𐴀𐴟𐴑𐴤𐴞𐴘𐴝 𐴑𐴠𐴀𐴠𐴔𐴡𐴃 𐴒𐴟𐴓𐴞𐴌 𐴎𐴡𐴌𐴞𐴘𐴝 𐴊𐴟𐴘 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴔𐴡𐴙𐴅𐴧𐴤𐴙𐴠 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴀𐴟𐴑𐴤𐴞𐴘𐴝 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 , 𐴌𐴟𐴇𐴝𐴙𐴚𐴒𐴙𐴝 𐴀𐴝𐴃𐴡𐴚𐴁𐴝𐴊𐴞 𐴊𐴟𐴘 𐴋𐴝𐴀𐴝𐴙𐴌 𐴔𐴝𐴎𐴤𐴠 𐴒𐴟𐴓𐴞 𐴔𐴝𐴌𐴝 𐴔𐴝𐴌𐴞𐴃 𐴊𐴟𐴘 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴔𐴡𐴌𐴞 𐴒𐴞𐴘𐴡𐴘 , 𐴒𐴤𐴡𐴄𐴡𐴕𐴝 𐴘𐴝𐴀𐴝𐴕 , 𐴋𐴞𐴏𐴡𐴔𐴁𐴡𐴌 𐴔𐴝𐴐𐴡𐴌 𐴹 𐴃𐴝𐴌𐴥𐴞𐴑 𐴲 𐴲 𐴰 𐴲 𐴐𐴤𐴟𐴑𐴧𐴟𐴌 𐴁𐴝𐴌𐴠 𐴌𐴝𐴙𐴃𐴡𐴌 𐴰 𐴳 : 𐴹 𐴁𐴝𐴎𐴠 , 𐴀𐴟𐴑𐴤𐴞𐴘𐴝 𐴸 – 𐴉𐴟𐴑 𐴁𐴝𐴓𐴟𐴈𐴥𐴝𐴓𐴞 𐴁𐴞 𐴰 𐴴 𐴓𐴡𐴔𐴁𐴤𐴡𐴌 𐴁𐴡𐴓𐴡𐴑 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴒𐴤𐴡𐴙𐴄𐴧𐴙𐴠𐴊𐴠 𐴱𐴱

𐴉𐴟𐴓𐴞𐴐𐴡𐴌 𐴌𐴠𐴂𐴟𐴄 𐴔𐴡𐴎𐴞𐴕 , 𐴒𐴟𐴓𐴞 𐴈𐴥𐴝𐴘 𐴔𐴡𐴙𐴅𐴧𐴤𐴙𐴠𐴊𐴠 𐴁𐴤𐴟𐴃𐴡𐴌𐴃𐴧𐴟 𐴀𐴠𐴑 𐴎𐴡𐴕 𐴀𐴥𐴡𐴙𐴓𐴊𐴠 / 𐴏𐴡𐴓𐴞𐴔𐴟𐴓𐴧𐴝𐴇𐴢 𐴁𐴡𐴐𐴢 𐴳 𐴳 𐴁𐴡𐴏𐴥𐴡𐴌 𐴁𐴝𐴉𐴢 𐴔𐴟𐴇𐴝𐴔𐴧𐴡𐴊 𐴕𐴟𐴌 ( 𐴋𐴝𐴑 𐴕𐴝𐴔 ) 𐴘𐴟𐴕𐴟𐴏𐴢 , 𐴸 – 𐴉𐴟𐴑 𐴁𐴝𐴓𐴟𐴈𐴥𐴝𐴓𐴞 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔 , 𐴁𐴞 𐴴 𐴲 𐴓𐴡𐴔𐴁𐴤𐴡𐴌 𐴁𐴡𐴓𐴡𐴑𐴡𐴌 𐴁𐴤𐴝𐴐𐴞𐴕𐴊𐴝 , 𐴔𐴡𐴌𐴝 𐴀𐴝𐴌𐴀𐴠𐴑 𐴎𐴡𐴕𐴡𐴌𐴠 𐴉𐴟𐴓𐴞𐴐𐴠 𐴏𐴞𐴕𐴧𐴡 𐴒𐴡𐴌𐴥𐴞 𐴕𐴡 𐴉𐴝𐴙𐴓𐴧𐴥𐴙𐴠 𐴘𐴥𐴡 , 𐴔𐴝𐴕𐴥𐴟𐴙𐴐𐴢 𐴀𐴥𐴞𐴁𐴝 𐴁𐴝𐴓𐴟𐴈𐴥𐴝𐴓𐴞 𐴑𐴠𐴀𐴠𐴔 𐴸 – 𐴉𐴟𐴑𐴡𐴌 𐴁𐴤𐴝𐴐𐴞𐴕𐴊𐴝 / 𐴔𐴟𐴇𐴝𐴔𐴧𐴡𐴃 𐴎𐴟𐴁𐴝𐴙𐴌 𐴁𐴡𐴐𐴢 𐴸 𐴲 𐴁𐴡𐴏𐴥𐴡𐴌 , 𐴁𐴡𐴓𐴞 𐴀𐴡𐴙𐴕𐴧𐴡 𐴃𐴟𐴌𐴥𐴟 𐴘𐴠 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 𐴒𐴤𐴡𐴄𐴡𐴕𐴝 𐴀𐴥𐴡𐴘𐴧𐴠𐴊𐴠 𐴎𐴝𐴒𐴝𐴃 𐴊𐴠𐴐𐴤𐴞 𐴁𐴝𐴕𐴝 ( 𐴀𐴠𐴓 𐴅𐴞 ) 𐴀𐴥𐴝𐴣𐴃𐴞𐴘𐴝𐴌 , 𐴏𐴝𐴙𐴌 𐴌𐴝𐴀𐴡𐴕𐴋 𐴀𐴡𐴓𐴝 𐴈𐴝𐴃𐴧𐴟𐴙𐴆 , 𐴀𐴠𐴑𐴧𐴤𐴝𐴕 𐴃𐴡𐴓𐴖𐴝𐴌 , 𐴱 𐴱 𐴌𐴝𐴀𐴡𐴕𐴋 𐴒𐴟𐴓𐴞 𐴐𐴤𐴡𐴣𐴀𐴡 𐴀𐴟𐴒𐴧𐴤𐴗𐴝 𐴔𐴠𐴒𐴎𐴞𐴕 𐴀𐴝𐴌 𐴏𐴝𐴙𐴌𐴒𐴤𐴗𐴝 𐴐𐴦𐴡𐴄 𐴒𐴦𐴝𐴕𐴠𐴌 𐴈𐴝𐴃𐴧𐴟𐴙𐴐𐴢 𐴉𐴝𐴘𐴧𐴠 𐴱𐴱

