𐴋𐴝𐴓𐴝𐴓𐴡𐴌 𐴃𐴟𐴌𐴥𐴟 𐴔𐴡𐴓𐴠𐴆𐴤𐴙𐴝 𐴎𐴝𐴘𐴁𐴡𐴓𐴧𐴝 𐴀𐴝𐴌𐴑𐴝𐴕𐴡𐴃𐴧𐴟 𐴀𐴝𐴙𐴐𐴧𐴤𐴙𐴠𐴊𐴠 𐴰 𐴰 𐴱 𐴎𐴡𐴕𐴡𐴌 𐴖𐴡𐴌𐴠 𐴌𐴟𐴇𐴝𐴙𐴚𐴒𐴙 𐴌𐴠𐴕𐴒𐴟𐴕𐴡𐴃 𐴁𐴡𐴕 𐴀𐴥𐴡𐴘𐴧𐴠 𐴱𐴱

𐴀𐴝𐴌𐴑𐴝𐴕𐴡𐴃𐴧𐴟 𐴋𐴝𐴓𐴝𐴓𐴡𐴌 𐴃𐴟𐴌𐴥𐴟 𐴔𐴡𐴓𐴠𐴆𐴤𐴙𐴝𐴃 𐴈𐴝𐴔 𐴒𐴡𐴌𐴥𐴞𐴁𐴡𐴓𐴧𐴝 𐴎𐴝𐴀𐴝𐴌𐴊𐴧𐴠(𐴰 𐴰 𐴱) 𐴎𐴡𐴕𐴡𐴌 𐴖𐴡𐴌𐴠 𐴌𐴟𐴇𐴝𐴙𐴚𐴒𐴙𐴝 , 𐴈𐴡𐴕𐴥𐴡 𐴑𐴞𐴏𐴥𐴞𐴔𐴧𐴝 𐴏𐴥𐴡 𐴏𐴝𐴁𐴡𐴃 𐴏𐴥𐴝𐴌𐴝 𐴌𐴠𐴕𐴒𐴟𐴕𐴡𐴃 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴠 , 𐴖𐴡𐴌𐴠 𐴈𐴟𐴖𐴝 𐴒𐴞𐴘𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕 𐴌𐴠𐴕𐴒𐴟𐴕 𐴐𐴤𐴡𐴀𐴡𐴌𐴡𐴌 𐴁𐴤𐴟𐴃𐴡𐴌𐴠 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴘𐴝𐴀𐴝𐴕 𐴈𐴥𐴝𐴄𐴞 𐴒𐴡𐴌𐴥𐴞 𐴎𐴝𐴕𐴠𐴊𐴠 𐴔𐴝𐴙𐴕𐴐𐴠 𐴀𐴠𐴕 𐴂𐴞 𐴈𐴥𐴡𐴁𐴡𐴌 𐴀𐴡𐴓𐴝 𐴌𐴠 𐴈𐴡𐴘𐴧𐴠 𐴱𐴱

𐴘𐴝𐴀𐴝𐴌 𐴀𐴝𐴒𐴠 𐴕𐴡𐴖𐴡𐴔𐴁𐴡𐴌 𐴔𐴝𐴐𐴡𐴌 𐴸 𐴲 𐴃𐴝𐴌𐴥𐴞𐴑𐴡𐴃 𐴔𐴝𐴎𐴤𐴠 𐴘𐴥𐴡 𐴌𐴠𐴕𐴒𐴟𐴕 𐴋𐴞𐴐𐴄𐴤𐴞𐴑 , 𐴓𐴞𐴑𐴤𐴟 𐴐𐴤𐴡𐴀𐴡𐴌𐴡𐴌 𐴁𐴡𐴄 𐴒𐴝𐴏𐴢 𐴔𐴠𐴀𐴠𐴓 𐴈𐴝𐴌𐴈𐴝𐴕𐴥𐴝 𐴀𐴠𐴓𐴝𐴑𐴝𐴃𐴧𐴟 , 𐴰 𐴱 𐴏𐴝𐴑𐴧𐴝 𐴀𐴡𐴓𐴝 𐴒𐴝𐴌𐴥𐴞 𐴀𐴠𐴑𐴧𐴤𐴝𐴕 𐴓𐴡𐴘 𐴌𐴠𐴕𐴒𐴟𐴕 𐴒𐴤𐴡𐴓𐴞𐴁𐴝𐴌 𐴐𐴤𐴡𐴣𐴀𐴡𐴃 𐴏𐴠𐴑 𐴂𐴦𐴟𐴏𐴄𐴡𐴃 , 𐴴 𐴵 𐴎𐴡𐴕 𐴁𐴠𐴍𐴝𐴀𐴝𐴙𐴕 𐴀𐴝𐴌 𐴴 𐴱 𐴎𐴡𐴕 𐴁𐴠𐴍𐴞𐴀𐴝𐴙𐴕 , 𐴁𐴠𐴒𐴧𐴤𐴟𐴕𐴠 𐴔𐴞𐴓𐴝𐴘 𐴸 𐴶 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴊𐴤𐴡𐴌𐴝 𐴈𐴥𐴝𐴘𐴧𐴠 𐴱𐴱

