𐴏𐴥𐴞𐴔 𐴊𐴡𐴗𐴚 𐴂𐴡𐴌𐴝𐴚 𐴉𐴝𐴌𐴝𐴌 𐴳 𐴓𐴡𐴔𐴁𐴤𐴡𐴌 𐴌𐴥𐴠𐴑𐴧𐴤𐴗𐴝𐴌 𐴔𐴡𐴏𐴥𐴡𐴙𐴃𐴡𐴃 𐴋𐴝𐴣𐴈𐴝𐴃𐴞 𐴱𐴱

𐴀𐴝𐴙𐴅𐴧𐴙𐴝 𐴹 𐴃𐴝𐴌𐴥𐴞𐴑 𐴀𐴡𐴑𐴄𐴟𐴁𐴡𐴌 𐴔𐴝𐴐𐴢 𐴌𐴝𐴙𐴃𐴧𐴙𐴝 𐴀𐴡𐴕𐴟𐴔𐴝𐴕𐴞𐴑 𐴀𐴠𐴑 𐴁𐴝𐴎𐴠 , 𐴏𐴥𐴞𐴔 𐴊𐴡𐴗𐴚 𐴂𐴡𐴌𐴝𐴚 𐴉𐴝𐴌𐴝𐴌 𐴃𐴞𐴕 𐴓𐴡𐴔𐴁𐴤𐴡𐴌 𐴌𐴥𐴠𐴑𐴧𐴤𐴗𐴝𐴌 𐴔𐴡𐴏𐴥𐴡𐴙𐴃𐴡𐴃 𐴋𐴝𐴣𐴈𐴝𐴃𐴞 𐴀𐴥𐴡𐴘𐴧𐴠 𐴁𐴡𐴓𐴞 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

𐴒𐴤𐴡𐴄𐴡𐴕𐴝 𐴀𐴥𐴡𐴙𐴓𐴊𐴠 , 𐴋𐴤𐴟 𐴀𐴟 𐴎𐴞 𐴔𐴥𐴝 𐴉𐴝𐴌𐴝𐴃𐴧𐴤𐴟 𐴏𐴥𐴞𐴔 𐴊𐴡𐴗𐴚 𐴉𐴝𐴌𐴝𐴃 𐴊𐴤𐴡𐴌𐴔𐴡 𐴎𐴝𐴕𐴝𐴘 𐴊𐴞𐴀𐴞𐴁𐴡𐴓𐴧𐴝 𐴃𐴡𐴁𐴓𐴞𐴒𐴡𐴌 𐴓𐴝𐴙𐴕𐴠 𐴇𐴥𐴝𐴣𐴃 𐴎𐴡𐴕 𐴔𐴡𐴓𐴡𐴘 𐴏𐴦𐴝𐴁𐴢 𐴀𐴝𐴙𐴐𐴧𐴤𐴙𐴠 , 𐴃𐴡𐴀𐴡𐴘 𐴁𐴦𐴝𐴊𐴠 𐴔𐴡𐴓𐴡𐴘 𐴏𐴦𐴝𐴁 𐴇𐴥𐴝𐴣𐴃 𐴎𐴡𐴕 𐴐𐴤𐴡𐴣𐴀𐴡 , 𐴏𐴥𐴞𐴔 𐴊𐴡𐴗𐴚 𐴉𐴝𐴌𐴝𐴌 𐴰 𐴲 𐴎𐴡𐴕 𐴓𐴡𐴃𐴞 𐴱𐴱

