𐴁𐴡𐴌𐴔𐴥𐴝𐴌 𐴁𐴝𐴁𐴡𐴃𐴠 𐴏𐴞𐴑𐴙𐴟𐴌𐴞𐴄𐴞 𐴑𐴡𐴗𐴕𐴏𐴞𐴓𐴡𐴌 𐴉𐴥𐴝𐴘𐴏𐴠𐴓𐴝𐴌 𐴖𐴡𐴌𐴠 𐴌𐴟𐴇𐴝𐴙𐴚𐴒𐴙𐴝𐴌 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓 𐴀𐴡𐴐𐴤𐴝𐴕𐴃𐴞 𐴱𐴱

𐴁𐴡𐴌𐴔𐴥𐴝𐴌 𐴁𐴝𐴁𐴡𐴃𐴠 𐴒𐴡𐴙𐴅𐴧𐴤𐴙𐴠𐴊𐴠 𐴉𐴥𐴝𐴘𐴏𐴠𐴓𐴝 𐴌𐴥𐴠 , 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴏𐴞𐴑𐴙𐴟𐴌𐴞𐴄𐴞 𐴑𐴡𐴗𐴕𐴏𐴞𐴓𐴡𐴌 𐴀𐴥𐴞𐴏𐴄𐴟𐴌𐴞𐴃 , 𐴁𐴡𐴌𐴔𐴥𐴝 𐴌𐴟𐴇𐴝𐴙𐴚𐴒𐴙𐴝 𐴃𐴡𐴕𐴎𐴞𐴔 ( 𐴘𐴟 𐴑𐴠 ) 𐴘𐴠 𐴀𐴠𐴑𐴡𐴔 𐴁𐴝𐴌 𐴏𐴗𐴝𐴒𐴡𐴃 𐴒𐴡𐴙𐴅𐴧𐴤𐴙𐴠 , 𐴔𐴡𐴕𐴃𐴡𐴌 𐴌𐴟𐴇𐴝𐴙𐴚𐴒𐴙𐴝𐴌 𐴅𐴠𐴕𐴟𐴏𐴥𐴝𐴙𐴋 , 𐴒𐴟𐴙𐴅𐴧𐴙𐴝𐴃𐴧𐴟 𐴈𐴥𐴡𐴃𐴡𐴔 𐴀𐴥𐴡𐴀𐴡 𐴉𐴝𐴀𐴝𐴕 𐴈𐴡𐴕𐴥𐴡 𐴈𐴡𐴃𐴤𐴝 𐴕𐴥𐴝𐴘𐴊𐴠 𐴘𐴝𐴀𐴝𐴕 𐴀𐴝𐴌 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞 𐴈𐴝𐴣𐴏𐴥𐴠 𐴀𐴥𐴝𐴣𐴃𐴞𐴘𐴝𐴌 𐴀𐴝𐴌 𐴁𐴠𐴀𐴠𐴚𐴡𐴌 𐴄𐴞𐴛𐴝 𐴒𐴤𐴡𐴓𐴝 𐴁𐴡𐴕 𐴒𐴡𐴌𐴡𐴀𐴡𐴕𐴡𐴌 𐴁𐴝𐴁𐴡𐴃𐴠 , 𐴈𐴥𐴝𐴄𐴞 𐴁𐴤𐴝𐴉𐴠 𐴈𐴡𐴕𐴥𐴡 𐴈𐴡𐴃𐴤𐴝 𐴕𐴥𐴝𐴘 𐴊𐴠 𐴘𐴝𐴀𐴝𐴕𐴡𐴌 𐴖𐴡𐴌𐴠 , 𐴌𐴟𐴇𐴝𐴙𐴚𐴒𐴙𐴝 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓 𐴁𐴠𐴐𐴤𐴞 𐴀𐴡𐴐𐴤𐴝𐴕𐴃𐴞 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴀𐴠𐴈𐴥𐴡𐴕𐴡𐴌 𐴉𐴥𐴝𐴘𐴏𐴠𐴓𐴝 𐴀𐴥𐴡𐴙𐴓𐴊𐴠,𐴌𐴟𐴇𐴝𐴙𐴚𐴒𐴙𐴝𐴌 𐴔𐴟𐴓 𐴏𐴥𐴡𐴚𐴑𐴡𐴄𐴡𐴌 𐴀𐴟𐴉𐴥𐴝𐴘𐴌 𐴁𐴝𐴁𐴡𐴃𐴠 𐴀𐴝𐴌 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓 𐴋𐴡𐴌 𐴏𐴥𐴝𐴌𐴝 𐴕𐴞𐴌𐴝𐴉𐴡𐴃𐴧𐴝𐴌

