𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞 𐴘𐴠 𐴔𐴡𐴚𐴋𐴤𐴟 𐴀𐴝𐴌 𐴁𐴤𐴟𐴏𐴞𐴊𐴡𐴚𐴡𐴌 𐴔𐴝𐴎𐴤𐴡𐴌 𐴌𐴝𐴏𐴧𐴝𐴌 𐴀𐴞𐴕𐴑𐴗𐴝𐴌𐴞 𐴒𐴠𐴙𐴄𐴡𐴃 𐴌𐴟𐴇𐴝𐴙𐴚𐴒𐴙𐴝 𐴵 𐴎𐴡𐴕 𐴁𐴡𐴕 𐴒𐴡𐴌𐴥𐴞 𐴌𐴝𐴙𐴑𐴧𐴤𐴙𐴠 𐴱𐴱

𐴀𐴝𐴌𐴑𐴝𐴕𐴡𐴃 𐴁𐴤𐴟𐴏𐴞𐴊𐴡𐴚𐴡𐴌𐴀𐴞𐴕𐴑𐴗𐴝𐴌𐴞 𐴒𐴠𐴙𐴄𐴡𐴃 𐴏𐴥𐴞𐴑𐴙𐴟𐴌𐴞𐴄𐴞 𐴉𐴥𐴡𐴗𐴏𐴠 , 𐴀𐴝𐴀𐴝 𐴎𐴝𐴀𐴝 𐴒𐴡𐴌𐴠𐴀𐴠𐴌 𐴊𐴧𐴠 𐴒𐴝𐴌𐴥𐴞 𐴀𐴥𐴡𐴑𐴧𐴡𐴓𐴡𐴌𐴠 𐴏𐴠𐴑 𐴒𐴡𐴌𐴠𐴀𐴠𐴌 𐴊𐴧𐴠 𐴐𐴤𐴡𐴣𐴀𐴡𐴃 , 𐴒𐴡𐴃𐴡 𐴈𐴝𐴙𐴓𐴧𐴧𐴝 𐴀𐴥𐴝𐴣𐴎𐴡𐴙𐴕𐴧𐴝 𐴵 𐴁𐴝𐴎𐴠 𐴁𐴤𐴟𐴏𐴞𐴊𐴡𐴚 𐴴 𐴓𐴡𐴔𐴁𐴤𐴡𐴌 𐴌𐴥𐴠𐴑𐴧𐴗𐴥𐴝𐴃 𐴃𐴤𐴝𐴑𐴠𐴊𐴠 𐴔𐴟𐴇𐴝𐴔𐴧𐴡𐴃 𐴇𐴟𐴏𐴡𐴕𐴡𐴌 𐴉𐴟𐴖𐴝 / 𐴔𐴟𐴇𐴝𐴔𐴧𐴡𐴊 𐴌𐴡𐴉𐴞𐴑 𐴁𐴡𐴐𐴢 𐴴 𐴲 𐴁𐴡𐴏𐴥𐴡𐴌 , 𐴀𐴞𐴃𐴠 𐴔𐴡𐴚𐴋𐴤𐴟𐴌 𐴀𐴥𐴠𐴑𐴟𐴓𐴃𐴟 𐴏𐴝𐴓𐴝𐴀𐴝𐴘 𐴀𐴝𐴘𐴧𐴠𐴌𐴊𐴧𐴠 𐴃𐴞𐴕 𐴏𐴝𐴑𐴧𐴝 𐴒𐴝𐴌𐴥𐴞 𐴃𐴤𐴞𐴘𐴝 𐴒𐴡𐴌𐴥𐴝𐴘 𐴏𐴠𐴑 𐴒𐴡𐴌𐴠𐴀𐴠𐴌 𐴊𐴠 𐴀𐴡𐴑𐴃𐴤𐴡𐴃 , 𐴒𐴝𐴌𐴥𐴞𐴃 𐴀𐴝𐴏𐴥𐴠𐴊𐴠 𐴏𐴝𐴙𐴌 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴐𐴤𐴡𐴣𐴀𐴡 𐴀𐴥𐴞𐴃𐴝𐴌𐴠 𐴀𐴥𐴟𐴊𐴧𐴝 𐴁𐴡𐴕 𐴒𐴡𐴌𐴥𐴞 𐴉𐴥𐴠𐴓𐴝𐴘𐴧𐴠 𐴊𐴠 𐴘𐴝𐴀𐴝𐴕 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

