𐴀𐴠𐴑 𐴎𐴡𐴕 𐴔𐴝𐴌𐴞 𐴲 𐴱 𐴒𐴤𐴡𐴕𐴄𐴝𐴌 𐴁𐴤𐴟𐴃𐴡𐴌𐴠 𐴀𐴝𐴌𐴀𐴥𐴡 𐴀𐴠𐴑 𐴎𐴡𐴕 𐴕𐴠𐴃𐴝𐴌 𐴔𐴡𐴗𐴃 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝 𐴀𐴟𐴑𐴤𐴞𐴘𐴝 𐴀𐴟𐴉𐴡𐴎𐴞𐴓𐴥𐴝𐴌 𐴁𐴝𐴓𐴟 𐴈𐴥𐴝𐴓𐴞 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 , 𐴀𐴠𐴑 𐴎𐴡𐴕 𐴔𐴝𐴌𐴞 𐴁𐴦𐴝𐴊𐴠 𐴲 𐴱 𐴒𐴤𐴡𐴕𐴄𐴝 𐴄𐴝𐴙𐴔𐴡𐴌 𐴁𐴤𐴟𐴃𐴡𐴌𐴠 𐴌𐴦𐴡𐴘 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴀𐴝𐴌𐴀𐴥𐴡 𐴀𐴠𐴑 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔 𐴕𐴠𐴃𐴝 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠 , 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠𐴊𐴠 𐴔𐴝𐴕𐴥𐴟𐴙𐴐𐴢 𐴀𐴥𐴞𐴁𐴝 𐴀𐴥𐴡𐴙𐴓𐴊𐴠 𐴁𐴝𐴓𐴟 𐴈𐴥𐴝𐴓𐴞 𐴑𐴠𐴀𐴠𐴔𐴡𐴌 𐴁𐴤𐴝𐴐𐴞𐴕𐴊𐴝 / 𐴔𐴟𐴇𐴝𐴔𐴧𐴡𐴊 𐴏𐴡𐴓𐴞𐴔 𐴁𐴝𐴉𐴢 𐴀𐴝𐴁𐴊𐴟 𐴏𐴧𐴟𐴁𐴇𐴝𐴕 𐴱𐴱

𐴀𐴟𐴑𐴤𐴞𐴘𐴝 𐴉𐴟𐴓𐴞𐴐𐴢 𐴃𐴤𐴝𐴕𐴝𐴌 ( 𐴀𐴡 𐴏𐴞 ) 𐴐𐴠𐴙𐴑 𐴔𐴟𐴇𐴝𐴔𐴧𐴡𐴊 𐴀𐴝𐴓𐴞 𐴘𐴠 𐴈𐴡𐴘𐴧𐴠𐴊𐴠 ! 𐴑𐴠𐴀𐴠𐴔𐴡𐴃 𐴌𐴟𐴇𐴝𐴙𐴚𐴒𐴙𐴝 𐴔𐴝𐴌𐴞𐴁𐴤𐴡𐴓𐴧𐴝 𐴀𐴟𐴙𐴄𐴧𐴤𐴠𐴊𐴠 𐴈𐴥𐴡𐴌𐴝𐴁 𐴃𐴡𐴕𐴎𐴞𐴔𐴡𐴌 𐴈𐴥𐴡𐴌𐴝𐴁 𐴔𐴝𐴕𐴥𐴟𐴙𐴐𐴢 𐴈𐴡𐴊𐴦𐴟𐴕𐴠 , 𐴌𐴦𐴡𐴘 𐴁𐴝𐴌𐴠 𐴁𐴞𐴀𐴞𐴕𐴧𐴝 / 𐴔𐴟𐴇𐴝𐴔𐴧𐴡𐴊 𐴏𐴡𐴓𐴞𐴔𐴡𐴌𐴠 𐴒𐴤𐴡𐴌𐴡𐴃𐴧𐴟 𐴋𐴝𐴑𐴞 𐴁𐴝𐴀𐴝𐴌𐴠 𐴕𐴠𐴀𐴠𐴓𐴝𐴘 𐴁𐴦𐴝𐴊𐴠 , 𐴒𐴟𐴓𐴞 𐴔𐴝𐴌𐴞 𐴀𐴥𐴡𐴊𐴡𐴃 𐴉𐴥𐴠𐴓𐴝𐴘 𐴒𐴞𐴘𐴡𐴘 𐴱𐴱

