𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴐𐴞𐴌 𐴉𐴥𐴡𐴗𐴏𐴡𐴌 𐴁𐴠𐴌𐴟𐴊𐴧𐴠 𐴔𐴡𐴎𐴁𐴟𐴃𐴞𐴌 𐴏𐴥𐴝𐴣𐴀𐴝𐴃𐴠 𐴀𐴠𐴕𐴃𐴠𐴑𐴝𐴔𐴞 𐴑𐴝𐴌𐴖𐴝𐴘 𐴒𐴡𐴌𐴥𐴞𐴁𐴤𐴡 𐴁𐴡𐴓𐴞 𐴈𐴡𐴘𐴧𐴠 : 𐴔𐴡𐴒𐴢 𐴁𐴝𐴒𐴞 𐴱𐴱

𐴀𐴝𐴌𐴑𐴝𐴕𐴡𐴃 𐴊𐴠𐴐𐴡𐴙𐴃𐴧𐴝 𐴂𐴝𐴂𐴓𐴞𐴑 𐴔𐴝𐴌𐴠𐴀𐴠𐴌 𐴊𐴧𐴠 𐴀𐴝𐴌 𐴎𐴟𐴊𐴧𐴡 𐴀𐴡𐴉𐴡𐴌𐴝𐴊𐴞 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞𐴌 𐴉𐴥𐴡𐴗𐴏𐴡𐴌 𐴁𐴠𐴌𐴟𐴊𐴧𐴠 , 𐴔𐴡𐴎𐴁𐴟𐴃𐴞𐴌 𐴏𐴥𐴝𐴣𐴀𐴝𐴃𐴠 𐴀𐴠𐴕𐴃𐴠𐴑𐴝𐴔𐴞 𐴑𐴝𐴌𐴖𐴝𐴘 𐴒𐴡𐴌𐴥𐴞 𐴎𐴝𐴘𐴁𐴡 𐴁𐴡𐴓𐴞 𐴈𐴡𐴀𐴡𐴘, 𐴀𐴠 𐴀𐴠 𐴔𐴡𐴒𐴢 𐴁𐴝𐴒𐴞 𐴘𐴠 𐴕𐴡𐴖𐴡𐴔𐴁𐴡𐴌 𐴔𐴝𐴐𐴡𐴌 𐴱 𐴱 𐴃𐴝𐴌𐴥𐴞𐴑 𐴌𐴝𐴃𐴞𐴘𐴝 𐴀𐴠𐴙𐴏𐴄𐴠𐴙𐴄𐴔𐴥𐴠𐴕 𐴕𐴠𐴓𐴝𐴘𐴧𐴠 𐴱𐴱

𐴀𐴝𐴌𐴑𐴝𐴕𐴡𐴃 𐴂𐴟𐴕𐴧𐴥𐴝 𐴅𐴤𐴗𐴥𐴠𐴕 𐴐𐴤𐴡𐴀𐴡𐴌𐴡𐴌 𐴁𐴡𐴌𐴡 𐴏𐴝𐴚 𐴀𐴥𐴝𐴚 𐴉𐴝𐴌𐴝𐴃 , 𐴕𐴡𐴖𐴡𐴔𐴁𐴡𐴌 𐴔𐴝𐴐𐴡𐴌 𐴱 𐴱 𐴃𐴝𐴌𐴥𐴞𐴑𐴡𐴃 , 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞𐴌 𐴉𐴥𐴡𐴗𐴏𐴠 𐴊𐴠𐴐𐴡𐴙𐴃𐴧𐴝 𐴹 𐴎𐴡𐴕 𐴔𐴝𐴌𐴞 𐴉𐴥𐴠𐴓𐴝𐴘 𐴁𐴦𐴝𐴊𐴠 , 𐴔𐴡𐴒𐴢 𐴁𐴝𐴒𐴞 𐴘𐴠 𐴀𐴠𐴙𐴏𐴄𐴠𐴙𐴄𐴔𐴥𐴠𐴕 𐴘𐴝𐴀𐴝𐴕 𐴕𐴠𐴓𐴝𐴘𐴧𐴠𐴊𐴠 𐴱𐴱