𐴀𐴠𐴈𐴥𐴡𐴕 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕𐴡𐴌𐴠 𐴓𐴞𐴑𐴤𐴟 𐴉𐴟𐴓𐴞𐴐𐴢 𐴃𐴤𐴝𐴕𐴝𐴃 𐴓𐴡𐴘 𐴎𐴝𐴘 𐴁𐴦𐴝𐴊𐴠 , 𐴉𐴟𐴏𐴥𐴝𐴌 𐴀𐴝𐴏𐴝𐴌 𐴀𐴞𐴕𐴑𐴗𐴝𐴌𐴞 𐴒𐴡𐴌𐴠𐴀𐴠𐴌 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴟𐴀𐴟𐴕 𐴁𐴠𐴒𐴧𐴤𐴟𐴕𐴠 𐴔𐴡𐴓𐴠𐴆𐴤𐴙𐴝 𐴎𐴝𐴘𐴁𐴡𐴓𐴧𐴝 𐴎𐴡𐴕 𐴉𐴡𐴃𐴞 𐴋𐴝𐴓𐴝𐴓𐴡𐴌𐴥𐴠 𐴀𐴠𐴑 𐴐𐴤𐴡𐴃 𐴓𐴝𐴑 𐴀𐴥𐴞𐴏𐴝𐴏𐴝𐴉𐴠 𐴄𐴞𐴛𐴝 𐴊𐴞𐴘𐴡𐴌𐴠 , 𐴌𐴠𐴕𐴒𐴟𐴕 𐴉𐴡𐴙𐴅𐴧𐴡𐴕𐴃𐴡 𐴉𐴡𐴣𐴀𐴡𐴙𐴏𐴧𐴙𐴠 𐴊𐴠 𐴁𐴡𐴓𐴞 𐴔𐴟𐴓 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴠 𐴱𐴱

𐴀𐴠𐴕𐴋𐴞𐴓𐴧𐴝 𐴑𐴠𐴙𐴏𐴧𐴥𐴟 𐴊𐴞𐴕 𐴀𐴝𐴒𐴠 𐴘𐴥𐴡 𐴀𐴝𐴌𐴑𐴝𐴕𐴡𐴃𐴧𐴟 𐴕𐴠𐴀𐴠𐴓𐴞 , 𐴒𐴝𐴙𐴌 𐴑𐴝𐴕𐴟𐴕𐴞 𐴃𐴡𐴖𐴌𐴠 𐴌𐴠𐴕𐴒𐴟𐴕 𐴋𐴞𐴐𐴄𐴤𐴞𐴑 𐴐𐴗𐴠 𐴂𐴠𐴌𐴠𐴏𐴝 𐴐𐴤𐴡𐴀𐴡𐴌𐴡𐴃 𐴒𐴤𐴡𐴙𐴓𐴧𐴙𐴠 𐴊𐴠 , 𐴏𐴥𐴡 𐴏𐴝𐴁𐴟𐴃 𐴏𐴥𐴝𐴌𐴝 𐴌𐴟𐴇𐴝𐴙𐴚𐴒𐴙𐴝 𐴰 𐴳 𐴎𐴡𐴕𐴡𐴌 𐴖𐴡𐴌𐴠 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴁𐴡𐴓𐴞 𐴈𐴡𐴘𐴧𐴠 , 𐴀𐴥𐴞𐴃𐴝𐴌𐴝 𐴘𐴥𐴡 𐴋𐴝𐴓𐴝𐴓𐴡𐴌𐴠 𐴁𐴠𐴐𐴤𐴞 𐴒𐴡𐴌𐴥𐴞 𐴄𐴞𐴛𐴝 𐴊𐴞𐴀𐴞 𐴔𐴡𐴓𐴠𐴆𐴤𐴙𐴝𐴃 𐴈𐴝𐴔 𐴒𐴡𐴙𐴃𐴧𐴤𐴡 𐴎𐴝𐴘𐴁𐴡𐴓𐴧𐴝 , 𐴀𐴝𐴌𐴑𐴝𐴕𐴡𐴃𐴧𐴟 𐴕𐴠𐴀𐴠𐴓𐴞 𐴌𐴠𐴕𐴒𐴟𐴕 𐴉𐴡𐴙𐴅𐴧𐴡𐴕𐴃𐴡 𐴉𐴡𐴣𐴀𐴡𐴙𐴏𐴧𐴙𐴠 𐴊𐴠 𐴁𐴡𐴓𐴞 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

Sources : npnewsmm.com