𐴃𐴡𐴚𐴒𐴤𐴟𐴃 ( 𐴷 ) 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴔𐴠𐴓𐴠𐴄𐴠𐴌𐴞 𐴘𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴱𐴱

𐴀𐴝𐴌𐴑𐴝𐴕𐴡𐴃 𐴃𐴡𐴚𐴒𐴤𐴟 𐴐𐴤𐴡𐴀𐴡𐴌 𐴀𐴠𐴓𐴝𐴑𐴝𐴌 𐴏𐴝𐴚𐴆𐴞 𐴒𐴤𐴝𐴙𐴚 𐴒𐴤𐴗𐴝𐴚𐴡𐴌 𐴃𐴝𐴌𐴥𐴠 𐴉𐴝𐴌𐴝𐴃 𐴒𐴤𐴡𐴓𐴠𐴊𐴠 𐴔𐴟𐴑𐴤𐴡𐴃 , 𐴕𐴡𐴖𐴡𐴔𐴁𐴡𐴌 𐴔𐴝𐴐𐴡𐴌 𐴰 𐴲 𐴃𐴝𐴌𐴥𐴞𐴑𐴡𐴃 𐴁𐴞𐴀𐴞𐴕𐴧𐴝 𐴓𐴡𐴒𐴢 𐴁𐴤𐴡𐴒𐴢 ( 𐴰 𐴰 : 𐴱 𐴱 ) 𐴁𐴝𐴎𐴠 , 𐴀𐴝𐴌𐴑𐴝𐴕𐴡𐴃 𐴀𐴝𐴙𐴑𐴧𐴙𐴝𐴁 𐴐𐴤𐴤𐴡𐴀𐴡𐴌𐴡𐴌 𐴁𐴤𐴟𐴃𐴡𐴌𐴠 𐴃𐴤𐴝𐴑𐴠𐴊𐴠 𐴱𐴱

𐴌𐴟𐴇𐴝𐴙𐴚𐴒𐴙𐴝 ( 𐴷 ) 𐴇𐴥𐴝𐴣𐴃 𐴎𐴡𐴕𐴡 𐴌𐴠 , 𐴃𐴡𐴚𐴒𐴤𐴟 𐴐𐴤𐴡𐴀𐴡𐴌𐴡𐴌 𐴉𐴟𐴓𐴞𐴐𐴢 𐴀𐴝𐴌 𐴀𐴠𐴔𐴞𐴒𐴞𐴌𐴞𐴐𐴤𐴠𐴕 𐴔𐴞𐴓𐴞 𐴁𐴡𐴕 𐴒𐴡𐴙𐴅𐴧𐴤𐴙𐴠𐴊𐴠 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴠, 𐴀𐴠𐴔𐴞𐴒𐴞𐴌𐴞𐴐𐴤𐴠𐴕 𐴀𐴝𐴌 𐴉𐴟𐴓𐴞𐴐𐴠 𐴔𐴞𐴓𐴞 𐴁𐴡𐴕 𐴒𐴡𐴙𐴅𐴧𐴤𐴙𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴟𐴀𐴟𐴕 , 𐴀𐴝𐴙𐴑𐴧𐴙𐴝𐴁𐴡𐴌 𐴀𐴥𐴟𐴕 𐴋𐴦𐴡 𐴒𐴞𐴌𐴥𐴞 𐴀𐴝𐴘 𐴋𐴞 𐴂𐴞 𐴑𐴠𐴀𐴠𐴔 , 𐴔𐴦𐴡 𐴏𐴞 𐴛𐴝 𐴀𐴝𐴘 𐴋𐴞𐴂𐴞 𐴑𐴠𐴀𐴠𐴔, 𐴋𐴠 𐴁𐴝𐴙𐴚 𐴀𐴝𐴘 𐴋𐴞 𐴂𐴞 𐴑𐴠𐴀𐴠𐴔 𐴀𐴝𐴌 𐴏𐴝𐴑𐴧𐴞 𐴉𐴝𐴌𐴝𐴌 𐴁𐴤𐴝𐴐𐴞𐴕𐴊𐴝 𐴊𐴠 𐴘𐴝𐴀𐴝𐴕 𐴃𐴡𐴊𐴝𐴌𐴟𐴑 𐴒𐴡𐴌𐴥𐴞 𐴁𐴦𐴝𐴊𐴠 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

