𐴔𐴡𐴒𐴢 𐴉𐴝𐴙𐴅𐴧𐴙𐴝 𐴀𐴥𐴡𐴑𐴧𐴡𐴓𐴠 𐴊𐴟𐴘 𐴎𐴡𐴕 𐴔𐴟𐴏𐴡𐴓𐴔𐴝𐴕 𐴎𐴝𐴙𐴓𐴧𐴝 𐴊𐴡𐴙𐴅𐴧𐴙𐴝𐴃𐴧𐴟 𐴁𐴝𐴏𐴝𐴘 𐴓𐴡𐴘𐴧𐴠 𐴱𐴱

𐴏𐴞𐴃𐴌𐴝𐴚 𐴒𐴤𐴟𐴕𐴧𐴞 𐴎𐴤𐴡𐴌 𐴃𐴟𐴖𐴝𐴕𐴠 𐴔𐴝𐴌𐴞 𐴊𐴡𐴙𐴅𐴧𐴙𐴝𐴃 𐴁𐴟𐴄 𐴋𐴟𐴉𐴥𐴞 𐴒𐴞𐴘𐴠 𐴒𐴤𐴡𐴘𐴊𐴠 𐴔𐴟𐴏𐴡𐴓𐴔𐴝𐴕 𐴎𐴝𐴙𐴓𐴧𐴝 𐴊𐴟𐴘 𐴎𐴡𐴕𐴡𐴌𐴠 𐴔𐴡𐴒𐴢 𐴉𐴝𐴌𐴝𐴌 𐴔𐴡𐴒𐴢 𐴈𐴡𐴊𐴦𐴟𐴕𐴠 𐴁𐴝𐴏𐴝𐴘 𐴓𐴡𐴘𐴧𐴠 , 𐴀𐴝𐴙𐴑𐴧𐴙𐴝𐴁𐴡𐴌 𐴀𐴥𐴟𐴕 𐴋𐴦𐴡 𐴆𐴙𐴠 𐴀𐴝𐴘 𐴋𐴞 𐴂𐴞 𐴑𐴠𐴀𐴠𐴔𐴡𐴌 𐴔𐴟𐴇𐴝𐴔𐴧𐴡𐴊 𐴑𐴝𐴏𐴞𐴔 ( 𐴁𐴤𐴟𐴄 𐴏𐴝𐴄𐴞 ) 𐴁𐴡𐴐𐴢 𐴴 𐴴 𐴁𐴡𐴏𐴥𐴡𐴌 𐴀𐴝𐴌 𐴁𐴡𐴋𐴟 𐴁𐴤𐴝 𐴀𐴝𐴘 𐴋𐴞 𐴂𐴞 𐴑𐴠𐴀𐴠𐴔𐴡𐴌 𐴅𐴡𐴓𐴝𐴓 𐴀𐴝𐴇𐴔𐴡𐴊 𐴁𐴡𐴐𐴢 𐴷 𐴲 𐴁𐴡𐴏𐴥𐴡𐴌 𐴱𐴱

