𐴁𐴤𐴟𐴏𐴞𐴊𐴡𐴚𐴡𐴃 𐴁𐴟𐴔 𐴉𐴥𐴟𐴍𐴞 𐴌𐴟𐴇𐴝𐴙𐴚𐴒𐴙𐴝𐴉𐴟𐴖𐴝 𐴱 𐴎𐴡𐴕 𐴔𐴡𐴌𐴞 𐴒𐴞𐴘𐴡𐴘 𐴳 𐴎𐴡𐴕 𐴁𐴠𐴐𐴤𐴞 𐴒𐴤𐴝𐴙𐴓 𐴀𐴥𐴡𐴘𐴧𐴠 𐴱𐴱

𐴀𐴝𐴌𐴑𐴝𐴕𐴡𐴃 𐴁𐴤𐴟𐴏𐴞𐴊𐴡𐴚 𐴀𐴠𐴓𐴝𐴑𐴝𐴌 𐴉𐴥𐴟𐴘 𐴈𐴥𐴡𐴔 𐴔𐴟𐴏𐴡𐴓𐴔𐴝𐴕 𐴉𐴝𐴌𐴝𐴃 , 𐴶 𐴲 𐴃𐴝𐴌𐴥𐴞𐴑 𐴅𐴝𐴕𐴖𐴝𐴌𐴞 𐴲 𐴲 𐴰 𐴲 𐴁𐴞𐴐𐴤𐴞𐴃 𐴁𐴝𐴌𐴠 𐴊𐴦𐴟𐴛𐴅𐴧𐴙𐴝 𐴲 𐴱 𐴁𐴝𐴎𐴠 𐴔𐴦𐴝𐴙𐴕 𐴁𐴟𐴔 𐴉𐴥𐴟𐴍𐴞 , 𐴔𐴟𐴌𐴥𐴝𐴃 𐴊𐴝𐴌𐴒𐴤𐴗𐴝 𐴈𐴝𐴙𐴄𐴧𐴡 𐴒𐴞𐴘𐴠𐴊𐴠 𐴊𐴡𐴐𐴢 𐴁𐴡𐴏𐴥𐴡𐴌 𐴁𐴤𐴝𐴌𐴝𐴘𐴧𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴉𐴟𐴖𐴝𐴙𐴕 , 𐴏𐴝𐴙𐴌 𐴎𐴡𐴕𐴡𐴌 𐴁𐴤𐴟𐴃𐴡𐴌𐴃𐴧𐴟 𐴀𐴠𐴑 𐴎𐴡𐴕 𐴔𐴡𐴌𐴞 𐴒𐴞𐴘𐴡𐴘 , 𐴀𐴝𐴌 𐴃𐴞𐴕 𐴎𐴡𐴕 𐴁𐴠𐴐𐴤𐴞 𐴒𐴤𐴝𐴙𐴓 𐴀𐴥𐴡𐴘𐴧𐴠 𐴁𐴡𐴓𐴞 𐴉𐴝𐴙𐴅𐴧𐴙𐴝 𐴀𐴥𐴡𐴑𐴧𐴡𐴓𐴡𐴌 𐴃𐴟𐴌𐴥𐴟 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴠 𐴱𐴱

𐴔𐴡𐴌𐴞 𐴒𐴞𐴘𐴡𐴘𐴊𐴠 𐴉𐴟𐴖𐴝 𐴀𐴥𐴞𐴁𐴝 𐴀𐴥𐴡𐴙𐴓𐴊𐴠 / 𐴔𐴟𐴇𐴝𐴔𐴧𐴡𐴊 𐴕𐴟𐴌 𐴁𐴡𐴐𐴢 𐴱 𐴱 𐴁𐴡𐴏𐴥𐴡𐴌 , 𐴒𐴤𐴝𐴙𐴓 𐴀𐴥𐴡𐴘𐴧𐴠𐴊𐴠 𐴉𐴟𐴖𐴝𐴙𐴕 𐴀𐴥𐴟𐴀𐴟𐴕 𐴀𐴥𐴡𐴙𐴓𐴊𐴠 / 𐴅𐴝𐴕𐴞 𐴀𐴝𐴓𐴡𐴔 𐴁𐴡𐴐𐴢 𐴴 𐴱 𐴁𐴡𐴏𐴥𐴡𐴌 / 𐴖𐴡𐴅𐴞𐴇𐴟 𐴓𐴧𐴝𐴇𐴢 𐴁𐴡𐴐𐴢 𐴲 𐴱 𐴁𐴡𐴏𐴥𐴡𐴌 / 𐴌𐴡𐴁𐴞𐴀𐴟𐴓 𐴇𐴝𐴏𐴡𐴕 𐴁𐴡𐴐𐴢 𐴲 𐴱 𐴁𐴡𐴏𐴥𐴡𐴌 , 𐴀𐴠 𐴃𐴞𐴕 𐴎𐴡𐴕 𐴁𐴠𐴐𐴤𐴞 𐴒𐴤𐴝𐴙𐴓 𐴀𐴥𐴡𐴘𐴧𐴠 𐴁𐴡𐴓𐴞 , 𐴉𐴥𐴟𐴘 𐴈𐴥𐴡𐴔𐴡𐴌 𐴔𐴝𐴕𐴥𐴟𐴙𐴐𐴢 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 𐴱𐴱

