𐴰 𐴸 𐴱 𐴎𐴡𐴕 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴀𐴝𐴏𐴥𐴠𐴊𐴠 𐴁𐴟𐴄 𐴀𐴝𐴌𐴀𐴥𐴡 𐴀𐴥𐴠𐴑𐴧𐴤𐴝𐴕 𐴀𐴞𐴕𐴅𐴞𐴓 𐴈𐴥𐴡𐴌𐴝𐴁 𐴀𐴥𐴡𐴘 𐴊𐴡𐴙𐴅𐴧𐴙𐴝𐴃 𐴁𐴞𐴘𐴥𐴝𐴑𐴟𐴓𐴡𐴃 𐴱𐴱

𐴰 𐴸 𐴱 𐴎𐴡𐴕 𐴓𐴡𐴃𐴞 𐴌𐴟𐴇𐴝𐴙𐴚𐴒𐴙𐴝 𐴓𐴡𐴘 𐴁𐴝𐴚𐴓𐴝𐴊𐴠𐴐𐴢 𐴑𐴝𐴑𐴏𐴡 𐴁𐴝𐴎𐴝𐴌 𐴑𐴠𐴀𐴠𐴔𐴡𐴃𐴧𐴟 𐴕𐴠𐴀𐴠𐴓𐴞 𐴀𐴝𐴙𐴐𐴧𐴤𐴙𐴠𐴊𐴠 , 𐴊𐴟𐴘𐴀𐴡𐴔 𐴁𐴝𐴌𐴡𐴌 𐴁𐴟𐴄 𐴀𐴠𐴑𐴧𐴤𐴝𐴕 𐴀𐴞𐴕𐴅𐴞𐴓 𐴈𐴥𐴡𐴌𐴝𐴁 𐴀𐴥𐴡𐴘 𐴁𐴦𐴝𐴊𐴠 , 𐴀𐴞𐴕𐴋𐴟𐴕𐴥𐴞𐴆𐴤𐴙𐴝𐴌 𐴊𐴡𐴙𐴅𐴧𐴙𐴝𐴃 𐴁𐴤𐴝𐴐𐴠𐴌𐴊𐴧𐴠 𐴈𐴥𐴝𐴕𐴝 𐴉𐴝𐴕𐴥𐴞 𐴉𐴥𐴟𐴌𐴝𐴘 𐴎𐴝𐴕 𐴈𐴥𐴡𐴃𐴡𐴌𐴝𐴌 𐴀𐴝𐴁𐴡𐴏𐴃𐴤𐴝𐴃 , 𐴀𐴝𐴙𐴅𐴧𐴙𐴝 𐴰 𐴲 𐴊𐴞𐴕 𐴓𐴡𐴃𐴞 𐴀𐴥𐴡𐴘𐴧𐴠 𐴁𐴡𐴓𐴞 𐴌𐴟𐴇𐴝𐴙𐴚𐴒𐴙𐴝 𐴑𐴡𐴔𐴙𐴟𐴕𐴞𐴄𐴞 𐴘𐴠 𐴈𐴡𐴘𐴧𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴥𐴡𐴑𐴧𐴡𐴓 𐴕𐴡𐴖𐴡𐴔𐴁𐴡𐴌 𐴔𐴝𐴐𐴡𐴌 𐴃𐴞𐴕𐴀𐴡𐴔 𐴇𐴥𐴝𐴉𐴃𐴝𐴃 𐴃𐴞𐴕 𐴊𐴞𐴕 𐴉𐴡𐴌 𐴉𐴡𐴌 , 𐴁𐴝𐴚𐴓𐴝𐴊𐴠𐴐𐴡𐴃𐴧𐴟 𐴃𐴞𐴕𐴧𐴥𐴝𐴕 𐴁𐴟𐴄 𐴓𐴡𐴘 𐴕𐴠𐴀𐴞𐴓𐴧𐴞𐴀𐴞𐴓, 𐴰 𐴶 𐴱 𐴎𐴡𐴕 𐴓𐴦𐴡𐴃 𐴀𐴝𐴐𐴧𐴤𐴞𐴀𐴞𐴓𐴊𐴠 𐴀𐴠𐴑𐴀𐴡𐴔 𐴁𐴟𐴄 𐴀𐴞𐴕𐴅𐴞𐴓 𐴈𐴥𐴡𐴌𐴝𐴁 𐴀𐴥𐴡𐴘 𐴊𐴡𐴙𐴅𐴧𐴙𐴝 𐴔𐴝𐴎𐴤𐴠 𐴊𐴡𐴐𐴢 𐴊𐴞𐴕 𐴓𐴦𐴡𐴃 𐴁𐴤𐴝𐴐𐴝𐴃 𐴀𐴝𐴐𐴧𐴤𐴞𐴀𐴞𐴓 𐴔𐴝𐴕𐴥𐴟𐴙𐴐𐴢 𐴀𐴥𐴡 𐴊𐴡𐴐𐴢 𐴎𐴡𐴕 𐴔𐴡𐴌𐴞 𐴒𐴞𐴀𐴞𐴓 𐴒𐴤𐴡𐴘 , 𐴀𐴥𐴠 𐴀𐴡𐴑𐴃𐴤𐴡𐴃 𐴁𐴞𐴘𐴠𐴄𐴕𐴝𐴔𐴡𐴌 𐴃𐴠𐴓 𐴑𐴟𐴔𐴂𐴝𐴕𐴞𐴌 𐴎𐴝𐴣𐴀𐴝𐴏𐴢 𐴀𐴠𐴑𐴧𐴤𐴝𐴕𐴠 𐴁𐴝𐴏𐴝𐴘 𐴓𐴡𐴘 𐴁𐴦𐴝𐴊𐴠 , 𐴁𐴡𐴌𐴔𐴥𐴝𐴌 𐴕𐴠𐴁𐴤𐴞𐴌 𐴉𐴥𐴡𐴗𐴏𐴡 𐴌𐴠 𐴒𐴡𐴏𐴥𐴝𐴘 𐴊𐴞𐴀𐴞𐴓 𐴱𐴱

