴓𐴞 𐴉𐴡𐴄𐴤𐴟 𐴈𐴡𐴀𐴡𐴘 𐴌𐴠𐴕𐴒𐴟𐴕 𐴁𐴝𐴀𐴝𐴘 𐴔𐴡𐴓𐴠𐴆𐴤𐴙𐴝 𐴎𐴡𐴀𐴡𐴙𐴕𐴧𐴝 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴱𐴱

𐴀𐴝𐴌𐴑𐴝𐴕𐴡𐴃 𐴀𐴥𐴠𐴔 𐴐𐴤𐴡𐴀𐴡𐴌𐴡𐴌 𐴀𐴥𐴡𐴑𐴧𐴡𐴓 𐴋𐴞𐴂𐴝𐴌𐴔𐴥𐴠𐴕 𐴔𐴞𐴓𐴝𐴘𐴧𐴝 𐴀𐴞𐴕𐴑𐴟𐴖𐴝𐴌𐴞 𐴒𐴠𐴙𐴍𐴡𐴃 ( 𐴏𐴠𐴑𐴂𐴦𐴟𐴏𐴄𐴡𐴃 ) , 𐴒𐴡𐴃𐴡 𐴈𐴝𐴓𐴞𐴘𐴝 𐴀𐴥𐴝𐴣𐴎𐴡𐴙𐴕𐴧𐴝 𐴂𐴠𐴌𐴝𐴘 𐴵 𐴁𐴝𐴎𐴠 , 𐴐𐴤𐴡𐴀𐴡𐴌𐴡𐴌 𐴒𐴤𐴡𐴓𐴝 𐴕𐴠𐴀𐴠𐴓𐴝 𐴒𐴝𐴌𐴥𐴞 𐴀𐴥𐴡𐴑𐴧𐴡𐴓 𐴏𐴠𐴑 𐴒𐴡𐴌𐴠𐴀𐴠𐴌 𐴊𐴧𐴠 𐴐𐴤𐴡𐴣𐴀𐴡𐴃 𐴱𐴱

