𐴆𐴞𐴌𐴞𐴔𐴡𐴚𐴒𐴡𐴓𐴡𐴃 𐴶 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴒𐴠𐴌𐴠𐴉𐴃𐴝𐴌 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴄𐴠𐴑𐴕𐴝𐴉𐴢 𐴀𐴠𐴓𐴝𐴑𐴝𐴌 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃𐴧𐴟 𐴊𐴤𐴝𐴘 𐴉𐴡𐴓𐴝𐴘 𐴒𐴞𐴘𐴠 𐴒𐴤𐴡𐴘𐴊𐴠 , 𐴁𐴠𐴍𐴝𐴀𐴝𐴙𐴕 𐴁𐴠𐴍𐴞𐴀𐴝𐴙𐴕 𐴀𐴝𐴌 𐴉𐴟𐴖𐴝𐴙𐴕 𐴐𐴤𐴡𐴣𐴀𐴡 𐴶 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 , 𐴔𐴡𐴓𐴡𐴘 𐴁𐴝𐴎𐴝𐴌𐴡𐴌 𐴐𐴤𐴡𐴊𐴡𐴌 𐴎𐴝𐴘𐴁𐴝𐴌 𐴉𐴡𐴣𐴃𐴤𐴡𐴃 𐴆𐴞𐴌𐴞𐴔𐴡𐴚𐴒𐴡𐴓𐴡𐴃 , 𐴉𐴟𐴓𐴞𐴐𐴠 𐴑𐴝𐴌𐴖𐴝𐴘 𐴒𐴡𐴌𐴥𐴞 , 𐴲 𐴲 𐴰 𐴲 𐴋𐴞𐴏𐴡𐴔𐴁𐴡𐴌 𐴔𐴝𐴐𐴡𐴌 𐴸 𐴱 𐴃𐴝𐴌𐴥𐴞𐴑 , 𐴌𐴦𐴡𐴘 𐴁𐴝𐴌𐴠 𐴁𐴞𐴀𐴞𐴕𐴧𐴝 𐴏𐴥𐴡𐴀𐴡𐴌𐴠 𐴒𐴠𐴌𐴠𐴉𐴃𐴝𐴌 𐴒𐴡𐴙𐴅𐴧𐴤𐴙𐴠 𐴱𐴱

𐴎𐴠 𐴒𐴝𐴌𐴥𐴞 𐴓𐴡𐴘 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝𐴌 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴧𐴟 𐴏𐴟𐴌𐴒𐴡𐴌𐴞 𐴕𐴠𐴀𐴠𐴓𐴞 𐴀𐴝𐴙𐴐𐴧𐴤𐴙𐴠 , 𐴒𐴝𐴌𐴥𐴞 𐴘𐴝𐴀𐴝𐴕𐴡𐴃𐴧𐴟 𐴆𐴞𐴌𐴞𐴔𐴡𐴚𐴒𐴡𐴓 𐴃𐴤𐴝𐴕𐴝𐴌 𐴉𐴟𐴓𐴞𐴐𐴠 𐴀𐴥𐴞𐴃𐴝𐴌𐴝𐴌𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠𐴊𐴠 , 𐴆𐴞𐴌𐴞𐴔𐴡𐴚𐴒𐴡𐴓 𐴉𐴟𐴓𐴞𐴐𐴢 𐴃𐴤𐴝𐴕𐴝𐴌 𐴀𐴡𐴉𐴞𐴏𐴝𐴌 𐴀𐴞𐴕𐴆𐴤𐴝𐴌𐴅 / 𐴅𐴝𐴇𐴝𐴚𐴒𐴞𐴌 𐴀𐴝𐴓𐴡𐴔𐴠 𐴈𐴡𐴘𐴧𐴠𐴊𐴠 ! 𐴎𐴞𐴓𐴥𐴝 𐴉𐴟𐴓𐴞𐴐𐴡𐴌 𐴋𐴞𐴘𐴥𐴟𐴄𐴞𐴌 𐴈𐴝𐴔𐴡𐴃 𐴀𐴝𐴏𐴥𐴠𐴊𐴠 𐴱𐴱