𐴕𐴝𐴔 𐴀𐴥𐴞𐴏𐴝𐴉𐴠 ( 𐴱 ) 𐴔𐴟𐴇𐴝𐴔𐴧𐴡𐴊 𐴇𐴟𐴏𐴡𐴕 𐴁𐴝𐴉𐴢 𐴕𐴡𐴁𐴞 𐴇𐴟𐴏𐴡𐴕 𐴁𐴡𐴐𐴢 ( 𐴳 𐴱) 𐴁𐴡𐴏𐴥𐴡𐴌 ( 𐴲 ) 𐴀𐴝𐴁𐴊𐴟𐴓 𐴔𐴝𐴓𐴠𐴑 𐴁𐴝𐴉𐴢 𐴀𐴝𐴁𐴊𐴟 𐴔𐴟𐴕𐴝𐴉𐴢 𐴁𐴡𐴐𐴢 ( 𐴵 𐴱 ) 𐴁𐴡𐴏𐴥𐴡𐴌 ( 𐴳 ) 𐴔𐴟𐴇𐴝𐴔𐴧𐴡𐴊 𐴅𐴝𐴉𐴥𐴡𐴌 𐴁𐴝𐴉𐴢 𐴔𐴟𐴇𐴝𐴧𐴡𐴃 𐴌𐴡𐴉𐴥𐴞𐴑 𐴁𐴡𐴐𐴢 ( 𐴴 𐴱 ) 𐴁𐴡𐴏𐴥𐴡𐴌 ( 𐴴 ) 𐴏𐴝𐴊𐴠𐴑 𐴇𐴟𐴏𐴡𐴕 𐴁𐴝𐴉𐴢 𐴀𐴝𐴁𐴟𐴓 𐴇𐴟𐴏𐴡𐴕 𐴁𐴡𐴐𐴢 𐴶 𐴱 𐴁𐴡𐴏𐴥𐴡𐴌 ( 𐴵 ) 𐴔𐴟𐴇𐴝𐴔𐴧𐴡𐴊 𐴀𐴞𐴓𐴞𐴘𐴝𐴏𐴢 𐴁𐴝𐴉𐴢 𐴀𐴝𐴁𐴊𐴟𐴌 𐴌𐴡𐴎𐴧𐴝𐴑 𐴁𐴡𐴐𐴢 ( 𐴴 𐴱 ) 𐴁𐴡𐴏𐴥𐴡𐴌 ( 𐴶 ) 𐴕𐴟𐴌𐴟𐴓 𐴀𐴝𐴔𐴞𐴕 𐴁𐴝𐴉𐴢 𐴌𐴡𐴉𐴥𐴞𐴑 𐴀𐴝𐴔𐴞𐴕 𐴁𐴡𐴐𐴢 (𐴶 𐴱 ) 𐴁𐴡𐴏𐴥𐴡𐴌 (𐴷 ) 𐴔𐴟𐴇𐴝𐴔𐴧𐴡𐴊 𐴀𐴞𐴏𐴔𐴝𐴀𐴞𐴓 𐴁𐴝𐴉𐴢 𐴏𐴡𐴘𐴡𐴊 𐴀𐴝𐴇𐴔𐴡𐴊 𐴁𐴡𐴐𐴢 ( 𐴵 𐴱 ) 𐴁𐴡𐴏𐴥𐴡𐴌 𐴱𐴱

𐴉𐴟𐴖𐴝𐴙𐴕 𐴀𐴥𐴟𐴀𐴟𐴕 𐴁𐴠𐴒𐴧𐴤𐴟𐴕 𐴳 𐴱 𐴁𐴡𐴏𐴥𐴡𐴌𐴡𐴃𐴧𐴟 𐴶 𐴱 𐴁𐴡𐴏𐴥𐴡𐴌 𐴁𐴡𐴐𐴢 𐴀𐴡𐴓𐴝 𐴉𐴟𐴖𐴝𐴙𐴕 𐴊𐴠 𐴎𐴝𐴕𐴝𐴀𐴝 𐴒𐴞𐴘𐴠 , 𐴋𐴝𐴓𐴝𐴓 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝 𐴉𐴟𐴖𐴝𐴙𐴕 𐴀𐴥𐴟𐴀𐴟𐴕𐴡𐴌𐴠 𐴏𐴝𐴚𐴆𐴞 𐴒𐴤𐴝𐴙𐴚 𐴒𐴤𐴗𐴝𐴚𐴡𐴌 𐴀𐴝𐴐𐴠 𐴉𐴝𐴐𐴠 𐴉𐴥𐴠𐴓𐴝𐴘 𐴀𐴠𐴌𐴞 𐴊𐴤𐴝𐴘 𐴒𐴞𐴘𐴠 𐴒𐴤𐴡𐴘 𐴁𐴡𐴓𐴞 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝𐴀𐴝 𐴒𐴞𐴘𐴠 , 𐴔𐴡𐴒𐴢 𐴁𐴝𐴒𐴞 𐴀𐴝𐴌 𐴁𐴡𐴌𐴔𐴥𐴝 𐴇𐴥𐴡𐴑𐴟𐴔𐴡𐴃𐴡𐴌 𐴂𐴠𐴓𐴝𐴕 𐴔𐴡𐴎𐴞𐴕 , 𐴀𐴝𐴌𐴑𐴝𐴕𐴡𐴃𐴧𐴟 𐴌𐴟𐴇𐴝𐴙𐴚𐴒𐴙𐴝 𐴕𐴠𐴀𐴠𐴓𐴝𐴘 𐴉𐴥𐴠𐴓𐴝𐴀𐴡𐴕𐴡𐴌 𐴏𐴥𐴞𐴓𐴏𐴞𐴓𐴝𐴃 , 𐴋𐴝𐴓𐴝𐴓 𐴀𐴥𐴡𐴑𐴧𐴡𐴓𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴑𐴤𐴞𐴘𐴝𐴓𐴞 𐴉𐴟𐴓𐴡𐴖 𐴈𐴥𐴝𐴁𐴝𐴘 𐴑𐴠𐴙𐴏𐴧𐴥𐴟𐴌𐴠 𐴎𐴞𐴘𐴡𐴓𐴡𐴃 𐴔𐴝𐴌𐴡𐴀𐴡𐴕 𐴀𐴝𐴌 𐴑𐴠𐴙𐴏𐴧𐴥𐴟𐴌𐴠 𐴊𐴡𐴙𐴅𐴧𐴙𐴝𐴃 𐴔𐴝𐴌𐴞 𐴉𐴥𐴟𐴌𐴝𐴘 𐴉𐴥𐴠𐴓𐴝𐴘𐴁𐴡 𐴱𐴱

Sources : AEN