𐴔𐴝𐴕𐴥𐴟𐴙𐴐𐴢 𐴔𐴡𐴏𐴥𐴡𐴙𐴃𐴡𐴌 𐴁𐴤𐴟𐴃𐴡𐴌𐴠 𐴀𐴝𐴏𐴥𐴠𐴊𐴠 𐴀𐴡𐴑𐴃𐴤𐴡𐴃 , 𐴀𐴠 𐴀𐴠 𐴔𐴡𐴒𐴢 𐴁𐴝𐴒𐴞𐴌 𐴉𐴟𐴐𐴤𐴝𐴑 𐴉𐴞𐴕𐴊𐴤𐴝 𐴀𐴝𐴌 𐴔𐴟𐴑 𐴁𐴝𐴙𐴕𐴊𐴤𐴝 𐴔𐴝𐴕𐴥𐴟𐴙𐴐𐴢 𐴀𐴠𐴑 𐴎𐴡𐴕 𐴔𐴡𐴏𐴥𐴡𐴙𐴃𐴡𐴌 𐴁𐴤𐴟𐴃𐴡𐴌𐴠 𐴒𐴤𐴡𐴙𐴓𐴧𐴙𐴠 𐴒𐴤𐴝𐴘 , 𐴁𐴦𐴝𐴊𐴠 𐴔𐴝𐴕𐴥𐴟𐴙𐴐𐴢 𐴀𐴥𐴞𐴁𐴝 𐴕𐴡 𐴔𐴝𐴃𐴞𐴘𐴡𐴌𐴠 , 𐴁𐴟𐴑 𐴔𐴝𐴙𐴕𐴐𐴤𐴡𐴌 𐴀𐴝𐴊𐴝𐴑𐴝𐴌𐴞 𐴒𐴡𐴌𐴥𐴞 𐴀𐴥𐴝𐴃𐴠 𐴄𐴤𐴠𐴚𐴠 𐴀𐴞𐴐𐴤𐴝𐴌𐴝 𐴒𐴡𐴌𐴥𐴞 , 𐴔𐴡𐴏𐴥𐴡𐴙𐴃𐴡𐴌 𐴁𐴤𐴟𐴃𐴡𐴌𐴠 𐴀𐴝𐴏𐴥𐴠𐴊𐴠 𐴔𐴝𐴙𐴕𐴐𐴡𐴌𐴃𐴧𐴟, 𐴄𐴞𐴛𐴝 𐴀𐴝𐴌 𐴔𐴟𐴁𐴦𐴝𐴙𐴓 𐴉𐴥𐴟𐴕 𐴀𐴥𐴡𐴑𐴧𐴡𐴓 𐴔𐴝𐴒𐴠𐴀𐴠𐴌 𐴱𐴱

𐴁𐴦𐴝𐴊𐴠 𐴔𐴡𐴏𐴥𐴡𐴙𐴃𐴡𐴌 𐴁𐴝𐴀𐴝𐴌𐴠 𐴏𐴝𐴙𐴌𐴀𐴥𐴡 𐴋𐴤𐴝𐴑𐴡𐴃𐴧𐴟 𐴲 𐴱 𐴎𐴡𐴕 𐴓𐴡𐴃𐴞 𐴔𐴝𐴕𐴥𐴟𐴙𐴐𐴢 𐴀𐴥𐴝𐴣𐴃𐴞𐴘𐴝𐴌 𐴓𐴡𐴘 𐴒𐴤𐴞𐴌𐴞 𐴊𐴤𐴡𐴙𐴅𐴧𐴙𐴠 𐴁𐴡𐴓𐴞 𐴔𐴡𐴓𐴡𐴘 𐴏𐴦𐴝𐴁 𐴀𐴥𐴡𐴑𐴧𐴡𐴓𐴠 𐴈𐴡𐴘𐴧𐴠 , 𐴔𐴡𐴓𐴡𐴘 𐴏𐴦𐴝𐴁 𐴀𐴥𐴡𐴑𐴧𐴡𐴓𐴠 𐴋𐴡𐴌𐴠 𐴄𐴞𐴛𐴝 𐴀𐴝𐴌 𐴉𐴥𐴟𐴕 𐴊𐴞𐴀𐴞 𐴉𐴥𐴠𐴓𐴥𐴝𐴘𐴧𐴠𐴊𐴠 𐴘𐴝𐴀𐴝𐴕 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

