𐴔𐴠𐴓𐴠𐴄𐴠𐴌𐴞 𐴇𐴥𐴡𐴑𐴟𐴔𐴡𐴃𐴡𐴌 𐴀𐴝𐴕𐴋𐴤𐴝𐴌𐴠 𐴁𐴡𐴌𐴔𐴥𐴝𐴌 𐴉𐴟𐴖𐴝𐴙𐴕 𐴒𐴤𐴡𐴌 𐴏𐴥𐴝𐴌𐴝 𐴀𐴥𐴡𐴘𐴧𐴠 𐴱𐴱

𐴉𐴟𐴖𐴝𐴙𐴕 𐴁𐴝𐴏𐴝𐴀𐴡 𐴃𐴡𐴕𐴎𐴞𐴔𐴡𐴌 𐴌𐴠𐴂𐴟𐴄 𐴔𐴡𐴎𐴞𐴕 , 𐴒𐴡𐴃𐴡 𐴁𐴡𐴏𐴥𐴡𐴌 𐴔𐴠𐴓𐴠𐴄𐴠𐴌𐴞 𐴘𐴠 𐴇𐴥𐴡𐴑𐴟𐴔𐴡𐴃 𐴑𐴟𐴀𐴟𐴂𐴢 𐴒𐴡𐴌𐴥𐴞 𐴁𐴦𐴝𐴊𐴠 , 𐴔𐴠𐴓𐴠𐴄𐴠𐴌𐴞 𐴘𐴠 𐴰 𐴰 𐴰 𐴰 𐴲 𐴵 𐴉𐴟𐴖𐴝𐴙𐴕 𐴎𐴟𐴓𐴟𐴔 𐴀𐴡𐴃𐴧𐴞𐴏𐴝𐴌 𐴒𐴡𐴌𐴥𐴞 𐴒𐴤𐴡𐴌 𐴏𐴥𐴝𐴌𐴝 𐴁𐴝𐴕𐴝𐴘 𐴉𐴥𐴠𐴓𐴝𐴘𐴧𐴠, 𐴀𐴝𐴊𐴤𐴝 𐴔𐴡𐴓𐴞𐴘𐴟𐴕𐴡𐴌 𐴖𐴡𐴌𐴠 𐴉𐴟𐴖𐴝𐴙𐴕 𐴐𐴤𐴡𐴣𐴀𐴡 𐴴 . 𐴱 𐴔𐴡𐴓𐴞𐴘𐴟𐴕 𐴔𐴝𐴕𐴥𐴟𐴙𐴐𐴢 , 𐴱 𐴲 𐴰 𐴲 𐴐𐴤𐴡𐴕 𐴉𐴥𐴠𐴌𐴖𐴝𐴌𐴞 𐴔𐴝𐴐𐴡𐴃 𐴔𐴠𐴓𐴠𐴄𐴠𐴌𐴞 𐴘𐴠 𐴑𐴟𐴀𐴟𐴂𐴢 𐴒𐴡𐴌𐴥𐴞 𐴁𐴝𐴊𐴠 𐴓𐴡𐴃𐴞 𐴃𐴤𐴡𐴌 𐴏𐴥𐴝𐴌𐴝 𐴁𐴝𐴕𐴝𐴘 𐴉𐴥𐴠𐴓𐴝𐴘𐴧𐴠 𐴁𐴡𐴓𐴞 , 𐴉𐴟𐴖𐴝𐴙𐴕 𐴁𐴝𐴏𐴝𐴀𐴡 𐴃𐴡𐴕𐴎𐴞𐴔𐴠 𐴒𐴡𐴃𐴡 𐴈𐴝𐴙𐴓𐴧𐴝 𐴀𐴠𐴏𐴄𐴠𐴙𐴄𐴔𐴥𐴠𐴕𐴡𐴃 𐴓𐴠𐴙𐴑𐴧𐴤𐴙𐴠 𐴱𐴱

𐴉𐴟𐴖𐴝𐴙𐴕 𐴁𐴝𐴏𐴝𐴀𐴡 𐴃𐴡𐴕𐴎𐴞𐴔𐴠 𐴀𐴝𐴌𐴀𐴥𐴡 𐴈𐴡𐴘𐴧𐴠𐴊𐴠 , 𐴉𐴝𐴣𐴏𐴢 𐴁𐴡𐴏𐴥𐴡𐴌𐴡𐴌 𐴖𐴡𐴌𐴠 𐴁𐴝𐴚𐴓𐴝𐴊𐴠𐴐𐴡𐴃 𐴎𐴞𐴕𐴊𐴞𐴒𐴞 𐴒𐴡𐴌𐴠𐴀𐴠𐴌𐴊𐴧𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴀𐴝𐴊𐴤𐴝 𐴔𐴡𐴓𐴞𐴘𐴟𐴕 𐴉𐴟𐴖𐴝𐴙𐴕 , 𐴒𐴡𐴕𐴝 𐴀𐴞𐴁𐴤𐴝𐴌 𐴁𐴤𐴟𐴃𐴡𐴌𐴠 𐴕𐴥𐴝𐴘 , 𐴈𐴡𐴕𐴥𐴡 𐴀𐴡𐴑𐴃𐴡𐴃 𐴔𐴝𐴙𐴕𐴐𐴤𐴙𐴠 𐴕𐴞𐴎𐴡𐴌 𐴒𐴤𐴡𐴌 𐴏𐴥𐴝𐴌𐴞 𐴊𐴞𐴀𐴞𐴁𐴡𐴓𐴧𐴝 𐴀𐴥𐴠𐴣𐴃𐴠 𐴉𐴥𐴝𐴘𐴏𐴠𐴓𐴝 𐴕𐴡 𐴒𐴡𐴌𐴥𐴠 𐴱𐴱