𐴘𐴝𐴀𐴝𐴌 𐴉𐴡𐴌𐴡𐴌 𐴒𐴤𐴝𐴕 𐴀𐴥𐴝𐴣𐴎𐴞 𐴎𐴝𐴘 𐴈𐴥𐴡𐴁𐴡𐴌 𐴏𐴥𐴝𐴌𐴝 𐴀𐴥𐴡𐴘 𐴒𐴞𐴘𐴡𐴘 , 𐴀𐴠𐴈𐴥𐴡𐴕 𐴰 𐴸 𐴱 𐴎𐴡𐴕 𐴀𐴡𐴓𐴝 𐴁𐴟𐴄 𐴘𐴝𐴀𐴝𐴕 𐴕𐴡𐴖𐴡𐴔𐴁𐴡𐴌 𐴔𐴝𐴐𐴡𐴌 𐴵 𐴲 𐴃𐴝𐴌𐴥𐴞𐴑𐴡𐴃 𐴔𐴡𐴓𐴠𐴆𐴤𐴙𐴝 𐴎𐴝𐴘𐴁𐴡𐴓𐴧𐴝 𐴕𐴠𐴀𐴠𐴓𐴞 𐴀𐴝𐴀𐴝𐴘 𐴁𐴦𐴝𐴊𐴠 , 𐴀𐴞𐴕𐴅𐴞𐴓 𐴈𐴥𐴡𐴌𐴝𐴁 𐴀𐴥𐴡𐴘 𐴊𐴡𐴙𐴅𐴧𐴙𐴝𐴃 𐴁𐴤𐴝𐴐𐴠𐴌𐴊𐴧𐴠 𐴀𐴝𐴙𐴅𐴧𐴙𐴝 𐴋𐴞𐴏𐴡𐴔𐴁𐴡𐴌 𐴔𐴝𐴐𐴡𐴌 𐴴 𐴱 𐴃𐴝𐴌𐴥𐴞𐴑𐴡𐴃 𐴹 𐴱 𐴊𐴞𐴕 𐴀𐴥𐴡𐴘𐴧𐴠 𐴱𐴱

