𐴏𐴝𐴣𐴊𐴝 𐴐𐴤𐴡𐴀𐴡𐴌𐴡𐴃 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴐𐴤𐴡𐴣𐴀𐴡 𐴋𐴝𐴓𐴝𐴓 𐴳 𐴎𐴡𐴕 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴱𐴱

𐴏𐴝𐴣𐴊𐴝 𐴐𐴤𐴡𐴀𐴡𐴌 𐴀𐴠𐴓𐴝𐴑𐴝𐴌 𐴂𐴡𐴋𐴧𐴤𐴠 𐴑𐴤𐴡 𐴒𐴤𐴗𐴝𐴚𐴡𐴌 𐴛𐴡𐴚 𐴁𐴝𐴚 𐴏𐴝 𐴉𐴝𐴌𐴝𐴌 ( 𐴸 𐴶 ) 𐴓𐴡𐴔𐴁𐴤𐴡𐴌 , 𐴀𐴥𐴡𐴑𐴧𐴡𐴓 𐴋𐴞𐴂𐴦𐴝𐴌- 𐴔𐴥𐴠𐴕 𐴔𐴞𐴓𐴝𐴘𐴧𐴝 𐴏𐴠𐴑𐴂𐴦𐴟𐴏𐴄𐴡𐴃 , 𐴊𐴠𐴐𐴡𐴙𐴃𐴧𐴝 𐴌𐴟𐴇𐴝𐴙𐴚𐴒𐴙𐴝 𐴳 𐴎𐴡𐴕 𐴀𐴝𐴌 𐴀𐴥𐴞𐴃𐴝𐴌𐴝𐴌𐴠 𐴉𐴡𐴣𐴀𐴡𐴏𐴝𐴘 𐴊𐴡𐴀𐴡𐴙𐴕𐴧𐴝 𐴔𐴟𐴓𐴥𐴝 𐴐𐴤𐴟𐴌𐴟𐴌 𐴀𐴞𐴐𐴑𐴟𐴓𐴡𐴌 𐴇𐴥𐴠𐴋 𐴔𐴝𐴐𐴄𐴡𐴌 𐴐𐴤𐴡𐴣𐴀𐴡 𐴳 𐴎𐴡𐴕 𐴋𐴝𐴓𐴝𐴓 , 𐴉𐴥𐴠𐴌𐴖𐴝𐴌𐴞 𐴔𐴝𐴐𐴡𐴌 𐴵 𐴃𐴝𐴌𐴥𐴞𐴑𐴡𐴃 𐴓𐴡𐴒𐴁𐴤𐴡𐴒𐴢 𐴐𐴤𐴝𐴀𐴝𐴌𐴡 𐴊𐴡𐴐𐴢 𐴁𐴝𐴎𐴠 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴁𐴡𐴓𐴞 𐴎𐴝𐴕𐴝𐴀𐴝 𐴒𐴞𐴘𐴠𐴱𐴱

