𐴎𐴟𐴌𐴝 𐴑𐴤𐴟𐴕𐴞𐴌 𐴀𐴝𐴐𐴤𐴝𐴔𐴞 𐴒𐴠𐴌𐴠𐴉𐴃𐴝𐴌 𐴱𐴱

𐴑𐴝𐴑𐴏𐴡 𐴁𐴝𐴎𐴝𐴌 𐴀𐴟𐴑𐴤𐴞𐴘𐴝 𐴌𐴟𐴇𐴝𐴙𐴚𐴒𐴙𐴝 𐴑𐴠𐴀𐴠𐴔𐴡𐴃 𐴎𐴟𐴌𐴝 𐴑𐴤𐴟𐴕𐴞𐴌 ( 𐴀𐴠𐴑𐴧𐴟 𐴉𐴥𐴟𐴣𐴖𐴝𐴃𐴞 𐴊𐴟𐴘 𐴎𐴡𐴕 𐴑𐴤𐴟𐴕𐴡𐴌 ) 𐴔𐴦𐴝𐴔𐴠𐴓𐴝 𐴓𐴡𐴘 𐴀𐴠𐴎𐴇𐴦𐴝𐴌 𐴕𐴝𐴔𐴡𐴌 𐴏𐴝𐴙𐴌 𐴎𐴡𐴕 𐴀𐴝𐴐𐴤𐴝𐴔𐴞 , 𐴀𐴠 𐴂𐴞 𐴁𐴞 𐴀𐴠𐴕 𐴀𐴥𐴝𐴣𐴃𐴞𐴘𐴝𐴌𐴞 𐴉𐴟𐴓𐴞𐴐𐴢 𐴁𐴠𐴄𐴤𐴠𐴓𐴞𐴘𐴠𐴕 𐴸 𐴓𐴡𐴔𐴁𐴤𐴡𐴌 𐴉𐴟𐴓𐴞𐴐𐴡𐴌 𐴇𐴥𐴝𐴃𐴡𐴃 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠 𐴱𐴱

𐴀𐴝𐴙𐴅𐴧𐴙𐴝 𐴀𐴡𐴑𐴄𐴟𐴁𐴡𐴌 𐴔𐴝𐴐𐴡𐴌 𐴸 𐴱 𐴃𐴝𐴌𐴥𐴞𐴑 𐴔𐴡𐴚𐴒𐴡𐴓 𐴁𐴝𐴌𐴠 , 𐴀𐴥𐴞𐴃𐴝𐴌𐴝 𐴌𐴠 𐴳 𐴱 𐴀𐴝𐴌 𐴹 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴃𐴧𐴟 𐴒𐴠𐴌𐴠𐴉𐴃𐴝𐴌 𐴒𐴡𐴙𐴅𐴧𐴤𐴙𐴠𐴊𐴠 𐴈𐴥𐴡𐴁𐴡𐴌 , 𐴀𐴠 𐴂𐴞 𐴁𐴞 𐴀𐴠𐴕𐴡𐴌 𐴐𐴡𐴇𐴑𐴝𐴌𐴞 𐴉𐴟𐴓𐴞𐴐 𐴏𐴟𐴉𐴝𐴌 ( 𐴀𐴡 𐴂𐴞 𐴀𐴠𐴏𐴢 𐴀𐴡 𐴔𐴠𐴋𐴞𐴘𐴝 / 𐴉𐴝𐴌𐴟𐴑 𐴀𐴝𐴇𐴔𐴡𐴊𐴠 𐴏𐴥𐴡𐴀𐴞 𐴈𐴥𐴝𐴄𐴞 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴀𐴝𐴐𐴤𐴝𐴔𐴞 𐴀𐴥𐴟𐴀𐴟𐴕 𐴀𐴥𐴡𐴙𐴓𐴊𐴠 , 𐴳 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴁𐴤𐴝𐴐𐴞𐴕𐴊𐴝/𐴈𐴝𐴓𐴝 𐴔𐴞𐴛𐴝 𐴔𐴡𐴌𐴇𐴦𐴟𐴔𐴡𐴌 𐴉𐴟𐴖𐴝 / 𐴐𐴡𐴔𐴏𐴟𐴓 𐴀𐴝𐴓𐴡𐴔 𐴁𐴡𐴐𐴢 𐴲 𐴵 𐴁𐴡𐴏𐴥𐴡𐴌 / 𐴐𐴡𐴁𐴧𐴞𐴌 𐴀𐴝𐴇𐴔𐴡𐴊 𐴔𐴡𐴌𐴇𐴦𐴟𐴔𐴡𐴌 𐴉𐴟𐴖𐴝 / 𐴌𐴡𐴐𐴞𐴊 𐴀𐴝𐴇𐴔𐴡𐴊 𐴁𐴡𐴐𐴢 𐴳 𐴵 𐴁𐴡𐴏𐴥𐴡𐴌 / 𐴔𐴡𐴖𐴓𐴡𐴁𐴞 𐴎𐴟𐴁𐴝𐴙𐴌 𐴀𐴝𐴇𐴔𐴡𐴊 𐴔𐴡𐴌𐴇𐴦𐴟𐴔𐴡𐴌 𐴉𐴟𐴖𐴝 / 𐴔𐴝𐴇𐴁𐴟𐴁𐴟𐴌 𐴌𐴝𐴇𐴔𐴝𐴕 𐴁𐴡𐴐𐴢 𐴵 𐴲 𐴁𐴡𐴏𐴥𐴡𐴌 𐴀𐴝𐴌 𐴹 𐴱

𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴁𐴤𐴝𐴐𐴞𐴕𐴊𐴝 / 𐴀𐴝𐴓𐴞 𐴀𐴝𐴇𐴔𐴡𐴊 𐴔𐴡𐴌𐴇𐴦𐴟𐴔𐴡𐴌 𐴉𐴟𐴖𐴝 / 𐴕𐴡𐴎𐴞𐴌 𐴀𐴝𐴇𐴔𐴡𐴊 𐴁𐴡𐴐𐴢 𐴷 𐴴 𐴁𐴡𐴏𐴥𐴡𐴌 𐴱𐴱

𐴀𐴠 𐴂𐴞 𐴁𐴞 𐴀𐴠𐴕𐴡𐴌 𐴀𐴝𐴊𐴞𐴑𐴝𐴌𐴞 / 𐴉𐴝𐴌𐴟𐴑 𐴀𐴝𐴇𐴔𐴡𐴊𐴠 𐴀𐴝𐴌𐴀𐴥𐴡 𐴎𐴝𐴕𐴝𐴘𐴧𐴠𐴊𐴠 , 𐴒𐴡𐴃𐴡 𐴵 𐴱 𐴃𐴝𐴌𐴥𐴞𐴑 𐴀𐴡𐴑𐴄𐴟𐴁𐴡𐴌 𐴔𐴝𐴐𐴡𐴃 𐴳 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴃 𐴀𐴠𐴑𐴧𐴟 𐴁𐴝𐴌𐴠 𐴊𐴦𐴡 𐴓𐴡𐴘 𐴑𐴟𐴉𐴝𐴘 𐴊𐴟𐴘 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴕𐴠𐴃𐴝 / 𐴀𐴝𐴕𐴖𐴝𐴌 𐴀𐴝𐴌 𐴔𐴡𐴓𐴡𐴁𐴞 𐴘𐴟𐴕𐴟𐴏𐴢 , 𐴊𐴟𐴕𐴥𐴞 𐴎𐴡𐴕𐴡𐴌𐴠 𐴔𐴝𐴌𐴞 𐴉𐴥𐴠𐴓𐴝𐴘𐴧𐴠𐴊𐴠 𐴒𐴤𐴡𐴄𐴡𐴕𐴝𐴃 , 𐴔𐴡𐴓𐴡𐴘 𐴘𐴟𐴕𐴟𐴏𐴡𐴌 𐴁𐴤𐴝𐴘 , 𐴉𐴥𐴡𐴌𐴘𐴝𐴊𐴞 𐴁𐴡𐴕𐴞 𐴕𐴝𐴔 𐴎𐴝𐴀𐴞𐴌 𐴒𐴡𐴌𐴥𐴞 𐴰 𐴲 𐴎𐴡𐴕 𐴀𐴝𐴌 𐴀𐴡𐴏𐴞𐴕𐴧𐴡 𐴕𐴝𐴔𐴡𐴌 𐴵 𐴱-𐴴 𐴱 𐴎𐴡𐴕 𐴔𐴝𐴙𐴕𐴐𐴡𐴌𐴠 𐴀𐴝𐴐𐴤𐴝𐴔𐴞 𐴊𐴞𐴀𐴞 𐴱𐴱

𐴀𐴟𐴑𐴤𐴞𐴘𐴝 𐴃𐴤𐴝𐴕𐴝𐴃 ( 𐴔𐴦𐴝𐴔𐴠𐴓𐴝 𐴓𐴡𐴔𐴁𐴤𐴡𐴌-𐴹 𐴴 𐴃𐴝𐴌𐴥𐴞𐴑 𐴶 𐴱 / 𐴰 𐴱 / 𐴲 𐴲 𐴰 𐴲 ) 𐴔𐴦𐴝𐴔𐴠𐴓𐴝 𐴃𐴤𐴟𐴓𐴞 𐴊𐴞𐴘𐴠 , 𐴔𐴦𐴝𐴔𐴠𐴓𐴝𐴌 𐴅𐴝𐴕𐴑𐴝𐴌𐴞 𐴔𐴡𐴎𐴞𐴕 𐴳 𐴱 𐴀𐴝𐴌 𐴹 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴃 , 𐴑𐴝𐴌𐴖𐴝𐴘 𐴒𐴡𐴌𐴥𐴞 𐴎𐴝𐴀𐴞𐴌 𐴕𐴝𐴔𐴡𐴌 𐴀𐴝𐴐𐴤𐴝𐴔𐴞 𐴏𐴝𐴙𐴌 𐴎𐴡𐴕𐴡𐴌𐴠 𐴒𐴠𐴌𐴠𐴉𐴃𐴝𐴌 𐴒𐴡𐴙𐴅𐴧𐴤𐴙𐴠 , 𐴊𐴤𐴡𐴌𐴝 𐴉𐴡𐴙𐴅𐴧𐴤𐴙𐴠𐴊𐴠 𐴀𐴥𐴟𐴀𐴟𐴕𐴡𐴌 𐴀𐴝𐴙𐴕𐴞 𐴂𐴡𐴌𐴡𐴏𐴥𐴠𐴏𐴢 𐴉𐴥𐴟𐴌𐴝𐴘 𐴁𐴦𐴝𐴊𐴠 𐴀𐴟𐴑𐴤𐴞𐴘𐴝 𐴃𐴤𐴝𐴕𐴝𐴃 𐴒𐴡𐴏𐴥𐴝𐴘 𐴊𐴞𐴘𐴝 𐴎𐴝𐴘𐴁𐴡 𐴱𐴱

Sources : Ukhiyanews.com