𐴄𐴤𐴟 𐴒𐴡𐴌𐴡𐴚 𐴒𐴠𐴓𐴥𐴠 𐴀𐴞𐴏𐴄𐴞𐴐𐴤𐴞𐴕𐴡𐴃 𐴹 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴝𐴌 𐴲 𐴎𐴡𐴕 𐴋𐴝𐴓𐴝𐴓 , 𐴇𐴥𐴞𐴚 𐴏𐴝𐴋𐴝𐴃 𐴔𐴝𐴎𐴤𐴠 𐴹 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴡𐴕 𐴀𐴥𐴡𐴘𐴧𐴠 𐴱𐴱

𐴌𐴠𐴕𐴒𐴟𐴕 𐴋𐴞𐴐𐴄𐴤𐴞𐴑 , 𐴀𐴟𐴃𐴧𐴡𐴌 𐴕𐴟𐴖𐴝 𐴋𐴡𐴒𐴧𐴟𐴕 𐴐𐴤𐴡𐴀𐴡𐴌 𐴀𐴠𐴓𐴝𐴑𐴝𐴌 𐴶 𐴱 𐴓𐴡𐴔𐴁𐴤𐴡𐴌 𐴌𐴥𐴠𐴑𐴧𐴤𐴗𐴝𐴌 , 𐴄𐴤𐴟 𐴒𐴡𐴌𐴥𐴡𐴚 𐴒𐴠𐴓𐴥𐴠 𐴀𐴞𐴏𐴄𐴞𐴐𐴤𐴞𐴕𐴡𐴃 , 𐴅𐴝𐴕𐴖𐴝𐴌𐴞 𐴔𐴝𐴐𐴡𐴌 𐴲 𐴃𐴝𐴌𐴥𐴞𐴑𐴡𐴃 𐴁𐴞𐴀𐴞𐴕𐴧𐴝 𐴷 𐴇𐴥𐴝𐴣𐴃 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴠𐴍𐴝𐴀𐴝𐴙𐴕 , 𐴲 𐴊𐴟𐴘 𐴎𐴡𐴕 𐴁𐴠𐴍𐴞𐴀𐴝𐴙𐴕 𐴀𐴝𐴌 𐴀𐴥𐴞𐴃𐴝𐴌𐴝𐴌𐴠 𐴉𐴡𐴣𐴀𐴡𐴏𐴝𐴘 𐴊𐴡𐴀𐴡𐴙𐴕𐴧𐴝 𐴋𐴝𐴓𐴝𐴓 𐴊𐴟𐴘 𐴎𐴡𐴕 𐴐𐴤𐴡𐴣𐴀𐴡 𐴁𐴠𐴒𐴧𐴤𐴟𐴕 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 , 𐴌𐴥𐴠𐴑𐴧𐴤𐴗𐴝 𐴀𐴥𐴞𐴁𐴝𐴌 𐴁𐴤𐴝𐴐𐴞𐴕𐴊𐴝 𐴀𐴥𐴡𐴑𐴧𐴡𐴓𐴡𐴌 𐴃𐴡𐴌𐴉𐴥𐴡𐴌𐴃𐴧𐴟 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

𐴀𐴝𐴙𐴅𐴧𐴙𐴝 𐴁𐴞𐴀𐴞𐴕𐴧𐴝 𐴓𐴡𐴒𐴢 𐴁𐴤𐴡𐴒𐴢 𐴐𐴤𐴝𐴀𐴝𐴌𐴡 𐴀𐴝𐴣𐴐𐴄𐴡 𐴁𐴝𐴎𐴠 , 𐴄𐴤𐴟 𐴒𐴡𐴌𐴥𐴡𐴚 𐴒𐴠𐴓𐴥𐴠 𐴀𐴞𐴏𐴄𐴞𐴐𐴤𐴞𐴕𐴡𐴃 𐴌𐴠𐴕𐴒𐴟𐴕 – 𐴔𐴦𐴡𐴓𐴔𐴝𐴙𐴕 𐴀𐴝𐴏𐴠𐴕 𐴌𐴠𐴓𐴡𐴃 𐴀𐴟𐴍𐴥𐴞𐴁𐴡𐴓𐴧𐴝 𐴀𐴠𐴕𐴃𐴠𐴎𐴝𐴌 𐴒𐴡𐴌𐴠𐴀𐴠𐴌 𐴊𐴧𐴠 , 𐴊𐴟𐴘 𐴎𐴡𐴕 𐴁𐴡𐴌𐴔𐴥𐴝 𐴋𐴝𐴓𐴝𐴓 𐴐𐴤𐴡𐴣𐴀𐴡 𐴹 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴠 𐴔𐴠𐴓𐴠𐴄𐴠𐴌𐴞 𐴘𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 , 𐴀𐴞𐴏𐴄𐴞𐴐𐴤𐴞𐴕𐴡𐴌 𐴋𐴤𐴝𐴑𐴡𐴌 𐴔𐴝𐴕𐴥𐴟𐴙𐴐𐴢 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 𐴱𐴱