𐴀𐴠𐴙𐴏𐴄𐴠𐴙𐴄𐴔𐴥𐴠𐴕𐴡𐴃 𐴓𐴠𐴙𐴑𐴧𐴤𐴙𐴠𐴊𐴠 ! 𐴀𐴝𐴌𐴑𐴝𐴕 𐴀𐴝𐴌 𐴂𐴡𐴓𐴡𐴖𐴥𐴝𐴌 𐴓𐴝𐴌𐴥𐴝𐴘𐴃 𐴔𐴝𐴎𐴤𐴠 𐴔𐴠𐴓𐴠𐴄𐴠𐴌𐴞𐴌 𐴓𐴟𐴏𐴧𐴝𐴕 𐴁𐴠𐴐𐴤𐴞 𐴀𐴥𐴡𐴘𐴧𐴠𐴊𐴠 𐴀𐴥𐴠𐴃𐴡𐴓𐴧𐴝 , 𐴔𐴠𐴓𐴠𐴄𐴠𐴌𐴞 𐴀𐴥𐴡𐴑𐴧𐴡𐴓𐴠 𐴎𐴝𐴕𐴞 𐴉𐴥𐴟𐴕𐴞 𐴔𐴡𐴕𐴐𐴤𐴝 𐴓𐴡𐴘 𐴊𐴠𐴐𐴡𐴙𐴃𐴧𐴝 𐴂𐴝𐴂𐴓𐴞𐴑 𐴃𐴤𐴝𐴑𐴠𐴊𐴠 𐴉𐴝𐴌𐴝𐴌 𐴀𐴥𐴞𐴑𐴧𐴙𐴝 𐴋𐴡𐴣𐴀𐴡𐴌 𐴀𐴥𐴝𐴣𐴃𐴞𐴘𐴝𐴌 𐴔𐴝𐴌𐴠𐴀𐴠𐴌 , 𐴓𐴝𐴌𐴥𐴝𐴘𐴌 𐴀𐴥𐴝𐴁𐴝𐴌 𐴎𐴝𐴣𐴀𐴝𐴏𐴢 𐴓𐴡𐴘 𐴁𐴟𐴔 𐴔𐴝𐴌𐴠𐴀𐴠𐴌 , 𐴓𐴝𐴌𐴥𐴝𐴘𐴌 𐴇𐴥𐴠𐴓𐴞𐴑𐴝𐴂𐴄𐴝𐴌 𐴓𐴡𐴘 𐴖𐴡𐴌𐴡𐴃𐴧𐴟 𐴒𐴟𐴓𐴞 𐴀𐴥𐴡𐴑𐴧𐴡𐴓 𐴔𐴝𐴌𐴠𐴀𐴠𐴌 , 𐴊𐴠𐴐𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴡𐴌𐴠 𐴋𐴝𐴀𐴝𐴘 𐴋𐴝𐴀𐴝𐴘 𐴔𐴝𐴌𐴞 𐴉𐴥𐴠𐴓𐴝𐴘𐴁𐴝𐴌 𐴔𐴡𐴑𐴏𐴟𐴊 𐴓𐴡𐴘 𐴈𐴝𐴔 𐴀𐴞𐴀𐴞𐴕 𐴒𐴡𐴌𐴠𐴀𐴠𐴌 𐴁𐴡𐴓𐴞 𐴓𐴠𐴙𐴑𐴧𐴤𐴙𐴠 𐴱𐴱

