𐴊𐴡𐴙𐴅𐴧𐴙𐴝𐴃 𐴋𐴟𐴉𐴥𐴞 𐴎𐴝𐴀𐴝𐴌 𐴒𐴤𐴡𐴘𐴊𐴠 𐴀𐴥𐴠𐴃𐴧𐴟 𐴁𐴡𐴌𐴔𐴥𐴝𐴌 𐴔𐴠𐴓𐴠𐴄𐴠𐴌𐴞 𐴘𐴠 𐴁𐴝𐴏𐴝𐴘 𐴓𐴡𐴘𐴧𐴠𐴊𐴠 𐴴 𐴵 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴎𐴠𐴃𐴧𐴤𐴟 𐴀𐴝𐴙𐴐𐴧𐴤𐴙𐴠 𐴀𐴥𐴠𐴍𐴠 𐴉𐴡𐴣𐴀𐴡𐴏𐴝𐴘 𐴊𐴞𐴀𐴞𐴁𐴡 𐴱𐴱

𐴊𐴠𐴐𐴢 𐴐𐴤𐴝𐴐𐴡𐴕 𐴑𐴡𐴗𐴕𐴏𐴞𐴓𐴠 𐴋𐴞𐴏𐴡𐴔𐴁𐴡𐴌 𐴔𐴝𐴐𐴡𐴌 𐴹 𐴃𐴝𐴌𐴥𐴞𐴑𐴡𐴃 𐴕𐴠𐴀𐴠𐴓𐴝𐴘𐴧𐴠𐴊𐴠 𐴀𐴠𐴏𐴄𐴠𐴙𐴄𐴔𐴠𐴕𐴡𐴃 𐴓𐴠𐴙𐴑𐴧𐴤𐴙𐴠𐴊𐴠 , 𐴁𐴡𐴌𐴔𐴥𐴝𐴌 𐴊𐴡𐴀𐴡𐴙𐴕 𐴉𐴡𐴏𐴥𐴞𐴔 𐴊𐴡𐴙𐴅𐴧𐴙𐴝𐴃𐴧𐴟 𐴁𐴝𐴏𐴝𐴘 𐴓𐴡𐴘𐴧𐴠𐴊𐴠 𐴴 𐴵 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴠 , 𐴀𐴠𐴔𐴞𐴒𐴞𐴌𐴞𐴐𐴠𐴕𐴡𐴌 𐴊𐴟𐴖𐴝𐴌𐴝 𐴃𐴡𐴊𐴡𐴕𐴃𐴡 𐴃𐴝𐴊𐴝𐴌𐴟𐴑 𐴒𐴡𐴌𐴥𐴝𐴘 𐴁𐴦𐴝𐴊𐴠, 𐴎𐴠 𐴊𐴠𐴐𐴡𐴃𐴧𐴟 𐴀𐴝𐴙𐴐𐴧𐴤𐴙𐴠 𐴀𐴥𐴠 𐴊𐴠𐴐𐴡𐴃 𐴖𐴝𐴉𐴠𐴏𐴢 𐴉𐴡𐴣𐴀𐴡𐴏𐴝𐴘 𐴊𐴞𐴀𐴞𐴁𐴡 𐴱𐴱

𐴔𐴞𐴀𐴥𐴞𐴑 𐴐𐴤𐴡𐴀𐴡𐴌𐴡𐴃𐴧𐴟 𐴰 𐴵 𐴱 𐴔𐴝𐴙𐴓 𐴊𐴟𐴌𐴥𐴠 , 𐴁𐴡𐴌𐴔𐴥𐴝 𐴀𐴝𐴌 𐴄𐴤𐴝𐴘𐴓𐴠𐴕𐴡𐴌 𐴔𐴝𐴎𐴤𐴡𐴌 𐴊𐴡𐴙𐴅𐴧𐴙𐴝𐴃 , 𐴋𐴟𐴉𐴥𐴞 𐴎𐴡𐴀𐴡𐴕 𐴎𐴡𐴀𐴡𐴕 𐴀𐴥𐴡𐴘𐴧𐴠𐴊𐴠 𐴴 𐴵 𐴱 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴌𐴠 , 𐴁𐴡𐴌𐴔𐴥𐴝𐴌 𐴎𐴝𐴣𐴀𐴝𐴏𐴢 𐴀𐴝𐴌 𐴕𐴠𐴁𐴤𐴞𐴌 𐴉𐴥𐴡𐴗𐴏𐴠 , 𐴀𐴞𐴕𐴏𐴝𐴕𐴞𐴘𐴡𐴃𐴞 𐴔𐴟𐴓𐴡𐴌 𐴖𐴡𐴌𐴠 𐴋𐴞𐴏𐴡𐴔𐴁𐴡𐴌 𐴔𐴝𐴐𐴡𐴌 𐴷 𐴃𐴝𐴌𐴥𐴞𐴑𐴡𐴃 𐴁𐴝𐴏𐴝𐴘 𐴓𐴡𐴀𐴡𐴙𐴓 𐴱𐴱

