𐴔𐴞𐴚𐴓𐴝𐴋𐴟𐴕 𐴐𐴤𐴡𐴀𐴡𐴌𐴡𐴃 𐴹 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴡𐴕 𐴀𐴥𐴡𐴘𐴧𐴠 𐴱𐴱

𐴌𐴠𐴕𐴒𐴟𐴕 𐴋𐴞𐴐𐴄𐴤𐴞𐴑 𐴔𐴞𐴚𐴓𐴝𐴋𐴟𐴕 𐴐𐴤𐴡𐴀𐴡𐴌𐴡𐴌 𐴀𐴠𐴓𐴝𐴑𐴝 , 𐴄𐴤𐴡𐴗𐴑 𐴑𐴠𐴌𐴥𐴠𐴕 ( 𐴳 ) 𐴓𐴡𐴔𐴁𐴤𐴡𐴌 𐴌𐴝𐴏𐴧𐴝𐴃 𐴔𐴝𐴎𐴤𐴠 , 𐴳 𐴱 𐴃𐴝𐴌𐴥𐴞𐴑 𐴕𐴡𐴖𐴡𐴔𐴁𐴡𐴌 𐴔𐴝𐴐𐴡𐴃, 𐴀𐴥𐴝𐴎𐴡𐴙𐴕𐴧𐴝 𐴀𐴡𐴕𐴟𐴔𐴝𐴕𐴞𐴑 𐴸 𐴁𐴝𐴎𐴠, 𐴌𐴟𐴇𐴝𐴙𐴚𐴒𐴙𐴝 𐴁𐴠𐴍𐴝𐴀𐴝𐴙𐴕 𐴵 𐴎𐴡𐴕 𐴀𐴝𐴌 𐴁𐴠𐴍𐴞𐴀𐴝𐴙𐴕 𐴴 𐴎𐴡𐴕 , 𐴁𐴠𐴒𐴧𐴤𐴟𐴕𐴠 𐴔𐴞𐴓𐴝𐴘 𐴹 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴡𐴕 𐴀𐴥𐴡𐴘𐴧𐴠 𐴁𐴡𐴓𐴞 , 𐴀𐴥𐴠 𐴎𐴝𐴒𐴝𐴌 𐴔𐴝𐴙𐴕𐴐𐴙𐴠 𐴈𐴡𐴘𐴧𐴠 𐴱𐴱

𐴔𐴞𐴚𐴓𐴝𐴋𐴟𐴕 𐴉𐴟𐴓𐴞𐴐𐴢 𐴃𐴤𐴝𐴕𐴝𐴌 𐴈𐴝𐴣𐴏𐴥𐴡𐴌 𐴔𐴝𐴙𐴕𐴐𐴤𐴙𐴠 𐴘𐴥𐴡 𐴈𐴥𐴡𐴁𐴡𐴌 𐴉𐴝𐴘𐴧𐴠 , 𐴔𐴟𐴃𐴦𐴝𐴓𐴧𐴠𐴑𐴝 𐴑𐴝𐴕𐴟𐴕𐴞 𐴋𐴝𐴀𐴝𐴘 𐴁𐴠𐴒𐴧𐴤𐴟𐴕 𐴔𐴞𐴓𐴞 , 𐴀𐴥𐴞𐴃𐴝𐴌𐴝𐴌𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠𐴊𐴠 𐴈𐴥𐴝𐴄𐴞 𐴁𐴡𐴓𐴞 𐴈𐴡𐴘𐴧𐴠 , 𐴹 𐴎𐴡𐴕 𐴁𐴠𐴒𐴧𐴤𐴟𐴕𐴡𐴌𐴠 𐴄𐴤𐴡𐴗𐴑 𐴑𐴠𐴌𐴥𐴠𐴕 ( 𐴳 ) 𐴓𐴡𐴔𐴁𐴤𐴡𐴌 𐴌𐴝𐴏𐴧𐴝 𐴀𐴝𐴌 𐴂𐴟𐴓𐴥𐴠 𐴌𐴝𐴏𐴧𐴝𐴌 𐴏𐴡𐴔𐴦𐴡𐴕𐴞𐴌 𐴔𐴝𐴎𐴤𐴠 𐴀𐴥𐴞𐴃𐴝𐴌𐴝𐴌𐴠 𐴓𐴦𐴡𐴃 𐴉𐴝𐴘 𐴁𐴦𐴝𐴊𐴠 𐴉𐴟𐴓𐴞𐴐𐴠 𐴁𐴡𐴕 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴀𐴥𐴞𐴃𐴝𐴌𐴝 𐴌𐴠 𐴋𐴝𐴓𐴝𐴓𐴠 𐴀𐴝𐴌𐴑𐴝𐴕𐴡𐴃𐴧𐴟 𐴔𐴝𐴃𐴝𐴘 𐴀𐴝𐴙𐴕𐴧𐴥𐴙𐴠 𐴁𐴡𐴓𐴞 𐴑𐴠𐴙𐴏𐴧𐴥𐴟 𐴔𐴞𐴋𐴞𐴘𐴝𐴃 𐴓𐴠𐴑𐴤𐴞𐴓𐴠 𐴘𐴡𐴀𐴡 , 𐴈𐴥𐴝𐴏𐴢 𐴒𐴡𐴌𐴥𐴞 𐴈𐴡𐴕𐴧𐴥𐴝𐴕𐴃𐴟 𐴁𐴡𐴕 𐴒𐴡𐴙𐴅𐴧𐴤𐴙𐴠𐴊𐴠 𐴈𐴥𐴝𐴄𐴞 𐴁𐴤𐴝𐴉𐴠 𐴎𐴝𐴕𐴝𐴀𐴝 𐴕𐴥𐴡 𐴎𐴝𐴀𐴝 , 𐴕𐴞𐴎𐴡𐴌 𐴊𐴠𐴐𐴢 𐴃𐴞𐴘𐴝𐴒𐴢 𐴒𐴡𐴌𐴥𐴞 𐴁𐴝𐴀𐴝𐴌 𐴔𐴟𐴓𐴧𐴟𐴑𐴡𐴃 𐴕𐴠𐴓𐴞 𐴎𐴝𐴘𐴁𐴡𐴓𐴧𐴝 𐴑𐴟𐴐𐴤𐴞𐴐𐴢 𐴒𐴡𐴌𐴠𐴀𐴠𐴌𐴊𐴧𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌𐴠 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞 𐴘𐴠 𐴁𐴡𐴕 𐴒𐴡𐴌𐴥𐴞 𐴒𐴡𐴌𐴥𐴞 𐴱𐴱

