𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴀𐴝𐴌𐴑𐴝𐴕𐴡𐴃 𐴌𐴞𐴉𐴟𐴎𐴞 𐴖𐴝𐴉𐴠𐴏𐴢 𐴀𐴝𐴕𐴡𐴀𐴡𐴕𐴡𐴃𐴧𐴟 𐴁𐴤𐴝𐴌𐴡 𐴁𐴤𐴟𐴍𐴡𐴌 𐴖𐴡𐴌𐴠 𐴊𐴤𐴞𐴘𐴝𐴕 𐴓𐴝𐴒𐴝𐴘 𐴌𐴡𐴘𐴧𐴠 𐴱𐴱

𐴀𐴝𐴌𐴑𐴝𐴕𐴡𐴃 𐴔𐴠𐴓𐴠𐴄𐴠𐴌𐴞 𐴀𐴝𐴌 ( 𐴀𐴠 𐴀𐴠 ) 𐴔𐴡𐴒𐴢 𐴁𐴝𐴒𐴞𐴌 𐴔𐴝𐴎𐴤𐴠 𐴓𐴝𐴌𐴥𐴝𐴘 𐴁𐴡𐴕 𐴏𐴟𐴑𐴃𐴞 𐴀𐴥𐴡𐴘 𐴁𐴦𐴝𐴊𐴠 𐴘𐴥𐴡 , 𐴷 𐴱 𐴰 𐴲 𐴐𐴤𐴡𐴕𐴡𐴃 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞𐴌 𐴕𐴡𐴏𐴥𐴡𐴓 𐴉𐴥𐴟𐴌𐴝 𐴑𐴝𐴌𐴖𐴝𐴘𐴌 𐴎𐴡𐴌𐴞𐴘𐴝 , 𐴕𐴞𐴎𐴡𐴌 𐴀𐴝𐴊𐴡𐴙𐴅𐴧𐴧𐴙𐴝 𐴊𐴠𐴐𐴢 𐴉𐴥𐴠𐴓𐴝𐴘 𐴁𐴝𐴚𐴓𐴝𐴊𐴠𐴐𐴡𐴃 𐴏𐴥𐴝𐴀𐴝𐴌𐴝 𐴓𐴡𐴘 𐴃𐴤𐴝𐴙𐴑𐴧𐴙𐴠𐴊𐴠 , 𐴀𐴥𐴞𐴃𐴝𐴌𐴝𐴌𐴠 𐴊𐴠𐴐𐴡𐴃 𐴖𐴝𐴉𐴠𐴏𐴢 𐴀𐴝𐴕𐴥𐴞𐴁𐴝𐴌 𐴁𐴡𐴕𐴊𐴡𐴁𐴡𐴏𐴢 𐴕𐴡 𐴒𐴡𐴌𐴥𐴞 , 𐴔𐴠𐴓𐴠𐴄𐴠𐴌𐴞

𐴇𐴥𐴡𐴑𐴟𐴔𐴡𐴃𐴠 𐴁𐴤𐴟𐴄 𐴒𐴡𐴌𐴡𐴀𐴡𐴕𐴡𐴌𐴠 𐴀𐴠𐴑𐴡𐴀𐴡𐴔𐴥𐴞𐴑𐴃𐴝 𐴊𐴞𐴀𐴞 𐴈𐴝𐴔 𐴒𐴡𐴌𐴞 𐴎𐴝𐴀𐴝𐴌 𐴁𐴡𐴓𐴞 𐴊𐴠𐴐𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 𐴈𐴡𐴀𐴡𐴌𐴱𐴱

𐴲 𐴲 𐴰 𐴲 𐴐𐴤𐴡𐴕 𐴏𐴠𐴃𐴡𐴔𐴁𐴡𐴌 𐴔𐴝𐴐𐴡𐴌 𐴀𐴠𐴈𐴠𐴌𐴞𐴃 𐴰 𐴰 𐴳 𐴇𐴥𐴞𐴕𐴊𐴟 𐴐𐴤𐴡𐴣𐴀𐴡 𐴰 𐴰 𐴰 𐴱 𐴀𐴠𐴑 𐴇𐴥𐴝𐴎𐴝𐴌 𐴌𐴟𐴇𐴝𐴙𐴚𐴒𐴙𐴝 𐴔𐴟𐴏𐴡𐴓𐴔𐴝𐴕 𐴀𐴥𐴡𐴑𐴧𐴡𐴓𐴡𐴌𐴠 , 𐴔𐴡𐴚𐴋𐴤𐴟 𐴀𐴠𐴓𐴝𐴑𐴝𐴌 𐴃𐴡𐴚𐴁𐴟𐴌𐴟 𐴓𐴥𐴝𐴖𐴥𐴠 , 𐴕𐴝𐴂𐴧𐴥𐴟𐴌𐴝 , 𐴓𐴥𐴝𐴂𐴥𐴟 𐴒𐴡𐴚 , 𐴀𐴠𐴕𐴋𐴞𐴓𐴧𐴝 𐴖𐴝𐴉𐴠𐴏𐴢 𐴒𐴡𐴏𐴥𐴞 𐴓𐴡𐴘𐴁𐴡𐴓𐴧𐴝 𐴁𐴝𐴕𐴝𐴘𐴧𐴠𐴊𐴠 𐴏𐴠𐴑𐴧𐴤𐴠𐴕 𐴀𐴥𐴡𐴑𐴧𐴡𐴓 𐴁𐴝𐴀𐴝𐴘 , 𐴖𐴝𐴉𐴠𐴏𐴢 𐴓𐴡𐴘𐴁𐴡 𐴁𐴡𐴓𐴞 , 𐴀𐴝𐴌𐴑𐴝𐴕𐴡𐴌 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴌 𐴃𐴡𐴌𐴉𐴥𐴡𐴌 𐴈𐴡𐴃𐴤𐴝 𐴈𐴡𐴀𐴡𐴙𐴕𐴧𐴝 / 𐴀𐴥𐴟 𐴓𐴥𐴝 𐴏𐴞𐴕𐴠 𐴈𐴡𐴀𐴡𐴙𐴓 , 𐴔𐴡𐴕𐴃𐴡𐴌 𐴀𐴝𐴘𐴅𐴤𐴡 𐴉𐴡𐴙𐴅𐴧𐴡𐴕𐴃𐴡 𐴖𐴝𐴉𐴠𐴏𐴢 𐴕𐴡𐴀𐴡 𐴀𐴝𐴕𐴥𐴠 𐴱𐴱