𐴒𐴤𐴡𐴄𐴡𐴕𐴝 ” 𐴁𐴟𐴔 𐴉𐴥𐴟𐴍𐴝𐴌 𐴀𐴝𐴁𐴝𐴏𐴢 𐴉𐴥𐴟𐴕𐴞 𐴔𐴝𐴕𐴥𐴟𐴙𐴐𐴢 𐴎𐴝𐴘 𐴏𐴝𐴀𐴝𐴌𐴊𐴧𐴠 , 𐴀𐴠𐴑 𐴎𐴡𐴕 𐴔𐴡𐴌𐴞 𐴒𐴞𐴘𐴡𐴘 𐴃𐴞𐴕 𐴎𐴡𐴕 𐴁𐴠𐴐𐴤𐴞 𐴒𐴤𐴝𐴙𐴓 𐴀𐴥𐴡𐴘𐴧𐴠 ” 𐴁𐴟𐴔 𐴉𐴥𐴟𐴙𐴄𐴧𐴙𐴠𐴊𐴠 𐴉𐴝𐴀𐴝𐴌 𐴀𐴥𐴞𐴁𐴝𐴃 , 𐴔𐴡𐴒𐴢 𐴁𐴝𐴒𐴞 𐴀𐴝𐴌 𐴔𐴠𐴓𐴠𐴄𐴠𐴌𐴞𐴌 𐴔𐴝𐴎𐴤𐴠 𐴓𐴝𐴌𐴥𐴝𐴘 𐴏𐴡𐴓𐴧𐴞𐴀𐴞𐴓 𐴊𐴠 𐴀𐴡𐴑𐴃𐴤𐴡𐴃 , 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓 𐴒𐴤𐴝𐴣𐴄𐴞 𐴁𐴝𐴕𐴝𐴘 𐴃𐴤𐴝𐴑𐴧𐴞𐴀𐴞𐴓𐴊𐴠 𐴉𐴝𐴀𐴝𐴌 𐴊𐴠 𐴘𐴝𐴀𐴝𐴕 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

