𐴀𐴟𐴑𐴤𐴞𐴘𐴝 𐴄𐴤𐴠𐴚 𐴈𐴥𐴝𐴓𐴞𐴃 𐴇𐴥𐴝𐴣𐴃 𐴐𐴤𐴡𐴃𐴡𐴌 𐴖𐴡𐴌𐴠 𐴊𐴠𐴐𐴡𐴙𐴃𐴧𐴝 𐴒𐴤𐴡𐴌𐴒𐴟𐴐𐴧𐴞 𐴁𐴠𐴐𐴤𐴞 𐴀𐴡𐴕𐴞𐴌𐴝𐴉𐴡𐴃𐴧𐴝𐴃 𐴱𐴱

𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔 𐴀𐴡𐴉𐴡𐴌𐴝𐴊𐴞 𐴀𐴡 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓𐴡𐴌 𐴉𐴝𐴕𐴝𐴇 𐴒𐴤𐴝 𐴀𐴥𐴡𐴀𐴡𐴕𐴡𐴌 𐴎𐴡𐴌𐴞𐴘𐴝 𐴀𐴟𐴑𐴤𐴞𐴘𐴝 𐴄𐴤𐴠𐴚 𐴈𐴥𐴝𐴓𐴞𐴌 𐴇𐴥𐴝𐴣𐴃 𐴐𐴤𐴡𐴃𐴡𐴌 𐴖𐴡𐴌𐴠 𐴊𐴠𐴐𐴡𐴙𐴃𐴧𐴝 𐴒𐴤𐴡𐴌𐴒𐴟𐴐𐴧𐴞 𐴁𐴠𐴐𐴤𐴞 𐴀𐴡𐴕𐴞𐴌𐴝𐴉𐴡𐴃𐴧𐴝 𐴔𐴝𐴎𐴤𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴥𐴡𐴑𐴧𐴡𐴓𐴡𐴌 𐴈𐴝𐴌𐴡𐴕𐴠 𐴀𐴥𐴞𐴃𐴝𐴌𐴝𐴃𐴧𐴟 𐴀𐴡𐴔𐴝𐴙𐴕𐴐𐴡𐴃𐴝 𐴎𐴞𐴕𐴊𐴞𐴒𐴞 𐴒𐴡𐴌𐴥𐴝 𐴉𐴡𐴌𐴠𐴀𐴠𐴌𐴱𐴱

𐴋𐴡𐴌 𐴀𐴝𐴌 𐴀𐴝𐴃𐴡𐴚𐴑𐴡𐴌 𐴏𐴥𐴡𐴁𐴡𐴁𐴠 𐴁𐴠𐴐𐴤𐴞 𐴔𐴝𐴙𐴕𐴐𐴠 𐴕𐴞𐴎𐴡𐴌 𐴉𐴟𐴃 𐴎𐴤𐴞𐴀𐴞 𐴀𐴥𐴡𐴑𐴧𐴡𐴓𐴡𐴌𐴠 𐴀𐴞𐴐𐴑𐴟𐴓𐴡𐴃 𐴕𐴡 𐴉𐴝𐴄𐴤𐴝𐴘 𐴒𐴤𐴡𐴌𐴡𐴃 𐴁𐴟𐴖𐴥𐴝 𐴒𐴡𐴌𐴥𐴝𐴘 𐴌𐴝𐴙𐴑𐴧𐴤𐴙𐴠 , 𐴀𐴝𐴊𐴤𐴝 𐴐𐴤𐴡𐴃𐴡𐴌𐴃𐴧𐴟 𐴁𐴤𐴝𐴌𐴡 𐴁𐴠𐴐𐴤𐴞 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓𐴡𐴌 𐴋𐴝𐴀𐴝𐴘 𐴀𐴥𐴡𐴑𐴧𐴡𐴓𐴠 , 𐴑𐴠𐴀𐴠𐴔𐴡𐴌 𐴁𐴤𐴟𐴃𐴡𐴌𐴠 𐴀𐴝𐴌 𐴁𐴝𐴀𐴝𐴌𐴠 𐴕𐴞𐴐𐴤𐴝 𐴁𐴠𐴏𐴝 𐴑𐴞𐴕𐴝 𐴒𐴡𐴌𐴥𐴝𐴌 𐴉𐴥𐴟𐴣𐴖𐴝𐴣𐴃𐴞 𐴑𐴠𐴀𐴠𐴔𐴡𐴌 𐴖𐴡𐴌𐴠 𐴊𐴝𐴊𐴝 𐴒𐴞𐴌𐴞 𐴎𐴡𐴔𐴝𐴘 𐴌𐴝𐴙𐴑𐴧𐴤𐴙𐴠 𐴱𐴱

