𐴔𐴥𐴝𐴔𐴁𐴡𐴌𐴝 𐴏𐴝𐴚 𐴒𐴞𐴌𐴥𐴞𐴀𐴞 𐴂𐴡𐴌𐴝𐴚 𐴉𐴝𐴌𐴝𐴃 𐴀𐴦𐴡𐴙𐴕 𐴊𐴤𐴡𐴌𐴞 𐴒𐴤𐴡𐴌 𐴃𐴞𐴕𐴧𐴝𐴕 𐴉𐴟𐴌𐴞 𐴏𐴥𐴝𐴘 𐴱𐴱

𐴀𐴝𐴌𐴑𐴝𐴕𐴡𐴃 𐴔𐴥𐴝𐴔𐴁𐴡𐴌𐴝 𐴐𐴤𐴡𐴀𐴡𐴌 𐴀𐴠𐴓𐴝𐴑𐴝𐴌 𐴏𐴝𐴚 𐴒𐴞𐴌𐴥𐴞𐴀𐴞 𐴂𐴡𐴌𐴝𐴚 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕 𐴉𐴝𐴌𐴝𐴃 , 𐴏𐴡𐴓𐴞𐴃𐴡 𐴔𐴝𐴐𐴡𐴌 𐴶 𐴱 𐴃𐴝𐴌𐴥𐴞𐴑𐴡𐴃 𐴌𐴝𐴃𐴞𐴘𐴝 𐴓𐴡𐴒𐴁𐴤𐴡𐴒𐴢 𐴰 𐴰 : 𐴸 𐴁𐴝𐴎𐴠 , 𐴀𐴦𐴡𐴙𐴕 𐴊𐴤𐴡𐴌𐴞 𐴃𐴞𐴕𐴧𐴝𐴕 𐴒𐴤𐴡𐴌 𐴎𐴡𐴓𐴞 𐴉𐴟𐴌𐴞 𐴏𐴥𐴝𐴘 𐴀𐴥𐴡𐴘 𐴒𐴞𐴘𐴡𐴘 , 𐴸 𐴲 𐴁𐴡𐴏𐴥𐴡𐴌 𐴁𐴡𐴐𐴢 𐴀𐴡𐴓𐴝 / 𐴀𐴝𐴁𐴊𐴟 𐴌𐴧𐴝𐴇𐴔𐴝𐴕 𐴁𐴝𐴉𐴢 𐴔𐴟𐴇𐴝𐴔𐴧𐴡𐴊𐴟 𐴌𐴧𐴝𐴇𐴔𐴝𐴕𐴡𐴌 𐴒𐴤𐴡𐴌𐴡𐴌 𐴏𐴟𐴓𐴝𐴃 , 𐴌𐴝𐴣𐴊𐴝 𐴁𐴝𐴌𐴝 𐴒𐴡𐴌𐴡𐴀𐴡𐴕𐴡𐴌 𐴁𐴦𐴝𐴊𐴠 𐴃𐴤𐴝𐴑𐴞 𐴒𐴞𐴀𐴞𐴓 𐴒𐴤𐴡𐴘𐴊𐴠 𐴀𐴦𐴡𐴙𐴕 , 𐴀𐴝𐴏𐴧𐴠 𐴀𐴝𐴏𐴧𐴠 𐴋𐴡𐴣𐴀𐴡𐴌 𐴀𐴥𐴡𐴘 𐴁𐴠𐴌𐴥𐴝𐴃 𐴊𐴤𐴡𐴌𐴡𐴕𐴠 𐴀𐴦𐴡𐴙𐴕 𐴁𐴝𐴌𐴥𐴞 𐴒𐴞𐴘𐴡𐴘 , 𐴁𐴦𐴝𐴊𐴠 𐴘𐴝𐴀𐴝𐴕 𐴐𐴤𐴡𐴣𐴀𐴡 𐴀𐴝𐴌𐴀𐴥𐴡 𐴊𐴟𐴘𐴧𐴝𐴕 𐴒𐴤𐴡𐴌 𐴎𐴡𐴓𐴞 𐴉𐴟𐴌𐴞 𐴏𐴥𐴝𐴘 𐴀𐴥𐴡𐴘 𐴒𐴞𐴘𐴡𐴘 𐴁𐴡𐴓𐴞 , 𐴉𐴝𐴌𐴝𐴌 𐴔𐴝𐴕𐴥𐴟𐴙𐴐𐴢 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 𐴱𐴱