𐴏𐴝𐴣𐴊𐴝 𐴐𐴤𐴡𐴀𐴡𐴌𐴡𐴃𐴧𐴟 𐴒𐴗𐴥𐴝 𐴐𐴤𐴡𐴀𐴡𐴌𐴡𐴃 𐴎𐴝𐴀𐴝𐴊𐴠 𐴏𐴝𐴙𐴑𐴧𐴤𐴝 𐴀𐴥𐴡𐴑𐴧𐴡𐴓𐴡𐴌𐴠 𐴏𐴠𐴑 𐴒𐴡𐴌𐴥𐴠𐴊𐴠 , 𐴸 𐴶 𐴓𐴡𐴔𐴁𐴤𐴡𐴌 𐴏𐴠𐴑𐴂𐴦𐴟𐴏𐴄𐴡𐴃 𐴏𐴝𐴙𐴑𐴧𐴤𐴝 𐴃𐴤𐴞𐴘𐴝 𐴒𐴡𐴌𐴥𐴝𐴘 𐴏𐴠𐴑 𐴒𐴡𐴌𐴠𐴀𐴠𐴌 𐴊𐴠 𐴐𐴤𐴡𐴔𐴡𐴃 , 𐴕𐴝𐴙𐴚 𐴓𐴥𐴝𐴚 𐴄𐴤𐴗𐴥𐴠𐴕 ( 𐴁𐴝𐴉𐴢 ) 𐴀𐴥𐴟 𐴀𐴡𐴗𐴚 𐴔𐴥𐴟 𐴑𐴝𐴙𐴚 𐴷 𐴲 𐴁𐴡𐴏𐴥𐴡𐴌 , 𐴔𐴥𐴡𐴌𐴡𐴚 𐴁𐴤𐴟 𐴐𐴤𐴡𐴀𐴡𐴌 𐴁𐴤𐴝𐴐𐴞 , 𐴄𐴝𐴚 𐴄𐴤𐴗𐴥𐴠𐴕 ( 𐴁𐴝𐴉𐴢 ) 𐴀𐴥𐴟 𐴖𐴠 𐴎𐴝𐴚 𐴀𐴡𐴗𐴚 𐴰 𐴴 𐴁𐴡𐴏𐴥𐴡𐴌 , 𐴄𐴡𐴗𐴚𐴒𐴤𐴟 𐴐𐴤𐴡𐴀𐴡𐴌𐴡𐴌 𐴓𐴡𐴔𐴥𐴟 𐴉𐴝𐴌𐴝𐴌 𐴁𐴤𐴝𐴐𐴞 , 𐴆𐴙𐴡 𐴆𐴙𐴡 𐴕𐴝𐴙𐴚 ( 𐴁𐴝𐴉𐴢 𐴀𐴥𐴟 𐴖𐴠 𐴎𐴝𐴚 𐴀𐴡𐴗𐴚 𐴱 𐴳 𐴁𐴡𐴏𐴥𐴡𐴌 𐴔𐴡𐴒𐴢 / 𐴁𐴟𐴋𐴧𐴤𐴞𐴏𐴢 𐴔𐴟𐴓𐴥𐴝 𐴀𐴞𐴐𐴑𐴟𐴓𐴡𐴌 𐴇𐴥𐴠𐴋 𐴔𐴝𐴐𐴄𐴡𐴌 𐴄𐴡𐴗𐴚𐴒𐴤𐴟 𐴐𐴤𐴡𐴀𐴡𐴌𐴡𐴌 𐴓𐴡𐴔𐴥𐴟 𐴉𐴝𐴌𐴝𐴌 𐴁𐴤𐴝𐴐𐴞 , 𐴀𐴠 𐴃𐴞𐴕𐴥𐴞 𐴎𐴡𐴕𐴡𐴌 𐴏𐴝𐴙𐴑𐴧𐴤𐴝𐴌 𐴉𐴞𐴏𐴥𐴡𐴃𐴧𐴟 𐴃𐴞𐴕 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 , 𐴕𐴞 𐴕𐴞 𐴏𐴥𐴟 ( 𐴋𐴝𐴑 ) 𐴔𐴟𐴇𐴝𐴔𐴧𐴡𐴊 𐴀𐴝𐴎𐴞𐴎 ( 𐴁𐴝𐴉𐴢 ) 𐴀𐴥𐴟 𐴀𐴝𐴓𐴡𐴔 𐴶 𐴱 𐴁𐴡𐴏𐴥𐴡𐴌 𐴔𐴡𐴌𐴥𐴡𐴑 𐴀𐴥𐴟 𐴐𐴤𐴡𐴀𐴡𐴌𐴡𐴌 𐴂𐴡𐴌𐴞𐴕 𐴉𐴝𐴌𐴝𐴌 𐴁𐴤𐴝𐴐𐴞 , 𐴔𐴡𐴗𐴚 𐴄𐴤𐴗𐴥𐴞 ( 𐴋𐴝𐴑 ) 𐴔𐴟𐴅𐴞𐴁𐴟𐴌 𐴌𐴝𐴇𐴔𐴝𐴕 ( 𐴁𐴝𐴉𐴢 ) 𐴀𐴥𐴟 𐴅𐴙𐴟 𐴀𐴞𐴕𐴝 𐴶 𐴱 𐴁𐴡𐴏𐴥𐴡𐴌 𐴔𐴡𐴌𐴥𐴡𐴑 𐴀𐴥𐴟 𐴐𐴤𐴡𐴀𐴡𐴌𐴡𐴌 𐴌𐴝𐴚 𐴎𐴞 𐴉𐴝𐴌𐴝𐴌 𐴁𐴤𐴝𐴐𐴞 , 𐴔𐴡𐴗𐴚 𐴔𐴡𐴗𐴚 𐴄𐴠 ( 𐴋𐴝𐴑 ) 𐴐𐴤𐴡𐴔𐴏𐴟 𐴀𐴝𐴓𐴡𐴔 ( 𐴁𐴝𐴉𐴢 ) 𐴀𐴥𐴟 𐴐𐴤𐴡𐴔𐴏𐴟𐴓 𐴇𐴥𐴡𐴑 𐴁𐴡𐴐𐴢 𐴵 𐴲 𐴁𐴡𐴏𐴥𐴡𐴌 , 𐴔𐴡𐴌𐴥𐴡𐴑 𐴀𐴥𐴟 𐴐𐴤𐴡𐴀𐴡𐴌𐴡𐴌 𐴑𐴟𐴚 𐴁𐴡𐴗𐴚 𐴉𐴝𐴌𐴝𐴌 𐴁𐴤𐴝𐴐𐴞 𐴱𐴱

𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴃𐴞𐴕𐴥𐴞𐴎𐴡𐴕𐴠,𐴋𐴝𐴓𐴝𐴓𐴡𐴌𐴥𐴠 𐴎𐴡𐴕 𐴉𐴡𐴃𐴞 𐴰 𐴴 𐴓𐴥𐴝𐴑 𐴄𐴞𐴛𐴝 𐴀𐴥𐴞𐴏𐴝𐴉𐴠 𐴊𐴞𐴀𐴞 𐴌𐴠𐴕𐴒𐴟𐴕 𐴎𐴝𐴘𐴁𐴡𐴓𐴧𐴝 𐴌𐴝𐴎𐴞 𐴀𐴥𐴡𐴘 𐴁𐴦𐴝𐴊𐴠 , 𐴄𐴡𐴚𐴒𐴤𐴟 𐴐𐴤𐴡𐴀𐴡𐴌𐴡𐴌 𐴓𐴡𐴔𐴥𐴟 𐴆𐴤𐴙𐴡𐴚𐴡𐴃𐴧𐴟 𐴏𐴝𐴣𐴊𐴝 𐴉𐴡𐴙𐴅𐴧𐴡𐴕𐴃𐴡 𐴉𐴡𐴣𐴀𐴡𐴏𐴝𐴘 𐴊𐴞𐴀𐴞𐴁𐴡𐴓𐴧𐴝 , 𐴀𐴥𐴠 𐴋𐴝𐴓𐴝𐴓 𐴃𐴞𐴕𐴥𐴞𐴎𐴡𐴕𐴡𐴌𐴠 𐴵 𐴓𐴥𐴝𐴑 𐴄𐴞𐴛𐴝 𐴊𐴞𐴀𐴞 𐴎𐴝𐴀𐴝𐴌 𐴊𐴧𐴠 𐴘𐴝𐴀𐴝𐴕 𐴀𐴞𐴕𐴑𐴟𐴖𐴝𐴌𐴞 𐴒𐴡𐴌𐴥𐴞 𐴉𐴝𐴘𐴧𐴠 𐴱𐴱

𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴃𐴞𐴕𐴥𐴞𐴎𐴡𐴕𐴡 𐴌𐴠 𐴀𐴞𐴔𐴞𐴒𐴞𐴌𐴞𐴐𐴤𐴠𐴕 𐴑𐴝𐴕𐴟𐴕𐴡𐴌 𐴊𐴤𐴝𐴌𐴝 𐴓𐴡𐴔𐴁𐴤𐴡𐴌 ( 𐴱 ) ( 𐴳 ) 𐴶 ( 𐴲 ) 𐴶 𐴔𐴡𐴎𐴞𐴕 , 𐴉𐴡𐴣𐴀𐴡𐴏𐴝𐴘 𐴊𐴡𐴀𐴡𐴙𐴕𐴧𐴝 𐴋𐴝𐴓𐴝𐴓 𐴃𐴞𐴕𐴥𐴞𐴎𐴡𐴕𐴡 𐴌𐴠 𐴀𐴡𐴉𐴥𐴡𐴌𐴝𐴊𐴞 𐴑𐴝𐴕𐴟𐴕𐴡𐴌 𐴊𐴤𐴝𐴌𐴝 𐴓𐴡𐴔𐴁𐴤𐴡𐴌 𐴷 𐴶 𐴳 𐴔𐴡𐴎𐴞𐴕 𐴑𐴝𐴌𐴖𐴝𐴘 𐴒𐴡𐴌𐴥𐴞 𐴎𐴝𐴘𐴁𐴡 𐴁𐴡𐴓𐴞 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

Sources : AEN