𐴁𐴡𐴌𐴔𐴥𐴝𐴌 𐴊𐴠𐴐𐴡𐴙𐴃𐴧𐴝 𐴀𐴠𐴃𐴧𐴠𐴉𐴝𐴑𐴞 𐴇𐴥𐴡𐴑𐴟𐴔𐴡𐴃𐴡𐴌 𐴁𐴟𐴊𐴧𐴤𐴞 𐴊𐴝𐴃𐴝/ 𐴀𐴥𐴟 𐴀𐴡𐴚 𐴆𐴙𐴡𐴔𐴥𐴟 𐴘𐴠 ” 𐴀𐴠𐴈𐴥𐴡𐴕 𐴁𐴤𐴝𐴐𐴠𐴌𐴊𐴧𐴠 𐴎𐴝𐴣𐴀𐴝𐴏𐴢 𐴘𐴥𐴝𐴀𐴝𐴕 𐴊𐴟𐴘𐴀𐴡𐴔 𐴕𐴠𐴀𐴠𐴓𐴞 𐴀𐴝𐴐𐴧𐴤𐴞𐴀𐴞𐴓 𐴊𐴠 𐴎𐴝𐴣𐴀𐴝𐴏𐴢, 𐴀𐴥𐴞𐴃𐴝𐴌𐴝𐴃𐴧𐴟 𐴏𐴠𐴄𐴓𐴥𐴝𐴙𐴄 𐴒𐴟𐴌𐴟𐴋𐴤𐴟 𐴉𐴥𐴟𐴕 𐴀𐴟𐴒𐴧𐴤𐴗𐴝 𐴀𐴝𐴐𐴧𐴤𐴞𐴀𐴞𐴓 𐴊𐴠 𐴀𐴥𐴞𐴏𐴝𐴉𐴠, 𐴑𐴝𐴏𐴡 𐴁𐴝𐴎𐴝𐴌 𐴑𐴠𐴀𐴠𐴔𐴡𐴃 𐴀𐴝𐴏𐴥𐴠𐴊𐴠 𐴀𐴠𐴒𐴝𐴕𐴝 𐴒𐴟𐴐𐴧𐴤𐴞𐴌 𐴈𐴝𐴣𐴏𐴠 , 𐴀𐴥𐴞𐴃𐴝𐴌𐴝𐴃𐴧𐴟 𐴈𐴥𐴝𐴕𐴝 𐴉𐴝𐴕𐴞 𐴉𐴥𐴟𐴌𐴝𐴘 𐴒𐴞𐴘𐴡𐴘 𐴁𐴟𐴍𐴡𐴌 𐴀𐴞𐴕𐴅𐴞𐴓 𐴀𐴥𐴡 𐴈𐴥𐴡𐴌𐴝𐴁 𐴀𐴥𐴡𐴘 𐴒𐴞𐴘𐴡𐴘 , 𐴀𐴞𐴕𐴋𐴟𐴕𐴥𐴞𐴆𐴤𐴙𐴝𐴌 𐴊𐴡𐴙𐴅𐴧𐴙𐴝𐴃 𐴔𐴝𐴎𐴤𐴠 𐴁𐴤𐴝𐴐𐴠𐴌 𐴁𐴡𐴓𐴞 𐴋𐴞𐴏𐴡𐴔𐴁𐴡𐴌 𐴔𐴝𐴐𐴡𐴌 𐴲 𐴱 𐴃𐴝𐴌𐴥𐴞𐴑𐴡𐴃 𐴈𐴥𐴡𐴁𐴡𐴌 𐴈𐴡𐴘𐴧𐴠𐴊𐴠 𐴘𐴝𐴀𐴝𐴕 𐴋𐴞 𐴁𐴞 𐴖𐴞 𐴈𐴥𐴡𐴁𐴡𐴌 𐴀𐴡𐴓𐴝 𐴌𐴠 𐴈𐴡𐴘𐴧𐴠 𐴱𐴱

𐴘𐴝𐴀𐴝𐴌 𐴁𐴦𐴝𐴊𐴠 𐴀𐴞𐴕𐴋𐴟𐴕𐴥𐴞𐴆𐴤𐴙𐴝𐴃 𐴉𐴡𐴣𐴀𐴡𐴙𐴏𐴧𐴙𐴠𐴊𐴠 𐴊𐴟𐴏𐴃𐴡 𐴀𐴥𐴡𐴑𐴧𐴡𐴓𐴡𐴌𐴃𐴧𐴟 𐴔𐴡𐴊𐴡𐴊 𐴔𐴝𐴙𐴒𐴧𐴤𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴈𐴡𐴃𐴤𐴝𐴃 𐴀𐴝𐴁𐴝𐴏𐴢 𐴀𐴠𐴑𐴧𐴤𐴝𐴕 𐴀𐴥𐴡 𐴀𐴡𐴕𐴓𐴥𐴝𐴙𐴕𐴡𐴃 𐴉𐴝𐴀𐴝 𐴒𐴞𐴘𐴠 𐴱𐴱

Sources : burmese.dvb