𐴔𐴡𐴕𐴃𐴡𐴌 𐴁𐴡𐴌𐴔𐴥𐴝𐴌 𐴉𐴡𐴙𐴃𐴧𐴡 𐴊𐴞𐴕𐴧𐴝 𐴀𐴡𐴐𐴤𐴝𐴕𐴃𐴞 𐴀𐴝𐴌 𐴓𐴝𐴌𐴥𐴝𐴘𐴧𐴠 𐴉𐴟𐴖𐴝𐴙𐴕𐴊𐴤𐴡𐴌 𐴎𐴞𐴕𐴊𐴞𐴒𐴞𐴌𐴠 𐴇𐴥𐴟𐴔𐴑𐴞 𐴊𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 , 𐴄𐴡𐴀𐴡𐴑 𐴒𐴡𐴌𐴥𐴞 𐴒𐴤𐴡𐴌 𐴏𐴥𐴝𐴌𐴞 𐴊𐴞𐴀𐴞𐴁𐴝𐴌 𐴉𐴥𐴝𐴘𐴏𐴠𐴓𐴝 𐴉𐴟𐴖𐴝𐴙𐴕𐴊𐴤𐴡𐴌 𐴁𐴤𐴟𐴃𐴡𐴌𐴠 𐴀𐴝𐴀𐴝𐴘 𐴎𐴝𐴀𐴝 𐴒𐴤𐴡𐴘 𐴁𐴡𐴓𐴞 𐴉𐴟𐴖𐴝𐴙𐴕 𐴁𐴝𐴏𐴝𐴀𐴡 𐴃𐴡𐴕𐴎𐴞𐴔𐴡𐴌 𐴀𐴝𐴏𐴞𐴘𐴝 𐴂𐴡𐴌𐴟𐴒𐴠𐴌𐴝𐴔𐴡𐴌 𐴋𐴝𐴘𐴌𐴠𐴑𐴄𐴡𐴌 / 𐴀𐴡𐴓𐴞𐴁𐴝𐴌 𐴉𐴠𐴌𐴝𐴕𐴆𐴞 𐴘𐴠 𐴈𐴡𐴘𐴧𐴠 𐴱𐴱

𐴑𐴠𐴀𐴠𐴔𐴡𐴃 𐴃𐴤𐴝𐴑𐴠𐴀𐴠𐴌𐴊𐴧𐴠 𐴁𐴡𐴌𐴔𐴥𐴝𐴌 𐴔𐴝𐴕𐴥𐴟𐴙𐴐𐴢 𐴀𐴥𐴡𐴑𐴧𐴡𐴓,𐴀𐴥𐴠𐴏𐴃𐴝𐴕𐴞𐴘𐴡 𐴓𐴟𐴑𐴤𐴠𐴓 𐴈𐴥𐴡𐴌𐴝𐴃𐴞 𐴉𐴥𐴝𐴕 𐴀𐴝𐴌 𐴀𐴞𐴕𐴏𐴝𐴕𐴞𐴘𐴡𐴃𐴡𐴌 𐴇𐴥𐴠𐴔𐴝𐴘𐴡𐴃𐴞 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓𐴡𐴌 𐴔𐴡𐴊𐴡𐴊𐴡𐴌 𐴖𐴡𐴌𐴠 𐴉𐴡𐴌𐴝𐴕 𐴁𐴝𐴏𐴝𐴘𐴁𐴤𐴝𐴌 𐴁𐴤𐴡𐴌𐴡𐴐𐴤𐴝 𐴒𐴡𐴌𐴥𐴞 𐴊𐴞𐴕 𐴈𐴝𐴍𐴝𐴌 , 𐴎𐴝𐴣𐴀𐴝 𐴇𐴥𐴡𐴑 𐴇𐴥𐴡𐴑𐴟𐴔𐴡𐴃𐴠 , 𐴌𐴝𐴏𐴧𐴝 𐴁𐴡𐴕 𐴒𐴡𐴌𐴥𐴞 𐴔𐴡𐴊𐴡𐴊 𐴒𐴡𐴌𐴡𐴀𐴡𐴙𐴕𐴧𐴝 𐴃𐴡𐴕𐴎𐴞𐴔 𐴀𐴥𐴡𐴑𐴧𐴡𐴓𐴡𐴌 𐴖𐴡𐴌𐴠 𐴀𐴝𐴀𐴝 𐴎𐴝𐴀𐴝 𐴂𐴝𐴁𐴡𐴕𐴊𐴞 𐴓𐴝𐴒𐴝𐴘 𐴌𐴝𐴑𐴤𐴡𐴀𐴡𐴕 𐴕𐴝𐴕 𐴀𐴞𐴕𐴏𐴝𐴕𐴞𐴘𐴡𐴃𐴞𐴌 𐴀𐴟𐴓𐴋𐴝 𐴁𐴡𐴓𐴞 , 𐴏𐴦𐴠𐴁 𐴆𐴤𐴙𐴝𐴓𐴌𐴥𐴠𐴕 𐴃𐴡𐴕𐴎𐴞𐴔𐴠 𐴈𐴡𐴘𐴧𐴠 𐴱𐴱

Sources : Irrawaddy.,com