𐴊𐴠𐴐𐴢 𐴉𐴥𐴠𐴓𐴝𐴘 𐴁𐴡𐴘𐴊𐴠𐴐𐴡𐴃 𐴊𐴞𐴕 𐴈𐴝𐴍𐴝𐴌𐴊𐴧𐴠 𐴀𐴥𐴞𐴃𐴝𐴌𐴝𐴌𐴠 𐴖𐴝𐴉𐴠𐴏𐴢 𐴀𐴝𐴕𐴡𐴀𐴡𐴕𐴡𐴌 𐴈𐴝𐴔 𐴀𐴠𐴑𐴧𐴞𐴕𐴝𐴌𐴠 𐴌𐴝𐴑𐴤𐴞 , ( 𐴘𐴟 𐴀𐴠𐴏𐴢 𐴋𐴞 𐴂𐴞 ) 𐴉𐴝𐴄𐴞 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓 𐴑𐴠𐴀𐴠𐴕𐴠 𐴁𐴤𐴟𐴍𐴡𐴃 𐴎𐴞𐴃𐴞𐴀𐴞 𐴉𐴝𐴌𐴞𐴁𐴤𐴡 , 𐴘𐴝𐴀𐴝𐴕𐴡𐴌 𐴖𐴡𐴌𐴠 𐴊𐴞𐴕 𐴌𐴝𐴙𐴃 𐴑𐴟𐴐𐴤𐴞𐴐𐴢 𐴒𐴡𐴌𐴥𐴝𐴃 𐴀𐴝𐴏𐴥𐴠 𐴁𐴡𐴓𐴞 𐴀𐴝𐴌𐴑𐴝𐴕𐴡𐴌 𐴏𐴞𐴘𐴝𐴏𐴡𐴃𐴊𐴝𐴕 𐴀𐴥𐴡𐴑𐴧𐴡𐴓𐴠 𐴈𐴡𐴀𐴡𐴌 𐴱𐴱

𐴏𐴠𐴕 𐴋𐴤𐴗𐴠 , 𐴔𐴠𐴕 𐴀𐴡𐴚 , 𐴀𐴝𐴙𐴑𐴧𐴙𐴝𐴁 , 𐴔𐴡𐴚𐴋𐴤𐴟 , 𐴆𐴙𐴡𐴑 𐴂𐴟𐴌𐴟 𐴀𐴡𐴒𐴤𐴝𐴘𐴌𐴥𐴝 𐴐𐴤𐴡𐴀𐴡𐴌 𐴀𐴥𐴡𐴑𐴧𐴡𐴓𐴡𐴃 , 𐴘𐴟 𐴀𐴠𐴏𐴢 𐴋𐴞 𐴂𐴞 𐴉𐴝𐴄𐴞𐴌 𐴉𐴟𐴌𐴝𐴕 𐴔𐴞𐴔𐴁𐴤𐴡𐴌 𐴀𐴥𐴡𐴑𐴧𐴡𐴓 𐴓𐴡𐴘 , 𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴠 𐴏𐴡𐴓𐴠𐴀𐴠𐴌 𐴊𐴠 𐴋𐴞𐴏𐴡𐴔𐴁𐴡𐴌 𐴔𐴝𐴐𐴡𐴃 𐴏𐴥𐴡𐴓𐴧𐴝 𐴔𐴡𐴐𐴖𐴝𐴌𐴝 𐴒𐴡𐴌𐴠𐴀𐴠𐴌 𐴁𐴡𐴓𐴞 𐴊𐴠𐴐𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴡𐴌 𐴃𐴟𐴌𐴥𐴟 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

Sources : burmese.dvb