𐴌𐴟𐴇𐴝𐴙𐴚𐴒𐴙𐴝𐴌 𐴋𐴝𐴀𐴝𐴘 𐴀𐴟𐴒𐴧𐴤𐴗𐴝 𐴊𐴡𐴙𐴅𐴧𐴤𐴙𐴝𐴃 𐴀𐴠𐴑 𐴔𐴝𐴐𐴢 𐴁𐴤𐴝𐴐𐴡𐴀𐴡𐴕𐴡𐴌 𐴁𐴦𐴝𐴊𐴠 𐴀𐴞𐴕𐴋𐴟𐴕𐴞𐴆𐴤𐴙𐴝𐴃 𐴉𐴡𐴣𐴀𐴡𐴙𐴏𐴧𐴙𐴠 𐴱𐴱

𐴀𐴠𐴑 𐴔𐴝𐴐𐴢 𐴐𐴤𐴝𐴘𐴒𐴡𐴌𐴡𐴃 𐴁𐴤𐴝𐴐𐴡𐴀𐴡𐴕𐴡𐴌 𐴉𐴡𐴌𐴠 , 𐴌𐴟𐴇𐴝𐴙𐴚𐴒𐴙𐴝𐴌 𐴋𐴝𐴀𐴝𐴘 𐴀𐴟𐴒𐴧𐴤𐴗𐴝 , 𐴀𐴞𐴕𐴋𐴟𐴕𐴥𐴞𐴆𐴤𐴙𐴝𐴌 𐴀𐴟𐴃𐴧𐴡𐴌 𐴀𐴠𐴓𐴝𐴑𐴝𐴌 𐴀𐴝𐴆𐴤𐴠 𐴏𐴥𐴡𐴖𐴁𐴝𐴌 𐴀𐴠𐴑 𐴏𐴡𐴌𐴡𐴃 𐴓𐴝𐴝𐴙𐴔𐴧𐴥𐴙𐴠 , 𐴀𐴥𐴠 𐴀𐴡𐴑𐴃𐴤𐴡𐴃 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕 𐴖𐴝𐴙𐴆𐴧𐴤𐴙𐴝 𐴃𐴞𐴌𐴝𐴙𐴐𐴧𐴤𐴤𐴙𐴝 𐴁𐴠𐴐𐴤𐴞 𐴑𐴤𐴞𐴕𐴝 𐴉𐴡𐴌𐴝𐴙𐴕𐴧𐴝 𐴇𐴥𐴝𐴓𐴡𐴃𐴡𐴃 𐴱𐴱

