𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞 𐴁𐴡𐴌𐴔𐴥𐴝𐴃 𐴋𐴞𐴔𐴟𐴑𐴠𐴌𐴠𐴏𐴞 𐴀𐴝𐴘𐴧𐴡𐴕𐴡𐴌 𐴖𐴡𐴌𐴠 𐴊𐴝𐴌𐴔𐴡𐴊𐴝𐴌 : 𐴅𐴝𐴂𐴝𐴕 𐴱𐴱

𐴁𐴡𐴌𐴔𐴥𐴝𐴃𐴧𐴟 𐴔𐴡𐴅𐴁𐴟𐴌 𐴒𐴡𐴌𐴥𐴞 𐴊𐴤𐴝𐴉𐴝𐴘𐴧𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴊𐴠𐴌𐴞 𐴉𐴝𐴀𐴝𐴕 𐴄𐴞𐴑𐴠𐴊𐴠 𐴀𐴥𐴠𐴕𐴋𐴞𐴓𐴧𐴝 𐴖𐴝𐴉𐴠𐴏𐴞 , 𐴁𐴡𐴌𐴔𐴥𐴝𐴃 𐴋𐴞𐴔𐴟𐴑𐴠𐴌𐴠𐴏𐴞 𐴀𐴝𐴀𐴝𐴘 𐴁𐴦𐴝𐴊𐴠 𐴀𐴥𐴡𐴘 𐴉𐴝𐴌𐴞𐴁𐴤𐴡𐴊𐴠 , 𐴅𐴝𐴂𐴝𐴕𐴡𐴌 𐴁𐴡𐴘𐴊𐴠𐴐𐴢𐴀𐴟𐴎𐴞𐴌/𐴄𐴝𐴑𐴞 𐴆𐴟𐴕𐴏𐴟𐴑𐴞 𐴘𐴠 𐴈𐴡𐴘𐴧𐴠 𐴱𐴱

𐴈𐴡𐴃𐴤𐴝 𐴘𐴝𐴀𐴝𐴕, 𐴁𐴟𐴙𐴃 𐴁𐴝𐴌𐴠 𐴀𐴥𐴝𐴣𐴎𐴡𐴙𐴕𐴧𐴝 , 𐴁𐴡𐴌 𐴀𐴟𐴎𐴞𐴌/ 𐴐𐴠𐴙𐴑 𐴇𐴝𐴏𐴞𐴕𐴝𐴌 𐴐𐴤𐴡𐴌𐴑𐴝𐴌𐴞 𐴒𐴡𐴕𐴡𐴁𐴤𐴡- 𐴁𐴡𐴕𐴡𐴃 , 𐴅𐴝𐴂𐴝𐴕𐴡𐴌 𐴁𐴡𐴘𐴊𐴠𐴐𐴢 𐴔𐴦𐴝𐴔𐴠𐴓𐴝𐴌 𐴀𐴟𐴎𐴞𐴌 / 𐴄𐴝𐴑𐴞 𐴆𐴟𐴕𐴏𐴟𐴑𐴞 𐴓𐴡𐴘 𐴒𐴡𐴙𐴅𐴧𐴤𐴙𐴠 𐴊𐴠 𐴁𐴤𐴝𐴘𐴧𐴝𐴓𐴞 𐴀𐴝𐴈𐴓𐴝𐴑𐴞 𐴔𐴞𐴄𐴤𐴞𐴚𐴡𐴃 , 𐴄𐴝𐴑𐴞 𐴆𐴟𐴕𐴏𐴟𐴑𐴞 𐴘𐴠 𐴈𐴡𐴘𐴧𐴠𐴊𐴠 , 𐴔𐴞𐴄𐴤𐴞𐴚𐴡𐴃 𐴁𐴡𐴌 𐴀𐴟𐴎𐴞𐴌 / 𐴐𐴠𐴙𐴑 𐴇𐴝𐴏𐴞𐴕𐴝 𐴘𐴠 𐴈𐴡𐴘𐴧𐴠𐴊𐴠 ! 𐴅𐴝𐴂𐴝𐴕𐴠 𐴏𐴝𐴘𐴓𐴥𐴠 𐴌𐴟𐴇𐴝𐴙𐴚𐴒𐴙𐴝𐴌 𐴖𐴝𐴉𐴠𐴏𐴞𐴌 𐴁𐴝𐴁𐴡𐴃𐴠 𐴁𐴡𐴌𐴔𐴥𐴝 𐴓𐴡𐴘 𐴈𐴡𐴃𐴤𐴝 𐴈𐴡𐴀𐴡𐴘 𐴉𐴝𐴌𐴥𐴞𐴁𐴤𐴡𐴱𐴱