𐴀𐴠 𐴊𐴟𐴕𐴥𐴞 𐴎𐴡𐴕 𐴒𐴡𐴃𐴡 𐴴 𐴲 𐴃𐴝𐴌𐴥𐴞𐴑 𐴀𐴡𐴑𐴄𐴟𐴁𐴡𐴌 𐴔𐴝𐴐𐴡𐴃 𐴁𐴞𐴀𐴞𐴕𐴧𐴝 𐴀𐴝𐴙𐴑𐴧𐴙𐴝𐴁𐴡𐴌 𐴉𐴡𐴓𐴧𐴝𐴕 𐴉𐴝𐴌𐴝𐴌 𐴉𐴡𐴏𐴥𐴞𐴔𐴠 𐴊𐴡𐴙𐴅𐴧𐴙𐴝𐴃 , 𐴀𐴠𐴑𐴧𐴤𐴝𐴕 𐴕𐴦𐴡 𐴓𐴡𐴘 𐴔𐴝𐴏𐴢 𐴏𐴝𐴘𐴃𐴤𐴡 𐴓𐴝𐴙𐴔𐴧𐴥𐴙𐴠 , 𐴃𐴡𐴀𐴡𐴘 𐴀𐴝𐴃𐴤𐴞𐴑𐴧𐴙𐴝 𐴏𐴞𐴃𐴌𐴝𐴚 𐴃𐴟𐴖𐴝𐴕𐴡𐴌 𐴁𐴡𐴘𐴧𐴝𐴌𐴡𐴌 𐴅𐴤𐴝𐴄𐴑𐴝 𐴘𐴠 𐴀𐴥𐴞𐴃𐴝𐴌𐴝𐴌 𐴁𐴟𐴄 𐴋𐴟𐴉𐴥𐴞 𐴒𐴞𐴘𐴡𐴘 , 𐴔𐴟𐴇𐴝𐴔𐴧𐴡𐴊 𐴑𐴝𐴏𐴥𐴞𐴔 𐴊𐴡𐴙𐴅𐴧𐴙𐴝𐴃 𐴁𐴤𐴝𐴐𐴞 𐴁𐴤𐴝𐴐𐴞 𐴌𐴝𐴏𐴞𐴊𐴡𐴚 𐴀𐴠𐴓𐴝𐴑𐴝𐴌 𐴋𐴤𐴟𐴔 𐴂𐴝𐴙𐴑 𐴔𐴡𐴒𐴢 𐴉𐴝𐴌𐴝𐴌 𐴈𐴝𐴣𐴏𐴝𐴃 𐴉𐴡𐴣𐴀𐴡𐴙𐴏𐴧𐴠 𐴒𐴤𐴡𐴘 , 𐴀𐴥𐴠 𐴉𐴝𐴙𐴅𐴧𐴙𐴝 𐴔𐴡𐴒𐴢 𐴀𐴥𐴡𐴑𐴧𐴡𐴓𐴠 𐴊𐴠𐴑𐴤𐴞 𐴊𐴡𐴙𐴅𐴧𐴙𐴝𐴃𐴧𐴟 𐴃𐴟𐴓𐴥𐴞 𐴓𐴡𐴘𐴧𐴠 𐴱𐴱

𐴅𐴡𐴓𐴝𐴓 𐴀𐴝𐴇𐴔𐴡𐴊 𐴁𐴤𐴝𐴐𐴞 𐴁𐴤𐴝𐴐𐴞 𐴔𐴡𐴚𐴋𐴤𐴟 𐴀𐴠𐴓𐴝𐴑𐴝𐴌 𐴊𐴡𐴀𐴡𐴙𐴕𐴡𐴌 𐴀𐴝𐴚𐴋𐴝𐴚 𐴔𐴡𐴒𐴢 𐴉𐴝𐴌𐴝𐴌 𐴈𐴝𐴣𐴏𐴝𐴃 𐴉𐴡𐴣𐴀𐴡𐴙𐴏𐴧𐴙𐴠 𐴒𐴤𐴡𐴘 , 𐴃𐴡𐴀𐴡𐴘 𐴀𐴥𐴠 𐴉𐴝𐴙𐴅𐴧𐴙𐴝 𐴔𐴡𐴒𐴢 𐴀𐴥𐴡𐴑𐴧𐴡𐴓𐴠 𐴊𐴠𐴑𐴤𐴞 𐴀𐴥𐴞𐴃𐴝𐴌𐴠 𐴊𐴡𐴙𐴅𐴧𐴙𐴝𐴃𐴧𐴟 𐴃𐴟𐴓𐴥𐴞 𐴓𐴡𐴘𐴧𐴠 , 𐴁𐴦𐴝𐴊𐴠 𐴊𐴟𐴕𐴥𐴞 𐴉𐴝𐴌𐴝𐴌 𐴔𐴡𐴒𐴢 𐴀𐴥𐴡𐴑𐴧𐴡𐴓𐴠 𐴁𐴤𐴝𐴓𐴝 𐴔𐴡𐴃𐴠 𐴕𐴞𐴌𐴝𐴉𐴡𐴃𐴧𐴝𐴌 𐴏𐴥𐴝𐴣𐴀𐴝𐴃𐴠 𐴀𐴥𐴞𐴃𐴝𐴌𐴝 𐴊𐴟𐴕𐴥𐴞 𐴎𐴡𐴕𐴡𐴌𐴠 𐴀𐴝𐴙𐴑𐴧𐴙𐴁 𐴀𐴝𐴘 𐴋𐴞 𐴂𐴞 𐴑𐴠𐴀𐴠𐴔𐴡𐴃 𐴉𐴡𐴣𐴀𐴡𐴏𐴝𐴘 𐴊𐴞𐴘𐴠 𐴁𐴡𐴓𐴞 𐴎𐴝𐴕𐴝 𐴒𐴞𐴘𐴠 𐴱𐴱