𐴀𐴞𐴕𐴋𐴟𐴕𐴥𐴞𐴆𐴤𐴙𐴝𐴌 𐴇𐴥𐴡𐴑𐴟𐴔𐴡𐴃𐴞 𐴀𐴝𐴊𐴝𐴑𐴝𐴌𐴞 𐴀𐴥𐴡𐴑𐴧𐴡𐴓𐴠 , 𐴌𐴦𐴡𐴘 𐴁𐴝𐴌𐴠 𐴅𐴝𐴕𐴑𐴝𐴌𐴞 𐴘𐴝𐴀𐴝𐴕 𐴈𐴥𐴝𐴄𐴞 𐴁𐴡𐴓𐴞 𐴈𐴡𐴘𐴧𐴠 , 𐴎𐴞𐴘𐴝𐴕 𐴋𐴞𐴏𐴡𐴔𐴁𐴡𐴌 𐴔𐴝𐴐𐴡𐴌 𐴳 𐴲 𐴃𐴝𐴌𐴥𐴞𐴑𐴡𐴃 𐴀𐴝𐴓𐴅𐴡𐴎𐴞𐴌𐴝 𐴈𐴥𐴡𐴁𐴡𐴌𐴡𐴃 𐴓𐴠𐴙𐴑𐴧𐴤𐴙𐴠 , 𐴸 𐴵 𐴎𐴡𐴙𐴕𐴧𐴝 𐴐𐴤𐴟𐴊𐴠 𐴌𐴟𐴇𐴝𐴙𐴚𐴒𐴙𐴝 𐴁𐴠𐴍𐴝𐴀𐴝𐴙𐴕𐴊𐴡𐴌 𐴋𐴝𐴀𐴝𐴘 𐴀𐴟𐴒𐴧𐴤𐴗𐴝 𐴌𐴦𐴡𐴘 𐴁𐴝𐴌𐴠, 𐴀𐴝𐴆𐴤𐴠 𐴀𐴠𐴓𐴝𐴑𐴝𐴌 𐴁𐴠𐴏𐴝𐴌 𐴎𐴞𐴓𐴥𐴝𐴌 𐴓𐴝𐴊𐴡𐴚 𐴎𐴝𐴙𐴓𐴧𐴝 𐴉𐴝𐴌𐴝𐴌 𐴀𐴞𐴕𐴊𐴡𐴌𐴝 𐴂𐴝𐴃𐴌𐴝𐴌 𐴏𐴡𐴌𐴡𐴃 𐴉𐴡𐴣𐴀𐴡𐴙𐴏𐴧𐴙𐴠 𐴁𐴡𐴓𐴞 , 𐴀𐴥𐴠𐴏𐴃𐴝𐴕𐴞 𐴉𐴟𐴓𐴞𐴐𐴡𐴌 𐴁𐴡𐴌𐴡 / 𐴌𐴟𐴓𐴞 𐴀𐴞𐴀𐴟 𐴀𐴞𐴎𐴝 𐴘𐴠 𐴈𐴡𐴘𐴧𐴠 𐴱𐴱

𐴌𐴟𐴓𐴞 𐴀𐴞𐴀𐴟 𐴀𐴞𐴎𐴝 𐴘𐴠 𐴈𐴡𐴘𐴧𐴠𐴊𐴠!𐴎𐴝𐴒𐴝 𐴘𐴝𐴀𐴝𐴕𐴡𐴌 𐴀𐴥𐴠𐴏𐴃𐴝𐴕𐴞 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝 𐴁𐴤𐴡𐴌𐴝 𐴒𐴝𐴏𐴥𐴡𐴌 𐴁𐴟𐴄 𐴀𐴠𐴑𐴧𐴤𐴝𐴕 𐴊𐴡𐴙𐴅𐴧𐴙𐴝𐴃 𐴁𐴤𐴝𐴐𐴠𐴀𐴠𐴌𐴊𐴧𐴠 𐴊𐴠𐴙𐴑𐴧𐴤𐴙𐴠,𐴁𐴦𐴝𐴊𐴠 𐴀𐴥𐴞𐴃𐴝𐴌𐴝 𐴁𐴟𐴍𐴡𐴌 𐴔𐴝𐴕𐴥𐴟𐴙𐴐𐴢 𐴀𐴥𐴡𐴑𐴧𐴡𐴓𐴡𐴌𐴠 𐴎𐴠𐴊𐴧𐴤𐴟𐴌 𐴉𐴝𐴌𐴠 𐴔𐴡𐴊𐴡𐴊 𐴒𐴡𐴌𐴥𐴞 𐴊𐴡𐴙𐴅𐴧𐴙𐴝𐴌 𐴈𐴝𐴣𐴏𐴝𐴃 𐴑𐴟𐴓𐴡𐴃 𐴀𐴝𐴕𐴥𐴞 𐴁𐴦𐴝𐴊𐴠 , 𐴀𐴥𐴠 𐴎𐴝𐴒𐴝𐴌 𐴇𐴥𐴡𐴑𐴟𐴔𐴡𐴃𐴞 𐴀𐴝𐴊𐴞𐴑𐴝𐴌𐴞 𐴀𐴥𐴡𐴑𐴧𐴡𐴓𐴡𐴌𐴠 𐴈𐴥𐴡𐴁𐴡𐴌 𐴉𐴡𐴣𐴀𐴡𐴏𐴝𐴘 𐴊𐴞𐴘𐴠 𐴱𐴱