𐴀𐴠𐴏𐴄𐴠𐴙𐴄𐴔𐴠𐴕 𐴘𐴝𐴀𐴝𐴕𐴡𐴃 𐴓𐴠𐴙𐴑𐴧𐴤𐴙𐴠𐴊𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕 𐴀𐴞𐴕𐴋𐴟𐴕𐴥𐴞𐴆𐴤𐴙𐴝 𐴎𐴝𐴘𐴁𐴡𐴓𐴧𐴝 , 𐴁𐴝𐴚𐴓𐴝𐴊𐴠𐴐𐴢 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴧𐴟 𐴁𐴟𐴄 𐴓𐴡𐴘 𐴀𐴝𐴙𐴐𐴧𐴤𐴙𐴠𐴊𐴠 , 𐴀𐴝𐴊𐴤𐴝 𐴉𐴡𐴣𐴃𐴤𐴡𐴃 𐴊𐴡𐴙𐴅𐴧𐴙𐴝𐴃 𐴎𐴝𐴣𐴀𐴝𐴏𐴢 𐴁𐴤𐴝𐴚𐴞 𐴎𐴝𐴘 𐴋𐴟𐴉𐴡𐴀𐴡𐴕 𐴋𐴟𐴉𐴡𐴀𐴡𐴕 𐴀𐴥𐴡𐴘𐴧𐴠𐴊𐴠 𐴀𐴡𐴑𐴃𐴤𐴡𐴃 𐴁𐴡𐴌𐴔𐴥𐴝𐴌 𐴕𐴠𐴁𐴤𐴞𐴌 𐴉𐴥𐴡𐴗𐴏𐴠 𐴀𐴥𐴞𐴃𐴝𐴌𐴝𐴌𐴠 𐴁𐴝𐴏𐴝𐴘 𐴓𐴡𐴘𐴧𐴠 , 𐴔𐴝𐴕𐴥𐴟𐴙𐴐𐴢 𐴀𐴥𐴟𐴀𐴟𐴕𐴡𐴌 𐴁𐴤𐴟𐴃𐴡𐴌𐴠 𐴳 𐴸 𐴎𐴡𐴕 𐴁𐴠𐴍𐴝𐴀𐴝𐴙𐴕 𐴰 𐴴 𐴎𐴡𐴕 𐴁𐴠𐴍𐴞𐴀𐴝𐴙𐴕 𐴀𐴝𐴌 𐴱 𐴳 𐴎𐴡𐴕 𐴉𐴟𐴖𐴝𐴙𐴕 , 𐴀𐴥𐴞𐴃𐴝𐴌𐴝𐴌𐴠 𐴇𐴥𐴡𐴑𐴟𐴔𐴡𐴃𐴠 𐴈𐴥𐴝𐴕𐴝 𐴉𐴝𐴕𐴥𐴞 𐴊𐴝𐴁𐴝𐴘 𐴀𐴡𐴐𐴤𐴟𐴃 𐴊𐴞𐴘𐴠 𐴱𐴱

