𐴌𐴟𐴇𐴝𐴙𐴚𐴒𐴙𐴝𐴌 𐴏𐴥𐴡𐴚𐴑𐴡𐴄 𐴕𐴞𐴂𐴄𐴝𐴘 𐴁𐴡𐴓𐴧𐴝 𐴘𐴟 𐴑𐴠 𐴘𐴠 𐴀𐴝𐴌𐴀𐴥𐴡 𐴵 . 𐴴 𐴔𐴡𐴓𐴞𐴘𐴟𐴕 𐴂𐴡𐴀𐴡𐴕 𐴊𐴞𐴀𐴞𐴁𐴡 𐴈𐴡𐴘𐴧𐴠 𐴱𐴱

𐴀𐴠𐴈𐴥𐴡𐴕 𐴁𐴝𐴚𐴓𐴝𐴊𐴠𐴏𐴡𐴃 𐴏𐴡𐴓𐴠𐴀𐴠𐴌𐴊𐴧𐴠 𐴌𐴟𐴇𐴝𐴙𐴚𐴒𐴙𐴝𐴌 𐴏𐴥𐴡𐴚𐴑𐴡𐴄 𐴕𐴞𐴂𐴄𐴝𐴘 𐴁𐴡𐴓𐴧𐴝 , (𐴘𐴟 𐴑𐴠) 𐴁𐴞𐴄𐴤𐴞𐴐𐴠 𐴀𐴝𐴌𐴀𐴥𐴡 𐴵 . 𐴴 𐴔𐴡𐴓𐴞𐴘𐴟𐴕 𐴂𐴡𐴀𐴡𐴕 𐴊𐴞𐴀𐴞𐴁𐴡 𐴁𐴡𐴓𐴡𐴞 𐴈𐴡𐴘𐴧𐴠 , 𐴷 𐴱 𐴰 𐴲 𐴐𐴤𐴡𐴕 𐴀𐴡𐴒𐴤𐴡𐴏𐴄 𐴔𐴝𐴐𐴡𐴃 𐴌𐴟𐴇𐴝𐴙𐴚𐴒𐴙𐴝 𐴏𐴥𐴡𐴚𐴑𐴡𐴄 𐴐𐴤𐴟𐴌𐴟 𐴀𐴥𐴡𐴘𐴧𐴠 𐴓𐴡𐴃𐴞 , 𐴁𐴞𐴄𐴤𐴞𐴐𐴠 𐴵 𐴴 𐴳 𐴔𐴡𐴓𐴞𐴘𐴟𐴕 𐴂𐴡𐴀𐴡𐴕𐴡𐴌 𐴉𐴥𐴝𐴕 𐴎𐴡𐴔𐴝 𐴒𐴡𐴌𐴠𐴀𐴠𐴌 𐴁𐴡𐴓𐴞 , 𐴁𐴞𐴄𐴤𐴞𐴐𐴢 𐴇𐴥𐴝𐴘 𐴑𐴡𐴔𐴞𐴐𐴤𐴠𐴕 𐴋𐴤𐴝𐴑𐴝 𐴘𐴠 𐴌𐴦𐴡𐴘 𐴁𐴝𐴌𐴠 𐴂𐴠𐴌𐴠𐴏𐴢 𐴑𐴡𐴕𐴉𐴠𐴌𐴠𐴣𐴏𐴡𐴃 𐴈𐴡𐴘𐴧𐴠 𐴱𐴱

𐴀𐴥𐴠 𐴏𐴥𐴞𐴓𐴏𐴞𐴓𐴝𐴃 𐴁𐴞𐴄𐴤𐴞𐴐𐴢 𐴇𐴥𐴝𐴘 𐴑𐴡𐴔𐴞𐴐𐴕𐴝𐴌 𐴋𐴤𐴝𐴑𐴝 / 𐴌𐴟𐴁𐴤𐴝𐴄 𐴆𐴝𐴄𐴝𐴌𐴄𐴡𐴕 𐴋𐴞𐴑𐴏𐴡𐴕𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠𐴊𐴠 , 𐴁𐴞𐴄𐴤𐴞𐴐𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴝𐴌 𐴀𐴥𐴞𐴃𐴝𐴌𐴝 𐴌𐴠 𐴏𐴥𐴡𐴣𐴀𐴡𐴓𐴠𐴌𐴊𐴧𐴠 𐴁𐴝𐴚𐴓𐴝𐴊𐴠𐴐𐴤𐴞 𐴀𐴥𐴡𐴑𐴧𐴡𐴓𐴡𐴌 𐴏𐴝𐴂𐴥𐴟𐴄 𐴀𐴝𐴌 𐴇𐴥𐴠𐴔𐴝𐴘𐴡𐴃 𐴒𐴡𐴌𐴥𐴝𐴃 𐴀𐴝𐴏𐴥𐴠 , 𐴎𐴠𐴃𐴤𐴡𐴑𐴧𐴤𐴝𐴓 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴁𐴝𐴚𐴓𐴝𐴊𐴠𐴐𐴡𐴃 𐴃𐴤𐴝𐴑𐴞 , 𐴃𐴡𐴃𐴡𐴑𐴧𐴝𐴓 𐴓𐴝𐴒𐴝𐴃𐴝𐴌 𐴁𐴞𐴄𐴤𐴞𐴐𐴠 𐴁𐴝𐴚𐴓𐴝𐴊𐴠𐴐𐴡𐴌 𐴇𐴥𐴠𐴔𐴝𐴘𐴡𐴃 𐴒𐴡𐴌𐴥𐴝𐴃 𐴃𐴤𐴝𐴑𐴞𐴁𐴡 𐴁𐴡𐴓𐴞 𐴘𐴥𐴡 𐴊𐴟𐴖𐴝𐴌𐴝 𐴒𐴡𐴌𐴥𐴞 𐴁𐴞𐴐𐴧𐴤𐴝𐴐𐴢 𐴊𐴞𐴘𐴠 𐴱𐴱