𐴹 𐴴 𐴹 𐴱 𐴐𐴤𐴡𐴕𐴡𐴌 𐴁𐴝𐴕𐴝𐴘𐴧𐴝 , 𐴉𐴡𐴄𐴤𐴟 ( 𐴀𐴠𐴕 𐴀𐴝𐴘 𐴋𐴞 ) 𐴁𐴝𐴕𐴝𐴘𐴁𐴝𐴌 𐴁𐴝𐴁𐴡𐴃𐴠 𐴑𐴝𐴕𐴟𐴕𐴡𐴌 𐴊𐴤𐴝𐴌𐴝 𐴓𐴡𐴔𐴁𐴤𐴡𐴌 ( 𐴳 ) 𐴶 / ( 𐴲 ) 𐴶 𐴔𐴡𐴎𐴞𐴕 , 𐴊𐴟𐴘 𐴁𐴡𐴏𐴥𐴡𐴌 𐴘𐴝𐴃𐴡 𐴁𐴠𐴐𐴤𐴞 𐴎𐴞𐴘𐴡𐴓𐴡𐴃 𐴊𐴞𐴘𐴝𐴃 𐴀𐴝𐴏𐴥𐴠 , 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴇𐴥𐴡𐴑𐴟𐴔𐴡𐴃 𐴑𐴟𐴀𐴟𐴂𐴢 𐴒𐴡𐴌𐴥𐴞 𐴁𐴦𐴝𐴊𐴠 𐴓𐴡𐴃𐴞 , 𐴏𐴥𐴡𐴏𐴝𐴁𐴟𐴃 𐴏𐴥𐴝𐴌𐴝 𐴀𐴠𐴑 𐴎𐴝𐴒𐴝𐴃𐴧𐴟 𐴀𐴝𐴌𐴀𐴠𐴑 𐴎𐴝𐴒𐴝𐴃 𐴑𐴙𐴥𐴝 𐴎𐴡𐴀𐴡𐴌 𐴁𐴡𐴓𐴞 𐴈𐴡𐴀𐴡𐴘 , 𐴁𐴡𐴕 𐴒𐴡𐴌𐴥𐴞 𐴀𐴠𐴔𐴞𐴒𐴞𐴌𐴞𐴐𐴤𐴠𐴕 𐴑𐴝𐴕𐴟𐴕𐴡𐴌 𐴊𐴤𐴝𐴌𐴝 𐴔𐴡𐴎𐴞𐴕 𐴎𐴞𐴘𐴡𐴓 𐴊𐴠𐴘𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴒𐴟𐴌𐴝 𐴔𐴝𐴘𐴧𐴝 𐴔𐴡𐴌𐴡𐴊 𐴐𐴤𐴡𐴣𐴀𐴡 𐴰 𐴰 𐴲 𐴱 𐴎𐴡𐴕 𐴓𐴡𐴃𐴞 𐴀𐴝𐴏𐴥𐴠 𐴁𐴡𐴓𐴞 , ( 𐴀𐴠𐴕 𐴘𐴟 𐴅𐴞 ) 𐴊𐴠𐴐𐴡𐴙𐴃𐴧𐴝 𐴀𐴠𐴃𐴧𐴠𐴉𐴝𐴑𐴞 𐴇𐴥𐴡𐴑𐴟𐴔𐴡𐴃𐴡𐴌 𐴓𐴞𐴐𐴄𐴤𐴞 𐴔𐴡𐴎𐴞𐴕 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

Sources : R F A burmese