𐴌𐴝𐴏𐴧𐴝 𐴊𐴟𐴌𐴥𐴠 𐴀𐴥𐴡𐴀𐴡𐴕𐴠 𐴀𐴦𐴡𐴙𐴕 𐴕𐴞𐴉𐴥𐴝𐴊𐴠 𐴒𐴝𐴌𐴥𐴞 𐴄𐴝𐴙𐴔 𐴔𐴡𐴎𐴞𐴕 𐴉𐴡𐴣𐴀𐴡𐴏𐴞 𐴕𐴥𐴡 𐴉𐴝𐴌𐴠𐴀𐴠 , 𐴀𐴝𐴣𐴀𐴝𐴌𐴝 𐴀𐴝𐴃𐴡𐴌 𐴈𐴝𐴣𐴏𐴡𐴌 𐴒𐴤𐴡𐴌𐴈𐴝𐴛𐴏𐴧𐴝 𐴀𐴥𐴡𐴑𐴧𐴡𐴓𐴠 𐴁𐴡𐴓𐴝 𐴁𐴡𐴓𐴞 𐴒𐴡𐴌𐴥𐴞 𐴀𐴦𐴡𐴙𐴕 𐴕𐴞𐴉𐴥𐴝𐴘 𐴉𐴥𐴠𐴓𐴝𐴘 𐴁𐴦𐴝𐴊𐴠 𐴀𐴦𐴡𐴙𐴕 𐴕𐴞𐴉𐴥𐴝𐴊𐴠 𐴒𐴝𐴌𐴥𐴞 𐴛𐴥𐴡𐴀𐴡𐴃 𐴉𐴡𐴣𐴀𐴡𐴙𐴏𐴧𐴙𐴠 𐴔𐴡𐴕𐴃𐴡𐴌 𐴒𐴤𐴡𐴌 𐴃𐴞𐴕𐴥𐴞𐴘𐴝𐴕 𐴎𐴡𐴓𐴞 𐴉𐴟𐴌𐴞 𐴐𐴤𐴠𐴐𐴢 𐴁𐴡𐴓𐴞 𐴔𐴝𐴕𐴥𐴟𐴙𐴐𐴢 𐴀𐴥𐴞𐴁𐴝 𐴘𐴠 𐴈𐴡𐴘𐴧𐴠 𐴱𐴱

𐴉𐴟𐴌𐴝 𐴉𐴟𐴌𐴞 𐴀𐴥𐴡𐴘𐴧𐴠𐴊𐴠 𐴏𐴝𐴚 𐴒𐴞𐴌𐴥𐴞𐴀𐴞 𐴂𐴡𐴌𐴝𐴚 𐴉𐴝𐴌𐴝 , 𐴔𐴥𐴝𐴔𐴁𐴡𐴌𐴝 𐴐𐴤𐴡𐴀𐴡𐴌𐴡𐴃𐴧𐴟 𐴳 𐴔𐴝𐴙𐴓 𐴏𐴥𐴡 𐴉𐴡𐴌𐴡𐴓𐴡𐴚 𐴊𐴟𐴌𐴥𐴠 𐴁𐴡𐴓𐴞 𐴎𐴝𐴕𐴝𐴀𐴝 𐴒𐴞𐴘𐴠 , 𐴒𐴤𐴡𐴌𐴈𐴝𐴛𐴏𐴧𐴝 𐴀𐴝𐴌 𐴊𐴠𐴐𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 𐴁𐴡𐴓𐴝 𐴁𐴡𐴓𐴞 𐴒𐴡𐴌𐴥𐴞 𐴀𐴥𐴡𐴙𐴕 𐴑𐴡𐴕𐴄𐴡𐴌𐴟𐴓 𐴒𐴡𐴌𐴡𐴀𐴡𐴕𐴡𐴌 𐴁𐴦𐴝𐴊𐴠 , 𐴀𐴦𐴡𐴙𐴕 𐴕𐴞𐴉𐴝𐴀𐴝 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓 𐴀𐴥𐴡 𐴀𐴝𐴀𐴝𐴘 𐴁𐴠𐴒𐴧𐴤𐴟𐴕𐴠 𐴔𐴞𐴓𐴞 , 𐴂𐴠𐴌𐴝𐴘 𐴹 𐴁𐴝𐴎𐴠 𐴏𐴥𐴝𐴉𐴢 𐴒𐴡𐴌𐴥𐴞 𐴀𐴦𐴡𐴙𐴕 𐴕𐴞𐴉𐴥𐴝𐴘