𐴁𐴡𐴕 𐴀𐴥𐴡𐴘𐴧𐴠𐴊𐴠 𐴀𐴥𐴞𐴃𐴝𐴌𐴝 𐴀𐴥𐴡𐴙𐴓𐴊𐴠 / 𐴘𐴟𐴕𐴟𐴏𐴢 𐴁𐴝𐴉𐴢 𐴕𐴟𐴌 𐴀𐴝𐴓𐴡𐴔 𐴁𐴡𐴐𐴢 𐴰 𐴲 𐴁𐴡𐴏𐴥𐴡𐴌 / 𐴀𐴞𐴏𐴔𐴝𐴀𐴞𐴓 𐴁𐴝𐴉𐴢 𐴀𐴝𐴁𐴊𐴟𐴏𐴢 𐴏𐴡𐴓𐴝𐴔 𐴁𐴡𐴐𐴢 𐴴 𐴲 𐴁𐴡𐴏𐴥𐴡𐴌 / 𐴑𐴤𐴟𐴌𐴐𐴞𐴊𐴝 𐴁𐴝𐴉𐴢 𐴌𐴡𐴐𐴞𐴊 𐴀𐴝𐴇𐴔𐴡𐴊 𐴁𐴡𐴐𐴢 𐴵 𐴱 𐴁𐴡𐴏𐴥𐴡𐴌 / 𐴕𐴟𐴌 𐴏𐴦𐴝𐴊𐴞𐴘𐴝 𐴁𐴝𐴉𐴢 𐴀𐴝𐴓𐴞𐴅𐴟𐴇𐴝𐴌 𐴁𐴡𐴐𐴢 𐴶 𐴱 𐴁𐴡𐴏𐴥𐴡𐴌 , 𐴀𐴞𐴃𐴝𐴌𐴝 𐴷 𐴱 𐴰 𐴲 𐴐𐴤𐴡𐴕𐴡𐴃 𐴌𐴟𐴇𐴝𐴙𐴚𐴒𐴙𐴝 𐴅𐴠𐴕𐴟𐴏𐴥𐴝𐴙𐴋𐴡𐴌 𐴎𐴟𐴓𐴟𐴔𐴡𐴃𐴧𐴟𐴕 𐴉𐴡𐴌𐴝𐴕 𐴁𐴝𐴏𐴝𐴘 𐴁𐴝𐴚𐴓𐴝𐴊𐴠𐴐𐴡𐴃 𐴊𐴤𐴝𐴘 𐴒𐴞𐴀𐴞𐴓 𐴒𐴤𐴡𐴘 𐴱𐴱

𐴁𐴦𐴝𐴊𐴠 𐴑𐴝𐴑𐴏𐴡 𐴁𐴝𐴎𐴝𐴌 𐴀𐴠𐴓𐴝𐴑𐴝 𐴁𐴝𐴓𐴟𐴈𐴥𐴝𐴓𐴞 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴃𐴤𐴝𐴙𐴑𐴧𐴞𐴀𐴞𐴓𐴊𐴠 𐴔𐴝𐴕𐴥𐴟𐴙𐴐𐴢 , 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 𐴏𐴡𐴓𐴝 𐴉𐴥𐴞𐴌𐴝 𐴃𐴤𐴝𐴑𐴝 𐴐𐴤𐴟𐴁𐴞𐴊𐴝 𐴕𐴡 𐴀𐴥𐴡𐴀𐴡𐴕𐴡 𐴎𐴡𐴌𐴞𐴘𐴝 , 𐴕𐴞𐴎𐴡𐴌 𐴊𐴠𐴐𐴡𐴃 𐴖𐴝𐴉𐴠𐴏𐴢 𐴀𐴝𐴀𐴝𐴘 𐴎𐴝𐴌𐴒𐴤𐴡𐴘𐴊𐴠 𐴎𐴝𐴕𐴝 𐴒𐴞𐴘𐴠 , 𐴖𐴝𐴉𐴠𐴏𐴢 𐴒𐴤𐴡𐴙𐴓𐴧𐴠𐴊𐴠 𐴌𐴟𐴇𐴝𐴙𐴚𐴒𐴙𐴝 𐴏𐴝𐴙𐴌𐴀𐴥𐴡 𐴎𐴡𐴕𐴡𐴌𐴠 𐴀𐴠𐴔𐴞𐴒𐴞𐴌𐴞𐴐𐴤𐴠𐴕 𐴑𐴝𐴕𐴟𐴕𐴡𐴌 𐴊𐴤𐴝𐴌𐴝 𐴔𐴡𐴎𐴞𐴕 𐴑𐴝𐴌𐴖𐴝𐴘 𐴒𐴡𐴌𐴥𐴞 𐴀𐴠𐴑𐴐𐴤𐴠𐴕 𐴓𐴟𐴖𐴝 𐴎𐴝𐴘𐴁𐴡 , 𐴀𐴝𐴌 𐴒𐴝𐴌𐴥𐴞 𐴀𐴡𐴓𐴝 𐴋𐴠𐴌𐴠𐴁𐴝𐴌𐴡 𐴌𐴥𐴠 𐴔𐴝𐴕𐴥𐴟𐴙𐴐𐴢 𐴁𐴠𐴓𐴠𐴑 𐴒𐴡𐴌𐴥𐴝 𐴑𐴝𐴕𐴟𐴕𐴡𐴌 𐴊𐴤𐴝𐴌𐴝 𐴔𐴡𐴎𐴞𐴕 𐴑𐴠𐴙𐴏𐴢 𐴑𐴤𐴟𐴓𐴞 𐴀𐴠𐴑𐴐𐴤𐴠𐴕 𐴓𐴡𐴘𐴁𐴡 𐴁𐴡𐴓𐴞 𐴔𐴠𐴓𐴠𐴄𐴠𐴌𐴞 𐴑𐴡𐴗𐴕𐴏𐴞𐴌 𐴈𐴥𐴡𐴁𐴡𐴌 𐴔𐴡𐴎𐴞𐴕 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

Sources : AFN