𐴀𐴟𐴑𐴤𐴞𐴘𐴝 𐴃𐴤𐴝𐴕𐴝𐴌 𐴀𐴡𐴉𐴥𐴞𐴏𐴝𐴌 𐴀𐴞𐴕𐴆𐴤𐴝𐴅/ 𐴐𐴠𐴙𐴑 𐴔𐴟𐴇𐴝𐴔𐴧𐴡𐴊 𐴀𐴝𐴓𐴞 𐴘𐴠 , 𐴒𐴤𐴡𐴄𐴡𐴕𐴝 𐴘𐴝𐴀𐴝𐴕 𐴈𐴥𐴝𐴄𐴞 𐴏𐴥𐴡𐴀𐴞 𐴁𐴡𐴓𐴞 𐴈𐴡𐴘𐴧𐴠, 𐴀𐴥𐴞𐴁𐴝 𐴘𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠𐴊𐴠, 𐴰 𐴴 𐴃𐴟 𐴰 𐴵 𐴎𐴡𐴕 𐴓𐴡𐴃𐴞 𐴈𐴥𐴡𐴌𐴝𐴁𐴢 𐴔𐴝𐴕𐴥𐴟𐴙𐴐𐴢 𐴈𐴡𐴊𐴦𐴟𐴕𐴠 , 𐴸 – 𐴉𐴟𐴑 𐴑𐴠𐴀𐴠𐴔𐴡𐴌 𐴇𐴥𐴠𐴋 𐴔𐴝𐴎𐴤𐴞 / 𐴔𐴟𐴇𐴝𐴔𐴧𐴡𐴊 𐴌𐴡𐴉𐴞𐴑𐴡𐴌 𐴖𐴡𐴌𐴠 𐴌𐴝𐴃𐴞𐴘𐴝 𐴇𐴥𐴝𐴔𐴓𐴝 𐴒𐴡𐴙𐴅𐴧𐴤𐴙𐴠 , 𐴒𐴤𐴡𐴄𐴡𐴕𐴝𐴌 𐴈𐴥𐴡𐴁𐴡𐴌 𐴉𐴝𐴘 𐴎𐴝𐴒𐴝 𐴔𐴡𐴃𐴠 𐴉𐴟𐴓𐴞𐴐𐴢 𐴉𐴡𐴣𐴀𐴡𐴙𐴏𐴧𐴙𐴠𐴊𐴠 𐴊𐴠𐴑𐴤𐴞 𐴌𐴟𐴇𐴝𐴙𐴚𐴒𐴙𐴝 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓𐴠 𐴉𐴟𐴓𐴞𐴐𐴢 𐴉𐴟𐴓𐴞𐴐𐴢 𐴈𐴡𐴀𐴡𐴘 𐴋𐴝𐴑 𐴊𐴞𐴀𐴞 𐴉𐴟𐴓𐴞𐴐𐴡𐴌 𐴖𐴡𐴌𐴠 𐴒𐴟𐴓𐴞 𐴏𐴝𐴓𐴝𐴘𐴧𐴠 𐴱𐴱

𐴀𐴥𐴠𐴃𐴡𐴑𐴧𐴡𐴕𐴡𐴃 𐴉𐴟𐴓𐴞𐴐𐴢 𐴀𐴥𐴡𐴑𐴧𐴡𐴓𐴠 𐴘𐴥𐴡 𐴕𐴞𐴎𐴡𐴌𐴥𐴠 𐴁𐴝𐴏𐴝𐴘 𐴁𐴡𐴓𐴧𐴝 𐴳 𐴷 𐴌𐴝𐴀𐴡𐴕𐴋 𐴒𐴟𐴓𐴞 𐴏𐴝𐴓𐴝𐴘𐴧𐴠 , 𐴃𐴡𐴀𐴡𐴘 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓 𐴊𐴤𐴝𐴘 𐴒𐴞𐴘𐴡𐴘 , 𐴎𐴝𐴘𐴁𐴝𐴌 𐴐𐴤𐴡𐴣𐴀𐴡𐴃 𐴊𐴟𐴘 𐴎𐴡𐴕 𐴔𐴡𐴌𐴝 𐴓𐴝𐴐𐴢 𐴀𐴝𐴌 𐴑𐴠𐴙𐴏𐴧𐴥𐴟 𐴀𐴥𐴝𐴣𐴃𐴞𐴘𐴝𐴌 𐴉𐴥𐴠𐴓𐴝𐴘 𐴊𐴤𐴝𐴘𐴧𐴠 𐴱𐴱

Sources : Ukhiyanews.com