𐴀𐴝𐴙𐴑𐴧𐴙𐴝𐴁𐴡𐴃𐴧𐴟 𐴐𐴤𐴡𐴁𐴝𐴁𐴤𐴞𐴑 𐴁𐴤𐴝𐴉𐴠 𐴌𐴠𐴕𐴒𐴟𐴕 𐴎𐴝𐴀𐴝𐴊𐴠 𐴑𐴠𐴌𐴠 𐴂𐴥𐴠𐴕 𐴑𐴝𐴙𐴚 𐴉𐴝𐴐𐴤𐴞𐴕𐴊𐴝𐴌𐴞 𐴒𐴝𐴌𐴥𐴞 𐴓𐴡𐴘 𐴀𐴝𐴘𐴧𐴠𐴌𐴊𐴧𐴠 , 𐴷 𐴱 𐴎𐴡𐴕 𐴉𐴝𐴐𐴤𐴞𐴕𐴊𐴝𐴌𐴡𐴌 𐴁𐴤𐴟𐴃𐴡𐴌𐴠 𐴎𐴝𐴓𐴞 𐴉𐴡𐴄𐴤𐴟 ( 𐴔𐴥𐴠 𐴂𐴟𐴕 𐴃𐴝𐴚 ) 𐴓𐴡𐴘 𐴏𐴥𐴡𐴉𐴡𐴌 𐴒𐴡𐴌𐴠𐴀𐴠𐴌𐴊𐴧𐴠 𐴁𐴡𐴓𐴞 𐴈𐴡𐴀𐴡𐴘 𐴕𐴝𐴀𐴞𐴕𐴏𐴝𐴉𐴞 𐴒𐴡𐴌𐴥𐴞 𐴎𐴟𐴓𐴟𐴔 𐴒𐴡𐴌𐴥𐴞 𐴃𐴞𐴕 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴊𐴤𐴡𐴌𐴞 𐴁𐴡𐴕 𐴒𐴡𐴙𐴅𐴧𐴙𐴤𐴠𐴊𐴠 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕 𐴀𐴥𐴡𐴙𐴓𐴊𐴠 , 𐴑𐴙𐴡𐴑 𐴄𐴡 𐴐𐴤𐴡𐴀𐴡𐴌 𐴀𐴠𐴓𐴝𐴑𐴝𐴌 𐴓𐴥𐴝 𐴏𐴡𐴗𐴚 𐴑𐴤𐴡𐴑 𐴉𐴝𐴌𐴝𐴌 / 𐴔𐴟𐴇𐴝𐴔𐴧𐴡𐴊 𐴏𐴡𐴓𐴞𐴔 ( 𐴁𐴝𐴉𐴢 ) 𐴈𐴥𐴝𐴘𐴌𐴟𐴓 𐴁𐴡𐴐𐴤𐴡𐴌 𐴁𐴡𐴐𐴢 𐴸 𐴱 𐴁𐴡𐴏𐴥𐴡𐴌 / 𐴀𐴝𐴁𐴊𐴟𐴏𐴧𐴡𐴓𐴝𐴔 ( 𐴁𐴝𐴉𐴢 ) 𐴀𐴝𐴁𐴊𐴟𐴓 𐴑𐴡𐴌𐴞𐴔 𐴹 𐴲 𐴁𐴡𐴏𐴥𐴡𐴌 / 𐴔𐴝𐴘𐴧𐴝 𐴔𐴡𐴕𐴡 𐴊𐴞𐴕 ( 𐴁𐴝𐴉𐴢 ) 𐴔𐴟𐴀𐴞 𐴕𐴟𐴊𐴧𐴞𐴕 𐴁𐴡𐴐𐴢 𐴸 𐴱 𐴁𐴡𐴏𐴥𐴡𐴌 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴃𐴞𐴕𐴥𐴞 𐴎𐴡𐴕 𐴌𐴠𐴕𐴒𐴟𐴕 𐴁𐴝𐴀𐴝𐴘 𐴔𐴡𐴓𐴠𐴆𐴤𐴙𐴝 𐴎𐴝𐴘𐴁𐴡𐴓𐴧𐴥𐴝 , 𐴋𐴝𐴓𐴝𐴓 𐴓𐴡𐴘 𐴎𐴟𐴑𐴝𐴎𐴟𐴑 𐴒𐴡𐴌𐴥𐴞 , 𐴵 𐴲 𐴓𐴥𐴝𐴑 𐴄𐴞𐴛𐴝 𐴊𐴞𐴘𐴡𐴌𐴠 𐴎𐴝𐴓𐴞 𐴉𐴡𐴄𐴤𐴟 ( 𐴔𐴥𐴠 𐴂𐴟𐴕 𐴃𐴝𐴚 ) 𐴁𐴝𐴕𐴝𐴘 , 𐴋𐴝𐴓𐴝𐴓 𐴀𐴥𐴟𐴊𐴧𐴝 𐴒𐴝𐴌𐴥𐴞 𐴏𐴠𐴑𐴂𐴦𐴟𐴏𐴄 𐴉𐴡𐴙𐴅𐴧𐴡𐴕𐴃𐴡 𐴉𐴡𐴣𐴀𐴡𐴏𐴝𐴘 𐴊𐴞𐴀𐴞𐴃𐴡 𐴀𐴝𐴙𐴐𐴧𐴤𐴙𐴠𐴊𐴠 𐴘𐴝𐴀𐴝𐴕 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴃𐴞𐴕𐴥𐴞 𐴎𐴡𐴕𐴡𐴌𐴠 𐴑𐴝𐴕𐴟𐴕 𐴔𐴡𐴎𐴞𐴕 𐴔𐴦𐴡𐴊𐴧𐴞𐴔𐴝 𐴑𐴤𐴟𐴓𐴞 𐴑𐴝𐴌𐴖𐴝𐴘 𐴒𐴡𐴌𐴥𐴝 𐴎𐴝𐴘𐴁𐴡 , 𐴑𐴠𐴙𐴏𐴢 𐴓𐴡𐴘 𐴁𐴝𐴎𐴤𐴝𐴘𐴧𐴝 𐴀𐴝𐴏𐴥𐴠𐴊𐴠 𐴀𐴥𐴞𐴃𐴝𐴌𐴝𐴌𐴠 ( 𐴋𐴝𐴓𐴝𐴓 𐴀𐴥𐴡𐴑𐴧𐴡𐴓𐴡𐴌𐴠 ) 𐴘𐴥𐴡 𐴊𐴤𐴡𐴌𐴞𐴁𐴝𐴌 𐴑𐴝𐴌𐴖𐴝𐴘 𐴒𐴡𐴌𐴥𐴝 𐴎𐴝𐴘𐴁𐴡 𐴁𐴡𐴓𐴞 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

Sources : ၇ခိုင်နေ့စ်