𐴂𐴟𐴕𐴧𐴥𐴝 𐴅𐴤𐴗𐴥𐴠𐴕 𐴐𐴤𐴡𐴀𐴡𐴌𐴡 𐴀𐴠𐴓𐴝𐴑𐴝𐴃 𐴊𐴟𐴕𐴥𐴞 𐴃𐴡𐴌𐴉𐴡𐴌𐴃𐴧𐴟 𐴀𐴠𐴕𐴃𐴠𐴑𐴝𐴔𐴞 𐴑𐴝𐴌𐴖𐴝𐴘 𐴀𐴥𐴞𐴏𐴝𐴉𐴠 , 𐴓𐴝𐴌𐴥𐴝𐴘 𐴀𐴥𐴡𐴙𐴃 𐴉𐴝𐴌𐴠 𐴈𐴡𐴀𐴡𐴘 𐴋𐴡𐴌𐴝𐴀𐴝𐴌 𐴀𐴝𐴌 𐴏𐴞𐴕𐴃𐴝 𐴒𐴡𐴌𐴠𐴀𐴠𐴌 𐴁𐴡𐴓𐴞 𐴊𐴠𐴐𐴡𐴙𐴃𐴧𐴝 𐴀𐴠𐴑 𐴎𐴡𐴕𐴠 𐴈𐴡𐴘𐴧𐴠 , 𐴀𐴠𐴈𐴥𐴡𐴕 𐴊𐴤𐴝𐴕 𐴊𐴝𐴘𐴁𐴝𐴌 𐴀𐴡𐴑𐴃𐴤𐴡 𐴉𐴡𐴣𐴀𐴡𐴙𐴏𐴧𐴙𐴠 , 𐴓𐴝𐴌𐴥𐴝𐴘 𐴀𐴥𐴡𐴘𐴓𐴠 𐴑𐴠𐴀𐴠𐴕 𐴒𐴡𐴙𐴅𐴧𐴤𐴙𐴟𐴔 , 𐴘𐴝𐴀𐴝 𐴀𐴥𐴟𐴊𐴧𐴝 𐴉𐴝𐴌𐴝𐴃𐴧𐴟 𐴊𐴤𐴝𐴘 𐴎𐴝𐴀𐴝 𐴒𐴤𐴡𐴘 𐴉𐴡𐴙𐴅𐴧𐴤𐴙𐴠 𐴱𐴱

𐴕𐴡𐴖𐴡𐴔𐴁𐴡𐴌 𐴔𐴝𐴐𐴡𐴌 𐴰 𐴱 𐴀𐴝𐴌 𐴱 𐴱 𐴃𐴝𐴌𐴥𐴞𐴑𐴡𐴃 𐴂𐴟𐴕𐴧𐴥𐴝 𐴅𐴤𐴗𐴥𐴠𐴕 𐴐𐴤𐴡𐴀𐴡𐴌𐴡𐴃 𐴒𐴤𐴝𐴣𐴄𐴞 𐴁𐴝𐴕𐴝𐴘 𐴃𐴤𐴝𐴙𐴑𐴧𐴙𐴠 𐴊𐴠 , 𐴑𐴤𐴝 𐴔𐴥𐴝 𐴌𐴥𐴝 𐴰 𐴵 𐴵 , 𐴀𐴝𐴙𐴑𐴧𐴙𐴝𐴁 𐴂𐴝𐴋𐴠𐴓𐴥𐴞𐴂𐴢 𐴀𐴝𐴌 𐴑𐴤𐴗𐴥𐴠𐴔 𐴄𐴡𐴚 𐴒𐴤𐴝𐴣𐴄𐴞𐴃𐴧𐴟 𐴃𐴝𐴀𐴝𐴘 , 𐴀𐴝𐴌 𐴓𐴝𐴌𐴥𐴝𐴘𐴌 𐴉𐴝𐴕𐴥𐴞𐴌 𐴎𐴝𐴣𐴀𐴝𐴏𐴢 𐴓𐴡𐴘 𐴀𐴝𐴌 𐴋𐴡𐴌𐴟𐴕 𐴓𐴡𐴘 𐴋𐴡𐴣𐴀𐴡𐴌 𐴀𐴥𐴝𐴣𐴃𐴞𐴘𐴝𐴌 𐴀𐴥𐴡𐴑𐴧𐴡𐴓 𐴔𐴝𐴌𐴞 𐴘𐴡𐴌𐴥𐴠 𐴊𐴠𐴐𐴡𐴙𐴃𐴧𐴝 𐴊𐴟𐴘 𐴎𐴡𐴕 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠 𐴀𐴝𐴌 𐴉𐴝𐴣𐴏𐴢 𐴎𐴡𐴕 𐴓𐴡𐴃𐴞 𐴒𐴤𐴝𐴙𐴓 𐴀𐴥𐴡𐴘𐴧𐴠 𐴁𐴡𐴓𐴞 , 𐴔𐴡𐴒𐴢 𐴁𐴝𐴒𐴞 𐴘𐴠 𐴀𐴠𐴙𐴏𐴄𐴠𐴙𐴄𐴔𐴥𐴠𐴕𐴡𐴃 𐴓𐴠𐴙𐴑𐴧𐴤𐴙𐴠 𐴱𐴱