𐴘𐴝𐴀𐴝𐴕𐴡𐴌 𐴅𐴟𐴖𐴝𐴁𐴡𐴃 𐴅𐴝𐴂𐴝- 𐴕𐴡𐴌 𐴀𐴟𐴎𐴞𐴌𐴠 𐴈𐴡𐴘𐴧𐴠𐴊𐴠 ! 𐴌𐴟𐴇𐴝𐴙𐴚𐴒𐴙𐴝𐴌 𐴔𐴦𐴝𐴔𐴠𐴓𐴝𐴃 𐴅𐴝𐴂𐴝𐴕𐴠 𐴁𐴝𐴚𐴓𐴝𐴊𐴠𐴐𐴡𐴌 𐴇𐴥𐴠𐴔𐴝𐴘𐴡𐴃 𐴒𐴡𐴌𐴥𐴞𐴁𐴤𐴡 , 𐴔𐴡𐴕𐴃𐴡𐴌 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴊𐴠𐴌𐴞 𐴉𐴝𐴀𐴝𐴕 𐴄𐴞𐴑𐴠𐴊𐴠 𐴖𐴝𐴉𐴠𐴏𐴞𐴌 𐴓𐴧𐴥𐴝 , 𐴁𐴡𐴌𐴔𐴥𐴝𐴃 𐴋𐴞𐴔𐴟𐴑𐴠𐴌𐴠𐴏𐴞 𐴁𐴡𐴇𐴦𐴝𐴓 𐴀𐴥𐴡𐴀𐴡 𐴉𐴡𐴙𐴅𐴧𐴡𐴕𐴃𐴡 𐴀𐴠𐴕𐴃𐴠𐴎𐴝𐴌 𐴒𐴡𐴌𐴥𐴝 𐴉𐴡𐴌𐴞𐴁𐴤𐴡 , 𐴔𐴞𐴄𐴤𐴞𐴚𐴡𐴌 𐴁𐴦𐴝𐴊𐴠 𐴁𐴡𐴌 𐴀𐴟𐴎𐴞𐴌𐴡𐴌 𐴏𐴥𐴠𐴒𐴠𐴄𐴠𐴌𐴞 / 𐴀𐴠𐴇𐴏𐴝𐴕𐴟𐴓 𐴑𐴡𐴌𐴞𐴔𐴠 𐴔𐴟𐴑𐴃𐴡𐴏𐴡𐴌 𐴁𐴡𐴘𐴝𐴕𐴡𐴃 𐴈𐴡𐴃𐴤𐴝 𐴀𐴞𐴀𐴞𐴕 𐴈𐴡𐴘𐴧𐴠𐴊𐴠 𐴱𐴱