𐴐𐴤𐴡𐴔𐴝𐴎𐴞𐴑 𐴑𐴡𐴌𐴔𐴞 𐴀𐴠𐴑 𐴎𐴡𐴕𐴠 , 𐴒𐴞𐴘𐴡𐴘𐴊𐴠 𐴎𐴡𐴁𐴝𐴕𐴝𐴃 𐴔𐴟𐴏𐴡𐴓𐴔𐴝𐴕 𐴀𐴝𐴌 𐴁𐴟𐴋𐴧𐴤𐴞𐴏𐴢 𐴔𐴡𐴒𐴡𐴌 𐴔𐴝𐴎𐴤𐴠 𐴁𐴠𐴌𐴟𐴊𐴧𐴤𐴞𐴃𐴝 𐴀𐴝𐴌 𐴐𐴤𐴟𐴃𐴧𐴡𐴌𐴡𐴃𐴝𐴔𐴞 𐴀𐴝𐴐𐴧𐴤𐴞𐴀𐴞𐴓 , 𐴀𐴠𐴈𐴥𐴡𐴕 𐴀𐴥𐴞𐴃𐴝𐴌𐴝 𐴀𐴝𐴉𐴡𐴏𐴡𐴃 𐴀𐴠𐴑 𐴎𐴡𐴕𐴠 𐴀𐴡𐴉𐴡𐴌 𐴎𐴡𐴕𐴡𐴌𐴠 𐴀𐴞𐴎𐴧𐴡𐴃 𐴀𐴝𐴊𐴡𐴌 𐴒𐴡𐴌𐴥𐴝 𐴐𐴤𐴞𐴑𐴧𐴙𐴠 𐴁𐴡𐴓𐴞 𐴈𐴡𐴘𐴧𐴠 , 𐴊𐴠𐴐𐴡𐴙𐴃𐴧𐴝 𐴀𐴠𐴑 𐴎𐴡𐴕𐴡𐴌 𐴅𐴝𐴕𐴑𐴝𐴌𐴞 𐴔𐴡𐴎𐴞𐴕 , 𐴀𐴠 𐴏𐴞𐴃𐴌𐴝𐴚 𐴒𐴤𐴟𐴕𐴧𐴞 𐴎𐴤𐴡𐴌 𐴃𐴟𐴖𐴝𐴕𐴡𐴌 𐴎𐴡𐴌𐴞𐴘𐴝 𐴁𐴝𐴚𐴓𐴝𐴊𐴠𐴐𐴡𐴃 𐴁𐴡𐴀𐴡𐴃 𐴔𐴝𐴕𐴥𐴟𐴙𐴐𐴢 𐴔𐴡𐴙𐴅𐴧𐴤𐴙𐴠 𐴀𐴝𐴌 𐴀𐴝𐴙𐴑𐴧𐴙𐴝𐴁 𐴐𐴤𐴡𐴣𐴀𐴡 𐴀𐴝𐴌𐴑𐴝𐴕𐴡𐴃 𐴊𐴡𐴙𐴅𐴧𐴙𐴝𐴌 𐴏𐴥𐴝𐴘𐴋𐴠 𐴘𐴥𐴡 𐴁𐴡𐴀𐴡𐴃 𐴒𐴤𐴡𐴌 𐴀𐴝𐴌 𐴊𐴤𐴝𐴕 𐴑𐴤𐴠𐴃𐴞 𐴁𐴡𐴌𐴁𐴝𐴊 𐴒𐴞𐴘𐴡𐴘 𐴱𐴱

Sources : Narinjara