𐴑𐴤𐴟𐴕 𐴒𐴡𐴌𐴥𐴝 𐴀𐴝𐴌 𐴒𐴟𐴓𐴞 𐴏𐴝𐴓𐴝 𐴏𐴝𐴓𐴞 𐴒𐴡𐴌𐴥𐴝 𐴔𐴦𐴔𐴟𐴓𐴞 ( 𐴀𐴥𐴡𐴐𐴧𐴡𐴊𐴡𐴃𐴤𐴞 ) 𐴁𐴝𐴕𐴝𐴘 𐴉𐴥𐴠𐴓𐴝𐴘𐴧𐴠 , 7 1 0 2 𐴐𐴤𐴡𐴕 𐴓𐴡𐴃𐴞 𐴀𐴝𐴙𐴅𐴧𐴙𐴝 𐴉𐴡𐴙𐴅𐴧𐴡𐴕𐴃𐴡 𐴀𐴝𐴃𐴡𐴚𐴁𐴝𐴊𐴞 𐴋𐴝𐴀𐴝𐴘 𐴀𐴥𐴟𐴀𐴟𐴕𐴠 𐴸 𐴱 𐴎𐴡𐴕 𐴔𐴝𐴎𐴤𐴞 𐴐𐴤𐴡𐴣𐴀𐴡 𐴰 𐴰 𐴱 𐴐𐴤𐴡𐴃𐴡𐴌 𐴖𐴡𐴌𐴠 𐴔𐴝𐴕𐴥𐴟𐴙𐴐𐴢 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠 𐴱𐴱

𐴀𐴟𐴑𐴤𐴞𐴘𐴝 𐴄𐴤𐴠𐴚 𐴈𐴥𐴝𐴓𐴞𐴌 𐴒𐴤𐴟𐴕𐴝𐴌 𐴉𐴝𐴌𐴝 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔 𐴓𐴡𐴘 𐴁𐴝𐴎𐴝𐴘𐴧𐴝 𐴋𐴠𐴕𐴥𐴝 𐴁𐴝𐴔𐴥𐴠 𐴰 𐴰 𐴷 𐴇𐴥𐴝𐴣𐴃 𐴐𐴤𐴡𐴃𐴡𐴌 𐴖𐴡𐴌𐴠 𐴊𐴠𐴐𐴡𐴙𐴃𐴧𐴝 𐴒𐴤𐴡𐴌𐴒𐴟𐴐𐴧𐴞 𐴀𐴝𐴏𐴥𐴠 , 𐴌𐴟𐴇𐴝𐴙𐴚𐴒𐴙𐴝 𐴀𐴝𐴃𐴡𐴚𐴁𐴝𐴊𐴞 𐴋𐴝𐴀𐴝𐴘 𐴓𐴡𐴘 𐴔𐴞𐴓𐴞 𐴊𐴠𐴐𐴡𐴌 𐴀𐴥𐴠𐴏𐴃𐴝𐴕𐴞 𐴑𐴠𐴙𐴏𐴧𐴟 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓 𐴀𐴥𐴡𐴊𐴡𐴌 𐴁𐴝𐴀𐴝𐴌𐴠 𐴁𐴠𐴉𐴡𐴌𐴁𐴝 𐴀𐴥𐴡𐴘 𐴒𐴞𐴘𐴡𐴘 𐴁𐴡𐴓𐴞 𐴊𐴟𐴑 𐴉𐴝𐴘𐴧𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱𐴱

𐴈𐴡𐴕𐴥𐴡 𐴀𐴝𐴐𐴤𐴝𐴔𐴞 𐴊𐴤𐴡𐴌𐴝 𐴉𐴡𐴌𐴞 𐴑𐴠𐴙𐴏𐴢 𐴏𐴡𐴓𐴞𐴓𐴥𐴠 , 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓𐴠 𐴑𐴠𐴙𐴏𐴡𐴌 𐴒𐴡𐴁𐴤𐴝𐴌 𐴖𐴡𐴌𐴠 𐴇𐴥𐴝𐴔𐴓𐴝 𐴒𐴡𐴌𐴥𐴠 , 𐴀𐴥𐴠 𐴀𐴡𐴑𐴃𐴡𐴃 𐴂𐴝𐴁𐴓𐴥𐴠𐴑 𐴀𐴥𐴡𐴀𐴡𐴑 𐴘𐴝 𐴇𐴥𐴡𐴑𐴟𐴔𐴡𐴃 𐴀𐴥𐴡𐴀𐴡𐴑 𐴈𐴡𐴕𐴥𐴡 𐴃𐴡𐴌𐴉𐴡𐴌𐴃𐴧𐴟 𐴈𐴡𐴕𐴥𐴡 𐴑𐴞𐴏𐴞𐴔𐴧𐴝 𐴔𐴡𐴊𐴡𐴊 𐴉𐴝𐴀𐴝 𐴕𐴡 𐴎𐴝𐴀𐴝 𐴁𐴡𐴓𐴞 𐴔𐴡𐴎𐴓𐴟𐴔 𐴊𐴠𐴐𐴡𐴙𐴃𐴧𐴝 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 𐴱𐴱

𐴇𐴥𐴡𐴑𐴟𐴔𐴡𐴃𐴞 𐴀𐴝𐴊𐴞𐴑𐴝𐴌𐴞 𐴀𐴥𐴡𐴑𐴧𐴡𐴓𐴠, 𐴀𐴠𐴕𐴋𐴞𐴓𐴧𐴝 𐴀𐴝𐴃𐴡𐴚𐴁𐴝𐴊𐴞 𐴒𐴞𐴌𐴞𐴌 𐴓𐴡𐴌𐴝 𐴏𐴡𐴌𐴝 𐴑𐴡𐴕𐴄𐴡𐴌𐴦𐴟𐴓 𐴒𐴡𐴌𐴥𐴞𐴁𐴡𐴓𐴧𐴝 𐴏𐴝𐴀𐴝𐴌 , 𐴀𐴠𐴓𐴝𐴑𐴝𐴃 𐴐𐴤𐴝𐴕𐴃𐴞 𐴀𐴝𐴘𐴧𐴠 𐴉𐴝𐴀𐴝𐴕 𐴏𐴞𐴕𐴧𐴡 𐴒𐴡𐴙𐴅𐴧𐴤𐴙𐴝 𐴀𐴝𐴃𐴡𐴚𐴁𐴝𐴊𐴞 𐴀𐴥𐴡𐴑𐴧𐴡𐴓𐴡𐴌𐴠 𐴒𐴠𐴌𐴠𐴉𐴃𐴝𐴌 𐴒𐴡𐴌𐴥𐴞 𐴁𐴡𐴓𐴧𐴝 𐴀𐴟𐴑𐴤𐴞𐴘𐴝 𐴄𐴤𐴠𐴚 𐴈𐴥𐴝𐴓𐴞𐴌 𐴒𐴤𐴟𐴕𐴝 𐴉𐴝𐴌𐴝𐴌 𐴔𐴝𐴙𐴕𐴐𐴙𐴠 𐴇𐴥𐴡𐴑𐴟𐴔𐴡𐴃𐴡𐴌 𐴈𐴝𐴣𐴏𐴠 𐴊𐴝𐴁𐴞 𐴎𐴝𐴕𐴝𐴘𐴧𐴠 𐴱𐴱

Sources : Ukhiyanews.com