𐴑𐴠𐴀𐴠𐴔𐴡𐴃 𐴈𐴥𐴡𐴌𐴝𐴁 𐴔𐴝𐴙𐴕𐴐𐴡𐴌 𐴇𐴥𐴝𐴔𐴓𐴝𐴃 𐴌𐴟𐴇𐴝𐴙𐴚𐴒𐴙𐴝 𐴕𐴠𐴃𐴝𐴌 𐴔𐴡𐴗𐴃 𐴱𐴱

𐴑𐴝𐴑𐴏𐴡 𐴁𐴝𐴎𐴌 𐴀𐴟𐴑𐴤𐴞𐴘𐴝 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔𐴡𐴃 , 𐴈𐴥𐴡𐴌𐴝𐴁 𐴔𐴝𐴙𐴕𐴐𐴡𐴌 𐴇𐴥𐴝𐴔𐴓𐴝𐴃 𐴌𐴟𐴇𐴝𐴙𐴚𐴒𐴙𐴝 𐴕𐴠𐴃𐴝 ( 𐴏𐴥𐴝𐴁 𐴔𐴝𐴎𐴞 ) 𐴀𐴠𐴑 𐴎𐴡𐴕𐴡𐴌 𐴔𐴡𐴗𐴃 𐴀𐴥𐴡𐴘𐴧𐴠 , 𐴀𐴠𐴑𐴟𐴀𐴞 𐴒𐴤𐴡𐴄𐴡𐴕𐴝𐴃 𐴀𐴝𐴌 𐴀𐴠𐴑 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴒𐴤𐴝𐴙𐴓 𐴀𐴥𐴡𐴘𐴧𐴠 𐴱𐴱

𐴀𐴡𐴑𐴄𐴟𐴁𐴡𐴌 𐴔𐴝𐴐𐴡𐴌 𐴵 𐴱 𐴃𐴝𐴌𐴥𐴞𐴑 𐴐𐴤𐴡𐴕𐴞 𐴁𐴝𐴌𐴠 𐴀𐴥𐴝𐴣𐴎𐴡𐴙𐴕𐴧𐴝 𐴓𐴡𐴒𐴁𐴤𐴡𐴒𐴢 𐴶 𐴁𐴝𐴎𐴠 , 𐴹 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴀𐴠 / 𐴸 𐴱 𐴓𐴡𐴔𐴁𐴤𐴡𐴌 𐴁𐴡𐴓𐴡𐴑𐴡𐴌 𐴀𐴠𐴑𐴧𐴤𐴝𐴕 𐴊𐴟𐴖𐴝𐴕𐴡𐴌 𐴔𐴟𐴀𐴟𐴕𐴃𐴟 𐴒𐴤𐴡𐴄𐴡𐴕𐴝 𐴘𐴝𐴀𐴝𐴕 𐴒𐴤𐴡𐴙𐴄𐴧𐴙𐴠 , 𐴔𐴡𐴌𐴞 𐴒𐴞𐴘𐴡𐴘 𐴊𐴠 𐴀𐴥𐴞𐴁𐴝 𐴀𐴥𐴡𐴙𐴓𐴊𐴠 𐴳 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔 𐴀𐴠𐴉𐴢 𐴲 𐴁𐴡𐴓𐴡𐴑𐴡𐴌 𐴁𐴤𐴝𐴐𐴞𐴕𐴊𐴝 𐴔𐴡𐴓𐴡𐴘 𐴏𐴡𐴘𐴧𐴡𐴊 𐴑𐴝𐴏𐴞𐴔𐴡𐴌 𐴉𐴟𐴖𐴝 / 𐴔𐴡𐴓𐴡𐴘 𐴘𐴟𐴕𐴟𐴏𐴢 𐴱𐴱