𐴁𐴦𐴝𐴊𐴠 𐴀𐴠 𐴀𐴠 𐴔𐴡𐴒𐴢 𐴁𐴝𐴒𐴞𐴌 𐴉𐴟𐴐𐴤𐴝𐴑 𐴉𐴞𐴕𐴊𐴤𐴝 𐴔𐴝𐴕𐴥𐴟𐴙𐴐𐴢 𐴀𐴥𐴞𐴁𐴝 𐴔𐴡𐴏𐴥𐴡𐴙𐴃𐴡𐴌 𐴁𐴝𐴀𐴝𐴌𐴠 𐴕𐴠𐴀𐴠𐴓𐴞 𐴘𐴥𐴡𐴌𐴠 , 𐴔𐴡𐴏𐴥𐴡𐴙𐴃𐴡𐴌 𐴊𐴡𐴌𐴡𐴎𐴝 𐴄𐴝𐴓𐴝 𐴔𐴝𐴌𐴞 𐴊𐴞𐴘𐴠 ,𐴏𐴥𐴞𐴔 𐴊𐴡𐴗𐴚 𐴉𐴝𐴌𐴝𐴌 𐴔𐴝𐴙𐴕𐴐𐴠 𐴔𐴡𐴓𐴡𐴘 𐴏𐴦𐴝𐴁 𐴀𐴝𐴌 𐴉𐴝𐴙𐴅𐴧𐴙𐴝 𐴔𐴝𐴕𐴥𐴟𐴙𐴐𐴢 𐴀𐴥𐴡𐴑𐴧𐴡𐴓 𐴔𐴡𐴏𐴥𐴡𐴙𐴃𐴡𐴃𐴧𐴟 𐴕𐴡 𐴕𐴠𐴀𐴠𐴓𐴠𐴌 𐴑𐴤𐴙𐴝 𐴈𐴥𐴡𐴁𐴡𐴌 𐴎𐴝𐴕𐴞 𐴏𐴝𐴀𐴝𐴌𐴊𐴠 𐴀𐴡𐴑𐴃𐴤𐴡𐴃 𐴱𐴱

𐴒𐴤𐴡𐴄𐴡𐴕𐴝 𐴘𐴝𐴀𐴝𐴕 𐴎𐴝𐴕𐴞𐴀𐴞 𐴉𐴝𐴙𐴅𐴧𐴤𐴙𐴠 𐴁𐴡𐴓𐴞 𐴅𐴝𐴕𐴑𐴝𐴌𐴞 𐴉𐴝𐴀𐴝 𐴒𐴞𐴘𐴠 , 𐴉𐴝𐴙𐴅𐴧𐴙𐴝 𐴔𐴝𐴙𐴕𐴐𐴡𐴌 𐴈𐴡𐴃𐴤𐴝 𐴔𐴡𐴎𐴞𐴕 , 𐴏𐴥𐴞𐴔 𐴊𐴡𐴗𐴚 𐴉𐴝𐴌𐴝𐴌 𐴓𐴝 𐴓𐴥𐴝 𐴔𐴞𐴛𐴝 𐴘𐴠 𐴔𐴡𐴒𐴢 𐴁𐴝𐴒𐴞 𐴓𐴡𐴘 𐴔𐴞𐴓𐴞 , 𐴀𐴠 𐴈𐴝𐴔 𐴘𐴝𐴀𐴝𐴕 𐴒𐴡𐴙𐴅𐴧𐴤𐴙𐴠 𐴁𐴡𐴓𐴞 𐴁𐴟𐴎𐴤𐴝 𐴎𐴝𐴀𐴝𐴌 , 𐴘𐴝𐴀𐴝𐴌 𐴀𐴝𐴒𐴠 𐴘𐴥𐴡 𐴉𐴝𐴌𐴝 𐴘𐴝𐴀𐴝𐴕𐴡𐴃 𐴀𐴠𐴕𐴋𐴞𐴓𐴧𐴝 𐴔𐴦𐴝𐴔𐴠𐴓𐴝 𐴀𐴥𐴡𐴘𐴧𐴠𐴊𐴠 𐴀𐴝𐴏𐴥𐴠 , 𐴒𐴤𐴡𐴄𐴡𐴕𐴝 𐴘𐴝𐴀𐴝𐴕𐴡𐴌 𐴈𐴥𐴡𐴁𐴡𐴌 𐴁𐴝𐴀𐴝𐴌 𐴔𐴞𐴑𐴧𐴤𐴙𐴝 𐴒𐴞𐴓𐴥𐴠 𐴔𐴡𐴓𐴡𐴘 𐴏𐴦𐴝𐴁 𐴀𐴥𐴟𐴀𐴟𐴕𐴡𐴌𐴠 𐴔𐴝𐴌𐴞 𐴉𐴥𐴠𐴓𐴥𐴝𐴘𐴁𐴡 𐴁𐴡𐴓𐴞 𐴊𐴤𐴡𐴔𐴑𐴞 𐴊𐴞𐴘𐴠 𐴋𐴡𐴌 𐴓𐴝𐴒𐴝𐴘𐴧𐴠 𐴁𐴡𐴓𐴞 𐴎𐴝𐴕𐴝𐴀𐴝 𐴒𐴞𐴘𐴠 𐴱𐴱

Sources : မေယုဝတီ