𐴒𐴤𐴝𐴙𐴓 𐴀𐴥𐴡𐴘𐴧𐴠𐴊𐴠 𐴃𐴞𐴕𐴥𐴞 𐴎𐴡𐴕𐴡𐴌𐴥𐴠 , 𐴀𐴠𐴈𐴥𐴡𐴕 𐴁𐴤𐴟𐴏𐴞𐴊𐴡𐴚𐴡𐴌 𐴀𐴠𐴓𐴝𐴑𐴝𐴃 𐴔𐴡𐴒𐴢 𐴁𐴝𐴒𐴞𐴌 𐴋𐴝𐴑𐴄𐴡𐴌 𐴈𐴥𐴝𐴕𐴝 𐴀𐴠𐴑𐴧𐴤𐴝𐴕𐴡𐴃 𐴀𐴠𐴓𐴝𐴅 𐴒𐴡𐴌𐴠𐴀𐴠𐴌 𐴁𐴡𐴓𐴞 𐴎𐴝𐴕𐴝𐴀𐴝 𐴒𐴞𐴘𐴠 , 𐴀𐴝𐴌𐴑𐴝𐴕𐴡𐴃 𐴔𐴠𐴓𐴠𐴄𐴠𐴌𐴞 𐴘𐴠 𐴒𐴤𐴝𐴣𐴄𐴞 𐴁𐴝𐴕𐴝𐴘 𐴃𐴤𐴝𐴑𐴧𐴞𐴀𐴞𐴓𐴊𐴠 𐴎𐴝𐴒𐴝 𐴀𐴥𐴞𐴀𐴞𐴕𐴡𐴃 𐴀𐴝𐴌 𐴓𐴝𐴌𐴥𐴝𐴘 𐴀𐴥𐴡𐴀𐴡𐴙𐴓𐴊𐴠 𐴎𐴝𐴒𐴝 𐴀𐴥𐴞𐴀𐴞𐴕𐴡𐴃 , 𐴑𐴤𐴠𐴕𐴠 𐴑𐴤𐴠𐴕𐴠 𐴁𐴟𐴔 𐴉𐴥𐴟𐴍𐴞 𐴔𐴝𐴕𐴥𐴟𐴙𐴐𐴢 𐴔𐴡𐴌𐴠𐴀𐴠𐴌𐴊𐴧𐴠 𐴀𐴥𐴠𐴃𐴡𐴓𐴧𐴝 , 𐴔𐴟𐴌𐴥𐴝 𐴁𐴝𐴀𐴝𐴘 𐴁𐴡𐴐𐴤𐴡𐴃𐴞 𐴒𐴡𐴌𐴡𐴀𐴡𐴙𐴕𐴧𐴝 𐴀𐴥𐴡𐴑𐴧𐴡𐴓𐴡𐴌𐴓𐴧𐴝 𐴅𐴝𐴕𐴡𐴌 𐴈𐴥𐴡𐴃𐴡𐴌𐴝 𐴀𐴥𐴡𐴀𐴡𐴕𐴠 , 𐴈𐴥𐴝𐴘𐴃𐴠 𐴓𐴡𐴘𐴃𐴠 𐴊𐴟𐴑𐴧𐴤𐴡𐴃 𐴉𐴡𐴙𐴅𐴧𐴤𐴙𐴠𐴊𐴠 𐴀𐴥𐴠𐴃𐴡𐴓𐴧𐴝 𐴱𐴱

𐴔𐴦𐴝𐴙𐴕 𐴁𐴟𐴔 𐴃𐴟𐴓𐴥𐴞 𐴏𐴥𐴝𐴉𐴢 𐴒𐴡𐴌𐴞𐴁𐴡𐴓𐴧𐴝 𐴊𐴠𐴐𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 , 𐴎𐴞𐴔𐴧𐴝𐴊𐴝𐴌 𐴇𐴥𐴡𐴑𐴟𐴔𐴡𐴃𐴡𐴌 𐴈𐴝𐴣𐴏𐴠 𐴀𐴝𐴌𐴡𐴎 𐴒𐴡𐴌𐴠𐴀𐴠𐴌 , 𐴅𐴝𐴕𐴖𐴝𐴌𐴞 𐴔𐴝𐴐𐴡𐴌 𐴷 𐴱 𐴃𐴝𐴌𐴥𐴞𐴑𐴡𐴃 𐴔𐴝𐴎𐴤𐴠 𐴘𐴥𐴡 , 𐴔𐴡𐴌𐴥𐴡𐴑 𐴀𐴥𐴟 𐴐𐴤𐴡𐴀𐴡𐴌𐴡𐴌 𐴕𐴞𐴊𐴝𐴕 𐴉𐴝𐴙𐴅𐴧𐴙𐴝 𐴉𐴟𐴖𐴝 𐴀𐴠𐴑 𐴎𐴡𐴕𐴡𐴌 , 𐴔𐴟𐴌𐴥𐴝𐴃 𐴊𐴝𐴌𐴒𐴤𐴗𐴝 𐴈𐴝𐴙𐴄𐴧𐴡 𐴒𐴞𐴘𐴠𐴊𐴠 𐴀𐴥𐴠𐴍𐴠 𐴁𐴟𐴔 𐴉𐴥𐴟𐴍𐴞 𐴄𐴤𐴠𐴚 𐴀𐴠𐴑𐴧𐴤𐴝𐴕 𐴏𐴥𐴞𐴌𐴞 𐴒𐴞𐴘𐴡𐴘 𐴱𐴱

Sources : burmese.narinjara.com