𐴔𐴠𐴓𐴠𐴄𐴠𐴌𐴞 𐴘𐴠 𐴁𐴤𐴟𐴏𐴞𐴊𐴡𐴚𐴡𐴃 𐴰 𐴰 𐴶 𐴓𐴝𐴑 𐴄𐴞𐴛𐴝 𐴓𐴡𐴘 𐴔𐴟𐴏𐴡𐴓𐴔𐴝𐴕 𐴐𐴤𐴡𐴊𐴦𐴡𐴌 𐴊𐴟𐴘 𐴎𐴡𐴕 𐴊𐴤𐴡𐴌𐴞 , 𐴄𐴞𐴛𐴝 𐴒𐴤𐴟𐴕 𐴓𐴡𐴘 𐴉𐴥𐴠𐴓𐴞𐴀𐴞 𐴁𐴡𐴕 𐴒𐴡𐴌𐴥𐴞 𐴌𐴝𐴑𐴤𐴞 𐴊𐴞𐴘𐴠 𐴒𐴤𐴡𐴌𐴒𐴟𐴐𐴧𐴞 𐴏𐴞𐴕𐴃𐴝𐴃 𐴱𐴱

𐴀𐴝𐴌𐴑𐴝𐴕𐴡𐴃 𐴁𐴤𐴟𐴏𐴞𐴊𐴡𐴚𐴡𐴃 𐴔𐴠𐴓𐴠𐴄𐴠𐴌𐴞 𐴘𐴠 𐴔𐴟𐴏𐴡𐴓𐴔𐴝𐴕 𐴐𐴤𐴡𐴊𐴦𐴡𐴌 𐴊𐴟𐴘 𐴎𐴡𐴕𐴡𐴌𐴠 𐴰 𐴰 𐴶 𐴓𐴝𐴑 𐴄𐴞𐴛𐴝 𐴓𐴡𐴘 𐴐𐴤𐴡𐴣𐴀𐴡 𐴁𐴡𐴕 𐴒𐴡𐴌𐴥𐴞 𐴌𐴝𐴑𐴤𐴞 𐴊𐴞𐴘𐴠 , 𐴏𐴝𐴙𐴌 𐴊𐴞𐴕 𐴀𐴥𐴡𐴘 𐴒𐴞𐴘𐴡𐴘 𐴊𐴠 𐴀𐴥𐴟𐴊𐴧𐴝 𐴒𐴤𐴡𐴌𐴒𐴟𐴐𐴧𐴞 𐴓𐴡𐴘 𐴎𐴟𐴑𐴝𐴎𐴟𐴑 𐴕𐴥𐴝𐴘 𐴁𐴡𐴓𐴞 𐴒𐴤𐴡𐴌- 𐴒𐴤𐴟𐴐𐴧𐴞 𐴘𐴠 𐴈𐴡𐴘𐴧𐴠 𐴱𐴱

𐴁𐴡𐴕 𐴒𐴡𐴙𐴅𐴧𐴤𐴙𐴠𐴊𐴠 𐴀𐴥𐴞𐴃𐴝𐴌𐴝 𐴀𐴥𐴡𐴙𐴓𐴊𐴠 , 𐴁𐴤𐴟𐴏𐴞𐴊𐴡𐴚 𐴀𐴠𐴓𐴝𐴑𐴝𐴌 𐴖𐴦𐴝 𐴔𐴡𐴙𐴒𐴧𐴤𐴙𐴝 𐴔𐴟𐴏𐴡𐴓𐴔𐴝𐴕 𐴉𐴝𐴌𐴝𐴌 , 𐴒𐴡𐴌𐴟 𐴔𐴟𐴙𐴐𐴢 𐴁𐴞𐴘𐴝𐴌𐴞 / 𐴀𐴥𐴟 𐴐𐴤𐴡𐴔𐴐𐴟 𐴀𐴝𐴓𐴡𐴔 𐴁𐴡𐴐𐴢 𐴰 𐴵 𐴁𐴡𐴏𐴥𐴡𐴌 𐴀𐴝𐴌 / 𐴀𐴥𐴟 𐴘𐴟𐴏𐴥𐴟𐴂𐴢 𐴁𐴡𐴐𐴢 𐴰 𐴵 𐴁𐴡𐴏𐴥𐴡𐴌 ,𐴀𐴞𐴃𐴝𐴌𐴝 𐴊𐴟𐴕𐴥𐴞 𐴎𐴡𐴕𐴠 𐴕𐴡𐴖𐴡𐴔𐴁𐴡𐴌 𐴔𐴝𐴐𐴡𐴌 𐴵 𐴱 𐴃𐴝𐴌𐴥𐴞𐴑𐴡𐴃 𐴊𐴦𐴟𐴛𐴅𐴧𐴙𐴝 𐴓𐴡𐴒𐴁𐴤𐴡𐴒𐴢 𐴲 𐴁𐴝𐴎𐴠 𐴒𐴡𐴌𐴟 𐴔𐴟𐴙𐴐𐴢 𐴁𐴠𐴏𐴞 , 𐴖𐴝𐴉𐴠 𐴒𐴤𐴡𐴌𐴡𐴃 𐴀𐴝𐴘𐴁𐴝𐴌 𐴐𐴤𐴡𐴣𐴀𐴡𐴃 𐴱𐴱