𐴏𐴥𐴝𐴣𐴀𐴝𐴃𐴠 𐴀𐴝𐴃𐴧𐴝 𐴑𐴤𐴟𐴐𐴞 𐴘𐴠 𐴊𐴠𐴐𐴡𐴃 𐴖𐴝𐴉𐴠𐴏𐴢 𐴎𐴝𐴘𐴁𐴝𐴌 𐴁𐴝𐴁𐴡𐴃𐴠 𐴈𐴡𐴘𐴧𐴠𐴊𐴠 , 𐴔𐴡𐴕𐴃𐴡𐴌 𐴀𐴥𐴞𐴀𐴞𐴕 𐴀𐴥𐴡𐴘 𐴀𐴝𐴘𐴁𐴡𐴓𐴧𐴝 𐴂𐴠𐴌𐴠𐴑𐴄𐴞𐴑𐴠𐴓 𐴈𐴡𐴕𐴥𐴡 𐴈𐴝𐴔 𐴕𐴡𐴀𐴡 𐴒𐴡𐴌𐴥𐴠 , 𐴀𐴥𐴠𐴃𐴡𐴓𐴧𐴝 𐴁𐴡𐴌𐴔𐴥𐴝 𐴌𐴟𐴇𐴝𐴙𐴒𐴙𐴝 𐴃𐴡𐴕𐴎𐴞𐴔 ( 𐴘𐴟 𐴑𐴠𐴌 ) 𐴀𐴥𐴟𐴑𐴧𐴝𐴄𐴝 / 𐴄𐴤𐴟𐴕 𐴑𐴞𐴚𐴠 𐴈𐴡𐴘𐴧𐴠𐴊𐴠” 𐴀𐴞𐴀𐴞𐴕 𐴈𐴡𐴊𐴞𐴕 𐴐𐴤𐴟𐴊𐴠 𐴈𐴡𐴃𐴤𐴝 𐴈𐴝𐴔𐴡𐴌 𐴁𐴠𐴓𐴝𐴃 𐴑𐴠𐴙𐴏𐴧𐴥𐴟 𐴕𐴥𐴝𐴘 ” 𐴱𐴱

𐴉𐴥𐴝𐴘𐴏𐴠𐴓𐴝𐴃 (𐴀𐴝𐴘 𐴏𐴞 𐴏𐴞 ) 𐴀𐴝𐴊𐴝𐴓𐴡𐴃𐴡𐴃 𐴃𐴟𐴓𐴥𐴞 𐴊𐴡𐴀𐴡𐴕 𐴀𐴥𐴡 𐴕𐴥𐴝𐴘 , 𐴅𐴠𐴕𐴟𐴏𐴥𐴝𐴙𐴋 𐴀𐴡𐴉𐴡𐴌𐴝𐴊𐴞 𐴀𐴥𐴡𐴑𐴧𐴡𐴓𐴡𐴌 𐴁𐴠𐴌𐴟𐴊𐴧𐴤𐴠 𐴈𐴡𐴕𐴥𐴡 𐴑𐴞𐴏𐴞𐴔𐴧𐴝 𐴂𐴝𐴁𐴡𐴕𐴊𐴞 𐴘𐴥𐴡 𐴕𐴥𐴝𐴘 , 𐴁𐴤𐴝𐴚𐴝 𐴏𐴟𐴌𐴝 𐴉𐴟𐴌𐴝𐴕 𐴁𐴟𐴄 𐴓𐴡𐴘 𐴊𐴡𐴙𐴅𐴧𐴙𐴝𐴃 𐴈𐴡𐴀𐴠𐴑 𐴇𐴥𐴝𐴉𐴃𐴝 𐴓𐴡𐴃𐴞 𐴁𐴤𐴝𐴐𐴝𐴃 𐴃𐴤𐴝𐴑𐴠𐴌𐴊𐴧𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴁𐴝𐴏𐴝𐴘 𐴓𐴡𐴘𐴁𐴝𐴌 𐴈𐴡𐴕𐴥𐴡 𐴈𐴡𐴃𐴤𐴝 𐴘𐴥𐴡 𐴕𐴥𐴝𐴘 , 𐴑𐴡𐴗𐴔𐴞 𐴏𐴥𐴡𐴔𐴡𐴒𐴤𐴝𐴌 𐴕𐴞𐴌𐴝𐴉𐴡𐴃𐴧𐴝 𐴑𐴡𐴗𐴕𐴏𐴞𐴓𐴡𐴌 𐴔𐴞𐴔𐴁𐴤𐴡𐴌 𐴊𐴠𐴐𐴢 𐴀𐴥𐴡𐴑𐴧𐴡𐴓𐴠 𐴐𐴤𐴟𐴊𐴟 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞𐴌 𐴇𐴥𐴠𐴉𐴝𐴎𐴡𐴃𐴡𐴌 𐴁𐴝𐴁𐴡𐴃𐴠 𐴔𐴝𐴃𐴝𐴃 𐴀𐴝𐴏𐴥𐴠 ” 𐴁𐴡𐴓𐴞 𐴘𐴥𐴡 / 𐴄𐴤𐴟𐴕 𐴑𐴞𐴚𐴠 𐴈𐴡𐴘𐴧𐴠 𐴱𐴱

Sources : mizzimaburmese.com