𐴁𐴡𐴌𐴔𐴥𐴝 𐴔𐴠𐴓𐴠𐴄𐴠𐴌𐴞 𐴘𐴠 𐴐𐴤𐴡𐴌𐴝𐴁𐴢 𐴑𐴞𐴕𐴞 𐴀𐴝𐴙𐴕𐴃𐴤𐴡 𐴊𐴞𐴉𐴝𐴍𐴝𐴘𐴧𐴠 𐴊𐴠 𐴌𐴟𐴇𐴝𐴙𐴚𐴒𐴙𐴝 𐴀𐴥𐴞𐴁𐴝 𐴌𐴠 𐴔𐴡𐴒𐴢 𐴁𐴝𐴒𐴞 𐴀𐴠 𐴀𐴠 𐴘𐴠 𐴔𐴝𐴌𐴞 𐴊𐴤𐴡𐴌𐴞 𐴁𐴠𐴀𐴞𐴎𐴧𐴡𐴃 𐴒𐴡𐴌𐴥𐴞 𐴁𐴡𐴕 𐴒𐴡𐴌𐴥𐴞 𐴓𐴡𐴘 𐴒𐴞𐴘𐴡𐴘 𐴱𐴱

𐴀𐴝𐴌𐴑𐴝𐴕𐴡𐴃 𐴁𐴤𐴟𐴏𐴞𐴊𐴡𐴚𐴡𐴌 𐴀𐴠𐴓𐴝𐴑𐴝𐴃 𐴂𐴡𐴌𐴟𐴚 𐴆𐴤𐴙𐴡𐴚 𐴉𐴝𐴌𐴝𐴌 𐴌𐴟𐴇𐴝𐴙𐴚𐴒𐴙𐴝 𐴀𐴠𐴑 𐴎𐴡𐴕𐴡𐴌𐴠 , 𐴔𐴡𐴒𐴢 𐴁𐴝𐴒𐴞 𐴀𐴠 𐴀𐴠 𐴘𐴠 𐴁𐴡𐴕 𐴒𐴡𐴌𐴥𐴞 𐴓𐴡𐴘 𐴒𐴞𐴘𐴡𐴘 𐴁𐴡𐴓𐴞 𐴈𐴥𐴡𐴁𐴡𐴌 𐴉𐴝𐴀𐴝 𐴒𐴞𐴘𐴠,𐴖𐴝𐴑𐴞𐴘𐴝 𐴀𐴥𐴡𐴙𐴓𐴊𐴠 ! 𐴕𐴡𐴖𐴡𐴔𐴁𐴡𐴌 𐴔𐴝𐴐𐴡𐴌 𐴹 𐴃𐴝𐴌𐴥𐴞𐴑 𐴁𐴞𐴀𐴞𐴕𐴧𐴝 𐴀𐴡𐴕𐴟𐴔𐴝𐴕𐴞𐴑 𐴰 𐴰 : 𐴹 𐴁𐴝𐴎𐴠 , 𐴁𐴤𐴟𐴏𐴞𐴊𐴡𐴚 𐴐𐴤𐴡𐴀𐴡𐴌𐴡𐴌 𐴀𐴠𐴓𐴝𐴑𐴝𐴃 𐴂𐴡𐴌𐴟𐴚 𐴆𐴤𐴙𐴡𐴚 𐴉𐴝𐴌𐴝𐴃 𐴃𐴤𐴝𐴑𐴠𐴊𐴠 𐴱𐴱

𐴀𐴥𐴟 𐴀𐴝𐴔𐴞𐴌 𐴇𐴟𐴏𐴡𐴕𐴡𐴌 𐴉𐴟𐴖𐴝 𐴒𐴟𐴌𐴝 𐴉𐴟𐴃𐴤𐴞𐴘𐴝 𐴁𐴡𐴐𐴢 𐴷 𐴲 𐴁𐴡𐴏𐴥𐴡𐴌 , 𐴂𐴡𐴌𐴟𐴚 𐴆𐴤𐴙𐴡𐴚 𐴉𐴝𐴌𐴝𐴌 𐴉𐴡𐴏𐴥𐴞𐴔 𐴋𐴤𐴝𐴑𐴠 𐴉𐴝𐴀𐴝𐴌𐴡𐴌 𐴈𐴝𐴣𐴏𐴝𐴃 𐴒𐴤𐴝𐴣𐴄𐴞 𐴁𐴝𐴕𐴝𐴘 𐴃𐴤𐴝𐴙𐴑𐴧𐴙𐴠𐴊𐴠, 𐴁𐴡𐴌𐴔𐴥𐴝 𐴔𐴠𐴓𐴠𐴄𐴠𐴌𐴞 𐴘𐴠 𐴌𐴟𐴇𐴝𐴙𐴚𐴒𐴙𐴝 / 𐴒𐴟𐴌𐴝 𐴉𐴟𐴃𐴤𐴞𐴘𐴝 𐴌𐴠 , 𐴛𐴡𐴚 𐴆𐴤𐴙𐴡𐴚𐴡𐴌 𐴁𐴝𐴎𐴝𐴌𐴡𐴃𐴧𐴟 𐴐𐴤𐴡𐴌𐴝𐴁𐴢 𐴑𐴞𐴕𐴞 𐴀𐴝𐴙𐴕𐴃𐴤𐴡 𐴊𐴞𐴉𐴠𐴍𐴝𐴘𐴧𐴠 𐴱𐴱