𐴒𐴤𐴡𐴄𐴡𐴕𐴝𐴌 𐴈𐴥𐴡𐴁𐴡𐴌 𐴉𐴝𐴘 𐴔𐴡𐴕𐴃𐴡𐴌 𐴉𐴟𐴓𐴞𐴐𐴡𐴌 𐴄𐴞𐴀𐴞𐴔 𐴀𐴟𐴒𐴧𐴤𐴗𐴝 𐴛𐴡𐴀𐴡𐴃 𐴉𐴡𐴣𐴀𐴡𐴙𐴏𐴧𐴙𐴠 , 𐴔𐴡𐴕𐴃𐴡𐴌 𐴘𐴝𐴀𐴝𐴌 𐴀𐴝𐴒𐴠 𐴈𐴥𐴡𐴌𐴝𐴁 𐴔𐴝𐴕𐴥𐴟𐴙𐴐𐴢 𐴀𐴥𐴟𐴀𐴟𐴕 𐴊𐴤𐴝𐴘 𐴒𐴞𐴘𐴡𐴘 , 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 𐴈𐴥𐴡𐴌𐴝𐴁 𐴔𐴝𐴕𐴥𐴟𐴙𐴐𐴢 𐴎𐴝𐴓𐴠𐴔 𐴀𐴥𐴟𐴀𐴟𐴕𐴡𐴌𐴠 𐴊𐴤𐴡𐴌𐴞𐴁𐴡𐴓𐴧𐴝 𐴑𐴝𐴌𐴖𐴝𐴘 𐴒𐴡𐴌𐴠𐴀𐴠𐴌 𐴁𐴡𐴓𐴞 / 𐴐𐴠𐴙𐴑 𐴀𐴝𐴓𐴞 𐴘𐴠 𐴈𐴡𐴘𐴧𐴠 , 𐴀𐴟𐴑𐴤𐴞𐴘𐴝 𐴁𐴝𐴓𐴟 𐴈𐴥𐴝𐴓𐴞 𐴑𐴟𐴃𐴤𐴟𐴉𐴝𐴓𐴡𐴚 𐴉𐴟𐴑 – 𐴸 𐴑𐴠𐴀𐴠𐴔𐴡𐴌 𐴁𐴤𐴝𐴐𐴞𐴕𐴊𐴝 / 𐴎𐴝𐴉𐴡𐴌𐴠 𐴈𐴡𐴘𐴧𐴠𐴊𐴠 ! 𐴀𐴠 𐴑𐴠𐴀𐴠𐴔𐴡𐴌 𐴑𐴠𐴀𐴠𐴔 𐴕𐴠𐴃𐴝 𐴁𐴠𐴒𐴧𐴤𐴟𐴕𐴠 𐴈𐴥𐴡𐴌𐴝𐴁 𐴃𐴡𐴕𐴎𐴞𐴔 𐴀𐴥𐴞𐴁𐴝𐴌 𐴁𐴠𐴌𐴟𐴊𐴧𐴤𐴠 𐴔𐴝𐴃𐴠𐴀𐴠 , 𐴀𐴥𐴠𐴃𐴡𐴓𐴧𐴝 𐴈𐴥𐴡𐴌𐴝𐴁 𐴔𐴝𐴕𐴥𐴟𐴙𐴐𐴢 𐴀𐴥𐴟𐴀𐴟𐴕𐴠 𐴒𐴟𐴓𐴞 𐴔𐴝𐴌𐴞 , 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠𐴊𐴠 𐴀𐴥𐴡𐴘𐴁𐴡 𐴱𐴱

𐴀𐴡𐴉𐴡𐴌𐴝𐴊𐴞 𐴒𐴟𐴌𐴟𐴂𐴢 𐴀𐴥𐴡𐴑𐴧𐴡𐴓𐴠 𐴉𐴥𐴞𐴃𐴞𐴕𐴀𐴥𐴡 𐴑𐴠𐴀𐴠𐴔𐴡𐴃 𐴊𐴝𐴊𐴝𐴒𐴞𐴌𐴞 𐴄𐴞𐴑𐴝𐴘 𐴁𐴤𐴡𐴓𐴧𐴝 𐴏𐴝𐴀𐴝𐴌 , 𐴀𐴥𐴠 𐴈𐴡𐴃𐴤𐴝𐴌𐴓𐴧𐴝 𐴌𐴝𐴏𐴧𐴝𐴃𐴧𐴟 𐴑𐴠𐴣𐴍𐴝 𐴏𐴥𐴝𐴉𐴢 𐴒𐴡𐴌𐴥𐴞𐴁𐴡𐴓𐴑𐴧𐴝 , 𐴁𐴝𐴌𐴥𐴡 𐴒𐴤𐴡𐴕𐴄𐴝𐴌 𐴁𐴤𐴟𐴃𐴡𐴌𐴠 𐴊𐴟𐴘 𐴎𐴡𐴕 𐴔𐴝𐴋𐴤𐴝𐴌 𐴒𐴡𐴙𐴅𐴧𐴤𐴙𐴠𐴊𐴠 , 𐴀𐴠𐴈𐴥𐴡𐴕 𐴑𐴠𐴀𐴠𐴔𐴡𐴌 𐴔𐴝𐴕𐴥𐴟𐴙𐴐𐴢 𐴀𐴥𐴡𐴑𐴧𐴡𐴓 𐴁𐴠𐴐𐴤𐴞 𐴋𐴡𐴌𐴡𐴃 𐴔𐴝𐴎𐴤𐴠 𐴁𐴡𐴓𐴞 𐴘𐴥𐴡 / 𐴎𐴝𐴉𐴡𐴌𐴠 𐴈𐴡𐴘𐴧𐴠 , 𐴒𐴡𐴃𐴡 𐴐𐴤𐴡𐴕𐴞 𐴁𐴝𐴌𐴠 𐴌𐴝𐴙𐴃𐴧𐴝 𐴑𐴠𐴀𐴠𐴔 𐴕𐴠𐴃𐴝 / 𐴔𐴟𐴇𐴝𐴔𐴧𐴡𐴊 𐴌𐴝𐴐𐴤𐴠𐴊𐴡𐴌𐴠 𐴘𐴥𐴡 , 𐴀𐴟𐴑𐴤𐴞𐴘𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴏𐴥𐴟𐴌𐴞 𐴔𐴝𐴌𐴞 , 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠𐴊𐴠 𐴱𐴱

Sources : Dhakatribune