𐴁𐴤𐴟𐴏𐴞𐴊𐴡𐴚 𐴎𐴝𐴣𐴀𐴝𐴎 𐴒𐴤𐴝𐴣𐴍𐴡𐴃, 𐴔𐴠𐴓𐴠𐴄𐴠𐴌𐴞 𐴘𐴠 𐴋𐴝𐴑𐴞 𐴏𐴠𐴑 𐴒𐴡𐴌𐴥𐴞, 𐴒𐴡𐴌𐴟 𐴔𐴟𐴙𐴐𐴢 𐴁𐴠𐴏𐴞 𐴉𐴝𐴘𐴧𐴠𐴊𐴠 𐴰 𐴰 𐴶 𐴓𐴝𐴑 𐴄𐴞𐴛𐴝 𐴒𐴤𐴟𐴕 𐴓𐴡𐴘 𐴉𐴥𐴠𐴓𐴝𐴘 , 𐴁𐴦𐴝𐴊𐴠 𐴔𐴝𐴕𐴥𐴟𐴙𐴐𐴢 𐴊𐴟𐴕𐴥𐴞 𐴎𐴡𐴕𐴡𐴌𐴠 𐴘𐴥𐴡 𐴁𐴡𐴕 𐴒𐴡𐴌𐴥𐴞 𐴌𐴝𐴑𐴤𐴞 𐴊𐴞𐴘𐴠 𐴁𐴡𐴓𐴞 𐴒𐴤𐴡𐴌𐴒𐴟𐴐𐴧𐴞𐴃𐴧𐴟 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 𐴱𐴱

“ 𐴀𐴥𐴞𐴃𐴝𐴌𐴝𐴌𐴠 𐴁𐴡𐴕 𐴒𐴡𐴌𐴥𐴞 𐴁𐴙𐴟 𐴇𐴝 𐴔𐴥𐴟𐴌 𐴀𐴡𐴉𐴞𐴏𐴡𐴃 𐴓𐴡𐴘 𐴒𐴞𐴘𐴡𐴘 , 𐴀𐴠𐴈𐴥𐴡𐴕 𐴉𐴡𐴙𐴅𐴧𐴡𐴕𐴃𐴡 𐴁𐴙𐴟 𐴇𐴝 𐴔𐴥𐴟𐴌 𐴀𐴡𐴉𐴞𐴏𐴡𐴃 𐴌𐴝𐴑𐴤𐴞 𐴊𐴞𐴘𐴠 , 𐴈𐴡𐴕𐴥𐴡 𐴑𐴞𐴏𐴥𐴞𐴔𐴧𐴝 𐴑𐴤𐴟𐴎 𐴈𐴥𐴡𐴁𐴡𐴌 𐴀𐴝𐴌 𐴎𐴟𐴑𐴝 𐴎𐴟𐴑 𐴀𐴥𐴡 𐴕𐴥𐴝𐴘 “ 𐴱𐴱

𐴀𐴥𐴠 𐴊𐴞𐴕 𐴀𐴥𐴞𐴃𐴝𐴌𐴝𐴌 𐴉𐴥𐴟𐴣𐴖𐴝𐴣𐴃𐴞 𐴁𐴤𐴟𐴏𐴞𐴊𐴡𐴚𐴡𐴌 𐴌𐴗𐴝𐴔𐴥𐴝 𐴌𐴥𐴠𐴑𐴧𐴤𐴝𐴌 / 𐴀𐴝𐴔𐴞𐴌 𐴇𐴟𐴏𐴡𐴕 𐴕𐴝𐴔𐴡𐴌 𐴔𐴝𐴕𐴥𐴟𐴙𐴐𐴢 𐴀𐴠𐴑 𐴎𐴡𐴕𐴡𐴌𐴠 𐴘𐴥𐴡 𐴁𐴡𐴕 𐴒𐴡𐴙𐴅𐴧𐴤𐴞𐴀𐴞𐴓 , 𐴀𐴠𐴈𐴥𐴡𐴕 𐴐𐴤𐴟𐴊𐴟 𐴔𐴝𐴕𐴥𐴟𐴙𐴐𐴢 𐴀𐴥𐴞𐴁𐴝 𐴀𐴠𐴑 𐴎𐴡𐴕𐴡𐴌𐴥𐴠 𐴀𐴠𐴌𐴞 𐴊𐴞𐴘𐴠 𐴁𐴡𐴓𐴞 𐴈𐴡𐴀𐴡𐴌 , 𐴔𐴝𐴕𐴥𐴟𐴙 𐴀𐴡 𐴊𐴟𐴕𐴥𐴞𐴎𐴡𐴕 𐴌𐴡𐴃𐴤𐴠 𐴊𐴟𐴑 𐴒𐴡𐴌𐴥𐴞 𐴁𐴠𐴏𐴝 𐴑𐴞𐴕𐴝 𐴒𐴡𐴌𐴥𐴞 𐴈𐴥𐴝𐴀𐴝 𐴊𐴠 𐴔𐴝𐴕𐴥𐴟𐴙𐴐𐴢 , 𐴈𐴡𐴕𐴥𐴡 𐴉𐴝𐴄𐴞 𐴓𐴡𐴘 𐴃𐴦𐴝𐴓𐴧𐴟𐴑 𐴕𐴥𐴝𐴘 , 𐴃𐴡𐴀𐴡 𐴑𐴞𐴘𐴡𐴓𐴧𐴝 𐴀𐴥𐴞𐴃𐴝𐴌𐴝𐴌𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴕𐴡 𐴎𐴝𐴕𐴥𐴞 𐴱𐴱

Sources : Narinjaraburmese