𐴊𐴤𐴡𐴌𐴡𐴀𐴡𐴙𐴕𐴧𐴝 𐴋𐴝𐴀𐴝𐴘 𐴀𐴥𐴞𐴁𐴝𐴃 𐴔𐴠𐴓𐴠𐴄𐴠𐴌𐴞 𐴘𐴥𐴡 𐴀𐴝𐴏𐴥𐴠 𐴉𐴟𐴓𐴞𐴐𐴢 𐴀𐴥𐴡 𐴀𐴝𐴏𐴥𐴠 , 𐴀𐴞𐴏𐴄𐴞𐴐𐴤𐴞𐴕𐴡𐴌 𐴔𐴝𐴕𐴥𐴟𐴙𐴐𐴢 𐴀𐴥𐴡 𐴀𐴝𐴏𐴥𐴠 , 𐴄𐴤𐴟 𐴒𐴡𐴌𐴥𐴡𐴚 𐴒𐴠𐴓𐴥𐴠 𐴀𐴞𐴏𐴄𐴞𐴐𐴤𐴞𐴕𐴡𐴃𐴧𐴟 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴊𐴠 𐴋𐴝𐴓𐴝𐴓 / 𐴑𐴟 𐴏𐴥𐴠𐴕 𐴖𐴥𐴝𐴚 / 𐴑𐴟 𐴆𐴙𐴡 𐴏𐴟𐴌𐴥𐴝 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴁𐴠𐴍𐴝𐴀𐴝𐴙𐴕 𐴷 𐴎𐴡𐴕 , 𐴁𐴠𐴍𐴞𐴀𐴝𐴙𐴕 𐴲 𐴎𐴡𐴕 , 𐴑𐴟𐴓𐴠 𐴱 𐴱 𐴎𐴡𐴕 𐴁𐴠𐴒𐴧𐴤𐴟𐴕𐴡𐴌𐴥𐴠 𐴑𐴠𐴙𐴏𐴢 𐴑𐴤𐴟𐴓𐴞𐴁𐴡𐴓𐴧𐴝 𐴀𐴟𐴃𐴧𐴡𐴌 𐴕𐴟𐴖𐴝 𐴋𐴡𐴒𐴧𐴟𐴕 𐴐𐴤𐴡𐴀𐴡𐴌𐴡𐴌 𐴒𐴝𐴣𐴌𐴝𐴃𐴡𐴃 𐴕𐴞𐴎𐴝𐴘 𐴃𐴡𐴊𐴝𐴌𐴟𐴑 𐴃𐴡𐴊𐴡𐴕𐴃𐴡 𐴒𐴡𐴌𐴠𐴀𐴠𐴌 𐴁𐴡𐴓𐴞 , 𐴐𐴤𐴡𐴀𐴡𐴌 𐴁𐴤𐴝𐴐𐴞 𐴀𐴥𐴡𐴑𐴧𐴡𐴓𐴡𐴌 𐴃𐴟𐴌𐴥𐴟 𐴎𐴝𐴕𐴝𐴀𐴝 𐴒𐴞𐴘𐴠𐴱𐴱