𐴈𐴥𐴝𐴕𐴝 𐴉𐴝𐴕𐴥𐴞 𐴏𐴥𐴝𐴌𐴝 𐴊𐴡𐴙𐴅𐴧𐴙𐴝𐴃 𐴊𐴠𐴌𐴞 𐴉𐴝𐴀𐴝𐴕 𐴃𐴤𐴝𐴑𐴡𐴀𐴡𐴕𐴠 𐴁𐴠𐴒𐴧𐴤𐴟𐴕 𐴑𐴤𐴞𐴕𐴝 𐴀𐴥𐴡𐴘 𐴁𐴦𐴠𐴐𐴢 𐴁𐴤𐴝𐴒𐴢 𐴁𐴞𐴘𐴝𐴌𐴝𐴙𐴔𐴧𐴙𐴝 𐴀𐴥𐴡𐴘 𐴒𐴞𐴘𐴡𐴘 , 𐴇𐴥𐴡𐴑𐴟𐴔𐴡𐴃𐴞 𐴀𐴝𐴊𐴞𐴑𐴝𐴌𐴞 𐴀𐴥𐴡𐴑𐴧𐴡𐴓 𐴎𐴝𐴘𐴁𐴝𐴌 𐴀𐴝𐴒𐴠 , 𐴀𐴥𐴠 𐴎𐴝𐴒𐴝𐴌 𐴔𐴝𐴙𐴕𐴐𐴠 𐴀𐴥𐴞𐴃𐴝𐴌𐴝 𐴌𐴠 𐴈𐴥𐴝𐴕𐴝 𐴉𐴝𐴕𐴥𐴞 𐴊𐴞𐴘𐴠 𐴁𐴡𐴓𐴞 𐴘𐴥𐴡 / 𐴌𐴟𐴓𐴞 𐴀𐴞𐴀𐴟 𐴀𐴞𐴎𐴝 𐴘𐴠 𐴈𐴡𐴘𐴧𐴠 𐴱𐴱

𐴀𐴥𐴞𐴁𐴤𐴝 𐴘𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠𐴊𐴠 ! 𐴁𐴠𐴒𐴧𐴤𐴟𐴕𐴡𐴌𐴠 𐴊𐴝𐴁𐴝𐴘 𐴒𐴡𐴌𐴥𐴝 𐴉𐴡𐴙𐴅𐴧𐴤𐴙𐴠 , 𐴈𐴡𐴔𐴡𐴃 𐴃𐴞𐴕 𐴎𐴡𐴕 𐴔𐴝𐴕𐴥𐴟𐴙𐴐𐴢 𐴇𐴥𐴝𐴐𐴉𐴝𐴃𐴝𐴓𐴡𐴃 𐴁𐴤𐴡𐴃𐴧 𐴒𐴡𐴌𐴥𐴝 𐴒𐴞𐴘𐴠 , 𐴔𐴡𐴕𐴃𐴡𐴌 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕 𐴁𐴡𐴌𐴔𐴥𐴝𐴃𐴧𐴟 𐴒𐴞𐴘𐴠 𐴕𐴥𐴝𐴑𐴞 𐴁𐴝𐴚𐴓𐴝𐴊𐴠𐴐𐴢 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴧𐴟 𐴒𐴞𐴘𐴠 , 𐴀𐴝𐴘𐴅𐴤𐴡 𐴈𐴥𐴝𐴄𐴞 𐴁𐴤𐴝𐴉𐴠 𐴈𐴡𐴀𐴡𐴘 𐴉𐴝𐴌𐴝𐴀𐴝 𐴕𐴡𐴀𐴡 𐴎𐴝𐴀𐴝 𐴱𐴱

Sources : Ukhiyanews.com