𐴐𐴠𐴙𐴑 𐴇𐴝𐴏𐴞𐴕𐴝 𐴘𐴠 𐴈𐴡𐴘𐴧𐴠𐴊𐴠 ! 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓 𐴁𐴝𐴚𐴓𐴝𐴊𐴠𐴐𐴡𐴌𐴓𐴧𐴝 𐴋𐴡𐴣𐴀𐴡𐴌 𐴉𐴟𐴣𐴎𐴤𐴝 𐴀𐴥𐴡𐴘𐴧𐴠 , 𐴀𐴥𐴞𐴃𐴝𐴌𐴝 𐴀𐴠 𐴑𐴟𐴓𐴠 𐴏𐴥𐴝𐴀𐴝𐴌𐴝 𐴓𐴡𐴘𐴧𐴠𐴊𐴠 𐴉𐴝𐴣𐴏𐴢 𐴁𐴡𐴏𐴥𐴡𐴌 𐴉𐴟𐴌𐴝𐴘 𐴒𐴞𐴘𐴡𐴘 𐴀𐴝𐴌 𐴑𐴠𐴀𐴠𐴔𐴡𐴃 𐴊𐴞𐴕 𐴊𐴞𐴕 𐴉𐴟𐴖𐴝𐴙𐴕𐴊𐴤𐴡𐴌 𐴎𐴡𐴌𐴔𐴡 𐴀𐴥𐴡𐴀𐴡𐴕𐴠 𐴀𐴥𐴞𐴃𐴝𐴌𐴝𐴌 𐴐𐴤𐴡𐴙𐴚𐴒𐴙𐴝 𐴁𐴝𐴌𐴥𐴞 𐴎𐴝𐴀𐴝𐴌 𐴒𐴤𐴡𐴘 𐴱𐴱

𐴀𐴝𐴌𐴀𐴥𐴡 𐴁𐴠𐴐𐴤𐴞 𐴋𐴡𐴣𐴀𐴡𐴌 𐴈𐴡𐴃𐴤𐴝 𐴀𐴥𐴡𐴙𐴓𐴊𐴠 ! 𐴁𐴠𐴐𐴤𐴝 𐴁𐴠𐴐𐴤𐴞 𐴌𐴟𐴇𐴝𐴙𐴚𐴒𐴙𐴝 𐴀𐴥𐴝𐴣𐴃𐴞𐴘𐴝𐴌 𐴀𐴝𐴌 𐴕𐴞𐴐𐴤𐴝 𐴀𐴠𐴏𐴔𐴥𐴝𐴒𐴞𐴓𐴞𐴚 𐴈𐴝𐴌𐴁𐴝𐴌𐴞 , 𐴀𐴝𐴌 𐴀𐴥𐴞𐴃𐴝𐴌𐴝𐴌 𐴁𐴤𐴟𐴃𐴡𐴌𐴠 𐴒𐴟𐴌𐴥𐴟𐴂𐴢 𐴁𐴡𐴕𐴊𐴞 𐴒𐴡𐴌𐴥𐴞 , 𐴀𐴠𐴑 𐴋𐴝𐴀𐴝𐴘 𐴌𐴠 𐴀𐴝𐴌𐴀𐴠𐴑 𐴋𐴝𐴀𐴝𐴘𐴧𐴠 𐴈𐴝𐴍𐴠𐴌 𐴔𐴝𐴌𐴠𐴌 𐴁𐴡𐴓𐴞 𐴘𐴥𐴡 𐴁𐴡𐴌 𐴀𐴟𐴎𐴞𐴌 / 𐴐𐴠𐴙𐴑 𐴇𐴝𐴏𐴞𐴕𐴝 𐴘𐴠 𐴈𐴡𐴘𐴧𐴠 , 𐴁𐴡𐴌𐴔𐴥𐴝𐴌 𐴊𐴠𐴐𐴡𐴙𐴃𐴧𐴝 𐴌𐴠 𐴁𐴡𐴌𐴔𐴥𐴝𐴃𐴧𐴟 𐴈𐴥𐴝𐴔𐴝𐴈𐴥𐴝 𐴖𐴝𐴉𐴠𐴏𐴢 𐴓𐴡𐴘 𐴎𐴝𐴀𐴝 𐴉𐴡𐴌𐴞𐴁𐴤𐴡 𐴁𐴡𐴓𐴞 𐴘𐴥𐴡 𐴈𐴡𐴘𐴧𐴠 𐴱𐴱

Sources : Dhakatribune