𐴀𐴝𐴌𐴑𐴝𐴕𐴡𐴌 𐴇𐴥𐴝𐴓𐴡𐴃 𐴄𐴤𐴞𐴑 𐴀𐴥𐴡𐴘𐴓𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴀𐴞𐴎𐴧𐴡𐴃 𐴀𐴝𐴌 𐴕𐴞𐴌𐴝𐴉𐴡𐴃𐴧𐴝𐴌 𐴏𐴥𐴝𐴣𐴀𐴝𐴃𐴠 𐴀𐴝𐴃𐴧𐴝 𐴑𐴤𐴟𐴐𐴞 𐴘𐴠 𐴖𐴝𐴉𐴠𐴏𐴢 𐴎𐴝𐴘 𐴓𐴝𐴔𐴁𐴝 𐴀𐴡𐴑𐴃𐴤𐴡 𐴓𐴦𐴡𐴃 𐴃𐴤𐴝𐴑𐴞 𐴉𐴝𐴌𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴀𐴟𐴉𐴥𐴝𐴘 𐴃𐴟𐴖𐴝𐴘 𐴕𐴠𐴀𐴠𐴓𐴝𐴘 𐴁𐴡𐴓𐴧𐴝,𐴁𐴞𐴄𐴤𐴞𐴐𐴠 𐴓𐴝𐴒𐴝𐴃𐴝𐴌 𐴑𐴟𐴐𐴤𐴞𐴐𐴢 𐴒𐴡𐴌𐴥𐴝𐴃 𐴀𐴝𐴏𐴥𐴠 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱𐴱

𐴔𐴡𐴊𐴡𐴊𐴡𐴌 𐴄𐴞𐴛𐴝𐴃𐴧𐴟 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴈𐴥𐴠𐴊𐴔𐴡𐴃 𐴒𐴡𐴌𐴠𐴀𐴠𐴌𐴊𐴧𐴠 𐴃𐴡𐴕𐴎𐴞𐴔 ( 𐴋𐴝𐴁𐴓𐴙𐴟 𐴀𐴠𐴉𐴢 𐴂𐴞 ) 𐴃𐴡𐴕𐴎𐴞𐴔𐴡𐴌𐴠 ( 𐴳 ) 𐴔𐴡𐴓𐴞𐴘𐴟𐴕 𐴊𐴞𐴀𐴞𐴁𐴡 , 𐴀𐴝𐴌 ( 𐴘𐴟 𐴀𐴠𐴕 𐴀𐴝𐴘 𐴏𐴞 𐴀𐴞 𐴀𐴠𐴉𐴢 ) 𐴃𐴡𐴕𐴎𐴞𐴔𐴡𐴌𐴠 ( 𐴵 . 𐴱 ) 𐴔𐴡𐴓𐴞𐴘𐴟𐴕 𐴊𐴞𐴀𐴞𐴁𐴡 , 𐴎𐴠 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓𐴠 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴝𐴌 𐴁𐴤𐴝𐴐𐴡𐴕 𐴏𐴡𐴌𐴡𐴃 𐴀𐴝𐴏𐴥𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴀𐴝𐴌 𐴁𐴝𐴚𐴓𐴝𐴊𐴠𐴐𐴤𐴞 𐴔𐴠𐴎𐴁𐴝𐴕 𐴁𐴤𐴝𐴘𐴧𐴝𐴙𐴕 𐴊𐴤𐴡𐴌𐴠,𐴈𐴥𐴝𐴕𐴝 , 𐴉𐴝𐴕𐴥𐴞 𐴉𐴡𐴣𐴀𐴡𐴏𐴝𐴀𐴡𐴕𐴡𐴃 𐴀𐴝𐴌 𐴏𐴥𐴝𐴉𐴢 𐴏𐴥𐴡𐴉𐴝𐴘 , 𐴉𐴟𐴖𐴝𐴙𐴕𐴊𐴤𐴡𐴌 𐴇𐴥𐴠𐴉𐴝𐴎𐴡𐴃 𐴒𐴡𐴌𐴡𐴀𐴡𐴕𐴡𐴃 𐴈𐴥𐴡𐴏𐴧𐴝 𐴒𐴡𐴌𐴥𐴞𐴁𐴡 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱𐴱

Sources : Dhakatribune