𐴃𐴡𐴀𐴡𐴘 𐴀𐴥𐴞𐴃𐴠 𐴁𐴝𐴎𐴝𐴌𐴡𐴃𐴧𐴟 𐴐𐴤𐴡𐴌𐴝𐴁 𐴑𐴞𐴕𐴞 𐴓𐴡𐴘 𐴀𐴝𐴘𐴁𐴤𐴝𐴌 𐴐𐴤𐴡𐴣𐴀𐴡𐴃 , 𐴉𐴡𐴌𐴥𐴝 𐴂𐴡𐴌𐴝𐴚 𐴀𐴡𐴚𐴂𐴥𐴝 𐴒𐴤𐴗𐴝𐴚𐴡𐴌 𐴀𐴡𐴚𐴂𐴥𐴝 𐴉𐴝𐴌𐴝𐴌 𐴀𐴝𐴈𐴠𐴌𐴥𐴞 𐴉𐴡𐴏𐴥𐴞𐴔 𐴔𐴝𐴃𐴤𐴝𐴃𐴧𐴟 , 𐴒𐴟𐴌𐴝 𐴉𐴟𐴃𐴤𐴞𐴘𐴝 𐴌𐴠 𐴀𐴠 𐴀𐴠 𐴔𐴡𐴒𐴢𐴁𐴝𐴒𐴞𐴌 𐴉𐴥𐴡𐴗𐴏𐴢/𐴚𐴡𐴔𐴧𐴥𐴠 𐴈𐴡𐴀𐴡𐴊𐴠 𐴀𐴥𐴞𐴃𐴝𐴌 𐴋𐴝𐴀𐴝𐴘𐴧𐴠 𐴁𐴠𐴐𐴤𐴞 𐴔𐴝𐴌𐴞 𐴊𐴤𐴡𐴌𐴞 𐴁𐴠𐴀𐴞𐴎𐴧𐴡𐴃 𐴒𐴡𐴌𐴥𐴞 𐴁𐴝𐴣𐴊𐴤𐴞 𐴁𐴡𐴕 𐴒𐴡𐴌𐴥𐴞 𐴉𐴥𐴟𐴣𐴖𐴝𐴣𐴃𐴞 𐴒𐴤𐴝𐴣𐴄𐴞𐴃 𐴓𐴡𐴘 𐴒𐴞𐴘𐴠 𐴒𐴤𐴡𐴘 𐴁𐴡𐴓𐴞 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

𐴒𐴠𐴓𐴊𐴠 𐴀𐴡𐴒𐴤𐴡𐴏𐴄 𐴔𐴝𐴐𐴢 𐴀𐴥𐴡𐴘𐴃𐴠 𐴐𐴤𐴟𐴌𐴟 𐴒𐴡𐴌𐴞 𐴕𐴡𐴖𐴡𐴔𐴁𐴡𐴌 𐴔𐴝𐴐𐴡𐴌 𐴸 𐴃𐴝𐴌𐴥𐴞𐴑 𐴉𐴡𐴙𐴅𐴧𐴡𐴕𐴃𐴡 , 𐴀𐴡𐴑𐴃𐴤𐴡 𐴘𐴝𐴀𐴝𐴕𐴡𐴌 𐴁𐴤𐴟𐴃𐴡𐴌𐴠 𐴔𐴡𐴒𐴢 𐴁𐴝𐴒𐴞 𐴀𐴠 𐴀𐴠 𐴘𐴠 , 𐴁𐴤𐴟𐴏𐴞𐴊𐴡𐴚 𐴐𐴤𐴡𐴀𐴡𐴌𐴡𐴌 𐴀𐴠𐴓𐴝𐴑𐴝𐴌 𐴁𐴤𐴟𐴃𐴡𐴃𐴧𐴟, 𐴁𐴡𐴌𐴔𐴥𐴝 𐴔𐴠𐴓𐴠𐴄𐴠𐴌𐴞 𐴓𐴡𐴘 𐴏𐴥𐴝𐴑 𐴁𐴤𐴝𐴑 𐴀𐴝𐴏𐴥𐴠 𐴁𐴡𐴓𐴞 𐴈𐴡𐴀𐴡𐴘 ( 𐴱 𐴱 ) 𐴀𐴠𐴒𐴝𐴌𐴡 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴁𐴡𐴕 𐴒𐴡𐴌𐴥𐴞 𐴓𐴡𐴘 𐴒𐴞𐴘𐴠 𐴒𐴤𐴡𐴘 𐴱𐴱

Sources : RPburmese