𐴒𐴞𐴘𐴡𐴘 𐴊𐴠 𐴁𐴡𐴏𐴥𐴡𐴌𐴡𐴃, 𐴌𐴠𐴕𐴒𐴟𐴕, 𐴀𐴥𐴠𐴌𐴝𐴖𐴡𐴋𐴧𐴞 , 𐴂𐴥𐴠𐴒𐴤𐴟 , 𐴔𐴡𐴒𐴧𐴤𐴗𐴠 , 𐴀𐴝𐴌 𐴀𐴝𐴌𐴑𐴝𐴕𐴡𐴌 𐴑𐴠𐴙𐴏𐴧𐴥𐴟 𐴐𐴤𐴡𐴀𐴡𐴌 𐴔𐴞𐴓𐴝𐴘 , 𐴁𐴡𐴕 𐴀𐴥𐴡𐴘𐴧𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴰 𐴰 𐴰 𐴱 𐴎𐴡𐴕 𐴓𐴡𐴃𐴞 𐴀𐴥𐴡𐴘𐴁𐴡 𐴁𐴡𐴓𐴞 , 𐴇𐴥𐴡𐴑𐴟𐴔𐴡𐴃𐴡𐴌 𐴈𐴝𐴣𐴏𐴥𐴡𐴌 𐴔𐴝𐴕𐴥𐴟𐴙𐴐𐴢 𐴀𐴠𐴑 𐴎𐴡𐴕𐴡𐴌 𐴃𐴟𐴌𐴥𐴟 𐴎𐴝𐴕𐴝𐴀𐴝 𐴒𐴞𐴘𐴠 , 𐴎𐴝𐴒𐴝 𐴀𐴞𐴀𐴞𐴕𐴡𐴃𐴧𐴟 𐴁𐴡𐴕 𐴀𐴥𐴡𐴘𐴧𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴈𐴡𐴊𐴦𐴟𐴕 𐴎𐴞𐴘𐴡𐴓𐴡𐴃 𐴊𐴞𐴘𐴠 , 𐴀𐴝𐴌 𐴈𐴡𐴊𐴦𐴟𐴕 𐴁𐴝𐴙𐴅𐴧𐴝𐴘 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠 𐴊𐴠 𐴘𐴥𐴡 𐴀𐴝𐴏𐴥𐴠 𐴱𐴱

𐴎𐴝𐴕𐴖𐴝𐴌𐴞 𐴔𐴝𐴐𐴡𐴌 𐴲 𐴊𐴟𐴘 𐴃𐴝𐴌𐴥𐴞𐴑𐴡𐴃 , 𐴀𐴥𐴠𐴌𐴝𐴖𐴡𐴋𐴧𐴞 𐴋𐴞𐴐𐴄𐴤𐴞𐴑 𐴇𐴥𐴞𐴚 𐴏𐴝𐴋𐴝 𐴐𐴤𐴡𐴀𐴡𐴌𐴡𐴃 𐴔𐴝𐴎𐴤𐴠 𐴘𐴥𐴡 , 𐴌𐴟𐴇𐴝𐴙𐴚𐴒𐴙𐴝 𐴹 𐴳 𐴎𐴡𐴕 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴁𐴡𐴓𐴞 𐴉𐴟𐴓𐴞𐴐𐴡𐴌 𐴃𐴟𐴌𐴥𐴟 𐴎𐴝𐴕𐴝𐴀𐴝 𐴒𐴞𐴘𐴠 , 𐴓𐴠𐴄𐴞 𐴒𐴤𐴗𐴝𐴚 𐴐𐴤𐴡𐴀𐴡𐴌𐴡𐴃 𐴒𐴤𐴡𐴓𐴝 𐴀𐴞𐴣𐴑𐴧𐴗𐴝𐴌𐴞 𐴒𐴠𐴙𐴍𐴡𐴃 𐴕𐴡𐴀𐴡 𐴃𐴞𐴘𐴝𐴊𐴠 𐴉𐴝𐴃𐴧𐴡𐴌𐴡𐴌 𐴒𐴝𐴌𐴥𐴞 𐴌𐴠 𐴓𐴦𐴡𐴌𐴝𐴘 𐴊𐴤𐴡𐴙𐴅𐴧𐴙𐴠𐴊𐴠 𐴒𐴝𐴌𐴥𐴞𐴃𐴧𐴟 , 𐴶 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴠𐴍𐴝𐴀𐴝𐴙𐴕 𐴳 𐴎𐴡𐴕 𐴁𐴠𐴍𐴞𐴀𐴝𐴙𐴕 𐴔𐴟𐴄 𐴹 𐴳 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴡𐴕 𐴒𐴡𐴌𐴥𐴞 𐴇𐴥𐴞𐴚 𐴏𐴝𐴋𐴝 𐴐𐴤𐴡𐴀𐴡𐴌𐴡𐴌 𐴒𐴝𐴣𐴌𐴝𐴃𐴡𐴃 𐴓𐴡𐴘 𐴎𐴝𐴘 𐴀𐴞𐴔𐴞𐴒𐴞𐴌𐴞𐴐𐴤𐴠𐴕𐴡𐴌 𐴑𐴝𐴕𐴟𐴕 𐴔𐴡𐴎𐴞𐴕 , 𐴑𐴠𐴙𐴏𐴢 𐴑𐴤𐴟𐴓𐴞𐴁𐴝𐴌 𐴏𐴡𐴌𐴞𐴐𐴃𐴡𐴌𐴡 𐴒𐴡𐴌𐴠𐴀𐴠𐴌 𐴁𐴡𐴓𐴞 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴠 𐴱𐴱

Sources : burmese.dvb