𐴒𐴤𐴝𐴙𐴓 𐴀𐴥𐴡𐴘𐴧𐴠𐴊𐴠 𐴀𐴥𐴞𐴁𐴝 𐴀𐴥𐴡𐴙𐴓𐴊𐴠 𐴳 𐴱 𐴓𐴡𐴔𐴁𐴤𐴡𐴌 𐴑𐴠𐴀𐴠𐴔𐴡𐴌 𐴀𐴠𐴉𐴢 𐴁𐴡𐴓𐴡𐴑𐴡𐴌 𐴕𐴠𐴃𐴝 ( 𐴇𐴥𐴠𐴋 𐴔𐴝𐴎𐴞 ) 𐴔𐴟𐴇𐴝𐴔𐴧𐴡𐴊 𐴀𐴝𐴕𐴖𐴝𐴌 , 𐴸 𐴓𐴡𐴔𐴁𐴤𐴡𐴌 𐴀𐴥𐴝𐴣𐴃𐴞𐴘𐴝𐴌𐴞 𐴉𐴟𐴓𐴞𐴐𐴢 𐴁𐴠𐴄𐴠𐴓𐴞𐴘𐴠𐴕𐴡𐴌 𐴀𐴠𐴏𐴞𐴏𐴄𐴤𐴠𐴕 𐴉𐴟𐴓𐴞𐴐𐴢 𐴏𐴟𐴂𐴥𐴝𐴌 ( 𐴔𐴞𐴋𐴞𐴘𐴝 ) 𐴔𐴟𐴇𐴝𐴔𐴧𐴡𐴊 𐴉𐴝𐴌𐴟𐴑 𐴀𐴝𐴇𐴔𐴡𐴊𐴠 , 𐴒𐴤𐴡𐴄𐴡𐴕𐴝 𐴘𐴝𐴀𐴝𐴕 𐴏𐴥𐴡𐴀𐴞 𐴈𐴥𐴝𐴄𐴞 𐴁𐴡𐴓𐴞 𐴈𐴡𐴘𐴧𐴠 𐴱𐴱

𐴀𐴥𐴞𐴁𐴝𐴌 𐴅𐴝𐴕𐴑𐴝𐴌𐴞 𐴔𐴡𐴎𐴞𐴕 , 𐴈𐴥𐴡𐴌𐴝𐴁 𐴔𐴝𐴙𐴕𐴐𐴡𐴌 𐴋𐴝𐴀𐴝𐴘 𐴀𐴟𐴒𐴧𐴤𐴗𐴝 𐴘𐴠 𐴹 𐴱 𐴓𐴡𐴔𐴁𐴤𐴡𐴌 𐴌𐴟𐴇𐴝𐴙𐴚𐴒𐴙𐴝 𐴌𐴞𐴉𐴟𐴎𐴞 𐴑𐴠𐴀𐴠𐴔 𐴁𐴡𐴓𐴡𐴑 𐴀𐴠 / 𐴸 𐴱 𐴓𐴡𐴔𐴁𐴤𐴡𐴌𐴡𐴃 𐴊𐴟𐴖𐴝𐴕 𐴀𐴠𐴑𐴧𐴤𐴠𐴕𐴡𐴌 𐴔𐴟𐴀𐴟𐴕𐴃𐴟 , 𐴊𐴟𐴘 𐴎𐴡𐴕 𐴌𐴟𐴇𐴝𐴙𐴚𐴒𐴙𐴝 𐴕𐴠𐴃𐴝 ( 𐴔𐴝𐴎𐴤𐴞 ) 𐴌𐴠 , 𐴈𐴡𐴊𐴦𐴟𐴕 𐴈𐴥𐴡𐴌𐴝𐴁 𐴔𐴝𐴙𐴕𐴐𐴠 𐴒𐴟𐴐𐴧𐴤𐴝𐴌 𐴇𐴥𐴝𐴓𐴡𐴃𐴡𐴃 𐴀𐴝𐴎𐴧𐴗𐴝 𐴃𐴝𐴎𐴧𐴗𐴝 𐴑𐴟𐴉𐴝 𐴐𐴤𐴟𐴌𐴟 𐴒𐴡𐴙𐴅𐴧𐴤𐴙𐴠 𐴱𐴱