𐴐𐴤𐴟𐴌𐴟𐴌 𐴀𐴞𐴕𐴑𐴗𐴝𐴌𐴞𐴃 𐴎𐴝𐴕𐴝𐴀𐴝 𐴒𐴞𐴘𐴠𐴊𐴠 !𐴀𐴥𐴞𐴃𐴝𐴌𐴝 𐴁𐴝𐴚𐴓𐴝𐴊𐴠𐴐𐴢 𐴑𐴝𐴑𐴏𐴡 𐴁𐴝𐴎𐴝𐴌 𐴋𐴞𐴐𐴄𐴤𐴞𐴑𐴡𐴃 𐴀𐴝𐴏𐴥𐴠𐴊𐴠 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃𐴧𐴟 𐴀𐴝𐴙𐴐𐴧𐴤𐴙𐴠𐴊𐴠 , 𐴀𐴝𐴌 𐴌𐴟𐴇𐴝𐴙𐴚𐴒𐴙𐴝 𐴈𐴡𐴃𐴤𐴝 𐴁𐴦𐴝𐴊𐴠𐴀𐴡𐴙𐴕𐴧𐴡 𐴈𐴡𐴕𐴥𐴡 𐴈𐴡𐴃𐴤𐴝 𐴕𐴡 𐴎𐴝𐴕𐴠𐴀𐴠 , 𐴀𐴡𐴕𐴞𐴌𐴝𐴉𐴡𐴃𐴧𐴝 𐴀𐴝𐴌 𐴈𐴥𐴝𐴕𐴝 𐴉𐴝𐴕𐴥𐴞𐴌 𐴊𐴟𐴑𐴧𐴤𐴠 𐴔𐴡𐴅𐴁𐴟𐴌 𐴀𐴥𐴡𐴘 𐴀𐴞𐴕𐴋𐴟𐴕𐴥𐴞𐴆𐴤𐴙𐴝 𐴎𐴝𐴘𐴁𐴡𐴓𐴧𐴝 𐴑𐴠𐴀𐴠𐴔𐴡𐴃𐴧𐴟 𐴁𐴝𐴀𐴝𐴙𐴌 𐴀𐴥𐴡𐴘𐴧𐴠𐴊𐴠 𐴱𐴱

𐴀𐴠𐴏𐴄𐴠𐴙𐴄𐴔𐴠𐴕𐴡𐴃 𐴀𐴝𐴌𐴀𐴥𐴡 𐴓𐴠𐴙𐴑𐴧𐴤𐴙𐴠𐴊𐴠 , 𐴀𐴠𐴈𐴥𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕𐴡𐴌𐴠 𐴔𐴞𐴀𐴥𐴞𐴑 𐴐𐴤𐴡𐴀𐴡𐴌𐴡𐴌 𐴀𐴠𐴔𐴞𐴒𐴞𐴌𐴞𐴐𐴤𐴠𐴕 𐴐𐴤𐴡𐴣𐴀𐴡 𐴋𐴞𐴂𐴝𐴌𐴔𐴥𐴠𐴕 𐴁𐴠𐴒𐴧𐴤𐴟𐴕𐴡𐴃𐴧𐴟 𐴏𐴠𐴑 𐴀𐴝𐴌 𐴀𐴞𐴕𐴑𐴗𐴝𐴌𐴞 𐴒𐴡𐴙𐴅𐴧𐴤𐴙𐴝 𐴀𐴥𐴡𐴘𐴧𐴠 , 𐴀𐴥𐴞𐴃𐴝𐴌𐴝𐴌𐴠 𐴀𐴝𐴒𐴠 𐴀𐴝𐴙𐴑𐴧𐴙𐴁 𐴉𐴡𐴣𐴀𐴡𐴏𐴝𐴘 𐴊𐴞𐴀𐴞 𐴁𐴦𐴝𐴊𐴠 , 𐴘𐴝𐴀𐴝𐴕𐴃𐴟 𐴑𐴝𐴕𐴟𐴕𐴞 𐴑𐴝𐴌𐴖𐴝𐴘 𐴔𐴡𐴎𐴞𐴕 𐴀𐴝𐴔𐴥𐴡𐴓 𐴒𐴡𐴌𐴥𐴝 𐴎𐴝𐴘𐴁𐴡 𐴱𐴱

Sources : npnewsmm.com