𐴉𐴟𐴓𐴞𐴐𐴢 𐴀𐴞𐴕𐴞𐴏𐴂𐴝𐴑𐴄𐴡𐴌 𐴕𐴥𐴞𐴇 𐴑𐴙𐴠𐴐𐴠𐴕𐴟 , 𐴆𐴤𐴟𐴄𐴧𐴞 𐴉𐴥𐴟𐴌𐴝𐴘 𐴁𐴦𐴝𐴊𐴠 𐴏𐴞𐴄𐴝𐴚𐴡𐴃𐴧𐴟 𐴔𐴡𐴓𐴡𐴘 𐴁𐴝𐴎𐴝𐴌 𐴈𐴝𐴔𐴡𐴃 𐴀𐴝𐴘𐴁𐴤𐴝𐴌 𐴐𐴤𐴡𐴣𐴀𐴡𐴃 𐴉𐴡𐴣𐴃𐴤𐴡𐴃 𐴒𐴝𐴌𐴥𐴞𐴌 𐴁𐴤𐴟𐴃𐴡𐴌𐴠 𐴃𐴤𐴝𐴑𐴝𐴌 𐴀𐴝𐴁𐴡𐴏𐴃𐴤𐴝𐴃 𐴑𐴠𐴙𐴏𐴧𐴥𐴟 𐴉𐴝𐴐𐴤𐴞𐴕𐴊𐴝𐴌𐴡 𐴌𐴥𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴞𐴏𐴝𐴉𐴠 𐴐𐴤𐴡𐴕𐴊𐴡 𐴒𐴡𐴙𐴅𐴧𐴤𐴙𐴠 𐴱𐴱

𐴁𐴦𐴝𐴊𐴠 𐴀𐴥𐴞𐴁𐴝 𐴘𐴠 𐴐𐴤𐴡𐴕𐴊𐴡 𐴒𐴡𐴙𐴅𐴧𐴤𐴙𐴠 𐴊𐴠 𐴘𐴝𐴀𐴝𐴕 , 𐴆𐴞𐴌𐴞𐴔𐴡𐴚𐴒𐴡𐴓 𐴃𐴤𐴝𐴕𐴝𐴌 𐴉𐴟𐴓𐴞𐴐𐴡𐴌𐴥𐴠 𐴎𐴝𐴕𐴝𐴘 𐴊𐴞𐴘𐴠 , 𐴃𐴡𐴀𐴡𐴘 𐴆𐴞𐴌𐴞𐴔𐴡𐴚𐴒𐴡𐴓 𐴃𐴤𐴝𐴕𐴝𐴌 ( 𐴀𐴠𐴏𐴢 𐴀𐴝𐴘 ) 𐴔𐴟𐴇𐴝𐴔𐴧𐴡𐴊 𐴎𐴝𐴑𐴠𐴌 𐴇𐴟𐴏𐴝𐴙𐴕𐴠 𐴀𐴥𐴞𐴁𐴝𐴌 𐴀𐴠𐴏𐴄𐴝𐴉𐴢 𐴐𐴤𐴡𐴣𐴀𐴡 𐴎𐴝𐴘 , 𐴒𐴝𐴌𐴥𐴞 𐴘𐴝𐴀𐴝𐴕𐴡𐴃𐴧𐴟 𐴶 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴒𐴠𐴌𐴠𐴉𐴃𐴝𐴌 𐴒𐴡𐴙𐴅𐴧𐴤𐴙𐴠 𐴱𐴱

𐴃𐴡𐴀𐴡𐴘 𐴉𐴟𐴏𐴥𐴝𐴌 𐴀𐴝𐴏𐴝𐴌 𐴒𐴡𐴌𐴡𐴀𐴡𐴕𐴡𐴌 𐴁𐴦𐴝𐴊𐴠 𐴎𐴝𐴕𐴞𐴀𐴞 𐴉𐴝𐴙𐴓𐴧𐴡 𐴊𐴠 , 𐴔𐴝𐴕𐴥𐴟𐴙𐴐𐴢 𐴀𐴥𐴟𐴀𐴟𐴕 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝 𐴑𐴟𐴃𐴤𐴟 𐴉𐴝𐴓𐴡𐴚 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃𐴧𐴟 𐴊𐴤𐴝𐴘 𐴉𐴡𐴓𐴝𐴘 𐴀𐴝𐴙𐴐𐴧𐴤𐴙𐴠 𐴊𐴠 𐴁𐴡𐴓𐴞 𐴈𐴡𐴘𐴧𐴠 , 𐴁𐴦𐴝𐴊𐴠 𐴀𐴥𐴞𐴃𐴝𐴌𐴝 𐴌𐴠 𐴖𐴝𐴉𐴠𐴏𐴢 𐴑𐴝𐴑𐴏𐴡 𐴁𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴉𐴡𐴣𐴀𐴡𐴏𐴝𐴘 𐴊𐴞𐴘𐴠 𐴁𐴡𐴓𐴞 𐴉𐴟𐴓𐴞𐴐𐴠 𐴈𐴡𐴘𐴧𐴠 𐴱𐴱

Sources : Ukhiyanews.com