𐴀𐴠𐴀𐴞 𐴒𐴤𐴡𐴄𐴡𐴕𐴝𐴌 𐴎𐴝𐴒𐴝𐴃 𐴏𐴥𐴝𐴁 𐴔𐴝𐴎𐴤𐴞 𐴔𐴡𐴓𐴡𐴘 𐴘𐴟𐴕𐴟𐴏𐴢 𐴀𐴥𐴡𐴊𐴡𐴃 𐴔𐴡𐴌𐴞 𐴒𐴞𐴘𐴡𐴘 , 𐴀𐴝𐴌 𐴇𐴥𐴠𐴋 𐴔𐴝𐴎𐴤𐴞 𐴀𐴝𐴕𐴖𐴝𐴌 𐴊𐴡𐴌𐴥𐴡 𐴔𐴡𐴌𐴥𐴡 𐴒𐴤𐴝𐴙𐴓 𐴀𐴥𐴡𐴘𐴧𐴠 , 𐴔𐴡𐴌𐴝 𐴓𐴝𐴐𐴢 𐴘𐴝𐴀𐴝𐴕𐴃𐴟 𐴓𐴡𐴘 𐴇𐴥𐴝𐴐𐴉𐴝𐴃𐴝𐴓 𐴉𐴡𐴣𐴀𐴡𐴏𐴝𐴘 𐴊𐴞𐴘𐴝 𐴒𐴞𐴘𐴠 , 𐴀𐴝𐴌 𐴒𐴤𐴝𐴀𐴝𐴙𐴓𐴧𐴝 𐴀𐴝𐴕𐴖𐴝𐴌𐴡 𐴌𐴥𐴠 𐴇𐴥𐴝𐴐𐴉𐴝𐴃𐴝𐴓𐴡𐴃 𐴁𐴤𐴡𐴃𐴧𐴞 𐴒𐴡𐴌𐴥𐴝𐴘 𐴀𐴠𐴓𐴝𐴅 𐴏𐴞𐴑𐴞𐴃𐴐𐴤𐴝 𐴒𐴡𐴌𐴠𐴀𐴠𐴌 𐴱𐴱

𐴈𐴡𐴌𐴝𐴁 𐴔𐴝𐴙𐴕𐴐𐴡𐴌 𐴋𐴝𐴀𐴝𐴘 𐴀𐴥𐴞𐴁𐴝𐴃 𐴵 𐴱 – 𐴰 𐴲 𐴎𐴡𐴕 𐴓𐴡𐴃𐴞 𐴀𐴝𐴏𐴥𐴠 𐴁𐴡𐴓𐴞 𐴉𐴟𐴓𐴞𐴐𐴢 𐴏𐴟𐴂𐴥𐴝𐴌 / 𐴉𐴝𐴌𐴟𐴑 𐴀𐴝𐴇𐴔𐴡𐴊𐴠 𐴈𐴡𐴘𐴧𐴠 , 𐴒𐴤𐴡𐴄𐴡𐴕𐴝𐴌 𐴓𐴡𐴒𐴠 𐴓𐴡𐴒𐴠 𐴒𐴤𐴡𐴄𐴡𐴕𐴝𐴌 𐴎𐴝𐴒𐴝𐴃 , 𐴀𐴠 𐴂𐴞 𐴁𐴞 𐴀𐴠𐴕𐴡𐴌 𐴉𐴥𐴡𐴗𐴏𐴢 𐴔𐴟𐴃𐴦𐴝𐴙𐴕 𐴒𐴡𐴌𐴥𐴞 𐴊𐴞𐴘𐴝 𐴒𐴞𐴘𐴠 , 𐴀𐴝𐴌 𐴀𐴡𐴉𐴡𐴌𐴝𐴊𐴞 𐴀𐴥𐴡𐴑𐴧𐴡𐴓𐴡𐴌𐴠 𐴒𐴠𐴌𐴠𐴉𐴃𐴝𐴌 𐴒𐴡𐴌𐴥𐴞𐴁𐴝𐴌 𐴑𐴝𐴌𐴖𐴝𐴘 𐴏𐴡𐴓𐴠𐴀𐴠𐴌 𐴱𐴱

Sources : Ukhiyanews.com