𐴉𐴥𐴠𐴓𐴝𐴘 𐴉𐴝𐴙𐴅𐴧𐴤𐴙𐴠 𐴁𐴡𐴓𐴞 , 𐴀𐴝𐴌𐴑𐴝𐴕𐴡𐴌 𐴀𐴦𐴡𐴙𐴕 𐴕𐴞𐴉𐴝𐴀𐴝 𐴉𐴟𐴓𐴞𐴐𐴢 𐴋𐴞𐴂𐴦𐴝𐴌𐴔𐴠𐴕𐴠 𐴷 𐴱 𐴃𐴝𐴌𐴥𐴞𐴑 𐴊𐴞𐴕𐴡𐴌 𐴈𐴥𐴡𐴁𐴡𐴌𐴡𐴃 𐴈𐴡𐴘𐴧𐴱𐴱

𐴉𐴟𐴌𐴝 𐴉𐴟𐴌𐴞𐴃 𐴰 𐴶 𐴓𐴝𐴑 𐴄𐴞𐴛𐴝𐴌 𐴉𐴡𐴙𐴅𐴧𐴡𐴕𐴃𐴡 𐴓𐴟𐴏𐴧𐴝𐴕 𐴀𐴥𐴡𐴘𐴧𐴠 𐴁𐴡𐴓𐴞, 𐴀𐴦𐴡𐴙𐴕 𐴕𐴞𐴉𐴝𐴀𐴝 𐴉𐴟𐴓𐴞𐴐𐴡𐴌 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝𐴀𐴝 𐴒𐴞𐴘𐴠 , 𐴉𐴟𐴌𐴝 𐴉𐴟𐴌𐴞𐴃 𐴔𐴝𐴕𐴥𐴟𐴙𐴐𐴢 𐴀𐴝𐴌 𐴒𐴤𐴡𐴌𐴡𐴌 𐴉𐴝𐴓𐴧𐴗𐴝 𐴅𐴝𐴕𐴟𐴖𐴝𐴌 𐴑𐴠𐴙𐴏𐴧𐴥𐴟 𐴓𐴟𐴏𐴧𐴝𐴕 𐴕𐴡 𐴀𐴥𐴡𐴘𐴓𐴠 𐴘𐴥𐴡 , 𐴸 𐴱 𐴎𐴡𐴕 𐴓𐴡𐴃𐴞 𐴔𐴝𐴕𐴥𐴟𐴙𐴐𐴢 𐴀𐴦𐴡𐴙𐴕 𐴉𐴟𐴌𐴝 𐴌𐴞𐴉𐴟𐴎𐴞 𐴁𐴡𐴕𐴞 𐴒𐴞𐴘𐴡𐴘 , 𐴀𐴠𐴈𐴥𐴡𐴕 𐴀𐴥𐴞𐴃𐴝𐴌𐴝 𐴃𐴡𐴀𐴡𐴙𐴃𐴧𐴝 𐴁𐴤𐴝𐴉𐴠 𐴀𐴠𐴒𐴝𐴕𐴝 𐴒𐴟𐴐𐴧𐴤𐴞𐴌 𐴒𐴤𐴡𐴌𐴡𐴃 𐴃𐴤𐴝𐴑𐴠𐴌 𐴁𐴡𐴓𐴞 𐴉𐴝𐴙𐴅𐴧𐴙𐴝 𐴔𐴝𐴙𐴕𐴐𐴤𐴠 𐴈𐴡𐴘𐴧𐴠 𐴱𐴱 𐴀𐴡𐴕𐴡𐴌𐴝 𐴁𐴠𐴒𐴧𐴤𐴟𐴕𐴡𐴌 𐴈𐴝𐴣𐴏𐴠 𐴊𐴟𐴀𐴝𐴌 𐴀𐴝𐴌𐴡𐴎 ! 𐴈𐴥𐴡𐴁𐴡𐴌 𐴓𐴠𐴑𐴤𐴡𐴀𐴡𐴙𐴕𐴧𐴝 𐴁𐴞𐴘𐴝𐴌𐴝𐴔 𐴀𐴝𐴌 𐴀𐴡𐴐𐴤𐴟𐴏𐴃𐴡 𐴀𐴥𐴞𐴁𐴝𐴌 𐴐𐴤𐴟𐴏𐴃𐴡𐴌𐴓𐴧𐴝 𐴊𐴟𐴀𐴝 𐴒𐴡𐴙𐴅𐴧𐴤𐴡𐴀𐴡 𐴱𐴱

Sources : burmese.narinjara.com